الحوار المتمدن - موبايل
الموقع الرئيسي


الحنفية بين النبي ابراهيم والبزبوز

ماجد الحداد

2023 / 1 / 8
دراسات وابحاث في التاريخ والتراث واللغات


كتير من الشعوب الشرقية الناطقة بالعربية بتسمي صنبور المياه ( بز_بوز ) وهي كلمة من مقطعين ( بز ) وشرحنا معناها في المقال اللغوي اللي فات ، وكلمة ( بوز ) يعني إلى المدبب البارز يقصدوا البق أو الفم يعني . ويبقى معناها بز البق اللي بيتدفق مياه .
أما صنبور دي كلمة عربية معناها اما راس نخلة طالع من نخلة ام عجزت . أو نخلة عاقر ما بتجنبش . عشان كدة العرب بيطلقوا على اي ضعيف في قومه أو مالوش عزوة أو ابتر مالوش ولد ( صنبور ) وتصغيره ( صُنيبٍير )
اقتباس صنبور من لغة اقدم لسة مش عارفه ومابحثتش فيه . لكن أحد ده ما ابدا بحث فيه فصنبور عربية . وبما أن النخلة الصغيرة الضسعفة اللي طالعة من ساق نخلة . ده يبرر ليه سموا البزبوز أو الحنفية صنبور . مناسب لشكله .

طيب منين جات كلمة ( حنفية ) اللي بتقولها في مصر على البزبوز ؟!
اشهر روايات متداولة عن أن ( محمد علي ) ورواية تانية ان الاحتلال البريطاني تم تعميم مواسير المياه في مصر . فاستبدل بيها الطشت والغدارة والكوز في الميضة _ مكان الوضوء _ بالبزبوز . كل رواية بتقول حاجة :
واحدة بتقول أن نقابة السقايين اللي راحوا المشايخ يصنعوا لهم فتوى بتحريم البزبوز عشان بيوت السقايين ما يتخربش . فالثلاث مذاهب ( مالكية وشافعية وحنبلية ) حرمته. ما عدا المذهب المستنير العاقل ( الحنفية ) واباحوا الوضوء به .
رواية تانية بتشيل السقايين وحاطة الشعب مكانهم . لكن النتيجة برضو الاحناف اللي أفتوا بجلال استخدامه
وتالتة بتقول الناس اعترضت عشان بتعمل برك مياه وبتطين الشوارع .
في النهاية المذهب الحنفي هو بطل القصة . عشان كدة سموا البزبوز أن الصنبور ( الحنفية ) كارتباط شرطي باللي أفتوا بجواز استخدامه .

الروايات دي ممكن تروي ظمأ الإعلاميين واللي بيبحثوا عن هدف معين للنقد أو اللي مطلع على التاريخ بس وبيقرا من غير ما يدعبس على التاصيل الاثري حتى في اللغات
الحقيقة أن الروايات دي انا مش لاقي لها إثباتات أثرية تدعمها . لكن لا هنكذب ولا هنصدق احنا هنبص على السبب الأقدم للتسمية وفيه مصدر وراه .

الاختراع اللي اسمه حنفية عبارة عن انبوبة لها مفتاح غرضها ( تدفق ) المياه بتركيز والتحكم في المياه .
طب لما نطور على اقدم لغات المكتوبة في العالم وكمان في نفس البلد اللي أطلقت على الصنبور حنفية .
هتلاقي ببساطة أن المصطلح كان موجود في كلامهم اصلا . سواء استعمال بزبوز أو مرادف تاني له هو الحنفية .
كلمات مصرية قديمة زي ما شايفين في القاموس بالاسفل زي ( حفني ) أو ( حوني ) دول معناهم تدفق أو اندفاع .
اي حد اسمه حفني واصله يعني متدفق او معطاء أو مندفع أو كريم أو اي شئ دفع للخارج _ العطاء دفع خارجي بعكس الأخذ جذب داخلي _ طبعا قانوني الاقلاب والتبديل المشهور في الايتمولوجي بيحوّل حفني إلى حنفي . بدانا تبديل إلغاء والنون مكان بعض . فتصبح الحنفية اصلها مصري لأنها بتقوم بنفس الدور الدلالي بالفعل البزبوز تدفق المياه .
فهل كانت قصة مذهب الحنفية تبرير لأصل كلمة حنفية والناس مش عارفة الحقيقة . زي ما حصل مع تأصيل كلمة ( إحا ) أنها اختصار لثلاث كلمات عربية " انا حقا اعترض " لجهل واضع الفرضية باللغة المصرية القديمة ، وشرحنا أصلها بالتفصيل في مقال ( الملك احا ) اول ملك مصري في التاريخ ؟ .

