الحوار المتمدن - موبايل
الموقع الرئيسي


تعالوا نتعلم من القطة درس

شريف عشري

2014 / 4 / 23
الفلسفة ,علم النفس , وعلم الاجتماع

إسترعي انتباهي ديالوج مثير حدث بين أليس وبين القطة فى قصة " مغامرات أليس فى بلاد العجائب " ..هو ديالوج قصير لكنه يحمل معني عميق ..وهو كما يلي :
أليس بتسأل القطة : ممكن تقوليلى امشي منين ؟
القطة بتجاوب : ده بيعتمد على فكرة انتى عايزه تروحى فين بالضبط
أليس بترد :مايهمنيش اروح فين بالضبط
القطة : كده مش مهم تسالى على أى طريق
أليس : بس انا عايزه اروح لأى مكان
القطة :لو انتى متأكده انك عايزه كده ، امشي مسافة طويلة وكافية ممكن توصلك لأى مكان
( من مغامرات أليس فى بلاد العجائب- الفصل 6 )

ونصيحتي للشباب عن تجربة شخصية هى :

مش مهم فى الوقت الحاضر انك تفكر فى حلم ضاع او رغبات لم تحققها ...المهم انك ما تقعدشي تندب حظك ...إشتغل اى حاجة ومايهمكشي البرستيج ...ماحدش حيصرف عليك من جيبه ..وما حدش ليه فضل عليك ...سيبك من نظرات الناس ..فكر فقط فى نظرتك لنفسك ..فكر فى الوزنات والقدرات اللى ربنا اعطاها ليك ... حاول تكتشفها وتستثمرها ...قوى مهاراتك اللغوية ومهارات الحاسوب ومهارات التعامل مع الناس وربى فى نفسك الذكاء الاجتماعى ...تشبث بأقل فرصة والعب عليها بكل قوتك ... وخد بالاسباب صح ..بالتأكيد حييجي الوقت اللى فيه ربنا مش حيضيع تعبك أبدا ..بالتأكيد حييجي الوقت اللى فيه حتحصد نتيجة كل عمل وكل جهد بذلته ...لسبب بسيط لكنه فاصل وحازم وحاسم وهو : لأن الله عادل

---

---

---

التعليق والتصويت على الموضوع في الموقع الرئيسي

---

.. تركيا تدرس سحب قواتها من سوريا


.. أوضاع إنسانية صعبة في قطاع غزة وسط استمرار عمليات النزوح




.. انتقادات من الجمهوريين في الكونغرس لإدانة ترامب في قضية - أم


.. كتائب القسام تنشر صورة جندي إسرائيلي قتل في كمين جباليا




.. دريد محاسنة: قناة السويس تمثل الخط الرئيسي للامتداد والتزويد