الحوار المتمدن - موبايل
الموقع الرئيسي


الكلام الابيض ينفع فى اليوم الاسود- كلمتين بودن السيسى والشعب المصرى

جاك عطالله

2014 / 2 / 11
العلمانية، الدين السياسي ونقد الفكر الديني


وثيقة ضد الدكتاتورية
جاك عطالله -
انا هنا لاناقش حمى تأليه السيسى ولاناقش الاتفاق على وثيقة شعبية مصرية ضد التغول والدكتاتورية

وانا هنا اعلن اننى احب السيسى واقدر الدور الشجاع الذى قام به في اخراج الاخوان من السلطة والضرب على هيكلهم العظمى الذى لم ينكسر بعد بسبب عدم الحزم وعدم التخطيط المسبق للمواجهه مع الاخوان وفرعهم السلفى
وخصوصا ببقاء فرعهم السلفيين في الحكم في الجيش والشرطة ووزارة الببلاوى والرئاسة و في المساجد والشارع عموما وفى الاعلام أيضا

ولا اريد من هذا المقال شيئا سوى تنبيه الشعب للمزالق الخطيرة من الاندفاع العاطفى واتوقع المتاعب لانى اسبح ضد التيار و قد تعرضت لمحاربات ضخمة لمجرد اننى اعترضت على الدستور المعيب الذى طبل ورقص له الجميع على عيوبه و احتوائه على المادة الثانية الحاكمة على كل المواد والعقول بما فيها الاقباط المخدوعين في انهم سيحلبوا عسلا ولبنا من النملة يوما ما و تناسوا تاريخ 1430 عاما من المهانة والاذلال و الاستئصال العقيدى والثقافى والسياسى والاقتصادي أيضا

والله باضت لك في القفص يا سيسى وبتلعبها صح

ولا اعتقد انك بعيد عما يحدث من تاليه ومسح للعقول المصرية بالتخطيط و التحريض والتنفيذ عن طريق أجهزة الدولة المصرية وقواها المسيطرة من امن دكتاتورى رهيب واعلام موجه الى درجة السماجة وخالت على شعب لم تخل عليه مافعله مبارك ومرسى وقام بثورتين ضدهم ارسلتهم للسجون والمعتقلات

اننى استعجب كيف استطعت ان تسيطر على هذا الشعب الفرعونى بهذه السهولة والبساطة كأنك واحد معجون بمية عفاريت واحييك عموما على ذكاء استخدامك لاجهزتك بطريقة ناعمة وذكية فعلا تمنحك السلطة على طبق من ذهب بدون اى متاعب لا حاضرة ولا مستقبله من وجهه نظرك الشخصية التي اعترض عليها وساشرحها بهذا المقال

كل معارضيك شبه اختفوا واللى لسه قاعد بيفلفص و ها يطلع الروح أبو الفتوح اغمى عليه من الخضة و صباحى اترشح من باب يا صابت يا اتنين عور وغالبا ها تبقى اتنين عمى وسامى عنان اتلطخ بالسواد والافساد والقتل والعمالة من قبل ما يبتدى وباسم يوسف اتذل واخد عقوبة حبس منزلى تلات شهور وخسائر مالية و سب علنى له من أصناف مستأجرة بواسطة الامن المصرى ليؤثر السلامة ويتدجن من قرصة الودن ولو عملها بعد كده يبقى يارحمان يارحيم روحوا اقروا الفاتحة على روحه

انا لسه شايف فيدبيو بتاع الشيخ الهلالى أستاذ الفقه بجامعه الازهر و مساعد شيخ الازهر اللى بيشبه سيدنا السيسى بموسى وهارون

وقبله المفتى وناس من الدعاة منهم الشيخ مظهر شاهين واساتذة جامعه كباتر وقادة أحزاب ومفكرين وقضاة وعمر موسى و فنانات وستات بيبخوا سموم في عقل المصرى الغلبان و بيحاولوا يظهروا ان السيسى بيده عصا سحرية و ها يمسك التراب يعمله دهب و ها يخللى مصر احسن من أمريكا ويمكن يحاربها و يوحد مصر وامريكا ويحكمهم من القاهرة - اخر خبل واخر هبل بصراحة

انا باكرر انى باحب السيسى لكن التأليه والطبل ها يضره هو شخصيا لما الشعب يعرف انه عايش بدولة مفلسه فعلا و اقتصادها اتدفن من تلات سنوات و عايشين عالة على غيرنا اللى ها يزهقوا قريب من دفع المليارات
والمية بح لان سد النهضة ها ينشف مجرى النيل فالزراعة بح - سياحة بح - امن مفيش - جيش مسيطر على كل البلد

والله الناس اللى بتطبل وتزمر دى في السياسة والأحزاب والاعلام لازم تتحاكم اول ناس بتهمة افساد الذوق العام و الفعل الفاضح بالاعلام -

بكرة كل اللى بيطبل ويزمر ويرقص دلوقت يندم ساعة ما يفيدش الندم

لما يؤله شعب المسئولين ويرسلوهم و ينيبوهم اى يخلوهم رسل وانبيا يبقى بيدوهم وصفة شيطانية يسرقوا وينهبوا من غير حساب و يصعبوا على الناس اللى بتفهم و الوطنية واللى عاوزة مصلحة البلد انهم يحاسبوهم ويحطوهم جنب مبارك ومرسى فى السجن ان افتروا -مانفذوش اى وعود

