الحوار المتمدن - موبايل
الموقع الرئيسي


الحلم جنين الواقع ووليد المستقبل - الجزء الثامن

كريمة سلام

2024 / 2 / 25
الفلسفة ,علم النفس , وعلم الاجتماع

مقدمة :
الحلم شيء مؤقت وليس دائم والحلم الثاني يمحو الأولاني فلا داع للقلق .. فهو ليس شيئا مسلم به .. ولا يجب علينا الحزن .. ومن خلال تفسيراتي خلال عام مضى لقيت ان الاحلام مرتبطة بالحالة الاجتماعية اللي بنعيشها وأغلبها الأحوال المادية والعاطفية التي تتأثر بالأحوال المادية .. فنجد الاحلام كلها بتتكلم عن موضوعات يومية مثل "راحت تجيب حاجات من السوبرماركت .. ولقت الحاجات غالية" .. "تحلم ان هو وهي لابسين قصير" ويدل على وجود مشاكل مادية او هي حلمت "إنها لابسة قصير" يعني "مشكلة مادية مع الشريك" .. أو تحلم بانهيار العمارة أو ماشية في الشارع " وده معناه "إحساسها بالأمان مفقود" أو " هي في البيت" فهي في عيشة هنية .. أو "واقفة في بلكونة" يعني ليها مكانة وأهمية .. وهكذا .. وفي فترة انتشار فيروس كورونا كان "مسيطرا على أحلام الجميع ، والجميع مصاب بها" وديه مشكلة عالمية وأصابت الجميع وبيحلموا بيها وايام لما يبقى ثورات في البلاد تلاقي كل احلامهم تقول ان "هي حد ضربها ببندقية" هي "شافت صاروخ .. شافت طيارة"
كما سيطرت قضية الزواج على أحلام الكثيرين أيضا "اللي تبقى عايزة تتجوز تحلم بالمقابر" أو "حد واقف على المقبرة مش راضي يخلي الميت يدخل" وكلها طبعا دلالات على المشكلات التي تحاصر الزواج. و كمان لما تحلم ان "هي بتلبس فستان بتاع الفرح" ده يعني مافيش زواج ده يا طلاق يا عقد قران. فستان الفرح في الحلم كده شفت اقاويل انه بتبقى الواحدة "هتموت" لكن من خلال تفسيراتي بقول ان فعلا احلام كتيرة قلتها بهذه الطريقة و طلعت صح ان "الفستان بتاع الفرح يعني يا الواحدة سيعقد قرانها أو هتتطلق لو كانت متجوزة" و ممكن تكون مكتوب كتابها وتتطلق .. فده فستان الفرح في الحلم واللي تحلم بقى "لابسة عباية ورأسها بدون غطاء" يعني الجواز لن يتم.
طبعا الأمراض اللي بيحلموا بيها وبتبقى تفسيراتها مش مرض ناخذ مثال مرض السرطان كتير بيتصلوا و بيبقوا خايفين ويقولولي حلمت "اني مريض بالسرطان" فمرض السرطان بالحلم يعني "كلام هي بتقوله في مكان وتقول غيره في مكان تاني او بتفعل فعل بيبقى هنا حاجة وهنا حاجة تانية" .. مثلا واحدة بتيجي عند بيتهم وتلبس الطرحة وتروح عند شغلها و تقلعها ده مرض السرطان في الحلم تفسيره كده .. أيضا ممكن واحدة ست بتحلم "بالجماع في الحلم" .. فالجماع يبقى كذبة أو خدعة من الطرف الآخر لها وهو منتشر في أحلام كثيرة بسبب الحالة الاجتماعية الصعبة .. اللي عايشينها كله كذب في كذب الواحدة بيتكذب عليها من ولد والراجل بيكذب على مراته وهكذا
وفيما يلي أعرض مجموعة من الأحلام التي وردتني من كتابات المتابعين واتصالاتهم وتفسيراتي لها أملا في أن تجدوا ما تبحثون عنه من تفسيرات لأحلامكم إذا تشابهت مع بعضها .. دمتم بكل الخير

الحلم : حلمت بأخذ المصوغات الذهبية بتوعي من المخزن اللي في مكان شغلي .
وكأنوا كل اللي بيشتغلوا هناك بيحطوا ذهبهم في المخزن ده

سؤال : المصوغات الذهبية عبارة عن ايه غوايش ذهب او خواتم ؟
الجواب : خواتم وغوايش وقلادات ذهبية

التفسير : الخواتم رجالة والغوايش ستات والقلادات الذهبية شخصيات بتعتزي بيها يمكن يكونوا أولادك لو معاكي و كلهم تعبينك وتعبين نفسيتك و انتي بتأخديهم عايزاهم يبقوا معاكي بس حيبقوا تعبينك وبتأخديهم من المخزن اللي في شغلك المخزن ده لو هو الدولاب بتأخديهم من واحد .

وجاء الرد : لي حقوق مالية في الشغل بتاعي و فيه ستات ورجالة في قسم الحسابات عندنا بيلفوا ويدورو علشان يأخذوا حقي وعامليلي زعل كبير ومضايقني جامد وربنا يأخذلي حقي منهم.
الف شكر لحضرتك

الحلم : حلمت بشتري مكياج و زوجي رفض اشتري وكنت ماسكة طفل ماشي معايا و جاءت عربية كبيره دهست الطفل وشفت الدم في عجل العربية وسبتة ومشيت بس كنت ماشيه نص رجلية عريانا

التفسير : بتشتري مكياج زعل وزوجك رفض تشتري مش عايز زعل ماسكه طفل مشكله عندك وملزماكي العربية دهست الطفل قرار بتفكري فيةيخلصك من المشكله والدم القرار يخص جراحة سبتي الطفل ومشيتي بعدتي عن المشكله ا ورجلك العريانة جزء من الماديات هيكون فيه مشكله

وجاء الرد : القرار اللي بفكر فيه مشكله مع زوجي وكنت بطلب الطلاق
والعمليه عايزة اعمل عملية اللوز لابني الماديات دى مشكله مع زوجي علي مصروف البيت

الحلم : شفت نفسي ماشيه في الشارع ومعايا كيس بلاستيك شفاف داخله كيس فيه حجاب وبندانا وكنت عاوزه اغير الحجاب اللي علي راسي لكن خفت أحد يشوفني و طلعت عماره علي السلم ولقيت نفسي هاروح الدرس بتاع بنتي قلت زمايل بنتي هيستغربو ازاي انا هاحضر مكان بنتي الدرس المهم طلعت فعلا لحد ما وصلت لمجموعه بنات منهم واحده شاطره جدا صاحبه بنتي وبتسالني عن رأئي في شكلها وانا قلت لها انها عاديه و لقيت بنت خالتي مطلقه جايه تجري علي السلم وطلعت لي مكان ما انا قاعده علي درجه السلم اعلي منها وحضنتها وقلت لها انتي وحشتني قالت لي ان هيه عرفت خبر انفصالي و انا مكسوفه إن أصحاب بنتي يعرفو ) انا في الحقيقه متجوزه ومفيش طلاق.

