الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
نوارة نجم -ومحمد مرسى - وخيبة الاقباط
جاك عطالله
2012 / 6 / 7العلمانية، الدين السياسي ونقد الفكر الديني
اول القصيدة كفر
تويت لنوارة نجم من تويتر عن الاقباط والانتخابات الرئاسية:
عشان نختصر موضوع المسيحيين وما نلتش فيه كتير.. اي حد حيقول للمسيحيين حابني لكم كنايس حينتخبوه، هم عايزين كنيسة يصلوا فيها من غير ما يتحرقوا.
الموضوع بالنسبة للمسيحيين لا فارق معاهم شريعة من عدمه ولا فارق معاهم اي بتنجان.. عايزين كنيسة يرشقوا فيها من غير ما حد ينكد عليهم.
وميدو قاعد يقولي لا وبرضه فيه مناصب واقسام لا يرأسوها والكلام ده.. اذكر اي مظاهرة عملها المسيحيين لاي سبب تاني غير انهم عايزين يصلوا.
اي مرشح طرح مشروع لتعديل قوانين بناء الكنائس وترميمها هم راشقين معاه.. الناس بترضى بقليلها وكل اللي يهمهم في الحياة انهم يصلوا سيبوهم يصلوا.
سيبوهم يصلوا.. ده طلب مش صعب.. سيبوهم يصلوا.. سيبوهم يصلوا سيبوهم يصلوا.. سيبوهم يصلوا.. سيبوهم يصلوا.. مش عايزين منكم حاجة تانية.
عندهم مشاكل كتير تانية وقرف في حياتهم.. وفعلا حكاية الكنايس اللي بتتحرق عليهم دي.. بصراحة اوفر.
يعني تنكد على البني ادم عيشته وكمان مش مخليه يعرف يشتكي لربنا هههههههههه طب يروح فين طيب؟
انا عمري ما شفتهم عاملين مظاهرة عشان مافيش مسيحي بيرأس قسم النسا والولادة مثلا.. كل مظاهراتهم عشان عايزين يصلوا.. هم طالبين معجزة؟
اه يعني فكرني كده امتى جامع اتحرق ولا انفجر على اللي بيصلوا فيه؟ هو ده مطلب صعب ان الناس تصلي من غير ما تولع؟
-------------------------------------------------------------------------------
خلاص خلص كلام الست نوارة و معلش الكلام فقعنى وقررت ان ارد
وارجو من الاخوة اصحاب المواقع ان ينشرو هذه الرد الذى اوجهه للجميع
حتى نضع النقاط فوق الحروف و اتمنى ان تحدث مناقشات واسعه حول ما يطلبه الاقباط وماهى خطوطهم الحمراء
هل يريد الاقباط ان يتركهم المسلمين يصلو وخلاص و يسرقو وطنهم و يصبح احدى الولايات فى خلافة اسلامية مدمرة تحارب طواحين
الهواء باموالنا ودماء شبابنا ؟؟
هل يريد الاقباط والمسلمين ان نكون مثل كسرة الخبز التى يبوسها
الناس ويضعوها جنب الحيط ؟؟؟؟
كلام الست نواره ماسخ و خبيث ظاهره الرحمة وباطنه العذاب -
الكلام ده يا ست نوارة كان يمشى قبل 25 يناير وقبل خروج الاقباط من عباية الكنيسة ومن المظاهرات داخل الكاتدرائية وقبل اشتباكهم مع الامن المركزى فى عزبة الزبالين وفى ميدان الجيزة بعد حادثة المريناب و هذا ما كشف القوة الحقيقية للمسيحيين و للامن المركزى - و نبه المصريين الى ان كل ادوات مبارك فشنك ويمكن قهرها بشوية ابطال مستبيعين وما يهمهمش الا الدفاع عن وجودهم وحقهم فى الحياة كمواطنين اصليين و هذا ادى لاندلاع ثورة خمسة وعشرين يناير بسبب بطولة هؤلاء ومعهم شباب ماسبيرو
الاقباط لن يطلبوا كنايس يصلو فيها فقط لان مصر وطن يعيش فيهم وليس وطن يعيشون فيه -
الصلاة والعبادة حق من حقوق المواطنة و نحن نطلب مواطنة كاملة بدولة مدنية علمانية بدون نجاسة المادة الثانية المذله للاقباط و المكفرة لهم و التى تذلهم بقانون وممارسات بدوية مهينة للاقباط--
