الحوار المتمدن - موبايل
الموقع الرئيسي


أخ علي

أحمد عفيفى

2013 / 11 / 30
العلمانية، الدين السياسي ونقد الفكر الديني

تنويه
هذا المقال هزلي، وعامي، وساخر، وشخصياته حقيقية.

أنا بفكر أدعي النبوة يا مولانا.
وليه بتفكر تدعي النبوة يا أخ علي؟
عشان أنا مفلس وعاطل وعازب يا مولانا.
وإيه علاقة الفلس بالنبوة يا أخ علي؟
الغنايم و السبايا يا مولانا.

أنت ممكن تولّع في حد يا مولانا؟
قصدك إيه يا أخ علي؟
قصدي تحرق بني آدم يعني؟
ولا أقدر أشوفه بيتحرق حتى.
وربنا ازاي بيحرق ويشوف بقلب بارد كده؟
ربنا ملوش قلب يا أخ علي.
عندك حق يا مولانا.

أنا حاسس إن ربنا مش راضي عني يا مولانا.
ليه بتقول كدا يا أخ علي؟
مطلع ديني ومش عايز يوفقني.
عشان تلم نفسك وتبطل تظيط على الإنترنت يا أخ علي.
مهو قبل الأنترنت كان مطلع ديني برضو ومش موفقني.
يبقا تستفتي قلبك وتنتحر في مارس الجاي يا أخ علي.
تفتكر يا مولانا؟
أعقلها وانتحر يا أخ علي؛ وخلي عندك أمل في الله.
أنت ساعدتني فشخ؛ شابوو يا مولانا.

هي الجنة مفيهاش غير نسوان ولحمة بس ليه يا مولانا؟
قصدك إيه يا أخ علي؟
قصدي يعني لا كتب ولا مزيكا ولا سينما ولا مسرح؟
الحاجات دي مسخرة وقلة أدب يا أخ على.
وهي المليطة مع سبعين حورية مش مسخرة وقلة أدب يا مولانا؟

أنت هتبطل تتفرج على أفلام إمتا يا أخ علي؟
لما أبقا حقيقي يا مولانا.
وهو أنت مش حقيقي يا أخ علي؟
أنا افتراضي يا مولانا.
يعني افتراضي يا أخ علي؟
يعني طول منا مش محقق نفسي؛ أنا افتراضي يا مولانا.

أنا نفسي أتصالح مع ربنا يا مولانا.
وإيه منعك يا أخ علي؟
عشان هو مش موجود يا مولانا.
مش موجود إزاي يا أخ علي؟
مش موجود هنا؛ موجود هناك، في العالم الأول يا مولانا.

أنت ليه بتدخن يا أخ علي؟
بنتقم من نفسي يا مولانا.
طيب متوفر فلوس الدخان للأكل أحسن.
أنا مش باكل عشان أنتقم من نفسي أكتر.
وليه بتنتقم من نفسك يا أخ علي؟
عشان بكره نفسي يا مولانا.

أنا بحب ربنا أوي يا مولانا.
دا شعور طيب أوي يا أخ علي.
أنا مش بخاف من ربنا يا مولانا.
دا شعور يقلق يا أخ علي.
الحب و الخوف لا يجتمعان يا مولانا.

أنت ليه متجوزتش لحد دلوقتي يا أخ علي؟
عشان فقير يا مولانا.
بس؟
وغبي.
بس؟
هو فيه بعد الغباء و الفقر علّة يا مولانا؟

أنت تعرف الناس بتكره كلامي ليه يا مولانا؟
ليه يا أخ علي؟
عشان بقول الحقيقة يا مولانا.

أنت بتتحرش ليه يا أخ علي؟
عشان أنا مكبوت ومحروم وهيجان يا مولانا؟
طب ليه مش بتتجوز يا أخ علي؟
لأن رزقكم في السماء وما توعدون يا مولانا.

أنا غير مقتنع على الإطلاق بشخص النبي إبراهيم يا مولانا.
لماذا يا أخ علي؟
كيف يترك زوجه وولده بوادي موحش وحدهما ؟
هو لم يتركهما؛ هو أستودعهما الله يا أخ علي.
كيف يري أنه يذبح أبنه؛ فيقوم ليذبحه؟
رؤيا الأنبياء وحي يا أخ علي.
أي وحي هذا الذي يحرض على القتل يا مولانا؟
وحي السمع والطاعة يا أخ علي.
أنا أفضل أن أقتل نفسي؛ عن أن أقتل إبني يا مولانا.
والله فضل أن يعيش الأب والإبن يا أخ علي.

أنا بحبك أوي يا أخ علي.
وأنا كمان بحبك أوي يا مولانا.

---

---

---

التعليق والتصويت على الموضوع في الموقع الرئيسي

---

التعليقات

---

1 - الشيخ والمريد
عبد الله اغونان ( 2013 / 11 / 30 - 19:23 )

قال المريد للشيخ
-مولاي مابالي أفتح عيني ولاأرى الطريق هل أنا أعمى؟
-أنت والأعمى سواء.لن ترى بعينيك وحدهما وحولك هذه الظلمات.لابد من دليل ومصدر نور يضيئ لك السبيل كي تكون سعيدا
-وكيف أكون سعيدا؟
-السعادة في الشقاء والشقاء في السعادة
-اشرح لي يامولاي , شرح الله صدرك
-الدنيا سجن المؤمن وجنة الكافر
-أريد الخروج من هذا السجن
-لاتخرج منه , اعتكف فيه
-أأعتزل الناس وأقاطعهم؟
-العزلة هروب وترويض الوحوش جهاد
-ومن يضمن لي الوصول؟
-نيتك وصدق فعلك
-تكون نيتي حسنة وأفعالي قبيحة
-أحسن نيتك يتحسن فعلك, وبقدر اخلاصك تتحسن نيتك
-وكيف يتحسن فعلي؟
اغتسل من ذنوبك واجعل أنفك تحت أقدامك
-والى أين المنتهى؟
-أن تعبد المعبود كأنك تراه لاعن طمع أو فزع وتعامل الخلق بالحق
-ولكن ياسيدي...
-لاتشرك به أحدا, اجعله سيدك الأحد تعش حرا ولاتشغلني بكثرة السؤال واياك أن تكون أجهل العلماء
-ومن أجهل العلماء؟
-من لم ينتفع بعلمه, قم عني راشدا
-الان , عرفت
-عرفت فالزم

.. وصول البابا تواضروس الثاني للكاتدرائية المرقسية بالعباسية ل


.. قوات الاحتلال تمنع مقدسيين مسيحيين من الوصول ا?لى كنيسة القي




.. وزيرة الهجرة السابقة نبيلة مكرم تصل لقداس عيد القيامة بكاتدر


.. المسيحيون الأرثوذكس يحتفلون بمراسم -النار المقدسة- في كنيسة




.. ما سبب الاختلاف بين الطوائف المسيحية في الاحتفال بعيد الفصح؟