التفسير : ماشيه في الشارع مفيش امن ولا وامان والكيس الشفاف واحد متكشفلك كل حاجه منه وكيس في داخله حجاب وبندانا فيه كلام من ناحيته علي ارتباط بس معاه واحده وكنت عاوزه اغير الحجاب اللي علي راسي يعني الي معاكي ده عاوزه تسيبه بس انت عامله حساب لكلام الناس وطلعت السلم فيه صعود لكي والدرس بتاع بنتك معلومات مهمه عاوزه تعرفيها عن إبنتك و مجموعه البنات حلول لكي والبنت الشاطره فيه حل منهم هيخليكي متردده وصاحبه إبنتك بتسالي عن رأيي في شكلها حل من ناحيه تصرفات إبنتك الوضع فيه حاجات غريبه وبنت خالتك حل بيقول ان المشكله منتهيه لانها مطلقه وفيه صعود لكي وجاي لحد عندك وحضنتها الحل ده هتفارقيه وانتي مش عاوزه تشوفي الحل ده والحل بيقول مفيش انفصال لسه وانتي خايفه من الحلول تسبب لك متاعب لو مش معاكي زوج.

وجاء الرد : بنتي مهمله في دراستها حاليا وانا قلقانه عليها لانها ثانويه عامه ومش بتذاكر كويس اوي زي الاول وانا مع زوجي بس علي طول في مشاكل ونفسي تنتهي المشاكل لانها مأثره علي العيال بس خايفه من القيل والقال والحمدلله فيه اكتر من حل حواليه بس انا خايفه جدا ومتردده فيهم عشان الناس

الحلم : بنتي حلمت انها في الدرس وقال لها الاستاذ اليوم ستركبي على هذا الحصان وكان الحصان ابيض وجميل بالمنام وقالت لاستاذها سأركب ولكن سأجرب اولا وكانت تضحك ويضحك معها الاستاذ

التفسير : المدرس مشكلة انه بيقول لها هتركبي على هذا الحصان.. الحصان واحد له مكانة ومقام عالي وعشان أبيض مزعل بنتك.. ومش جميل ولا حاجة.. فالمدرس مشكلة من ناحية ان هي عايزة تسيطر على هذا الواحد وقالت لاستاذها سأركب يعني هتسيطر.. لا مش هتقدر تسيطر (ولكن سأجرب أولا) يعني تعمل محاولات.. وكانت تضحك ويضحك معها أستاذها الضحك زعل

وجاء الرد : تسلمي لنا يا ست الكل كأنك عايشة معانا
فعلا هي تحب السيطرة ومشاكلها كثيرة لهذا السبب وأعتقد الحصان ده والدها هو طبيب وهي تريد أن تكون صاحبة القرار في البيت الله يهديها

الحلم : حلمت قاعد مع واحده صحبتي من ايام الدراسه وقالتلي في حفله تعالى نشوف لقيت الشيخ ياسين التهامي واقف بيمدح

التفسير : الوحده حل لكي بس عملة مشكلة وفيه تحذير لك من الصحاب القدامي و الحفلة زعل والشيخ يمدح فيه امان لك
وجاء الرد : في اختلاف مع زوجي وطلبت الطلق وهو رفض

الحلم : حلمت ابني الصغير ضرب ثعبان لونه ابيض وقطع راسة

التفسير : ابنك الصغير مشكله والثعبان شخص مؤذي ولما قطع راسة غير تفكيرة

وجاء الرد : الشخص المؤذن حمايا ابو زوجي طلب مني فلوس لما بقول لزوجي راح ابو زوجي نكر فإبني قال لزوجي لا يابابا جدو قال لماما على فلوس

الحلم : حلمت عايزه مبشره بصل أخذتها بس رجعتها تاني عشان كانت مصديه.

التفسير : واحده بتجزاء الماديات و كانت مصديه الفلوس عاملة مشاكل

وجاء الرد : المبشرة الوحده دي خالتي الفلوس دي كانت عايزانى أ أخذ لها قرض وأنا قولتها لا

الحلم : حلمت كنت قاطعة الشارع و فيه اثنين رجالة واحد منهم لمحت بيتكلم عليا مع صديقو و مر قدامي روحت لعندو قلت له ليه مريت قدامي كان لازم تمر ورايا و ده مش تصرف كويس قالي انت ليه بتجي هنا مش لازم تجي قلت له انا باجي عند صحبتي و المرة الجاية تمر ورايا رفع حجر كبير قالي حضربك به قلت له حجبلك راجل و يرفع حجر يضربك كمان و مش حسكت و شوية لبس هو و صاحبو ملابس ستات هو راح ركب سيارة حركها شوية ووقف و صاحبو مسكتو من ايدو و سالتو هو كان قاصد يمر امامي رفض يجاوبني في الأول و بعد مااصريت قالي اه كان قاصد كده.