اصحوا يا شعب واعدموا رجال الاعلام ذوى الذمة الخربانة-

مفيش تطبيل لحد-

اللى ييجى ريس يبقى خدام للشعب يمشى ع العجين ما يلخبطوش بامر الناس وان ما عجبهمش يدوله شلوت قانونى بره الكرسى ويتحاكم ان كان حرامى او مستغل

و دا العقد الاجتماعى ووثيقة التامين ضد الدكتاتورية والاستعباد والفساد

السيسى راجل وطنى لكن محكوم بموافقة أمريكا وأوروبا وإسرائيل علشان يمسك

واهو باكد عليها لايمكن ييجى ويعمل حاجة ان ما اخدش ختم أوباما واشتون ونتنياهو وناقشوا معه تفاصيل التفاصيل وادق شئون القرار الوطنى المصرى

وسيبكم من أوهام استقلال القرار الوطنى كلام في الهجص وتمثيليات خايبة على الغلابة

انا باحب السيسى لكن باحب مصر اكثر ولازم الشعب يخللى عنده نصاحة ويمسك الريموت بايده وما يخليش لا السيسى ولا غيره ياخده بحيله ولا تأليه ولا طبل وتزمير يقف وراه امن الدولة والجيش والشرطة والاعلام الرخيص

السيسى علشان ييجى لازم الشعب ياخد عليه شروط واضحة

تخليه عن الجيش تماما بوصفه مدنى يبقى القائد الأعلى فقط ويحاول انهاء سيطرة الجيش على السياسة والاقتصاد لصالح الدولة المدنية وتحويله لجيش محترف بنص هذا العدد في دولة مدنية تماما تحترم حقوق الانسان حسب المعايير الدولية المقبولة
الشرط التانى هو تحييد المادة التانية بتطبيقها على الراغب من المسلمين فقط بظل نظام قضائى مزدوج يحمل بطياته محاكم تمييز قبطيية مسلمة مشتركة بالقضايا التي تخص العلاقة بينهما وهى العلاقة الملتبسة منذ 1430 سنة

ثالثا القضاء على الإرهاب بطريقة فعالة بتكوين وزارة حرب لمدة ستة شهور و العزل السياسى للإخوان والسلفيين لمدة عشر سنوات بحكم قضائى بات

يكفى تطبيل وتزمير ورقص واسترحام وكمل جميلك واركبنا -

رئاسة مصر شرف لمن يحصل عليها بطريقة ديموقراطية شريفة ويجب ان يبقى الشعب كرامته في يده ويحاكم اى احد يترجى اى شخص مهما كانت افعاله لمصر ان ييجى ويحكمه

دى مسخرة لا ارضاها لمصر بلد الحضارة والتحضر التي افقدها الإسلاميين والعسكريين كرامتها بشتى المجالات





التعليق والتصويت على الموضوع في الموقع الرئيسي


التعليقات

1 - شعب مغيب
كامل حرب ( 2014 / 2 / 11 - 23:55 )
لاادرى ماذا اقول ,الشعب المصرى يستحق الرثاء والشفقه ,انه شعب مغيب مدروش وغير ناضج وساذج ,ادمن العباده والصلاه للرئيس المفدى ,النساء المصريات حصدن الارقام النهائيه فى الغباء والعبط والهبل ,نحن نعيش فى مأساه

2 - مصر والحرامية
جاك عطالله ( 2014 / 2 / 12 - 10:41 )
شكرا أستاذ كامل انت اكيد قارى كتالوج الشعب كويس بس صدقنى هية مؤامرة على مخ الشعب - اتسرق مليارات من الدولارات على تعليم الشعب من 1952 ومازالت نسبة الامية اكثر من عالية و التعليم سطحى يخرج دراويش وامعات مسخ تعبد الحاكم ولا تعرف كيفية ممارسة ادميتها وحريتها - معجزة تتعمل ثورتين ورا بعض ومصيبة المصايب تتسرق الثورتين مرة بيد الاخوان والعسكريين ومرة بايدى العسكريين - مصر لن تنفع ان حكمها عسكرى مرة أخرى وماحدش عاوز يفهم الكلام ده

3 - حد شاف الاخوان وهم بيطبلوا للسيسى ...
حكيم العارف ( 2014 / 2 / 12 - 23:48 )

الست دى من الاخوان مدفوعه لتناصر السيسى وتشتم باسم يوسف حتى يغضب السيسى و يتصرف بحماقه ويخسر الشعب ... و يقع فى براثن الاخوان...

http://ahewar.org/rate/ys.asp?yid=1570602


ده اذا لم يكن وقع بالفعل !!!!!!

اخر الافلام

.. لماذا يرفض اليهود الحريديم الخدمة العسكرية؟


.. 154-An-Nisa




.. ندوة توعية للمزارعين ضمن مبادرة إزرع للهيئه القبطية الإنجيلي

.. د. حامد عبد الصمد: المؤسسات الدينية تخاف من الأسئلة والهرطقا



.. يهود متشددون يهاجمون سيارة وزير إسرائيلي خلال مظاهرة ضد التج