الحوار المتمدن - موبايل
الموقع الرئيسي


حرام تحرقنا بالنووى ياريس خللى عندك شوية رحمة

جاك عطالله

2012 / 11 / 5
العلمانية، الدين السياسي ونقد الفكر الديني


لطالما حلمت مصر بعضوية نادي الدول النووية، إلا أن سعيًا مصريًا كوريًا حثيثًا اليوم قد يتمخض عن بناء أول محطة نووية لإنتاج الطاقة الكهربائية في مصر، تمول كوريا 85 في المئة من كلفتها، وتوفر مليار دولار سنويًا للخزينة المصرية.
FROM ELAPH TODAY

--------------------------------------------------------------------------------

فى هذا الخطاب الذى اكتبه بلهجتنا المصرية العامية كتبته سابقا فى ٢٠٠٦ للريس مبارك لما فكر يجيب البلوة دى -

ودلوقت بكتبها لمكتب الارشاد لعل وعسى يكون عندهم حتى ضمير زى مبارك الفاقد الضمير عل الرئيس و مستشارى السوء ان يقراوا ويعوا ;

ياريس

المحطات النووية ,ليست سلعا استهلاكية نستوردها من اى مكان المحطات النووية ستضعنا تحت رحمة من يورد لنا هذه التكنولوجيا المعقدة وقطع الغيار والصيانة وايضا ثمنها سيقصم الظهر اقتصادنا المنهار

ومخاطرها الصحية والبيئية خطيرة جدا فى بلد انعدم فيه الضمير و دخلت مكانه الديانة المظهرية و استحلال- خطف واغتصاب بنات الاقباط القصر و سرقة اموالهم وحقوقهم الوطنية


ولدينا البديل الاسهل والأمن والارخص وهو الطاقة الشمسية وطاقة الرياح والبيوجاز و الغاز الطبيعى
موش معقول ياريس تجيب لنا مصيبة اسمها المحطات النووية ؟؟

علشان تتفشخر بيها على ايران والدول العربية بدون فائدة حقيقية لشعب مصر ؟؟

يا ريس انت عارف انك خليبت بلدنا سايبة --

لاقوانين ولا يحزنون بلد فهلوة ومصايب محصلتش لدولة موزمبيق


احنا عندنا قطر سكة حديد ساب القضبان والمحطة و دخل جوه بلد اسمها كفر الدوار بحيرة اتمشى هناك على مزاجه وقتل حوالى ميت مصرى وجرح المئات

وعندنا قطر تانى اتحرق واتشوى جواه اكثر من خمسمائة شخص بقوا كفته مشوية يوم العيد

ياريس احنا عندنا ناس بتشرب بول بعير لعلاج السرطان وانفلونزا الطيور تحت سمعك وبصرك وبفتاوى رسمية

وعندنا الاف الشباب هجموا على الستات وسط البلد فى العيد وعروهم وسط الشارع و فعصوا فيهم لما شبعوا فى جريمة لم تحدث فى تورا بورا

ياريس احنا عندنا مفتى معاه دكتوراة من الازهر افتى بان مدة الحمل فى الاسلام اربعة سنوات --قالها فى تليفزيونك وصحافتك ومحدش حاسبه ولا طلب احالته لمحاكمة

وعندنا محافظة اسمها الدقهلية اتسممت بالكامل من شرب مية المجارى-

-وعندنا بلد كامل اسمه مصر معرفش سمعت بيه ولا لأ مصاب بانفلونزا الطيور المتوطن والوبائى والناس بتموت منه وبيخبوا ويقولوا انهم ماتوا بنزلة برد

ياريس الطاعون البقرى خلص على الماشية وانفلونزا الطيور خلصت على الطيور و السوس خلص على الفول يعنى معندناش ناكل

ياريس تفتكر لو جبت محطات طاقة نووية والواد المهندس نسى يخللى باله من لوحة التشغيل لما سخنت ولا طفاها بطفاية ايد لو اتحرقت
او لو دخل فار قرض الكوابل ولا اتقطعت الكهربا زى ما بيحصل ها نعمل ايه؟

ولو دخلوا الحرامية وسرقوا نص المحطة زى ماعملوا فى ونش مترو الانفاق نعمل ايه؟

ولو المهندسين اللى راحوا يتفقوا على المحطات اخذوا رشوة واستلموا على الورق محطة بنزين-n ولا محطة سكة حديد بدل المحطة النووية نعمل ايه؟؟
ياترى ها نبقى زى تشيرنوبل ولا العن لما تحصلنا نصيبة ؟؟

و المخلفات النووية ها تدفنها فين ياريس هو احنا ناقصين ؟؟

انا عارف انك قرفان من الخمسة وتمانين مليون اللى موش من الاخوان ونفسك تخلص منهم النهاردة قبل بكرة

وممكن تسرقونا وتاخدو عمولة على اى حاجة تانية يا سيد مرسى وسيد بديع وسيد الشاطر

بس حرام تحرقنا بالنووى ياريس خللى عندك شوية رحمة





التعليق والتصويت على الموضوع في الموقع الرئيسي


التعليقات

1 - الرئيس مرسى العياط
كامل حرب ( 2012 / 11 / 5 - 19:40 )
وهل تعتقد ان الرئيس عنده مخ وبيفهم ؟

