الحوار المتمدن - موبايل
الموقع الرئيسي


باريس ضحية الإسلام السعودي أم الإسلام العادي ؟

شتيوي بوخبله

2015 / 11 / 16
العلمانية، الدين السياسي ونقد الفكر الديني


والله يا جماعة الخير حتى الحين متأثر بالإرهاب اللي ضرب باريس مساء الجمعة الماضية ؛ وقاعد أفكر وش السالفة ؟
بس بصراحة من خلال متابعتي لعشرات المواقع على الإنترنت لقيت بعض السذج من ربعنا خاصة الكتاب الليبراليين ! طبعا الليبرالية السعودية المعروفة واللي هي نسخة مصغرة عن الليبرالية العربية المشوهة الخانعه والخاضعة للأنظمة العربية القمعية وخاصة الأنظمة الخليجية المجرمة ؛
ما لكم بالطويله ؛
ربعنا ليبراليين النظام السعودي قالوا إن تفجيرات باريس مؤامرة على الإسلام والمسلمين !
لا وبعد قالوا مؤامرة مثل مؤامرة إرهاب أيلول سبتمبر الدامي في الولايات المتحدة !!
والله يا جماعة الخير وأنا أقرأ مقالاتهم حسيت أني أقرأ للشيخ العودة أو الكلباني أو العريفي أو الفريان أو المطلق أو القرني أو البريك أو واحد من عائلة آل الشيخ !!
والوكاد أقرأ لواحد امتحن أمنا وصدع رأسنا بكلامه ومقالاته عن الليبرالية ؛
والغرب يقول مثل ها التفاهات لا وبعد مثلها مقالات نشرت بمواقع ليبرالية محسوبة على نظام طويل الذيب ابن سعود ؛
واللي ضحكني بزود أن ذقون ومشايخ ابن سعود ما قالوا مثل ها الكلام ؛
وأكيد أنتم مستغربين ليش بديت كلامي بذكر ها الشي ؛
لا تستعجلون الحين أفرط لكم السبحة زي ما يقولون وأنطيكم العلم الأكيد ؛
بس ودي أدخل الموضوع بشي مهم وخطير بصيغة سؤال بسيط وهو : هل يوجد إسلام سعودي مختلف عن الإسلام العادي المعتدل واللي ورثناه وخبرناه سنين طويلة أجيال ورا أجيال ؟
الصحيح نعم فيه إسلام سعودي خاص ومفصل ومخيط على مقاس طويل اللي أنتم خابرين ابن سعود ؛
إسلام جهادي ومتشدد ومتطرف لأقصى حد ؛
وإسلام يغرس مع ها الشيء بعد البغض والكره للمخالف ؛
ويغرس بنفس الوقت تأليه وعبادة ابن سعود الفاسد والمفسد والسروف ملعون الطوائف ؛
إسلام معاوية وإسلام بني أمية ؛
إسلام يزيد بن معاوية وبقية شلة بني أمية ؛
إسلام خالف إسلام الصحابة والتابعين ؛
والحين عرفتم ليش بدي كلامي عن تفاهة بعض ليبراليين ابن سعود ؟؟! ؛
وتأكدتم أنه فيه إسلام سعودي دموي جهادي تكفيري متأصل بالمجتمع بمملكة ابن سعود وبالمناهج وكتب الشيخ محمد بن عبدالوهاب الأب الروحي بعلاقة غير شريفة وشرعية مع ابن سعود ؟؟؟ ؛
زين الإرهاب اللي بدأ من ثلاثة عقود تقريبا ومنسوب للإسلام العادي من اللي صنعه ؟ وليش ؟!
من اللي صنعه أكيد الشيخ محمد بن عبدالوهاب من ثلاثة قرون بتحالفه مع ابن سعود والسالفه معروفه بس ليش ؟ أو من المستفيد منه ؟
أكيد بالأول والتالي ابن سعود ؛
وما يمنع أن يستفيد منه غيره وأكيد أنتم فاهمين قصدي ؛
وما لكم بالطويله بعد يا الربع بس فكروا معي بجواب سؤال ثاني بسيط وهو :
وش الفرق بين عقيدة وإسلام محمد بن عبدالوهاب اللي هي بخدمة ابن سعود وتحت رجله ؟ وبين إسلام داعش وأبو بكر البغدادي؟؟!!! ،
وأتحدى أي واحد منكم يجيب فرق بطريقة الحكم وتطبيق الإسلام بين داعش وابن سعود ؛
اللي سواه ويسويه ابن سعود داعش تسويه بالمثل والتمام ونفس الشعارات والتطبيقات وما هنا اختلاف إلا أن داعش خلافة وابن سعود مملكة ؛
طيب بعد هذا يقبل كلام ابن سعود عن الإرهاب ومحاربته له ؛ أو أنوه هو أبو الإرهاب وأن داعش فرخ من فروخه إسلامه ؟؟
اللي فجر وقتل الأبرياء في باريس بالواقع هو الإسلام السعودي بنسخة مصغرة يمثلها داعش ؛
والواجب ولزوم محاربة الإسلام السعودي الإرهابي وخاصة ياللي يدرسونه بمدارسه ويخطبونه بمساجده وبعدها نواجه داعش ؛
بس إذا ما انتبهنا للأصل ورأس الأفعى ما يفيدنا قطع ذيلها ؛
والأهم لازم ننتبه ونفعل المواجهة الفكرية وفضح الإسلام السعودي المتطرف ؛
ونسعى بكل طريقه لقلعه من العقول قبل القلوب ومن المناهج والإعلام وخطب الجوامع ؛
وننتبه للي يقولون إنهم ليبراليين تابعين لابن سعود لأنهم أخطر من مشايخ ووعاظ سلطانه وما ناقصهم إلا لحى وذقون وحفت شوارب وتقصير ثوب وسبحة وساعة باليمين .





التعليق والتصويت على الموضوع في الموقع الرئيسي


اخر الافلام

.. حاخامات يهود يمزقون علم إسرائيل خلال مظاهرة في نيويورك


.. بايدن يؤكد خلال مراسم ذكرى المحرقة الالتزام بسلامة الشعب الي



.. نور الشريف أبويا الروحي.. حسن الرداد: من البداية كنت مقرر إن

.. عمليات نوعية لـ #المقاومة_الإسلامية في لبنان ضد تجمعات الاحت



.. 34 حارساً سويسرياً يؤدون قسم حماية بابا الفاتيكان