الحوار المتمدن - موبايل


كلمة ونص ( 2 )

بطرس رشدى جندى

2013 / 11 / 2
كتابات ساخرة


- الهوس بالمخابرات بقي فظيع عند بعض الشباب الاهبل ... يصحي الصبح من صوت بتاع الفول اللي في شارعهم يروح يكتب علي الفيس : ابانا الذي في المخابرات صحتني ليه ؟ .... ينزل يركب المترو يلاقي الدنيا زحمة .. يدخل يكتب على الفيس: عبيد السيسي كتير ومستقصدني عشان اتاخر على الكلية .... يروح الكلية متاخر يتطرد من محاضرة ... يجي يكتب على الفيس: ابانا الذي في المخابرات طردتني ليه ... يرجع البيت يخش الحمام ويكون عنده امساك .... يجي يكتب على الفيس : ابانا الذي في المخابرات انت مصعبها ليه ؟

- لو انت فاكر إن الجيش عاوز يتخلص من باسم يوسف عن طريق منع بث برنامجه ، تبقى أهبل وعبيط .. إدارة قناة CBC هي اللي منعت بث "البرنامج" ، وأظن يعني إن الجيش أكبر من إنه يقضي على باسم يوسف بالطريقة التقليدية دي ، فيه ألف طريقة وطريقة في جعبة الجيش والمخابرات للتخلص من باسم يوسف ( ده لو عاوزين يخلصوا منه فعلا بناءا على إنه بيمثل خطر عليهم ) ، وأظن إن باسم يوسف أقل من كده بكتير .. وكفاية سخافات وارحموا اللي خلفونا .

- لا تتحدثوا عن الديمقراطية فى مجتمع الفقر والجهل .... مش عايز اسمعك بتكلمنى عن ديمقراطيه وحريه اكتر من كلامك عن عداله اجتماعيه وحل مشكلات الفقر والبطاله والجهل ... اعمل ايه بكلامك عن حريه وديمقراطيه وانا مش لاقى اكل ولا اشتغل ولا لاقى تعليم كويس ولا لاقى مستشفيات ورعايه صحيه ... العداله الاجتماعيه اولى بالاهتمام من الديمقراطيه .

- مشكله البرادعى انه خد كورس الحريات ومخدش كورس الوطنيه .








التعليق والتصويت على الموضوع في الموقع الرئيسي



اخر الافلام

.. رغم عشقه المسرح كان للتلفزيون نصيب من إبداعه.. رحيل الممثل ا


.. بتول المحمد .. أول منتجة سورية للموسيقى الإلكترونية


.. الفنانة يسرا: -الله بيحبنا وبيحب مصر- |#مع_جيزال




.. صباح العربية | أربيل توثق مئة عام من الموسيقى


.. الإخواني الذى غدر به زملائه.. الفنان يوركا نجم مسلسل الاختيا