عندنا معلومة عن الحنفية موثقة واقدم بمصدر لغوي أثري ، ومعلومة تاريخية احدث لا اعرف لها مصدر بعدما بحثت عنها . وقد يكون السببين تزامنوا مع بعضهم لتاريخ عشان يطلقوا اسم حنفية على الصنبور . لكن في كل الحالات الكلمة المصرية اقدم دلالة ولفظ .
لو تسال حوني ازاي حنفي ... الواو تتحول لقاء عادي من لغة للغة واحيانا من لهجة داخل لهجة . غير أن عندما كلمة صريحة بحروفها وهي ( حفني ) .
ده التمتع في الموضوع أنهم مستخدمين رمز صوتي اللي هو وقت ( نون ) ومكتوب بدلالته الرمزية امواج مائية وقبلها رجل ماسك غاية عشان يركزوا ان فيه دفع وزق بالضغط على المياة وبياخد حرف الواو ، وهو الرمز طبقا لترقيم آلان جاردنر الرمز A24 كما هو موضح في الصور .
هل هناك أكثر شرح تفصيلي للي بتعمله آلية البزبوز اكتر من كدة ؟

ايه هي علاقة ( الحنيفية ) كديانة قديمة اتبعها النبي ( ابراهيم ) بالإسلام بالاسم ده ؟

( حنف ) أو ( حف_ن_ر ) دول بيعنوا " الشرغوف " أي جنين الضفدع بعد روحه من البيض وبيبقى اللي شكل سمك البساريا .
وده رمز الفطرة والنقاء والحالة الأولى عند المصري . لأن النترة ( حقت ) الضفدعة هي ما تنفخ في الجنين من روحها لتبعث فيه الحياة بعدما يشكل النتر ( غنوم ) على شكل كبش من الغنم الطفل من صلصال كالفخار على عجلته الفخارية . وكمان الأربع ضفادع هم من أهم المخلوقات مع الأربع افاعي . وهم النترو الثمانية حملة عرش ( رع ) اللي بزغوا مع الافعى من ( نون ) الماء الأزلي العظيم ، وهم الذين خلقوا العالم بناء على أسطورة ( الاشمونين ) في محافظة ( المنيا ) . وشمون منها جاء رقم ( ثمانية ) في اللغة العربية .
معنى الحنيفية في العربية لها مدلولات كتير زي المصري . منها مثلا القدم أو الرجل المعووجة والمقوسة لجوة مش برة . ومعناها الميلان على شىء . والاصطلاح الديني اخذها من فكرة الميل إلى الحق والخير وبعدين رجع أصل مدلول الكلمة تاني لمعنى : " الدين القويم والطريق المستقيم القائم على الفطرة الأصلية . كل سياق الكلمة في القرآن الكريم بتنحو نحو مدلول أن الحنيفية معناها الدين لسة الفطرة التي تولد عليها . انا هنا مش بتكلم لاهوتيا ودينيا . احنا لازلنا في تأصيل الكلمة.

نلاقي تخريج تاني للكلمة زي ( حون_نفر ) يعني الطفل الجميل . يعني برضو رمزية للفطرة اللي اتولدت عليها .

