الحوار المتمدن - موبايل
الموقع الرئيسي


السيسى وشلبوكة ومساء الانوار

جاك عطالله

2016 / 5 / 13
العلمانية، الدين السياسي ونقد الفكر الديني


انا لا احترم ولا اثق لا بالسيسى ولا بدراويش السيسى ومريديه و الراقصين فى حضرته واعرف انه كذاب ارارى
وخصوصا شوية التهريج اللى عمله امبارح مع اللوا كامل الوزير وكلامه عن الواسطة والمحسوبية واحترام القانون وكلها يفعل عكسها تماما

قانون ايه اللى بيتطبق على اطفال مدرسة مسيحيين يتم حبسهم بتهمة ازدراء الاديان ؟؟؟ لانهم مثلوا ما تفعله داعش بقطع راس المسيحيين ؟؟؟؟!!!

قانون مين اللى ما بيتطبقش على عشرات قادة السلفيين الذين يكفرون خمس الشعب المصرى اللى هما المسيحيين علنا بالتليفزيون ويدعون الى مقتهم وازدرائهم وكراهيتهم واستحلال دمهم وشرفهم وممتلكاتهم ولا تحرك الدولة ممثلة بقائدها ورئيس وزرائها ساكنا وعاملين نفسهم من بنها ؟؟

قانون ايه اللى ما بيتطبقش على اللى بيخطفوا ويخدروا ويغتصبوا بناتنا القصر وعندما يتظاهر الاقباط امس فى سوهاج وغيرها يحبسوهم ويقولوا البنت اسلمت بالازهر وروحوا ربوا بناتكم اللى بتجرى ورا شبان سلفيين ممولين من السعودية لتطهير الاقباط من بناتهم ؟؟

ادى قداسة البابا قابل ملك البدو - والملك اخد العلامة الكاملة وغسل ايده من خطف بنات الاقباط ومن التطهير العرقى الذى يموله ويخطط له بمصر واحنا اخدنا الطرشة والمخطط زادت وتيرته ؟؟

مبسوط كده يا سيدنا من خطف بناتك ومن تهميش الدولة لنا بوضوح بعصر السيسى وزيرة وحيدة عرة بتاعة الهجرة تجرى تخطف بنت مسيحية من ايطاليا وتهديها لجد مسلم بمصر وتعلن علنا فى كندا ان مفيش اضطهاد ولا تهميش للاقباط بمصر ؟؟؟ وانتوا ساكتين ومكسور عينكم يا اقباط مصر والخارج ؟؟؟!!!

للاسف الريس السيسى بيتكلم كلام فارغ من المعنى ولا يتخد اى اجراءات عمليه تدعم كلامه حتى يصدقه احد -

قال سيعدم قادة الاخوان وهو يتفاوض للافراج عن قادتهم --قال سينشىء دولة حديثة وهو يبيعنا للدولة القرون وسطية السعودية --

قال تجديد واصلاح الخطاب الدينى وهو يتحالف مع الازهر والسلفيين ويحبس المثقفين -- والاطفال

قال الدولة للجميع وهو لم يبنى المائة كنيسة التى احترقت بسبب سذاجتنا المفرطة بتاييده بدون شروط ولم نحصل على اى تعيينات فى مناصب مهمة ولا فى اى وزارات وعلى العكس اخدنا بالقديمة على كل المستويات كاقباط

قال سيؤمن الغذاء و المياه للزراعة والبلد مقبلة على مجاعة شديدة وقجط مائى لم نستعد له و نحر شديد للدلتا وكل مناطق مصر على ساحل المتوسط -

قال انه سيستوزر و يناصر الشباب وهو يقتلهم بزوار الفجر و الاختفاء القسرى -- ويحبسهم باقبية سجون العصور الوسطى

قال سيحارب غلاء الاسعار ويرفع المرتبات والعكس تماما حدث حيث اصبح الدولار خارج سيطرة الحكومة--

قال سيحارب الفساد وهو يحمى الحرامى طنطاوى من المحاكمة بتهم خيانة عظمى و تزوير الانتخابات و تسليم مصر للسعودية والاخوان و سرقات الاحتياط الدولارى لمصر--

لا يمكن تصديقه ولا الوثوق به لان كل ماقاله وتعهد به فعل عكسه تمام

والان فيه اتنين كورة وملعبين
واحد كورة وواحد ملعب لرد فعل الاقباط داخل وخارج

والتانى كورة وملعب لكل المصريين بمافيهم الاقباط لانهم جزء اساسى من الشعب المصرى العظيم

هل نحن لعيبة فى ملعب وطننا ام ان الشعب خارج المدرجات ؟؟ وبيتفرج على الدولة بتضيع فى برنامج مساء الانوار مع شلبوكة ؟؟





التعليق والتصويت على الموضوع في الموقع الرئيسي


اخر الافلام

.. أول موظفة يهودية معيّنة سياسيا من قبل بايدن تستقيل احتجاجا ع

.. البابا فرانسيس يعانق فلسطينياً وإسرائيلياً فقدا أقاربهما على



.. 174-Al-Baqarah


.. 176--Al-Baqarah




.. 177-Al-Baqarah