التفسير : كنت قاطعة الشارع و فيه اثنين رجالة واحد منهم لمحتيه بيتكلم عليكي؛ إنت قاطعة الشارع بتعدي عايزة تتنقلي من مكان لمكان و الاثنين رجالة عندك مشكلتين مشكله منهم بيتكلم عليكي قدرت تعرفي ايه هي بالضبط مع صديقو و مرو قدامو و رحت عندو قلت له ليه مريت قدامي بدأت تتعاملي مع المشكلة في انو ليه بقت المشكلة من هنا اتنقلت لهنا كان لازم تمرو ورايا بتستغربي انو المشكله ملازماكي و ده مش تصرف كويس انت بتقولي اللي عندك انو ده مش تصرف كويس لا هو تصرف كويس بيسالك إنت ليه بتيجي هنا مش لازم تجي يعني انت ايه اللي وداكي من هنا لهنا ليه بتعملي كده مش لازم تجي قلت له انا باجي عند صاحبتي يعني فيه سبب لانك تتنقلي من هنا لهنا و المره الجايه تمر ورايا رفع حجر كبير قالي حضربك به الحجر ده ممكن يكون اخوكي و لما حيضربك به حيبقا فيه تفاهم و قلت له حجيب لك راجل يعني حعملك مشكلة و يرفع حجر يضربك يعني مع خويا المشكلة و يبقا فيها تفاهم انت ايه بينكو لما بتقوليلو مش حسكت لا حتسكتي و شوية لبى هو و صاحبو ملابس ستات الملابس الستات ده كلام حيزعلك و هو راح ركب سيارة السيارة حياخد قرار مع نفسو حركها شوية يعني خد كذا خطوة إيجابية بسيطة ووقف يعني مش عارف يكمل المشوار و صحيو مسكتو من ايدو يعني المشكلة على ماديات إضافية ممكن بتجيلك و سألتو هو كان قاصد يمر امامي يعني هو قاصد يخليني اشوفو رفض يجاوبك لا حيجاوبك في الأول حيجاوبك و بعد ما اصريتي مش حيقولك حاجة.

وجاء الرد : الشخص ده خطيبي سابقا و المشكله اللي بينا هو الفراق لكن عرفت انو كان بيقول عليا كلام زي السم و كنت عاوزة اتأكد هو فعلا قال الكلام ده و لا لأ و انا واجهتو بس انكر كل حاجة الا بعض الكلام اللي صح و ده سبب بينا مسافة كبيرة و هو بيقولي انت بتشكي في...... مقدرتش اقتنع أو ارجع زي ماكنت معاه الكلام عمل حاجز بينا و دايما قصاد عيني و الحجر اخويا و دلوقتي في حالة صلح بينا رغم المشاكل اللي مسبباها مراتو و هي بتتدخل في الماديات اللي بينا و دايما بتمنعو يساعدنا في المصروف.

الحلم :حلمت بقبل فنان كبير تركي و هو لسه بيمثل و لابس بدلة و قولت له كفاية التاكسي بيستناك و الزباين منتظرينك و راح علشان يوصلهم. و التقيت خطيبي سابقا كنت عايزة أقبلو بس هو رفض.

التفسير : الفنان الكبير التركي حاجة بتتمنيها حتفارقيها القبلة فراق و لابس بدلة من ناحية واحد ثاني او وظيفة و قلتلو كفاية التاكسي بيستناك يعني أخذ قرار نمرة اثنين يخصه بعيد عنك و الزباين منتظرينك يعني الناس اللي بتسمع الكلام اللي تمثيل في تمثيل دي و إنت من ضمنهم مستنيينو روح لهم و راح علشان يوصلهم يعني حيبقى معاهم و إنت التقيتي بخطيبك السابق هو مشكلة و إنت لو كنت قبلتيه المشكلة كانت حتروح لحالها بس بما انه رفض يبقى لسه الموضوع متعلق بينك و بين خطيبك السابق.

وجاء الرد : الممثل واحد كلامه كله كذب في كذب و اكتشفت كذبه عليا و إتفارقنا انا و هو و سيبتو مع جماعة أصحابه مكنتش برتاح لهم و خطيبي سابقا مفيش بنا كلام لسه.

الحلم : حلمت كنت في منزل كبير بتاع اخويا بيطل على البحر و عمل غرفة نوم لماما بسرير كبير و اثنين كومودينو و سراحة لونهم ابيض و دولاب و قالي عندك غرفة نوم فرحت و رحت بصيت عليها لقيت عندي دولاب كبير و أبوابه مفتوحة و سرير كبير و سراحة لونهم بني قلت اخيرا عندي غرفة نوم بتاعتي و لقيت اخويا كان خارج من الشقة لكن وجد ثقب في العتب و كان بيفحصو باصبعه و بيفكر فيه و هو قاعد و انا واقفة بقولو لازم تصلح الثقب ده علشان ميكبرش.

التفسير : إنت في منزل في أمن و أمان لكن المنزل بيطل على البحر ي فيه حيرة على ماديات و عمل غرفة نوم لماما بسرير كبير إنت بتتمني حل الاستقرار لماما و اثنين كومودينو راجلين و السراحة واحدة و مزعلاكي و الدولاب واحد و قالك عندك غرفة نوم فرحت يعني أمن و امان ليكي عندو حيزعلك روحتي بصيتي عليها لقيت عندي دولاب كبير واحد سنه كبير و أبوابه مفتوحة معه ستات عاملين لك ازعاج أو عيالو و سرير كبير عشتك هناك بتفكري فيها والسراحة بني واحدة عملالك اكتئاب و قلت اخيرا عندي غرفة نوم بتاعتي لا الأمن والأمان ده مش مريحك و لقيت اخويا كان خارج من الشقة اخوكي مشكلة و حتبعد لكن وجد ثقب في العتب الثقب ده مشكلة من واحدة و كان بيفحصو باصبعه يخص أحد من عيالو أو شغلو بيفكر فيه و هو قاعد لو قاعد على كرسي له مكانة لو قاعد في الأرض يبقي إنت تعبانةمن ناحيته و التعب حينتهي على ميعاد و إنت بتقولي له لازم تصلح الثقب علشان ميكبرش علشان متزيدش و نخلص منها..

وجاء الرد : صحيح فيه حيرة على ماديات حنصرفها على إصلاح البيت و انا عاوزة ماما تكون مستقرة في الماديات و عندنا زعل من رجلين و ست كانو ساكنين الشقة دي إللي حنصلحها و انا بتكلم مع رجل كبير و فيه واحدة يعرفها دايما يتكلم عنها و هي جارته و انا مش مرتاحة من ناحيتها و المشكلة هي مرات اخويا مش عاوزة تتعدل معانا و انا عاوزة المشكلة دي تخلص.

