الحوار المتمدن - موبايل
الموقع الرئيسي


ابو الهول فى بلاد طرش ستان عمى ستان خرس ستان

جاك عطالله

2015 / 8 / 21
العلمانية، الدين السياسي ونقد الفكر الديني


جاك عطالله - الأخبار القبطية
20 أغسطس 2015
بلاد طرش ستان خرس ستان عمى ستان تقع بقارة الطناش ويحكمها ابو الهول المطنش وساسرد عليكم بعضا مما يحدث هناك وتتناوله بعض وسائل الاعلام باستحياء وخجل

1- مخترع عمره 14 عاما وليد محمد العبادى يستقبله رئيس الجمهورية لانه اخترع منظومة عسكرية مضادة للصواريخ اى والله عجز عن اختراعها ابو الهول الحاكم وكل جيشه بداية من علماء الفنية العسكرية المنشاة من عصر عبد الناصر وحتى محمد زويل -ويكرر حكاية اللوا عبد المتعاص والتى كان بطلها ابو الهول نفسه فى فضيحة جهاز كفته الايدز - واضح ان لا علم بمصر ام زبيبة الا علم البرهامى ويعقوب والكيب وكريمة - لا ابحاث ولا دراسة متخصصة ولا توثيق علمى ولا تجارب معملية - اين جرب هذا الطفل منظومته وكيف صنعها ؟؟ فى عشة الفراخ ؟؟ ام غرفة نوم الست والدته ؟؟

وللاسف نفس القصة الحزينة تتكرر من فتاة باولى اداب اكرر كلية الاداب وليس هندسة او علوم تخترع جهازا برضو للصواريخ تمكنت الطالبة ولاء حسام طه بالفرقة الأولى بكلية الآداب جامعة الفيوم، من اختراع جهاز دفع وتحكم ذاتى فى الصواريخ ومركبات الفضاء.وأكدت الطالبة أن اختراعها يلغى غرف الوقود والاحتراق بالصواريخ، بالإضافة إلى أنه جهاز يمثل سداً عالياً جديداً فى مصر لإنتاج الكهرباء. ياسلام سلم اداب وبتخترع امال لو حطوها فى الهندسة ها تخترع ايه ؟؟ فياجرا للستات ؟؟؟

ايه حكاية الصواريخ اللى ماشية فى البلد دى ؟؟ وهل لها علاقة ببحوث جامعه الازهر الفائقة السرية والاهمية عن حرب الغازات وهل الضرطة تفسد الوضوء ؟؟
هل سنكرر فضيحة الصواريخ الابلكاش القاهر والظافر؟؟؟

موش عيب يا ابا الهول تفضحنا الفضيحة دى فى العالم .. موش كفاية فضيحة اللوا عبد العال اللى كنت بطلها والعالم لسه فاكرها ؟؟ وكتمت عليها دلوقت بعد الهاء الشعب المصرى ؟؟

2-
ببلاد طرش ستان خرس ستان يتم تبديل اوراق الطالبة المتفوقة مريم بامتحانات الثانوية العامة باوراق اخرى راسبة قد تكون قريبة ابا الهول او احد افراد عصابته المهمينين على مصر وتاخذ المسكينة صفر و تذهب قريبة ابا الهول لكلية الطب وابا الهول ساكت ومطنش والنهاردة الجرايد مطلعة اسامى بنت تانية حصل معاها نفس الكلام فى تلات مواد و طالبة تحقيق

3-
فضيحة مرتضى منصور و توفيق عكاشة و نادر بكار و صوفيناز و شاكيرا و مصطفى بكرى و البرهامى فتاويه المتكررة لذبح وتكفير الاقباط واستحلال بناتهم واملاكهم وارواحهم و مشايخ الازهر اللى رافضين بحزم اى تعديل بمناهج اكل الاسير واستحلال حياة و املاك وبنات الكافر و شرب بول البعير والزنا يثبت بحبل يمرر فى السرير بين اتنين عراة زناة ومصايب الكورة والاهلى والزمالك ووزارة الداخلية اللى طغت اكتر من ايام المفترى العادلى ومبارك -
ايه البلاوى دى وازاى متحالف معاهم ومشغلهم لحسابك يا ابا الهول وساكت عليهم ؟؟؟

4-
فضيحة ودائع قناة السويس اتلم 64 مليار جنيه من الناس بشهادات 12% فوائد و كشف الحساب الصادر عن افتتاح الازدواج بقناة السويس يقول ان التكاليف عشرين مليار جنيه طب فين باقى الفلوس اللى فوايدها النهاردة بعد سنة من لمها 6.6 مليار جنيه ؟؟؟ كله فى حب مصر ؟؟؟

5-
اعلان خيانة وعمالة الاخوان وتفكيك اقتصادهم واحكام بالاعدام لم تنفذ لليوم والساعة واشاعات عن صلح وشيك معهم و تحالف مع فردتهم التانية السلفيين و اطلاقهم على الاقباط و العلمانيين والمراة ؟؟؟ !!!! ثم طلب من المصريين للمساهمة بدولة مدنية حديثة ؟؟؟؟!!!