نحن اصل هذا البلد وحاليا اقلية لتقاعسنا واستخدامنا نظرية العيش مع الذل التى تتبناها لنا وتسوقها نوارة نجم--
نحن يجب ان يكون لنا قوة سياسية وراى محترم وحق الاعتراض وعدم تمرير اى قانون يضرنا كاقباط -- الربع الضامن يجب ان نعمل من اجله و هو الربع المعطل لاى قانون يؤسلم مصر او يضطهد القبطى والمراة والاقليات وهو الكوته السياسية التى يجب ان نعمل و نناضل من اجلها حتى تعتدل الكفة وممكن ان ننسق لايجادها مع الليبراليين المسلمين او ان لم تحدث وتكتلو ضدنا فعلينا البحث ببدائل الحكم الذاتى و المحاكم التمييزية و الملية او بحكومات الولايات او بالاستقلال كل حل حسب الظروف المفروضة علينا --
اما نستكين كالولايا ونستجدى بناء كنيسة نعبد الله فيها وتكون هذه كل حقوقنا
- فيفتح الله يا ست نواره نجم - انت بوق الشيطان ولن نتخلى عن مصرنا-
قاعدين على قلوبكم وهاناخد حقنا تالت ومتلت واللى زعلان يتفلق يروح يشرب من اقرب بحر
وكلمة للاقباط فى جنابهم وسامحونى تستاهلوها
ادى اكثر المسلمين ليبرالية و اعتدالا حسب ما بيقولو عاوزين يدونا كام تصريح كنيسة نتلهى فيهم ونبطل عياط زشكاوى ونتكتم
مالناش حاجة فى وطننا لا سياسة ولا اقتصاد ولا تعليم ولا اشتراك بالادارة والبناء ودى من شغل الدبلوماسية القبطية مدنيين ورجال دين والموافقات على جلسات المساطب للصلح وعدم العصيان المدنى ضد المادة الثانية المسرطنة لمصر وبدنها و السكوت على التكفير و اغتصاب القاصرات والاضطهاد والاسلمة الاجبارية بالافلاس وبالجنس وبالعقاب الجماعى من الدولة والغوغاء والازهر-
ومعلش لازم نتعلم وها نتعلم باصعب الطرق للاسف طريقة التعامل مع المحترم الذى يحترمنا و يدينا حقوقنا كاملة تختلف عن طريقة التعامل مع قطاع الطرق والصيع و البنى ادم عن الحمار وعن الحية والعقرب - الدنيا موش سايبة و حقنا لازم نعرف ناخده ازاى والعالم سيقف معنا ويحترمنا عندما نحاول الا ننبطح ونحنى ظهورنا ليجلدوها ويركبوها وخصوصا ان العين الدولية على البلد اليومين دول بالذات
طيب تخيلو بقى البعدا الاخوان والسلفيين ناويين على ايه للاقباط ؟؟؟
وما حك جلدك مثل ظفرك يا قبطى يا ما قلنا نتجمع فى تنظيم سياسى و ندور على مصالحنا كمواطنين وليس اهل ذمة ولا درجة تانية ولا رابعة عند جرابيع لا تحفظ عهد ولا ذمة ولا ضمير ولكن هواة الرفس و الزمبكة فازو و خربوها و سمع لهم الغلابة للاسف
ومعلش خدوها نصيحة من الغلبان جاك عطالله
اللى يقولك الدكتور مرسى العجلة كويس وها يدى الاقباط حقهم اديله باقدم حذاء فى متناول يدك على ام راسه
و العلاج انا متكفل بيه
|
|
التعليق والتصويت على الموضوع في الموقع الرئيسي
التعليقات
1 - هما المصريين فين ؟
عادل الليثى
(
2012 / 6 / 7 - 07:33
)
نلوم مين؟
نوارة نجم
ولا إللى خلانا نسمع لنوراة نجم ولا نسمع عن نوارة نجم ..ولو مسمعناش نوراة نجم نسمع أحمد حرارة أو الأسوانى أو حجازى أو حمدين أو حتى المرسى العبيط إللى عايز يبقى ريس ... ولا خالد على ولا عكاشة ولا أم أيمن إللى عايزة بنات مصر يتفرغوا للتطريز ولا أم خالد سعيد إللى حتبقى وزيرة عند حمدين .