الحلم : حلمت بصلى العشا و بقول التشهد ولبسه إسدال اخضر و اخويا فتح باب الشقه ودخل هو ومراته وبعدها اخويا اختفى ومراته كانت لسه مخلفه بنت و قمت من الصلاه وانا ناسيه احط الطرحه بتاعة الاسدال وكنت بصلى بشعرى وبعدها اخدت البنت من مرات اخويا وكان شكلها عيان

التفسير : بتصلى العشا ( انتى بتأمنى نفسك من واحد من ناحيته خير الاسدال الاخضر ) ..ولقيت اخوكى فتح باب الشقه ( اخوكى مشكله من ناحية واحد معموله ازعاج ).. ودخل هو ومراته ( هو مشكله ومراته حل ) وبعدها اخويا اختفى ( المشكله راحت لحالها )
ومراته كانت لسه مخلفه بنت ( مراته حل وجايبالك حل كمان تانى )
لما قومتى من الصلاه (مابقيتيش متأمنه ) ..لقيت نفسي كنت بصلى وانا ناسيه احط الطرحه (يعنى عايزه تتأمنى بالزواج من واحد ) وكنت بصلى بشعرى (عايزه تتأمنى بس مفيش راجل .. مفيش جواز ) وبعدها اخدت البنت الصغيره من مرات اخويا ( الحل عايزه تستفادى بيه ) وكان شكلها عيان ( الحل على أد حاله )

وجاء الرد : الواحد إلى معموله ازعاج طليقى عشان مدخلين ناس من القرايب يكلموه أنه يدينى حقوقى انا والاولاد .ومستنيين نشوف هيحصل ايه ..وانا حاليا فعلا مش مرتبطه مفيش اى راجل فى حياتى

الحلم : حلمت بتكلم مع الدكتور علي التليفون و قال لي اختك عندها مرض وحش و انه عايز يكشف عليها بأيده لان المرض في كل مكان عندها .
وكانت اختي مع ماما الله يرحمها في مكان فأنا قولت كده اختي و ماما عندهم نفس المرض و اتصلت بأختي علي التليفون قولت لها تعالي الدكتور عايز يكشف عليكي .
فجت اختي العياده و كانت بتشرب سجايره وانا كنت قاعده علي كنبه و قولت لها الدكتور عايز صوره تحليل دم غير اللي انتي سبق و عملتيها بس لازم عينه الدم تتسحب ب سرنجه رفيعه لان العريضه بتكبر الحاجه
.
التفسير : بتتكلمي مع الدكتور في التليفون عايزه تعالجي مشكله و فيه خبر عندك هتوصليه لحد
وقالي اختك عندها المرض الوحش يعني في حل ليكي من ناخيه كلام بتقوليه و بتقولي غيره في حتة تانيه
كانت اختي مع ماما الله يرحمها في مكان واحد
ليكي حل من ناحيه كلام قديم هيتجدد علي ميراث لو في ميرات
لو مفيش يبقي خلاص فيه كلام قديم هيتجدد
فأنا قولت كده اختي و ماما عندهم نفس المرض يعني اللي كانت بتعمله ماما بتعمله اختي ،
اتصلت بأختي علي التليفون في خبر عايزه توصليه لاختك
قولتيلها تعالي الدكتور عايز يكشف عليكي تعالي في معالجه للمشكله هنحلها
اختك راحت لك العياده يعني هتجيلك للمكان اللي هتعالجي فيه المشكله
وكانت بتشرب سيجاره يعني في واحده بتعمل مشكله كل شويه و تنتهي
وانتي كنت قاعده علي كنبه انتي تعبانه من واحده
وقولتلها الدكتور عايره صوره تحليل دم يعني موضوع الدم ده هيبقي منتهي مش هيبقي عليه كلام
اللي سبق و عملتيها يعني الموضوع ده كان موجود قبل كده و بيتعاد تاني
لازم يعني الدم تتسحب بسرنجه
يعني في واحده هي ممكن تتعبك او تهدك
لان العريضه بتكبر الحاجه
السرنجه دي واحده رفيعه بتأزم الموضوع
مفيش مرض ولا حاجه.

وجاء الرد : فعلا فيه كلام عندنا في العيله علي ميراث مامتي الله يرحمها واحنا بنرتب الامور دي عن طريق اعلام الوراثه
و فيه امور معلقه انا بحاول احلها انا و اختي سوا
و فيه فعلا متاعب و زعل مع واحده من العيله
وانا بقيت بتعب و بكون فعلا منهكه جدا من اي مشكله ممكن تحصل معاها لاني بخاف ده يأثر علي علاقتي مع اخواتي

الحلم : حلمت ببنت عمتى لبسه جلابيه بيتى وصدرها كان كبير جدا جدا وكان باين من الجلابيه وصدرها كان كبير جدا لدرجة أنه كان لغاية بطنها وانا بقول فى نفسي ازاى صدرها كبير اووي كده والجلابيه كان لونها فاتح اللون سكرى

التفسير : بنت عمتك ( حل ليكى من ناحية واحد (الجلابيه إلى لابساها ) الواحد ده مبيشتغلش (كل ده ليكى الكلام اللى بقوله )
صدرها كان كبير ( واضح أن معاها ولاد ) وباينين من الجلابيه ( يعنى واضحين لأبوهم كمان ) وصدرها كان كبير جدا واصل لبطنها ( يعنى العيال من كتر حاجه تخصهم ابوهم عارف كل ده بس مابيشتغلش ) وانا بقول فى نفسي ازاى صدرها كبير اووي كده والجلابيه كان لونها فاتح اللون سكرى ( الواحد ده مزعلك )والصدر كان كبير اوى ( العيال كبار كمان ومصاريفهم كتير )

وجاء الرد : فعلا هو طليقى ده بطل يبعت مصاريف وبعتين ناس لأهله عشان يدينى حقوقى بس مش عارفه ايه إللى ممكن يحصل .أن شاء الله خير

الحلم : حلمت انا وزوجي قاعدين ع الارض في مكان مفتوح والسما فوقينا لقينا راجل بيبيع سنارات سمك معدي فطلبت من جوزي يشتريهالي فاشتراها وقعد يجربها
كان نفسي في السنارة اوي اوي ف الحلم
اشتريتها وجربتها بس بدل ما
استخدمها ف الصيد لقيتها عبارة عن طيارة ورقية بتطير ف الجو عاليه جدا وانا عماله بطول حبلها وجوزي بيساعدني عشان تطول وتطير اعلى وانا مستمتعه

التفسير : انتي وزوجك تعبانين وهينتهي تعبكم على ميعاد لانك مش في امن وامان
وفي مشكلة من ناحية الماديات وبالأخص من ناحية الوسيله اللي تقدري تحصلي بها ع الماديات عايزاها تكون عن طريق زوجك والحلم بيقول ان زوجك اتمكن من الوسيله وبيحاول يجيب لك الماديات اللي عايزاها
الطائرة الورقيه علو شأن لك والحبل بيدل ان علو شأنك ده عن طريق شخص وزوجك هنا ملهوش دخل في علو شأنك مش مساعدك في ده
وف الاخر كله كلام ف كلام وحبر على ورق