2 - ما اظنش عنده مخ دا عنده عصابة مسلحة
جاك عطالله ( 2012 / 11 / 5 - 19:50 )
بصراحة ما اظنش عنده مخ دا عنده عصابة مسلحة اسمها التنظيم السرى وهو رقم ٢ فى تسلسل القادة الاربعة للتنظيم السرى الارهابى ورقم واحد هو محمد بدبع ورقم ٣ هو محمود عزت ورقم اربعة هو محمود غزلان وكلهم اعضاء مكتب الارشاد الراس المفكر للعصابة و عدد افراد التنظيم السرى المتدرب على اعلى مستوى على حرب العصابات والتخريب والحرق واعمال القناصة و الصاعقة هو عشرين الف ارهابى والمصدر هو تصريحات عضو مكتب الارشاد احمد رائف الذى تم اعتقاله بعدها من الجماعة وتوارى عن الانظار لفضحه الجماعة وتسريب اسرار الارهاب

3 - الطيور المهاجرة تريدها ظلاما
سلامة شومان ( 2012 / 11 / 6 - 01:33 )
جاهل يتحدث عن بلد هو لايعرف عنها اى شىء الا السمع
اعتقد انك تتحدث عن بلد اخر يا جاك
واعتقد ايضا انك ومثلك دائما تتحدثون عن التخلف ولما نريد ان نتقدم يكون النقد ايضا
والدول اللى فيها ننوى فيها ايضا فئران وفيها ايضا بلطجية وحرامية بل ومافيا عالمية

انت خايف من ايه ما انت مهاجر ونفسك البلد تخرب اصلا اوع تفتكر انك تريد الصلاح لمصر دا انت وامثالك يريدون لها الدمار وشرائطكم تشهد ومقالاتكم تشهد
مصر ستتطور باذن الله بمشاريعها التكنولوجيا الحديثة من الصين وكوريا وبلاد الغرب ومن ابنائها الذين لايقلون شيئا عن هؤلاء بل نحن عندنا من العلماء من هم افضل واعظم ولكن امثالك يريدون ايقاف المراكب السايرة والفشخرة التى تتحدث عنها انتم اصحابها
واغلب ما ذكرته لايمت للريس الجديد بصلة فغدا يكون العدل والحرية والنظام والعمل والجد وغدا سينتهى الدستور ويعود مجلس الشعب وتعود المية لمجاريها الطبيعية ويحكم الاسلام بشرعه الحكيم البلد والذى يطالب الاخوة النصارى تطبيق شرع الاسلام ولا دى انت ناسيها
وبعدين متعملش نفسك فاهم وعالم بامور تاتيك من مهجرين مثلك لايريدون الا الفساد والعربدة فى البلد لاجل مصالحهم الشخصية

4 - الى اخي المسلم المصري سلامة شومان
البدراني الموصلي ( 2012 / 11 / 13 - 19:50 )
لا تقل لي انك مش مصري ومالكش دعوة . انا انسان قبل كل شيء , وتستثيرني همومك وهموم عثمان في السودان وعبد الحق في موزمبيق وفي كل مكان
الاستاذ جاك يسرد حقائق اقشعرت لها ابداننا رغم بعدنا عنها ورغم اننا مازلنا نلعق جراحنا التي سببتها لنا هجمة الدين السياسي الشرسة على الانسان - مطلق الانسان في العراق - واحرقت الاخضر واليابس ولم يسلم منها مسلم ولا مسيحي ولاعربي ولاكردي ولا ولا .
لقد خبرنا ذئابا تعتمر العمائم وتطيل اللحى .لك ان تصحو يا سيد شومان وعلى انسانيتك ان تستيقظ قبل ان تكون انت ضحية .افتح عينيك وانظر الينا حيث وصلنا ان الذئاب نفسها صارت تحترب بينها ونحن-العراقيين بجميع اطيافنا - ندفع الثمن . لقد سقط الكثير من الاقنعة البراقة التي اعمت بصائرنا فتبعناها وطبلنا لها وزمرنا , ثم - وبوعينا واخوتنا المتجذرة ورغبتنا العميقة للعيش في سلام ووئام في وطن لن تقوم له قائمة بالكراهية والحقد المتأصل في نفوس بعضنا منذ عشرات القرون .
أصح اخي العزيز وليكن كل مصري اخا لك وكل انسان ارتوى من النيل الخالد شريكا لك بالافراح والاتراح
اصح يااخي قبل فوات الاوان ولات حين مندم
تحياتي الصادقة ومحبتي للجميع

اخر الافلام

.. 158-An-Nisa


.. 160-An-Nisa




.. التركمان والمسيحيون يقررون خوض الانتخابات المرتقبة في إقليم


.. د. حامد عبد الصمد: الإلحاد جزء من منظومة التنوير والشكّ محرك



.. المجتمع اليهودي.. سلاح بيد -سوناك- لدعمه بالانتخابات البريطا