الحوار المتمدن - موبايل
الموقع الرئيسي


(كلية الامام الكاظم)

صوت الانتفاضة

2022 / 12 / 3
المجتمع المدني


نجح الفتى من السادس الاعدادي بمعدل متواضع؛ الفتى مصر على دخول قسم اللغة الإنگليزية، لا يهم آداب او تربية، المهم انه يريد تعلم الإنگليزية، كانت ترتسم في مخيلته خطة، فهو يريد الهجرة من العراق، فقد كان هذا طموحه الأكبر، بات الجميع يدرك ان الحياة في هذا البلد صارت شبه مستحيلة، فمن يحكمه هم مجموعة لصوص وبلطجية، ولا افق له؛ كان يقول ان اللغة الإنگليزية ستكون أداة نجاحه.

ظهرت نتائج القبول المركزي، كانت فنون جميلة، سخر كثيرا، اية فنون جميلة، الإسلاميون قتلوا كل شيء جميل، فلا فن او ادب، صارت حياة الناس دينية وعشائرية؛ ثم إذا "تخرجت" من الكلية، يا ترى اين سأعمل؟ صديقه قال له مازحا: عمي راح تشتغل طبلچي بالملهى، وداعتك فلوس.

لم ييأس، ذهب الى الجامعة المستنصرية، كلية الاداب، قدم على قسم الترجمة، في المكتبة التي عمل فيها استمارة التقديم، وبالمصادفة كانت هناك أستاذة من الجامعة، وهو يملي الاستمارة مع صديقه، يتحدثان بصوت عال، سمعتهم هذه الأستاذة، فسألته: كم هو معدلك؟ أجاب صديقه: ست هذا معدله 62.5 فقالت له: ابني انت تريد آداب ترجمة إنگليزية، وهذا اعلى قسم بالكلية، فما أتصور تحصل عليه، شوف غير قسم.

ما هي الأقسام الأخرى؟ فلسفة، علم نفس، أنثروبولوجيا، اعلام. اقسام لا تعني شيئا في هذا البلد، انها في حالة موت سريري.

لم يتبق امامه سوى الكليات الاهلية، لكنها مكلفة جدا. أشار عليه صديقه بكلية الامام الكاظم، فهي تابعة للوقف الشيعي، وقريبة على بيتك، ثم ان تكلفتها المالية أرخص سعرا، "وأحلى شي ما بيها رسوب". نظر مليا بوجه صديقه، اعترته حسرة كبيرة، ضرب كفا بكف، بدى عليه الانزعاج؛ تريد أروح لكلية دينية، هاي تالي دراستي، ولك انت شايفها لو يسولفولك عليها؛ زين بالنهاية شطلع، بكالوريوس كيشواني، ويعينوني "قارئ بالفواتح"؛ ولك يابه هاي الكليات مالت الأوقاف سووها الإسلاميين حتى يحصلون بيها على شهادات، لأن اغلبهم ما مخلص ابتدائية، فأخذوا أراضي مالت الدولة، بنوها، سموها كليات الجامعة "جامعة الكاظم، جامعة الرسل، جامعة الصادق، جامعة الامام الأعظم، جامعة الصدر الخ".

صديقه أصر على ان هذه الكلية هي الأنسب له، بسبب ان معدله الدراسي لا يسمح له بجامعات مثل المستنصرية او بغداد؛ عند ذاك انفعل وبان عليه التوتر واخذ بيد صديقه واجر "تكتك" قاصدا كلية الكاظم، وقال له سوف أريك الكلية.
دخلا الكلية، مجموعة بنايات كبيرة، حدائق متواضعة جدا، الكثير من طلبتها من كبار السن، من الموظفين الحكوميين، الذين يطمحون لزيادة رواتبهم، فيذهبوا اليها ليحصلوا على شهادة البكالوريوس؛ فيها تشدد على نوع الملابس، خصوصا الطالبات، فالحجاب والجوارب اجباريان، وبالنسبة للطلبة الذكور، فهناك منع لأنواع محددة من البناطيل، الجامعة ومثلما يقال فأنها "تقبض الگلب"، لا تجد فيها فرحة الطلبة وفاعليتهم ونشاطهم واشراقهم وبسمتهم.

سمعا نغمة هاتف يرن، كانت "لطميه"، يبدو انها لأستاذ في الجامعة، صدفة كانا يقفان بجواره، فقال له صديقه "هاي شنو"؟ ولك يابه امشي خلي نطلع، المستنصرية هواي أحسن، صحيح بيها صور معممين، تارسه الاقسام، ومرات يسوون طقوس دينية، بس على الأقل الصبح مخلين فيروز، والطلبة مختلطين وملابسهم حلوه، ومبينه عليهم الفرحة والنشاط، بس جامعة الكاظم يجوز الصبح تخلي دعاء كميل.

اقتنع أخيرا صديقة برأيه، بعد ان رأى الجامعة بنفسه، وقال له: شوف لو تعرف تأجل هاي السنة وتشتغل عماله أحسن ما تدرس بهاي الجامعات الدينية، لازم يغيرون اساميهن واداراتهن ويخلوهن تابعات للتعليم العالي، شنو وقف شيعي شنو وقف سني؟ تدري قبل فترة قريت رأي لماكس فيبر يگول ان الأوقاف جزء من النمط الاقطاعي، طبعا هاي بس عدنا باقية الأوقاف، والا هي جزء من عمليات النهب اللي يقوم بيها رجال الدين وقادة الميليشيات.

بدى عليه الارتياح، خصوصا وان صديقه اقتنع أخيرا برأيه، ورجع الى حلمه وطموحه، اللغة الإنگليزية، التي ستنقذه من هذا البلد الذي يعاني شهقات الموت على يد المافيات الإسلامية والقومية، وذهب ليقدم استمارته على الدراسة المسائية، عسى ولعل ان يسعفه الحظ، ويقبل في القسم الذي يرغب.
#طارق_فتحي





التعليق والتصويت على الموضوع في الموقع الرئيسي


اخر الافلام

.. آلاف الإسرائيليين يتظاهرون للمطالبة بقبول مقترح -خارطة الطري

.. آلاف المجريين يتظاهرون في بودابست دعما لرئيس الوزراء أوربان




.. إسرائيل وافقت على قبول 33 محتجزا حيا أو ميتا في المرحلة الأو

.. مظاهرات لعدة أيام ضد المهاجرين الجزائريين في جزر مايوركا الإ



.. متظاهرون مؤيدون لفلسطين يتظاهرون في باريس بفرنسا