وجاء الرد : بجد يا دكتورة كريمة انا كل مدى بنبهر ما شاء الله بقدرة حضرتك على التفسير بتخبريني ما شاء الله بأشياء حقيقيه اوي ولا يعلم الغيب الا الله
بس ذلك فضل الله يؤتيه من يشاء الكلام ده حقيقي اوي اوي
منبهرة اللهم بارك بقدرة حضرتك وعلمك

الحلم : حلمت انا في حوش مدرسه وكان الصبح ومعي أصحابي البنات كانو بيكرّموني فلقيت مديرتي القديمه قاعده علي مسرح المدرسه ومتبسمالي وأسنانها باينه وبتقولي انا بحبك اوي يا ايتن رديت عليها قولتلها ربنا يحبك لقيت نفسي في البيت و رساله جاتلي علي الواتس من مدرستي بتقولي مبرووك انتي نجحتي في مسابقه الرسم كنت راسمه علي الورقه صليب كبير لونه دهبي و مع الصليب روسمات بألوان اكثرهم بمبي وبنفسجي فأنا طلعت الصاله وبقول لمامتي وببايا وجدتي انا فزت في مسابقه الرسم بس محدش ادي رده فعل غير جدتي اللي قالتلي انتي فوزتي عشان رسمتي الصليب وكانت مامتي وببايا يبدو انهم متصالحين بس مكانش فيه كلام بينهم وشكلهم كان زعلان و لقيت واحده صاحبتي في كليه الطب بتكلمني في الموبايل وبتقولي عرفيني عن نفسك فكان فيه دوشه وقالتلي افتحي الكاميرا عشان اشوفك فأنا دخلت الحمام وقعدت علي القاعده وفتحت الكاميرا بس الحيطه هي اللي بينه ورايا في الكاميرا والحيطه كان لونها سكري ومتقسمه مربعات

التفسير : انتي في حوش المدرسه (مش في امن وامان والسبب أصحابك القدامي ) و الصبح ( مش مكتئبه)ومعاكي أصحابك القدام في الحوش ( الحلول كلها من ناحيتهم
عملا لك قلق ) فكانو بيكرموني (انتي فيه حاجه مزعلاكي ) المديره القديمه قاعده علي مسرح المدرسه بتبتسملك ( فيه امنيه انتي بتتمنيها من أحد مش موجود دلوقتي لكن الامنيه دي مش هتحصل عشان بتبتسم)وأسنانها باينه ( الأمنية فيه زعل عندك من سلاله العيله كلها )وبتقولي انا بحبك اوي يا ايتن(مفيش حب ولا حاجه ) رديت عليها قولتلها ربنا يحبك ( بتقوليلها منك لله ) لقيت نفسي في البيت(في امن وامان ) و رساله جاتلي علي الواتس من مدرستي ( كلام الكل عارفه بسبب أصحابك القدامي والكلام يخصك) وبتقولي مبروك انتي نجحتي (لاء فيه حاجه هتزعلك) في مسابقه الرسم(لاء مش هتنجحي) الرسمه اللي رسمتيها علي الورقه صليب كبير(يعني فيه ورق رسمي عندك فيه نصره)ولونه ذهبي (علي حاجه فيه ميزه بتميزها) الرسومات التانيه مع الصليب بمبي وبنفسجي ( النصره اللي في الورقه فيه حاجات شبابي وفيه حاجات فيها تفاؤل ) طلعت الصاله و بقول لمامتي وببايا وجدتي انا فزت في مسابقه الرسم (لاء)بس محدش ادي رده فعل( لاء هيردو يقلولك ايه)جدتك قالتلك انتي فزتي عشان رسمتي الصليب( انتي كدا عندك نصره وكدا كدا هتنجحي) ومامتي و ببايا يبدو انهم متصالحين (لاء مش متصالحين) بس مكانش فيه كلام بينهم(هيبقي فيه ان شاء الله)وشكلهم كان زعلان (احسن ما يبقو فرحانين) لقيت واحده صاحبتي في كليه الطب بتكلمني في الموبايل ( خبر هيكون فيه معالجه وفيه حل هيجيلك) وبتقولي عرفيني عن نفسك(انتي الل هتكوني سبب الخبر الحلو دا) فيه دوشه( الدوشه كلام مضايقك)وقالتلي افتحي الكاميرا عشان اشوفك (الكاميرا واحده وكل المعلومات اللي عندك هتروح لغيرك ويشوفها او كل حاجه خاصه بيكي هتتنقل لحد تاني ويشوفك ويعرف كل حاجه عنك) انتي دخلتي الحمام وقعدتي علي القاعده (بقيتي تعبانه يا نفسي يا جسماني يا الاتنين ) وقعدتي علي القاعده ( فيه واحده بتستقبل منك كل مشاكلك والماديات اللي انتي شايلاها بتروح عليها ) فتحتي الكاميره (عملتي ازعاج للواحدة وكل حاجه عنك بتنقلها ) الحيطه اللي باينه ( كلام علي أحد سند ليكي مش عليكي) والحيطه لونها سكري (والحد دا عاملك متاعب خمسه وتمانين في الميه ) متقسمه مربعات يعني ( فيه حدود للتصرف بتاعك )

وجاء الرد : كل كلام حضرتك مظبوط انا فعلا مش في امن وامان بسبب سلاله العيله كلها وعمتي ومامتها فعلا لو جالي فرصه هقولهم منهم لله عشان هما سبب كبير في تدمير علاقه مامتي وببايا للأسف ويارب النصره دي تتم علي خير وانا فعلا نفسي يكون فيه معالجه للمشاكل اللي بين مامي وبابي وانا تعبانه نفسيا ودا أثر عليا جسديا بشكل كبير والكاميرا عمتي عارفه عني كل حاجه من ابويا وطبعا بتنقل الكلام دا لاخواتها ومامتها واللي قاعده دي مامتي وانا بقولها علي كل حاجه والزعل قبل الفرح وفعلا انا فيه فلوس كنت محوشاها وجبت بيها هديه لمامتي والحيطه دي بابي وفعلا فيه 85./. متاعب من ناحيته وزعل وفيه حدود بيني وبينه مش زي اي اب وبنته
ربنا يبارك لحضرتك يارب ويزيدك من علمه♥♥♥

