الحوار المتمدن
- موبايل
الموقع
الرئيسي
صرخة مدوية من كل أم و صبية
زهرة الشمس محمد
2013 / 1 / 16حقوق المراة ومساواتها الكاملة في كافة المجالات
صرخة صبية فاتها حبيب شهيد وراح
صرخة أم مات ابنها على الحدود وراح
صرخة أم ودعت طفلها
لمدرسته فى الصبحية
وهو راخر راح
صرخة أم مجند مات على الحدود
ولما تشوف تعويض ملاليم
تقول الف شكر لربى
أن ابنى مات وإرتاح
صرخة زوجة وفى بطنها شايله جنين
أبوه فاته من قبل ما يشوفه وراح
صرخة زوجة زوجها اتسجن
ظلم فى بلاد بعيدة
وحكومة بلده عارفة تنام وترتاح !
صرخة أرملة بأولاد يتامى
تبكى وتصرخ
وتقول آه يا كسرة الجناح !
بعد المجند ما مات فى قطر الموت
والغنى فى قطر النوم سواح !
تصرخ الصبية .. سامعين؟
تصرخ الأم .. سامعين؟
تصرخ الزوجة .. سامعين؟
تصرخ الأرملة .. سامعين؟
صرخة يا عالم مدوية
تنزف معاها الجراح
تشق هدوم السواد
تاخد فى سكتها كل الأفراح
آه يا شهور عجاف
اتقام فيها عزا يكفى سنين !
وما اتسمع فى لياليها غير النواح
آه يا شهور عجاف
اتقام فيها عزا يكفى سنين !
وما اتسمع فى لياليها غيرالنواح
سامعين؟...حاسين؟ شايفين؟
ما هو اللى ماتوجعش يا ناس
هأيحس ازاى ؟
بحرقة القلب ونزف الجراح
رفعت مظلمتى للفوق
وهو وحده قادر يرفع الظلم
وهو وحده يداوى الجراح
عليه العوض فى اللى جاى
وعليه العوض فى اللى راح
عليه العوض... ومنه العوض
*******
|
التعليق والتصويت على الموضوع في الموقع الرئيسي
.. زهرة اللهيان.. أول امرأة تترشح لانتخابات الرئاسة في إيران
.. امرأة تتقدم للترشح على منصب رئيس الجمهورية في إيران
.. كلب هجــــ م علي طفــــ لة فأصبحت ملكة جمال
.. التحالف الوطني يطلق مبادرة لتعليم صناعة الخبز بأنواعه لدعم و
.. رئيسة رابطة سيدات الشويفات السابقة والناشطة الاجتماعية ابتها