( حوني_ر_حر ) يعني متوافق ومتماشي ومتسق مع الإنسان . والدليل احدى علامات ( حر ) واللي من مدلالتها الإنسان الوجه التوجه . ببساطة برضو لما تحول الواو لفاء في حوني هتبقى حفني .. حنفي . يعني ترك النفس والفكر مع تيار الطبيعة دون مقاومة .
الكلمة المصرية كلها بتقول بالتعبير القرآني العربي ( اقم وجهك حنيفا ) يعني التوجه والتوجيه للحقيقة _ لا علاقة بما نقوله بأحقية دين عن آخر نحن نبحث عن أصل الكلمة لغويا واثريا _ والغريبة أن كلمة ( حري ) بالمصري تعني برضو قائد وزعيم _ طبعا من ,اسم رمز حاكم مصر النتر الصقر ( حر ) .
وبكدة لما الاسلام يقول عن إبراهيم حنيفا يقصد أنه ( أبيكم ابراهيم ) هو القائد لهذا الدين الذي هو الدين القويم الفطري كما بدأ غضّا وبريئا .
يمكن فيه ملاحظة أن الصابئين المندائيين بيقولو أنهم أخذوا حكمة المصريين ، ومعاهم صحف ابراهيم _ ابراهيم زار مصر بناء على الرواية الدينية _ غير ان نبيهم الأساسي يوحنا كان يمتلك حكمة المصريين _ بسبب انتشار الأفكار الغنوصية في العصر الهيللنستي في مصر واللي واللي انشأت المظهر الأساسي الرهبنة وقوانين لاهوتية فلسفية معينة _ العرب بناء على كتب السيرة كانت بتنعت اي شخص يسلم من قريش ويترك عياكة الأوثان بأنه " قد صبأ " أو " أصبأت ؟ " يعني هل أصبحت صابئي " .
لأن من اول الاحناف اللي هم الحقيقة انشقاق مذهبي من الصابئة مع نسك الغنوصيين . لذلك كانوا يعتكفون في الكهوف مثل أي راهب .
في هذا العصر من الاسيين اليهود أو الصابئة او المسيحيين .
بناء عليه لما يقولو اصبأت يقصدوا " اتحنفت ؟ "
ودي أصل الكلمة .

معلومة زيادة هامشية كلمة ( حفن ) لوحدها زي ما شايفين في القاموس معناها ( عدد لا نهائي ) ورمزها شرغوف ضفدع لأن البيض بيخرج منه عدد كتير جدا من الشراغيف . فالدلالة كانت عدد كبير جدا أو غير نهائي . طبعا هي هي لفظ وحروف ومدلول وصل الغربي وأصبحت كلمة ( حفنة ) تطلق على شىء كتير غير معدود مثل :
" حفنة من المال " أو بالمصري " حطي عليه حفان رز " .
وكلهم بيعنوا الكتير و التدفق عدم المقاومة مع التيار . قائد التيار نفسه في المقدمة يعني .

وننهي بديباجة مقالات وأبحاث اللغة اللي بحبها جدا :
ورغم كل ده تلاقي اللي يقول لك العربية هي أصل كل اللغات
واللي يقول لك الحاكم بأمر الله قطع لسان المصريين ومشيوا خرس في الشوارع عشان يتكلموا عربي بالقوة
واللي يقول لك بين اللغتين المصرية والعربية حرفين جر بس !! .

#
اعتذر لعدم ادراج الصور في القاموس لاني بعد كتابة المقال لا اجد كيفية لنشر الصور التوضيحية في الحوار المتمدن
لذلك من أراد الاطلاع على الصور التوضيحية على هذا الرابط
https://m.facebook.com/story.php?story_fbid=pfbid0ERJyUfxG3t7Cb8AJR3rSN8euqnpZAwkiiYp5F64YtXB3htvEhMsxHKQd3nUxmYFUl&id=100063777533293&mibextid=Nif5oz





التعليق والتصويت على الموضوع في الموقع الرئيسي


اخر الافلام

.. السياسة الفرنسية تدخل على خط الاحتجاجات الطلابية


.. روسيا تزيد تسليح قواتها ردا على الدعم الغربي لكييف | #غرفة_ا



.. طهران.. مفاوضات سرية لشراء 300 طن من اليورانيوم | #غرفة_الأخ

.. الرياض تسعى للفصل بين التطبيع والاتفاق مع واشنطن | #غرفة_الأ



.. قراءة عسكرية.. صور خاصة للجزيرة تظهر رصد حزب الله مواقع الجي