الحلم : ا شفت نفسي ف البيت ومعايا والدتي قاعده علي السرير وسانده ظهرها عليه مش نايمه وحماتي اتصلت علي التليفون عندي وانا قلت الو وصوتها متضايق وسمعاها بتكلم أحد تاني فأنا اعطيت الموبايل لماما ترد عليها وماما كانت متضايقه منها جدا والمكالمة مش كويسه بينهم و زوجي اخذني في اوضه وعاوز يجامعني واحنا واقفين وكان لابس جلابيه بيضا سعودي وماسك العضو الذكري من تحت اللبس وبيقول انه مش قادر يعني بس انا كنت بقاومه وفعلا بعدت عنه تماما واختفي ولقيت بنتي الصغيره بسألها في التليفون انت حفظتي سوره المطففين وسالتها في آي ايه من السوره كملتها البنت وزي ما اكون شفت الايه مكتوبه في ورقه قدامي وبعدين مرضيتش البنت تكمل تسميع وانا مش عاوزه اضغط عليها عشان محدش يسمعها من اهل باباها. سؤال : حماتك ووالدتك عايشين ؟. الجواب : عايشين الحمدلله.
التفسير : انتي ووالدتك قاعدين علي السرير فيه حل لك من ناحيه ماما في حياتك الزوجيه وهي سانده ظهرها يعني حاجه تعباكي من ناحية سند لك وهينتهي علي ميعاد وحماتك اتصلت وصوتها متضايقه يعني هتكلم كلام هيريحك وماما مش متضايقه وزوجك لابس جلابيه بيضا انتي زعلانه منه وماسك العضو الذكري يعني فيه مشكله بينكم في الجماع وهو مش قادر يعني لا هو قادر بس فيه مشكله وخلاف مانع ده يحصل ولو شايفه عاوز جماع يبقي هو بيكذب عليكي مش عاوز يقولك الحقيقه في حاجه واختفي المشكله هتروح لحالها وبنتك حل ليكي عاوزه تتأمني منه والبنت كملت السوره يعني الحل هيفيدك من ناحيه ورقه رسميه عليها مشكلة والبنت مرضيتش تكمل تسميع الحل فادك وانتهينا وعاوزه الحل في حدود معرفتك ومحدش يعرف عنه حاجه لما تتأمني. .
وجاء الرد : عندي مشكله مع زوجي واخد شقه في بلد ثانيه من 4 سنين وكذب عليه وكل حياته اسرار وكل مره يقول اصل خبيت عشان متزعليش وده خلاني لا اثق فيه ابدا وفعلا مفيش بنا علاقه خاصه حاليا عشان انا زعلانه منه ومش بكلمه وعندي مشكله علي ورق رسمي في الشغل يارب يبقي فيه حل زي ما حضرتك بشرتيني

الحلم : حلمت بشاحنة نص نقل فيها الفراش بتاعي و قالي السواق احنا حنروح و ركبت معاه و في ايدي ابريق لونو اخضر و قالي انت حتعزلي و تحركت الشاحنة و انا جنب السواق .
التفسير : الشاحنة قرار بتفكري فيه و انك تتنقلي من المكان اللي انت فيه لمكان ثاني و السواق قالك احنا حنروح يعني حتبدأي تاخدي خطوات ايجابيه في الموضوع ده و تنقلي للمكان الثاني اللي انت عايزاه و ركبت معاه و في ايدي ابريق لونو اخضر الابريق ده واحد و فيه خير من ناحيتو و قالي انت حتعزلي يعني بيسالك هو انت حتمشي من المكان ده و لما الشاحنة اتغيرت يعني حتاخدي خطوات ايجابيه في انك تتنقلي من المكان ده لمكان ثاني.

وجاء الرد : عاوزة اصلح الشقة و بعدين ااجرها و الابريق ابني و حيساعدني على مصاريف الاصلاح و عاوزة اسافر اغير جو علشان انا تعبانة و عاوزة ارتاح شوية.

الحلم : والدتي شافت نفسها في مكان اسمه ( الحراج ) ده مكان زي سوق للبيع الحاجات المستعمله في السعوديه ولوحدها ومعاها زوج بنتها جالس علي الارض وبيقول لها ان هو كان مقدم لابنها في شركتين واتقبل بس ابنها اختار الشركه الاقل في المرتب ووالدتي شايفه زوج بنتها بيتكلم مع أحد في التليفون كتير اوي ووالدتي وطت علي ودنه قالت له انت هتجوز ؟ انا مش هازعل بس عرفني وهو تبسم وقالها قوليلي مبروك وانتي هتشتغلي طباخه عندي وووالدتي مضايقه في نفسها وبتقول انا هشتغلك طباخه وانتي مزعل بنتي كده ووالدتي كانت مغلوله منه اوي وهو ركب عربيه وساقها زي المجنون وبيتكلم في التليفون. سؤال: فيه فعلا كلام من موضوع الشغل ده. الجواب:لا مفيش حاجه من دي حاليا بس ابنها كان شغال مع زوج بنتها واتسبب في ان ابنها ساب الشغل.
.
التفسير : شافت نفسها في مكان اسمه ( الحراج ) ده مكان زي سوق( اشياء تعباها وبتفكر في حاجات قديمه كانت عيزاها) ومعاها زوج بنتها جالس علي الارض ( مشكله عند ماما هتنتهي علي ميعاد) وبيقول لها ان هو كان مقدم لابنها في شركتين( هو مش مقدم لابنها في شركتين ولا حاجه ) واتقبل بس ابنها اختار الشركه الاقل في المرتب ( ابنها عنده مشاكل ماديه ) ووالدتي شايفه زوج بنتها بيتكلم مع أحد في التليفون ( مشكله عند ماما من خبر هو بيوصله لأحد) وبيتكلم كتير اوي ( كلمتين هيقولهم) ووالدتي وطت علي ودنه قالت له انت هتجوز ( عنده مشكله) انا مش هازعل بس عرفني وهو تبسم ( هيزعل ماما)وقالها قوليلي مبروك ( فيه عكننة من ناحيتة) وانتي هتشتغلي طباخه( مصاريف اكل وشرب لماما ولابنها) عندي وووالدتي مضايقه في ( مضايقه احسن ما تبقي مبسوطه)نفسها وبتقول انا هشتغلك طباخه وانتي مزعل بنتي كده( كويس انك مزعل بنتها) يعني بعيده عن موضوع الزعل ووالدتي كانت مغلوله ( مماينه في الموضوع ) منه اوي وهو ركب عربيه وساقها زي المجنون ( قرار اخذه من غير ما يفكر وبيتكلم في التليفون( ويبلغ أحد بقراره في التليفون).

