الحوار المتمدن - موبايل
الموقع الرئيسي


ملحد بس اخلاق

روماني سمير
كاتب, باحث, شاعر, مبرمج
(Romany Samir)

2016 / 2 / 12
الفلسفة ,علم النفس , وعلم الاجتماع


لفترة كبيرة .. كنت معتقد ان الانسان ممكن يتعلم القيم والمبادئ والاخلاق بالفطرة .. وانها زي الختم علي اروحنا لما بنتواصل معاها بنتعلمها وبنفعلها كسلوك في حياتنا .. بدون الحاجة لمعتقد او فكر اسمي يعلمنا ..

- ومن الطرق اللي بتعلم منها وبكون بيها افكاري هي القراية واني براقب تعاملي مع نفسي وتعامل اللي حواليا في حياتهم .. وبصاحب من كافة الالوان .. وفي كل مرة بتعامل مع انسان بيعتمد علي فكره الانساني فقط .. بدون ما يكون له معتقد او ايمان ما .. بكتشف انه علي المستوي الظاهري صاحب مبادئ واخلاق اعمق من زوي المعتقدات .. لكنه في الخفاء مظلم كالموت ..

- ودا بيثبت لي ان الانسان بدون ما يؤمن بفكر او عقيدة ما .. بدون نقطة مرجعية ينفع تفهمه منها .. غير مضمون او مفهوم او واضح في ردود افعاله .. ودا لان نفس الانسان اضعف بكتير من انه يؤمن بيها فقط .. لانه ايمان الانسان بانسانيته فقط .. ايمان هش .. بيبني في الانانية والنرجسية .. وبيحصر اهتمامه فيما هو لنفسه فقط .. وان من علي الاخرين ببعض الشئ كنوع من تفريغ طاقة العطاء جواه .. واشباع احتياجه بانه مهم .. انما بيكون مقاد بغرايزه وفطرة .. وما تمليه عليه

- الانسان فاشل في انه يقيم نفسه من الانحطاط الاخلاقي .. فاشل في انه يتغلب علي الغريزة والفطرة .. بدون دليل ومثال اعلي منه ينظر اليه ويحتذي به .. فاشل في انه يخلص نفسه من الرغبات الملحة .. وانه يرسم لنفسه قيم ومبادي اخلاقية .. عشان كدة جوعه لتلك القوة اللي اسمي منه واللي برا نفسه جعلته يصنع الاف الالهه علي مر التاريخ وفي مختلف الثقافات .. ادراكه للخير والشر وصراعه بينهم .. اظهرله عجزه في انه صعب يقيم نفسه بنفسه من سقوطه الاخلاقي .. واحتاجه لتلك القوي العالية .. القوي اللي خارج نطاقه الانساني .. او بالاحري احتياجه للايمان بشئ خارج نطاق نفسه العاجزه ..جعله يصنع ذلك المراقب الاخلاقي

- الخلاصة انه الانسان بدون ايمانه باله مش مضمون في العلاقات العميقة .. وهش في وعوده لانها متقلبة كتقلبه .. وغاياته تبرر الوسائل .. بدون الله احنا مجرد حيوانات .. بلا رجاء

-- نيتشة نفسه اللي هرانا بالسمو الاخلاقي وقوة الارادة الانسانية .. ملهم اصحاب النظريات الاخلاقية الانسانية اللادينية واللاربوبية الملحدة .. كان كلامه مجرد كلام .. زي ما كلنا بنتكلم .. انما في الفعل .. كان مقضيها في بيوت الدعارة لغاية ما جاله مرض السفلس .. دا غير انه لما حب وحدة ومحبتوش اتجنن اساسا .. وفي الاخر مات وحيد .. لانه فاقد الرجاء ..

- قال بولس فيلسوف المسيحية " الجميع زاغوا وفسدوا معا. ليس من يعمل صلاحا، ليس ولا واحد .. اذ الجميع أخطأوا .. وأحتاجوا الي مجد الله "

- مش معني كدة انه المؤمنون بالالهه كلهم زي الفل .. لكن فيه منهم سبب بلاء اساسا .. وان كان كل انسان يحمل وزره .. انما حقيقي هما سبب شتات الكثيرين .. وخصوصا اللي بيدعوا انها سماوية .. فسمائهم كم من مرة امطرت علي الارض الدماء ..

- منكرش اني مازلت معاند في فكرة الاخلاق الانسانية اللي جوانا وانه يمكن في ناس قدرت تعملها بدون احتياجها لمعبود .. لكن مفيش نموذج .. مثال نضيف صراحة قدامي ..

- وفي الاخر .. بغض النظر عن ايمانك او معتقدك او فكرك .. هحبك واحترمك واتحاور معاك .. لكن مش هقدر اكون بأتمنك علي نفسي بدون ما اكون عارف معتقدك او ايمانك او إلهك اللي مترجم في سلوكك وضامن اخلاقك ..





التعليق والتصويت على الموضوع في الموقع الرئيسي


التعليقات

1 - منطق
nasha ( 2016 / 2 / 12 - 05:24 )
عنوان المقال مش مظبوط
كان من المفروض يكون عنوان المقال (مش مؤمن بالاديان بس اخلاق)
الاخ روماني في الواقع لا يوجد ملحد واحد حقيقي على هذه الارض ، الالحاد بمعنى عدم الايمان كذبة مكشوفة.
الملحد مؤمن ايضاً ويستحيل على اي عقل بشري سوي ان يعيش بدون ايمان( بفكر محدد) والاّ اصبح الة بدون عقل كالكومبيوتر بدون برنامج بدون اي فائدة.
الاخلاق برنامج للعقل البشري نتعلمها من المحيط لكي نتثقف ونتصرف بتحضر.
الانسان لا يولد بالفطرة على اخلاق وثقافة وانما يولد بالفطرة كالحيوان تماماً تتحكم فيه الغرائز الطبيعية.
وأخيراً لا يعلو على اخلاق الحب والتسامح والتضحية اية اخلاق اخرى ولذلك سُمي الله بال( محبة).
تحياتي

2 - العنوان
روماني سمير ( 2016 / 2 / 12 - 11:47 )
هو انا مش شاطر في وضع العناوين .. بس كمان فكرة الاديان ليها فلسفة عندي
.. يعني ممكن اكون مؤمن باله .. لكن لاديني

اخر الافلام

.. إسرائيل تهاجم أردوغان.. أنقرة توقف التبادلات التجارية مع تل


.. ما دلالات استمرار فصائل المقاومة باستهداف محور نتساريم في غز



.. مواجهات بين مقاومين وجيش الاحتلال عقب محاصرة قوات إسرائيلية


.. قوات الأمن الأمريكية تمنع تغطية مؤتمر صحفي لطلاب معتصمين ضد




.. شاهد| قوات الاحتلال تستهدف منزلا بصاروخ في قرية دير الغصون ش