يا عم ابو الهول المحترم

ممكن تكلف اى حد محايد يحقق فى البلاوى اللى فوق واللى اتعمل قدها خمسين مرة فى سنة ؟؟
ولا انت مستريح كده ببلاد خرس ستان عمى ستان طرش ستان ؟؟؟ وموش ها تفوق الا على الموجة التالته من ثورة لا تبقى ولا تذر للشعب المصرى الذى تاكلت ثقته بيك من افعالك ؟؟؟؟





التعليق والتصويت على الموضوع في الموقع الرئيسي


التعليقات

1 - امال لو حطوها فى الهندسة ها تخترع ايه ؟؟
سيد مدبولى ( 2015 / 8 / 21 - 12:51 )

امال لو حطوها فى الهندسة ها تخترع ايه ؟؟ فياجرا للستات !!!
يا سيدى الفاضل هو سيادتك مبتقراش جرايد؟؟؟ فياجرا الستات تم اختراعها السنة اللى فاتت بواسطة الطالب المخترع محمد عباسط ابو سميطة فى السنة الثانية كلية شريعة واصول دين....ويعنى جت على دة ماهى كل حاجة واقفة فى مصر.....
وهل الضرطة تفسد الوضوء ؟؟ يامولانا دى امور فقهية تم البت فيها من 14 قرن بس علشان تجديد الخطاب الدينى تم فتح باب الكنيف اقصد باب الاجتهاد فى أزهرنا....
فضيحة اللوا عبد العال.....مفيش فضيحة ولاحاجة الراجل تقاعد ودلوقتى بيشرف على الرسائل العلمية فقط.

2 - اشبال عبد العال
جاك عطالله ( 2015 / 8 / 21 - 13:56 )
شكرا استاذنا سيد على التعليق اذا كانت كل حاجة واقفة ليه مصر اكبر مستهلك للفياجرا فى العالم؟؟ حلها انت بقى - الاشراف على الرسائل العلمية واضح مجهود اللوا الشيخ عبد المتعال فى خريجى مدرسته واضح انه ضرط الواد والبنت بتوع الاختراعات الجديدة ولسه ها تشوف اشبال عبدالعال ها يعملوا ايه فى مصر قال هية ناقصه مصايب


3 - ياريت ابو الهول يقراء
حكيم العارف ( 2015 / 8 / 22 - 01:31 )
===========

مقال ياريت ابو الهول يقراءه قبل فوات الاوان

===========

4 - ماذا اقول
كامل حرب ( 2015 / 8 / 22 - 03:53 )
ماذا عسانى اقول فى هذه العصابه الغبيه التى تحكم مصر سوى ان اقول الله يخرب بيوتكم

5 - ماركة مسجلة للجيش ما انا بقارىء ة
جاك عطالله ( 2015 / 8 / 22 - 21:32 )
شكرا يا حكيم الحكما
الجيش بطبيعته من ماركة ما انا بقارىء يقولوله اقرا ياعم فى عرضك استفيد من التاريخ والجغرافيا ومن الناس اللى بتفهم خد عبرة فى طولك فى عرضك يقول ما انا بقارىء اهو مبارك
كان من ماركة ما انا بقارىء شوفوا وصل ليه

استاذ كامل
وحياتك ان عمرهم ما اتخرب بيتهم دول بيلعبوا قمار على بيوتنا احنا وهنا المصيبة هما ما انا بقارىء واحنا اللى بيتخرب بيتنا محسوبين علينا كالقضاء والقدر

اخر الافلام

.. عظة الأحد - القس كاراس حكيم: فترة الصوم المقدس هي فترة الخزي

.. عظة الأحد - القس كاراس حكيم: السيد المسيح جه نور للعالم




.. عدد العائلات المسيحية في مدينة الرقة السورية كان يقدر بنحو 8

.. -فيديو لقبر النبي محمد-..حقيقي أم مفبرك؟




.. -روح الروح- يهتم بإطعام القطط رغم النزوح والجوع