جتنا نيلة
هما المصريين فين ؟
2 - مع كل الاحترام: اتكلم من مصر
عماد عبد الملك بولس
(
2012 / 6 / 7 - 07:58
)
سيدي
سأصدق سيادتك إذا عدت و تكلمت من مصر، و لكن أن تكتب أو يكتب أي من الأقباط عن السياسة المصرية من المهجر، فبكل احترام و حب أدعو سيادتك للقدوم إلي مصر و التأكد من الحقيقة ثم التعليق و التنظير
للأسف كلام الأخت نوارة بل كله صحيح، و ليس معني هذا أني مع نظرية الأخوان ضد الفلول، لكن أقول هذا إحقاقا للحق، فالأخوان لمصر = حماس لغزة و أبشع، لأن غزة تحت أنظار العالم كله
لكن نوارة أخت محترمة برغم عدم اتفاقي معها في الفكر السياسي، و عدم اتفاقي مع أن يثور الصريون بهذه الطريقة
خال الاحترام
3 - الكوميديا السوداء
جاك عطالله
(
2012 / 6 / 7 - 11:23
)
الاستاذ الفاضل عادل الليثى-
شكرا لمرورك والتعليق
المصريين عانو من لعبة دوخينى يالمونة والتعلب فات وفى ديله سبع لفات من المجلس العسكرى والاخوان منذ 25 يناير- تهريج بتهريج- عناد مميت وخيانة والتفاف على الثورة ومطالب الثورة- ابتعد الشرفاء وبقى الاندال بالساحة لان العملة الرديئة هى السائدة وبوفرة وحيث تجتمع الجثث تكثر النسور يا صديق- المدفوع بالمليارات ويبدو انه مازال هناك رمق وبعض الحياة والدم فى عروق مصر يريد العسكريين والاخوان وموزة وحمد وعبد الله ونتنياهو واوباما امتصاصها لان فوبيا مصر القوية تفزع احلامهم بالعيشة الهنية - مع اننا غلابة و نعانى من الهزال وشبه احياء لكن لدينا قناة السويس حلم دويلة قطر والاخوان ولدينا بنات حلوين حلم جرابيع الصحراء المهووسين بالجنس والى ان نفوق ان فقنا قبل الوفاة نقول عليه العوض- اخر كلام بمهزلة الرياسة انهم سيستبعدو شفيق مقابل حل مجلس الشعب و نبتدى لفة جديدة فى التعلب فات وفى ديله سبع لفات والمسرحية السخيفة مستمرة ومليارات اخرى تدفع بخطة الترطيع والافلاس
4 - امن الدولة وسرطنة مصر
جاك عطالله
(
2012 / 6 / 7 - 11:34
)
الى الاستاذ تعليق رقم 2
اشتم رائحة امن الدولة اللهم احفظنا
نغمة ارجع مصر تانى ؟؟ وبتعمل ايه بره وغيرها من الاسئلة السخيفة ؟؟و الشخصية ؟؟
اولا انا طلعت لما طلعتو دين اللى جابونى من الاضطهاد و التمييز والتكفير يا شوية بدو لا عندكو ذمة ولا اخلاق ولا ضمير
وثانيا انا افيد بلدى من هنا وموش عواطلى باقبض من الامن علشان ادمر القضية المصرية لصالح شوية جرابيع ؟؟
وثالثا تحويلات المصريين بالخارج واستثماراتهم بمصر هى المصدر الرئيسى ان مصر ما اعلنتش افلاسها التام و لسه بتلاقى رغيف تاكله لدلوقت