وجاء الرد : والدتي زعلانه من زوج بنتها جدا وتقريبا متخانقين مع بعض عشان عامل مشاكل مع بنتها وخلي مشكله اخويا قصاد بنتها وماما زهقت منه وكل حاجه يعملها وقرار ياخده يبلغ اهله بيه عارفين عنه كل حاجه وبيأثروا علي قرارته المندفعة من غير تفكير وزوج بنتها عنده مشاكل ووراه زعل دائما

الحلم : حلمت جوزي بيقولي هجوزك واحد صاحبي عشان الماديات هوا يعني بيقبض كتير عشر الاف جنيه
وصاحبه ده موافق والامور ماشيه تمام لحد ماقولتله باللفظ انتا متعرفش ان تعدد الازواج حرام مش زي تعدد الزوجات

التفسير : عنده مشكله بالماديات وبيقولك عليها.

وجاء الرد: صح الصح تفسيرك يا دكتورة
ده الحاصل والحادث فعلا
ماشاء الله على حضرتك يا دكتورة🩷

الحلم : حلمت انني في سيارة مع شخص معروف لدي هو يسوق وانا جنبه واثار انتباهي لون قميصه الاحمر وفي نفس الوقت كانت تنبعث منه رائحة العرق كريهة شوي فكنت غير مرتاحة
انا عزباء وهو ايضا وهو زميل في العمل

التفسير : حلمت انني في سيارة مع شخص معروف لدي هو يسوق وانا جنبه(السيارة قرار وهو اللي بيسوق القرار في ايده والعربية ماشية فيه خطوات ايجابية) واثار انتباهي لون قميصه الاحمر ( واحدة غيظاكي) وفي نفس الوقت كانت تنبعث منه رائحة العرق كريهة شوي( دا بيخلي الامور تظهر) فكنت غير مرتاحة ( لا انتي مرتاحة ) رايحه العرق بيبقى في شغله بسيط

وجاء الرد : صح القرار بايده وحاليا كل واحد في طريقه
كان فيه بنت من طرفه غيظتني وسمعت عليه فضائح وحاليا انا مو شاغلة همي به ومرتاحة نفسيا بدونه

الحلم : حلمت أحد من اهلى قفل باب اوضتى عليا لانى هنام
اول ماقفله حسيت بدوخه
فندهت عليه علشان يلحقنى
مش سامعنى علشان الباب مقفول
والدوخه بتزيد لدرجه مش مصدقه
وبقول لنفسى انا اول مره فى حياتى ادوخ بالشكل ده
خوفت يجرالى حاجة فقلت اتصل بيه يلحقنى
عينى عماله تفتح وتقفل غصب عنى
الدنيا بتلف بيا لدرجه مش قادره امسك الموبايل واطلع النمره
وبحاول انده علي أحد ينجدنى ومحدش سامعنى
وقعت على المخده وانا بحاول انده وعينى بتقفل وفقدت القدره على الاتصال خالص
جه فى دماغى معقوله اكون بحلم
حاولت افوق نفسى مقدرتش
فضلت اعافر وانا مستسلمه ايدى لا قادره تشيل الموبايل ولا قادره انده على أحد ينجدنى ولا قادره افوق نفسى ومفيش الا مخى بيحاول يقولى فوقى لحد ماصحيت من الحلم
نسيت حاجة انا اول ماحسيت بدوخه قلت يمكن من الدوا اللى باخده من غير ما اكل كويس...بس معقول يدوخنى كده...كنت حاسه انى ممكن اموت لو محدش نجدنى
واللى قفل الباب عليا راجل من اهلى..شاب صغير

التفسير : اللى قفل عليكى اوضتك علشان هتنامى مشكله من ناحية خطيبك او زوجك

الباب ده واحد زوج أو خطيب
لما قفلتيه حسيتى بدوخه الازعاج اللى معمول للراجل اللى هو الباب يصلح يكون زوج او الخطيب ..حسيتى بدوخه يعنى هديتى مش دوخه ولا حاجه..

فندهتي عليه علشان يلحقنى يعنى قولتى اكلمه بقه وخلاص

بنده عليه ومش سامعنى علشان الباب مقفول لان الواحد ده مش معموله ازعاج

انتى هتصدقى اللى هيحصل لان دى مش دوخه ولا حاجه

وبتقولي لنفسك انا اول مره فى حياتى ادوخ بالشكل ده يعنى اول مره فى حياتك تشوفى حاجة زى دى

خوفت يجرالى حاجة فقلت اتصل بيه يلحقنى .. عندك خبر عايزة تبلغيه لأحد

عينى عماله تغلق غصب عنى يعنى عينيكى اللى بتغمض دى انتى مش عايزة تركزى على الموضوع

الدنيا بتلف بيكى ومش قادره تمسكى الموبايل وتطلعى النمره...لا قادره ومش بتلف بيكى ولا حاجة انتى لما تحقيق اللى نفسك فيه هو ده اللى مخليكى مش قادره

وبرضو بحاول انده أحد ينجدنى محدش سامعنى... عايزة تقولى لاى أحد ما فيش أحد تقوليله حاجه

وقفتى على المخده ...المخده دى واحده ممكن تكون انتى او واحده تانيه .

وانتى برضو بتحاولى تندهى وعنيكى بتقفل ... يعنى مش قادره تركزى على الموضوع اللى نفسك فيه اللى انتى عايزاه يحصل

وفقدتى القدره على الاتصال خالص... لا مفقدتيش ولا حاجة ... بس انتى زى متفجأه

اول ما حسيت بدوخه قلت ده من الدواء اللى باخده... لو كنتى بتاخدى دواء يبقى لا مش منه ولا حاجه .. لو مبتخديش يبقى انتى محتاجة وسائل تخليكى تتظبطى وتشوفي ايه الموضوع وتحاولى تتعاملى معاه بوعى

بس معقول يدوخنى كده كنت حاسه انى بموت انتى مش حاسه ان المشكله انتهت مش قادرة تصدقى

وجاء الرد : اه التفسير بالظبط
ده فعلا اللى حصلى بعد الحلم
انا فعلا حصل مشكله مع أحد جاء يخطبنى
وكنت محتاره فيه ومش عارفه حاجه
وفعلا معنديش أحد احكيله
والمخده اللى هى البنت دى أحد من اهله هو
والمشكله اللى حصلت بينا انا فعلا مش مصدقاها ولا قادره استوعب
وفعلا انا حاسه انه هو اللى يصلح يكون زوج بس انا محتاره فيه
ويمكن فعلا مش قادره اركز على الموضوع لانى تايهه من الحيره

