الحوار المتمدن - موبايل
الموقع الرئيسي


مطلوب : اعدام الست نزيهه - وضمانات ومراقبة دولية لصيقة لانتخابات رياسة مصر

جاك عطالله

2012 / 5 / 17
العلمانية، الدين السياسي ونقد الفكر الديني


ادلى سيادة المشير حاكم مصر العسكرى بتصريح خطير اليوم

المشير طنطاوي يتعهد بانتخابات رئاسية نزيهة في مصر
أ. ف. ب.القاهرة:
تعهد رئيس المجلس الاعلى للقوات المسلحة المشير حسين طنطاوي الاربعاء بأن تكون الانتخابات الرئاسية التي ستبدأ الاربعاء المقبل نزيهة.

وقال ان "مصر ستقدم نموذجا يشهد له العالم في اجراء انتخابات رئاسية بارادة شعبية حرة ونزيهة".

ودعا طنطاوي الذي يقوم مقام رئيس الجمهورية منذ اسقاط حسني مبارك في 11 شباط/فبراير 2011، "الشعب المصري الى القيام بمسؤوليته الوطنية خلال الانتخابات الرئاسية" المقبلة,
-----------------------------
انتهى تصريح المشير طنطاوى الطازة ( لسه من ساعة واحدة بتوقيت القاهرة)
ولم يوضح السيد المشير ازاى ها تكون نزيهه ؟؟وهل نزيهه دى السين او كلمة السر للتزوير واسع النطاق؟؟؟ وهل ستكون نزيهه من نوع غزوة الصناديق فى الاستفتاء ومن يقول نعم يدخل الجنة ؟؟ام نزيهه بالفراخ و الزيت والارز و كيلو لحمة والان حملة الشيخ مرسى من الاخوان توزع جوالات بطاطس لتصريف محصول ارض المرشد والشاطر ومزارع القوات المسلحة اللى محدش عاوز يستورده لوجود افات مسممه للبشر فيه ؟؟

ويللا يسمموا الشعب المصرى الغلبان احسن وارخص مادام الاجانب موش عاوزين يتسمموا

طيب يا سيادة المشير كنا ها نحترمك ونصدقك لو طخيت الست نزيهه مدفع جرينوف ولا حزام ناسف ولا كام رصاصة من احد قناصى وزارة الداخلية او حتى سكينة من احد بلطجية وزارة الداخلية او بلطجية حبايبك الاخوان والسلفيين تخلصنا منها ومن بلاويها من سنة اتنين وخمسين هريتونا تزوير و تقولوا نزيهه

او لو كنت طلبت لجان دولية للاشراف ومراقبة الانتخابات النزيهه اللى بتضحك علينا بيها

او لو كنت قبضت على واستبعدت كل قضاة السلفيين والاخوان و الموظفين تبعهم اللى زوروا الاستفتاء على الاعلان الدستورى وزوروا انتخابات مجلس الشعب بتغيير كامل للصناديق بين اليومين و ايضا ملأ اسماء المتوفين و المحكوم عليهم و الذين لم يحضروا لصالح السلفيين والاخوان وهناك مئات الطعون على هذه الانتخابات المزورة وفى الاخر قالوا عليها نزيهه ؟؟؟؟!!!!
---------------------------------------------
بصراحة انا باتشاءم جدا لما باسمع المجلس العسكرى وقبله وزراء الداخلية وقبلهم المخلوع مبارك بيجيبوا سيرة الست نزيهه فى كل حاجة ويحشروها خصوصا فى الانتخابات اللى كانت مزيفة بكل الانتخابات المصرية من 1952 وطالع يعنى الست نزيهه من حقها دلوقت ترفع قضية رد شرف لاستخدام اسمها فى التزوير و ايضا تطلب معاش محترم ومكافاة نهاية خدمة مجزىة لانها بتشتغل مع الداخلية من 60 سنة بكل ضمير و بتزور كل انتخابات حتى المحلية او انتخابات نقابية او صحفيين او مهندسين او اطباء--

احنا لازم نصحصح فى انتخابات الرياسة لان الست نزيهه لسه ما طلعتش على المعاش ومازالت نشيطة تمارس عملها بكل ذمة وضمير -

العسكرى ها يجيب المرشح اللى اتفق معاه يسيبهم يختارو وزراء السيادة و يتحكم من تحت الترابيزة بميزانية القوات المسلحة و يعمل طناش وموش واخد باله على المشاريع الاقتصادية التى ينهبها العسكريين الكبار بالملايين و المليارات فى بلد موش لاقية تاكل -

العسكرى ارتكب جرائم قتل جماعى للاقباط و الثوريين وحتى انصار ابو اسماعيل والاخوان اشتركو بموقعه الجمل وقتلوا الثوار وبعدها كل المجازر من ماسبيرو ومحمد محمود و مجلس الوزراء ومجلس الشعب وغيرها -

معلش اول قرار يا سيادة المشير عاوزك نقبض على الست نزيهه و نعدمها هى واللى وراها بيزوروا الانتخابات على حسها -

عاوزين انتخابات مراقبة دوليا ومن منظمات المجتمع المدنى بكثافة وبكل اللجان

عاوزين فرز الاصوات مباشرة بنفس مكان التصويت و ختم كل صوت صحيح اتعد بختم رئيس اللجنة و حفظ اوراق التصويت لاعادة الفرز باى وقت بعد تبييضها بكشوف رسمية