ورابعا رايك انت حر فيه بشرط انك ما تتدخلش فى حياة حد الشخصية وان حريتك تنتهى عندء بدء حرية الاخرين وان مصر لن تكون يوما اسلامية ولن تقام بها خلافة يحلم بها المجنون حجازى و مرسى العجلة - مصر دولة محورية متعددة الاعراق والثقافات ولن تفلح الا بديموقراطية علمانية لا تتنجس ولا تتسرطن بخلط الدين بالدولة
5 - تفتكر أمن الدولة فاضيلنا؟
عماد عبد الملك بولس
(
2012 / 6 / 7 - 14:48
)
شكرا
6 - خللى العبط اللى مشغلينك يغيروك انت كارت محروق
جاك عطالله
(
2012 / 6 / 7 - 15:19
)
ماهى الخيبة السودا ان امن الدولة سايب اللى رايح واللى جاى يتدخل فى مصارين مصر وفاضى للاقباط بس- خيبة تقيلة حماس حطت عصاية فى مؤخرة الامن موش مرة ولا اتنين عشراتت المرات وبمزاجه- الشيخ حازم حط عصايتين و الشيخ القرضاوى حط تلاته و موزة اربعة عصيان ومدير مخابرات قطر و امريكا واسرائيل والسعودية - كله قاعد يدفس عصيان - لمؤاخذة مقعدتهم مطاطية بتشيل بلاوى و موش فاضيين الا للاقباط - فى ماسبيرو ومذبحة الخنازير و قضية ساويرس وقضية هدم وحرق الكنائس وقضية اغتصاب وخطف القصر وقضية مهجرى العامرية والصعيد وخطف الاقباط وطلب فدية و ارهاب الكنيسة و تزوير الانتخابات و تزوير اعداد الاقباط والتمسك بالشريعة الاسلامية بالدستور كله لاذلال الاقباط الغلابة المسالمين وبعدين موش ملاحظ انك حرقت نفسك بردودك واظهرت وجهه القبيح وبترد نفس الرد باسمين مختلفين و بالعربية والالنجليزية بموقع اخر - ؟؟ على فكرة خللى العبط اللى مشغلينك يغيروك انت كارت محروق
7 - ؟؟؟؟!!!!
عماد عبد الملك بولس
(
2012 / 6 / 7 - 20:11
)
علي فكرة أنا مش أمن دولة و لا حاجة، ولا بارد من أكتر من موقع، و أحسنت الظن بحضرتك فقط، و كل اللي عملته إني ناقشتك (؟ ) و نقدت رأيك
و القبطي اللي فاكر إن الأقباط غلابة يبقي هو اللي غلبان لأن اللي معاه ربنا مش غلبان
علي كلٍ ترحيبك يخليني أريحك مني و زيارة لن تتكرر
و شكرا
8 - يابخت من زار وخفف
جاك عطالله
(
2012 / 6 / 7 - 22:02
)
ياعم كثر خيرك ع الزيارة ويابخت من زار وخفف
.. جون مسيحة: مفيش حاجة اسمها إسلاموفوبيا.. هي كلمة من اختراع ا
.. كل يوم - اللواء قشقوش :- الفكر المذهبي الحوثي إختلف 180 درج
.. الاحتلال يمنع مئات الفلسطينيين من إقامة صلاة الجمعة في المسج
.. جون مسيحة: -جماعات الإسلام السياسي شغالة حرائق في الأحياء ال
.. إبراهيم عبد المجيد: يهود الإسكندرية خرجوا مجبرين في الخمسيني
