الحوار المتمدن - موبايل
الموقع الرئيسي


(( ملوخية مرسى)) - خطاب شخصى لرئيس مصر

جاك عطالله

2012 / 11 / 29
العلمانية، الدين السياسي ونقد الفكر الديني


شوف يا شيخ مرسى انت راجل طيب شيخ عرب من بتوع الشرقية اللى عزمو القطر زمان و معاك اتنين ولاد ابالسه بيضحكو عليك ومرمطو كرامتك فى الارض

-يعنى لو عزلتك المحكمة الدستورية وده وارد جدا بعد ما دبسوك وهما بره الصورة ها تقمر عيش ولا اخرك تشترى قطيع من الابل او المعيز و تسرح بها فى ابو كبير ولا جزيرة سعود -
شوف بقى انا فاهم اللعبة من اخرها وها اجيبهالك على بلاطة ورزقى على الله لانى باحب طيابة الشراقوة - انت خدت مغرز محترم من المرشد و خيرت الشاطر ومالكش حل الا انك تنفذ بجلدك وياروح ما بعدك روح

انت رئيس الجمهورية لغاية النهاردة اتغدى بيهم قبل ما يتعشو بيك يا شيخ العرب وخصوصا ان معاهم التنظيم السرى باسلحته و انت حيالله ريس منسوخ ماشافش حاجة -

استرجل و اعقلها وتوكل ومفيش مشاكل صلى استخارة ونوافل واعمل مستقبل ليك ولعيالك واقبض عليهم زى السادات ماعمل فى رجالة عبد الناصر بعد ما اتمسكن وحطهم فى السجن والشعب كله ها يبقى معاك وخصوصا بعد البلوة المسيحة اللى حطوك فيها اللى مالهاش مخرج الا ياقاتل يا مقتول

اللى جابلك الكفية انك صدقت انك ريس و قعدت على كرسى الرياسة وحطيت رجل على رجل فى الهوا وغلطتك اللى تبين سذاجتك المفرطة انك عرضت على خيرت الشاطر اللى جابك مكانه انه يبقى رئيس وزارة وانت ريس عليه - وهو ده اللى خلاه دبسك التدبيسة السودا دى

انت فاكر يابو الشراقوة انك ريس بصحيح و ان خيرت يقبل يشتغل تحت ايدك ؟؟؟؟

دى اهانة ليه انك كنت بتشتغل عنده و تحت ايده وهو اللى جابك يبقى ريس عليك من تحت الترابيزة -

دا لما تشوف حلمة ودنك يا شيخ العرب انه يقبل و علشان كده شالهالك وردها فى اسبوعها دبسك فى المغرز ده علشان يخلاله الجو يبقى الريس المنقذ للاخوان والشعب وانت فى الباى باى زى ظرف جواب اخدو اللى جواه وقطعو الظرف حتت وبكده علمك الادب انك تحفظ مقامك معاه

اسمع كلام اخوك يا مرسى والله انا قلبى حنين و صعبان على انهم يزنقوك كده وانت مقطع نفسك صلاوات عشا وفجر وتراويح وهما مقطعين السمكة وديلها و بيضحكو فى سرهم عليك - اعمل دجكر وابقى ريس بصحيح

انا خلصت ذمتى يا شيخ مرسى علشان باحب الشراقوة لطيبتهم و موش قادر الاقى الا عبارة عادل امام الله يمسيه بالخير عمرك شفت ملوخية بالاسود ؟؟ مفيش الا ملوخية بالارانب يا مرسى وان لم تكن اسدا ها تتعمل ((ملوخية مرسى)) قريب جدا من خيرت الشاطر و فردته التانية بديع و تعازينا الحارة للشراقوة حبايبنا

اذا سكت ياريس بعد ما فهمتك الفولة مفيش فرص تانى يا ريس الفرصة بتيجى مرة واحدة زى عود الكبريت على رأى يوسف بك وهبى يا تولعها يا تحرقها

وياما فى جراب الاخوان من الاعيب وياريت تسال الخرباوى واحمد رائف وجمال البنا و عبد المنعم ابو الفتوح ومحمد حبيب اللى اتعملو ملوخية قبلك





التعليق والتصويت على الموضوع في الموقع الرئيسي


التعليقات

1 - الإخوان بيلعبوا بمصر و بمرسى
Amir_Baky ( 2012 / 11 / 29 - 09:50 )
الإخوان قالوا نعم على إستفتاء صبحى صالح وهذا الإستفتاء كان محدد بة صلاحيات الرئيس. ما فعلتة يا مرسى ضد نتائج إستفتاء شعبى. ضد القانون الذى ستستخدمة المحكمة الدستورية ضدك. الإخوان وضعوك ضد القانون و الدستور الذى أقسمت بإحترامة. الإخوان باعوك عندما إختاروا المسار الغير ثورى ثم أقنعوك أنك رئيس ثورى و ورطوك بأنك تتخذ قرارت ضد الدستور و القانون بحجة إنها ثورية. فهل أنت بهذا الغباء لتفعل الحاجة و عكسها؟ ..

2 - مرسى ملوخية
جاك عطالله ( 2012 / 11 / 29 - 12:22 )
شكرا استاذ امير على المرور الكريم والتعليق
الحقيقة ان مرسى قدامه فرصة انه يدخل التاريخ من اوسع ابوابه بدلا من فرصته الحالية اللى دخل بيها التاريخ من اوسخ ابوابه - لو قدر يحل الجماعة ويقلب عليهم ها ينقذ نفسه و اذا استمر شبشب ليهم فهو عمليا ضاع

اخر الافلام

.. 158-An-Nisa


.. 160-An-Nisa




.. التركمان والمسيحيون يقررون خوض الانتخابات المرتقبة في إقليم


.. د. حامد عبد الصمد: الإلحاد جزء من منظومة التنوير والشكّ محرك



.. المجتمع اليهودي.. سلاح بيد -سوناك- لدعمه بالانتخابات البريطا