عاوزين القضاة التى ثارت حولهم شكاوى التزوير هم والموظفين بالدعاية للاخوان او بترك الصناديق تستبدل عينى عينك او بالتصويت للاخوان نيابة عن المواطنين البسطاء يجب استبعادهم تماما ومحاكمتهم بتهم مخلة بالشرف

اذا باقترح كده كخطوة اساسية لاكتساب ثقة المواطن فى نزاهه الانتخابات وانا متاكد انك مانتاش عامل حاجة وها تعمل العكس

وان دى تصريحات فرح العمدة رصاص فشنك

محدش مصدقك لا انت ولا ابو الفتوح ولا بديع ولا صباحى اللى اتفق من تحت لتحت ورجع لاصله الاخوانجى القديم

يجب ان ينتبه الشعب والمنظمات الدولية الى احتمالات التزوير واسع النطاق المحتمل وان يرصد بالصوت والصورة كل التجاوزات و يبلغ بها اللجنه و الصحافة والاعلام لتوثيقها وسلم لى على الست نزيهه





التعليق والتصويت على الموضوع في الموقع الرئيسي


التعليقات

1 - لازيت ولاسكر هاتبقى حلاوه
حكيم العارف ( 2012 / 5 / 17 - 03:11 )
اطمئن الست نزيهه المره دى هتحاول ترجعهم طره تانى ...

اصل الجيش ممكن يتلدع من الشيوخ ببساطه جدا ....وانا قلت ايه قبل كده ...الاسلاميون يتربصون بالجيش ولكن المشكله ان الجيش عبيط وساذج وفاكر ان كل الناس عبيطه زيهم ...

اطمئن لو كسب الاسلاميون ...المشانق ستعلق للجيش قبل الرئيس السابق.. لازيت ولاسكر هاتبقى حلاوه

2 - خالتى نزيهه
‎هانى شاكر ( 2012 / 5 / 17 - 06:09 )

دراسه بسيطه للرقم السحرى - المليون - ربما تعطينا زاوية جديدة لننظر منها على مصر الدوله و المجتمع. ولكى نفهم ايضا مدى الخراب الذى اجراه حكم العسكر لمصر فى السنوات الستين اللعينه التى اغتصبوا فيها مصر الدولة و الوطن وتفوق فى هذا الاغتصاب حسنى مبارك ويكمل ألمشير نفس ألمسيرة ألمباركة :

1 - مليون جنيه فى الساعه : هو دخل مبارك شخصيا من السرقات و الرشاوى و العمولات. دخل مبارك الشخصى السنوى راوح المليار - بليون - دولار سنويا . مش بطال لصايع لا يملك من مواهب اكثر من دعاء الوالدين. هذا ألتيار ألمليونى جرى تحويل مساره .. بالضرورة إلى مكتب ألمشير


2 - مليون جنيه يوميا : دخل مجموعه شيطانيه من النافذين - اصحاب النفوذ . عددهم حوالى مائة شخص يتقدمهم ملوك الرذاله و البلطجه اولاد مبارك وبعدهم المشير طنطاوى الذى حصل على مرتب وعلاوات و بدلات و سرقات فى شهر اكتوبر 2010 , 21 - واحد وعشرون - مليون جنيه بس - فقط لاغير - . و اللسته تضم اسماء سماسرة سلاح و عقارات و حديد و ضمائر مثل العادلى و عز و حسين سالم و
احمد - لا مؤاخذه - نظيف و قاتل القلوب وألفنانات حرامى سان استفانو ... الخ

3 - الست نزيهة
عدلي جندي ( 2012 / 5 / 17 - 20:57 )
المصري الأصيل ...الست نزيهة هي علم من معالم الشخصية المصرية... للأسف أنها الحقيقة بدءا من ....خلي وكيلك ربنا وده راجل بتاع اللات وشعبنا له ثوابت وأصول ولنا عادات وتقاليد ..لا تجد الست نزيهة شعوب تقبلها كما قبلتها شعوبنا عن طيب خاطر ورضا تام خاصة بعدما الست نزيهة وضعت حجاب التقوي ولم تعد فقط الست نزيهة بل أصبحت .... الح.. جة ..ن؟؟؟؟ تحية لك

4 - شكرا استاذتنا
جاك عطالله ( 2012 / 5 / 18 - 03:20 )
استاذنا حكيم العارف
حلاوة وزيتون ؟؟ ده اللى بياكله الاقباط فى الصيام كده ها يغلو علينا حتى الحلاوة والزتون يعنى خاربين بيتنا فى الحكومة وفى السجن كمان البعدا منهم لله

استاذ هانى شاكر
الله يخرب بيتهم بيودوا الفلوس دى كلها فين ؟؟ دى تكفيهم لعاشر جيل - محدش يحن علينا ح
تى برجل كرسى نبل ريقنا اللى نشف من مصايبهم السودا ؟؟؟

الاستاذ عدلى جندى

الست نزيهه هية اللهو الخفى كلهم مستخبيين وراها و هيه ماحدش شافها

اخر الافلام

.. جون مسيحة: مفيش حاجة اسمها إسلاموفوبيا.. هي كلمة من اختراع ا

.. كل يوم - اللواء قشقوش :- الفكر المذهبي الحوثي إختلف 180 درج



.. الاحتلال يمنع مئات الفلسطينيين من إقامة صلاة الجمعة في المسج

.. جون مسيحة: -جماعات الإسلام السياسي شغالة حرائق في الأحياء ال



.. إبراهيم عبد المجيد: يهود الإسكندرية خرجوا مجبرين في الخمسيني