الحوار المتمدن - موبايل
الموقع الرئيسي


أمثال من بلادي - متفرقات

مريم نجمه

2016 / 6 / 14
دراسات وابحاث في التاريخ والتراث واللغات


أمثال من بلادي - متفرقات ؟
الأمثال حكمة الكبار , وجُزء من تراث الشعوب . قاموس الأمثال لا ينته .. مع إضافة الجديد

- " هاتها من الأول " .
- " العَوَض بسلامتك " .
- " العقل هو الإمام " .
- ولَدْ بيحرق بلد " .
- " أول غزواته كسر عصاته " .
" أول غزواته , دمّر جيشه .
- " قعد رئيس قتل شعبو !
- "عشنا , وشفنا " .
- عشنا وشفنا يللي ما بينقرا ولا بينشاف ".
- " كمن يحرث بالبحر " .
- كمن يسبح بالدم " .
- " لن يصلح ما أفسده الدهر " .
- " ولد هجّر شعب , وخرّب بلد " .
- " عشنا وشفنا " .
- " كل شئ بوقته حلو " .
- " كل شئ بمحله حلو . "
- قال الله : " لا أتركك ولا أتخلّى عنك " .
- " عشنا وأكلنا من موسم السنة , أو من خير السنة " .
- " استفتاحة مباركة أكلنا من موسم السنة , من خير السنة " .
- " من يدري هل نأكل ثمار الموسم القادم ؟
- " لا شئ في الصيف مثل العرَق " .
- " الفاجر عكس الطاهر ".
- " أخذ الكار ما نو معيار " .
- " إبنه على كتفه وبيدوّرعليه ".
-" إبن العشرين لا ذمة ولا دين " .
- آخر المعروف بينضرب بالكفوف . "
-" ما حدا بيشتري سمك بالبحر " .
-" جابوا الخيل ليحذوها , إجا الفار ومدّ إيدو "
- " ما فيهم للبقرة بينطحوا العجلة " .
- " ما غاظت إلا اللي بَلَفَكْ . "
- " ما كل االمكبتل جوز , ولا كل الطويل موز " .
- " ما خلّوا للوارث إلا ورق الكرّاس " .
- " لكلِ تنّين , جاوارجيوس يقتله " .
- " هدر المياه , يبدأ بقطرة " .
- " يا بتّطلقني يا بِتجوْبِرْني " . - سيران جوبر -
- " الفاجر بياكل مال التاجر " .
- " بعد أمي وأختي الكل جيران " .
- " جناح الشخص أولاده " .
- الهمّ في الدنيا كثير بسّ مفرّق " .
- " حُرّة صبرتْ في بيتها عِمرت " .
- " الحذر ما بيمنعش القدر " .
- أكل التين في تشارين " - التين الأخضر -
- " أكل التين في كوانين " - التين المجفف .
- " الحلو حلو ولو قام من النوم , والبشع بِشع ولو غسّل كل يوم " .
- اللي في الصندوق على العروق " .
- " ثلاثة لا بد للإنسان السيطرة عليها : اللسان , الأعصاب , والنفس ".
- " يللي بيتاجر بالأ{واح ما بدو يكون نواح ."
-" يللي بيحرق ذيلو يا ويلو . "
- " يللي بيعيش بالحكمة بموت بالنقمة " .
- " يللي ما بيفهم بالإشارة الحكي معه خسارة . "
- " لا نبي بلا كرامة إلا في وطنه وبين أقربائه وأهل بيته " . إنجيل

****


أمثال عراقية :
- " يبقى الحمار حماراً , حتى لوركب عليه عنتر" .
- " مُركتنة على زياكتنة ".
- " لا أحد سوانا يتحمّل أغلاطنا , محسوبة لنا وليس لغيرنا .
- " الورقة الخضراء " تعمي البصائر" .
- رمانتين بفد إيد ما تلتزم .
- " مع الخيل يا شقرا " .
- الطول طول النخلة والعقل عقل الصخلة " .
- " نايم ورجليع بالشمس . ( يقال لمن لا يعرف ما يحدث حواليه ) .
- " يركض والعشا خبّاز " .
- " مو كل مدعبل جوز " .
- " بالوجه مراية وبالظهر سلاية " .
- " من قلة الخيل شدينا على الكلاب سروج " .


****

أمثال لبنانية - بيروتية :

- " كل عُمرَه كركوز بسرايا .
- " ما ناقص السوق إلا هاني زوق .
- " ما عمره شحّاذ بيحب صاحب مخلاية " .
- " ما ورا الصبر إلا المجرفة والقبر " .
- " ما كل أسمر عنتر " .
- " ما دام إنت مليح مشّي أعمالك مع الريح "
- " ما دمنا على هالحصيرة لا طويلة ولا قصيرة " .
- " ما عمره مقسم دخل الجنة ".
- " احتاجوا اليهودي قال لهم : اليوم عيدي" .
- " أجرة البيت وحق الزيت ما منّو جميلة " .
- أخ قسّيس وأخ ابليس " .
- " أخرَس وعامل قاضي " .
- " ما عندك لسان ما عندك إحسان ".
- " ما في دخان بلا نار " .
- " ما في طلعة إلا وراها نزلة .
- " ما عشت يا فتى يا مشمى الأعادي " .
-" ما كل من صفّ الصواني قال أنا حلواني ".
- " ما كل مرّة بتسلم الجرّة " .
- "ما كل طير يتاكل لحمه " .
- " ما يشكر السوق إلا مين ربح ".
- " ماتت الحمارة وانقطعت الزيارة .
- " متى ما كانت الخبزة بالبيت رقصتْ وغنّيت .
- " متى ما كانت الخبزة والزيتونة بالبيت صفقت وغنّيت .
- " مثل الماء بالنزول ".
- " مثل الماء بالطلوع ".
- " مثل الشوكة بالعين " .
- " مثل الخروف المعلوف ".
- " يللي بيتاجر بالأرواح ما بدو يكون نواّح " .
مع تحية المساء للقراء والأصدقاء الأعزاء .... , انقطاع النِت عندي باستمرار الموضوع جاهز لدي منذ زمن !!؟
مؤلفي : أمثال من بلادي .
مريم نجمه





التعليق والتصويت على الموضوع في الموقع الرئيسي


اخر الافلام

.. نتنياهو: لم نكمل إزالة التهديد لكننا غيرنا مسار الحرب


.. عاجل | وسائل إعلام إسرائيلية: مقتل إسرائيلية وإصابة آخرين في



.. حرائق وأضرار في كريات شمونة والجيش الإسرائيلي يعلن اعتراض مس

.. ماذا تريد إسرائيل من ساحة غزة؟




.. لماذا مخيم جباليا؟