الحوار المتمدن - موبايل
الموقع الرئيسي


نصيحة مفتوحة للرئيس الدكتور محمد مرسى

جاك عطالله

2012 / 7 / 11
العلمانية، الدين السياسي ونقد الفكر الديني


]دى نصيحة لوجه الله تعالى للسيد رئيس الجمهورية
- الدكتور محمد مرسى وخصوصا بعد حكم المحكمة الدستورية بابطال قراره الشاذ باعادة مجلس الشعب المنحل لعوار قانون انتخابه

- يا سعادة الدكتور مرسى تاخد بيها او ترميها البحر انت حر بس باشهد عليك كل المصريين وكل العالم شرقه لغربه --

-الله الله على الجد و الجد الله الله عليه -

-بصراحة يا دكتور مرسى انت يعنى بوختها قوى ما فرقتش كثير عن الشيخ حازم ابو اسماعيل -

دوشة وتهييج وبلبلة وخسارة مليارات بالبورصة ومظاهرات واعتصامات على فشوش بقضية خسرانة مية المية --

حكم نهائى بات بحل المجلس من اصله وانعدامه كانه لم يكن بسبب قانون النتخابه وعوار استخدامه لسلطاته -

خلاص ياريس لو سمحت روحنا فى مناخيرنا فضها سيرة وخلصنا

يا تحكم زى الناس يا تمشى بدون مطرود تستقيل -

لكن حسك عينك تضرب كرسى فى الكلوب و تهييج

بلاش -

خلاص محدش حتى ها يرضى يشحتنا سلفة نقضى بيها رمضان من التهريج المستمر والبلطجة السياسية يمين وشمال منك ومن غيرك اللى بىقبضو علشان يفلسونا -

حرام كفاية علينا قوى كده

روح اعمل حكومتك واختار نوابك واشتغل بما يرضى الله وبلاش تودينا فى داهية اكثر من اللى احنا فيها لان المرة الجاية التلطيش ده فى القوانين البعكوكية علشان تسدد فواتيرك لاصحابك ها تخلى المحكمة الدستورية تعزلك مع كامل احترامى ليك -

لم بقى كتاكيتك من التحرير ويللا على الشغل وحى على الفلاح يا دكتور -

سد ودانك عن التعيس صبحى صالح والتعيس صفوت حجازى والتعيس طارق البشرى والاتعس ابونباته الكتاتنى ان حبيت تفلح والناس تحبك

خليك تقضى يومينك اللى مكتوبين لك على خير و نفتكرك بخير كاول رئيس مدنى للمصريين

دى اول واخر نصيحة ها ابعتهالك واعدم المرشد وخيرت الشاطر فى يوم واحد لو نصحتك تانى





التعليق والتصويت على الموضوع في الموقع الرئيسي


التعليقات

1 - آخر سطر
محمد بن عبد الله ( 2012 / 7 / 11 - 11:00 )
بعد قراءة السطر الأخير...أتوسل إليك يا عمـّنا جاك يا عطالله:

أرجوك أرجوك انصح مرسي تاني !

2 - مرسى زى حازم ابو اسماعيل بالضبط
جاك عطالله ( 2012 / 7 / 11 - 13:19 )
والله يا استاذ محمد الراجل غلبان دا عيان يا كبدى لما عمل عملية المخ نص فيوزاته السليمة اتشالت وسابوله النص الضارب - جم الشوية اللى معاه - خلصوله على النص اللى باقى من فيوزاته بالنصايح الهم والغم - واضح ان الشاطر عاوز يحرقه و ينط ع الكرسى مكانه و بيزمبكله من تحت ----المصيبة انا نصحت الشعب - ها تجيبو مرسى كانكم جبتم قفص فاكهه من اللى بيرصوهم الفلاحين فى مصر- اتنين تلاته صابحين على الوش و الباقى مدحوس ومعفن تحت الوش- وانا باكرر له -خلاص اخر فرصة - يا تشتغل ريس لكل المصريين يا تروح محدش عنده استعداد للعب العيال تانى- ولو كان حازم ابو اسماعيل اتحاكم و خذ على قفاه على الجرايم اللى عملها -ماكانش مرسى ولا غيره فتح بقه

3 - الراجل صدق بجد انه الزعيم المؤمن
حكيم العارف ( 2012 / 7 / 11 - 14:07 )
من اولها كده اصدر فرمانات ... فراح اخد الطريحه اللى هى من الشعب ...

ده لو واحد عنده دم ... كان خلع من الحكم ... و لكن هايجيب الدم منين !!!

كل واحد يحب يهدد علشان السلطه ... يقول حمامات دم !!!

و مانعرفش دم مين اللى هايتبعزق اذا كان اساسا معندهوش دم

4 - مابين المعيز و البشر
جاك عطالله ( 2012 / 7 / 11 - 16:50 )
استاذنا الحكيم العارف
الدكتور مرسى ليس ريس كل المصريين
انه لا يريد الا قطيع مواشى ليحكمهم ولا يجيد حكم المتنورين
ولهذا فهو ينطح ويحرض ولكن هيهات مصر واعية و المتنورين وان كانو اقلية صوتهم اقوى و وزنهم اثقل - والان قام ميدان الجندى المجهول من حزب الكنبة ليدافع عن وجوده وليعادل او يفوق تاثير ميدان التحرير الذى سرقوه من اصحابه

شكرا لمرورك

5 - هي شماتة ياأبوهم جاك
عبد الله اغونان ( 2012 / 7 / 12 - 02:59 )
لاتخاف على مرسي ان صدقنا أنك ناصح أمين
مرسي لديه مستشاريه المخلصين
هو أذكى من ان يقع في أخطاء نجاحه سيغيظكم حتى ولو أعيدت الانتخابات من تظنه سيفوز؟ كل قطر مرسي من نوع اخر مرسي ذكي سيعرف كيف يحكم ويضبط الفلول
وبجانبه رجال صدق
احتفظ بنصائحك لنفسك مرسي غير محتاج اليها

6 - ها اسيبك على عماك يا اغونان
جاك عطالله ( 2012 / 7 / 12 - 14:56 )
والله يا اغونان انا مبسوط جدا من كلامك
ولازم اكافأك بنكته ترد على كلامك يللى زكا عن صحتى و تحية لاخوتى قراء الحوار المتمدن
بيقولك واحدة ست رايحة تفسح عيالها فى الجنينة ولد 3 سنوات وبنت اربع سنوات - والواد سالها سؤال برىء بالجنينة - هو انتى جبتينا انا واختى منين يا ماما؟؟ الام ست مقفلة زى حالاتك وحالات ام احمد خافت تشرح للعيال جم منين !! فقالت لهم لقيتكم ورا الشجرة اللى هناك دى-
الواد قال لاخته تفتكرى نقول لها الحقيقة ولا نسيبها كده على عماها موش عارفة حاجة؟؟
اهو انا بقى ها اسيبك انت ومرسى بتاع الكرسى على عماكم و موش ها اقول لكم الحقيقة يا عبد الله يا اغونان -

اخر الافلام

.. جون مسيحة: مفيش حاجة اسمها إسلاموفوبيا.. هي كلمة من اختراع ا

.. كل يوم - اللواء قشقوش :- الفكر المذهبي الحوثي إختلف 180 درج



.. الاحتلال يمنع مئات الفلسطينيين من إقامة صلاة الجمعة في المسج

.. جون مسيحة: -جماعات الإسلام السياسي شغالة حرائق في الأحياء ال



.. إبراهيم عبد المجيد: يهود الإسكندرية خرجوا مجبرين في الخمسيني