الحوار المتمدن - موبايل
الموقع الرئيسي


اللغة العربية من أفقر اللغات العالمية

أيمن غالى

2018 / 1 / 30
دراسات وابحاث في التاريخ والتراث واللغات


اللغة العربية من أفقر اللغات العالمية ..

هنا ممكن تكون المعلومة فاجعة لناس كتيرة و حا يقولوا لك: إزاى الكلام ده؛ فى حين إن اللغة العربية فيها شخروميت مليون جذر لكلمات مش موجودة فى أى لغة ..
ده كفاية إن الأسد له شخروميت إسم ( أكتر من 300 إسم ), و مش عارف إيه له عشروميت إسم و هكذا لكلمات و أسماء كتيرة .. و إن ده إعجاز لغوى ..
تعدد إسم الشئ فى أى لغة يضعفها و دليل على إن الكلمة غير محددة .. و بعدين حا نستفيد إيه من تعدد إسم شئ مع العجز و الفقر الشديد فى كلمات محتاجينها فى حياتنا اليومية و هى مش موجودة ؟!!
ندخل على التقيلة ..
ثراء اللغة فى تصريفات أفعالها مش فى عدد كلماتها ( الأصيلة و المسروقة و المسلوقة )؛
الفعل فى اللغة العربية مالهوش غير 3 تصريفات فقط ( ماضى و مضارع و مستقبل )؛ فى حين إن باقى اللغات عندها العديد من التصريفات للفعل الواحد و إللى ممكن يخدم المتحدث إنه يوصف الأحداث إللى بتمر بيه بإختلاف أزمنتها ..
و من ضمن اللغات إللى بتعنينا هى اللغة المصرية القديمة ( القبطية ) و إللى للفعل فيها 12 تصريف مختلف فى أزمنة مختلفة؛ عانى بسببها الأقباط فى ترجمة كتاباتهم من القبطية للعربية؛ فخرجت كتابات مشوهة غير مفهومة و أصبح على كل دارس أن يرجع للأصول لفهمها بلغتها لا للترجمة العربية المبهمة ..
و من الأمثلة المتداولة فى دراسة النصوص الإنجيلية و الكتابية يتم الرجوع للنصوص الأصلية فى لغاتها الأصلية من عبرية و يونانية و أرامية لأنها أثرى - بمراحل كتيرة - لغويا من العربية ..
يعنى إللى ترجم من لغات ثرية - كاليونانية و القبطية و العبرية - للغة العربية؛ دخل فى حيطة ..
يعنى مثلا يكون عندك فعل فى الزمن الماضى المستمر ( يعنى حدث تم فى الماضى و ما زال مستمرا ) مش حا تقدر تترجمه للعربية إلا فى زمن الماضى و سيتم فهمه على إنه فعل حدث فى الماضى و إنتهى حدوثه تماما على غير الحقيقة و بالتالى المعلومة بتوصل مغلوطة للمستمع ..
المصريين و علشان متعودين على تصريفات الأفعال فى عدة أزمنة كلغة أجدادهم؛ عند إبتكارهم للغة المصرية الحديثة - إللى بنتكلمها فى الشارع و معروفة بالخطأ بالعامية و البعض بيقول إنها لهجة عربية - إستعملوا تعبيرات لخلق أزمنة مش موجودة بالعربية؛ زى مثلا زمن المضارع المستمر - الغير موجود فى العربية - بإضافة حرف الباء على أى فعل مضارع, و بنقول " بأكتب, بيكتب, بتكتب, بيكتبوا .. " ..
الموضوع ثرى جدا و سأحاول لاحقاً تناول بعض النقاط بإستفاضة ..
اللغة العربية ما فيها إعجاز لغوى و لكن فيها عجز لغوى ..





التعليق والتصويت على الموضوع في الموقع الرئيسي


اخر الافلام

.. سائق يلتقط مشهدًا مخيفًا لإعصار مدمر يتحرك بالقرب منه بأمريك

.. إسرائيل -مستعدة- لتأجيل اجتياح رفح بحال التوصل -لاتفاق أسرى-



.. محمود عباس يطالب بوقف القتال وتزويد غزة بالمساعدات| #عاجل


.. ماكرون يدعو إلى نقاش حول الدفاع الأوروبي يشمل السلاح النووي




.. مسؤولون في الخارجية الأميركية يشككون في انتهاك إسرائيل للقان