الحلم : حلمت كنت في اوضتي ومعايا مامي و قدام اوضتي باب الشقه مفتوح وقدامه حذاء رصاصي رجالي وكذا جزمه مش عارفه احدد لونهم وكبار جدا ولقيت ببايا قدامي وكان قصير شويه وكان فيه راجل كبير وضخم جدا ولونه اسود واصلع و لابس بدله وطالع علي السلم ودخل شقتنا و لقيته دخل اوضتي بس انا دخلت الاوضه بتاعتي قبليه وواربت الباب فالراجل كان بيبص من الفراغ علي مامي قاعده علي الكنبه الزرقاء في اوضتي فأنا سديت الفراغ بإيدي عشان الراجل كان مفتح عينه علي مامي قوي والراجل دخل وقعد في الصاله وبابي قعد معاه

التفسير : في اوضتك (انتي في امن وامان )ومعاكي مامي ( بتتمني انها تبقي معاكي ) كان قدام باب الاوضه باب الشقه مفتوح (واحد ومعموله ازعاج ) و قدام باب الشقه جزمه رصاصي وكذا جزمه ( واحد بين الوقار والاكتئاب من ناحيته ) كبيره جدا (الشخص ده ممكن يكون حياته فيها فخفخه) وكذا حذاء مش عارفه احدد لونهم ( فيه كذا واحد تانيين)وكانو برضو كبار جدا ( شخصيات مهمه ) ولقيت ببايا قدامي وكان قصير شويه( بابا علو الشأن بالنسبه له ضاع ) وكان فيه راجل كبير وضخم ولونه اسود ( الراجل مشكلة علي حاجه مهمه ) واصلع (تخص واحده ممكن ماما ) وكان لابس بدله وطالع علي السلم ( فيه صعود من ناحية المشكلة ) والبدلة (ممكن تكون الوظيفه او واحده تانيه او أحد تاني بالنسبالك او وظيفه او شغلك ) دخل شقتنا لقيتو داخل اوضتي (المشكله علي حاجه مهمه وصلت لأمنك وأمانك) بس انا دخلتها قبليه ( بقيتي في امن وامان ) وواربتي الباب ( فيه واحد معموله ازعاج شويه مش اوي فالراجل كان بيبص علي مامي من الفراغ ( اذا في مشكله هي السبب في ازعاج للواحد بس بسيط وبيبص علي مامي (يعني المشكله مركزه علي ماما ) وكانت قاعده علي كنبه زرقاء ( مامي تعبانه من واحده والواحده عملالها متاعب وغيظ ) فأنا سديت الفراغ بإيدي( عن طريق ماديات انتي خليتي الجزء اللي الواحد دا عامله ازعاج حاولتي كدا تقفليه ميتعملوش ازعاج ) الراجل كان مفتح عينو علي ماما (الراجل مشكله مركزه علي ماما اوي) الراجل دخل وقعد في الصاله وبابا قعد معاه ( بابا هو اللي يقدر يخلص المشكله دي )

وجاء الرد : كل كلام حضرتك مظبوط مامي وبابي متخانقين وخلال الخناقه الكبيره دي كل واحد في ناحية وانا بعيد عن مامي حاليا ونفسي تبقي معايا خصوصا الفتره دي ودا مخليني حاسه اني مش في امن وامان وعمتي عامله غيظ ومتاعب لمامي لانها بتحاول دايما توقع بينا وبينها ومأثره علي اخواتي وللأسف اخواتي مبيدوش رده فعل وببايا مقاطعني وانا مبكلموش عشان رفضت اقابل عمتي ربنا يصلح الحال حضرتك فسرتي الحلم كأنك معايا ربنا يزيدك من علمه ♥♥💫

الحلم : جدتي شافت بنتها بتحفظ بنات وستات قرآن وسألت بنتها صفحه كام قالتلها سوره المؤمنون ايه 2
التفسير : ( فيه حل لتيته هيراضيها ويطمن قلبها من ناحيه بنتها )
وجاء الرد : يارب يا دكتوره كريمه ربنا يصلح حالهم ويراضيكي

ممكن تفسري حلم جدتي
الحلم : انا شوفت بنتي ولدت بنوته صغيره والبنوته نايمه في السرير وشوفت اختي المتوفيه فقلتلها اوعي البنوته بجرالها حاجه ولا تموت ووصيت عليها اختي والبنوته دي اخدت عودين خس واكلتهم بسرعه جدا فأنا مستغربه ازاي طفله صغيره تاكل خس المفروض تشرب لبن

التفسير : جدتي شافت ان بنتها ولدت بنوته ( بنتها عندها هموم وهتتخلص منها وهيبقي فيه حل البنوته )والبنوته نايمه في السرير ( الحل في حياتها الزوجيه )وشوفت اختي المتوفيه قلتلها اوعي البنوته يجرالها حاجه ( كلام قديم هيتجدد بس هيبقي فيه حل ) واوعي البنوته يجرالها حاجه (اوعي الحل اللي من ناحيه زوجك دا يفضل فيه مشاكل ) ولا تموت ( المشكله تنتهي ) وصيت عليها اختي والبنوته اخدت عودين خس واكلتهم ( الحل من ناحيه اتنين عاملين متاعب علي ماديات )فأنا مستغربه ازاي طفله صغيره تاكل خس المفروض تشرب لبن ( بتستغربي من ناحيتهم خير والمفروض يبقي فيه نكد علي فلوس او ليه حل وهتخلصي

وجاء الرد : كل كلام حضرتك مظبوط بنتي عامله مشاكل مع جوزها ومن اسباب المشاكل الفلوس وانا حاسه ان اهل جوزها مش من ناحيتهم خير ابدا ونفسي ميبقاش فيه نكد ويبقي فيه تفاهم وبنتي مشكلتها تتحل
ربنا يزيدك من علمه ويجعله خير♥♥💫

حلم جدتي
الحلم : شفت امي المتوفيه في الحقيقه ماتت في الحلم وانا عماله احرك فيها شمال ويمين عشان تصحي وترد عليا ولقيت ناس (رجاله علي ستات) معرفهمش بيقولو انهم هيغسلوها وأخذوها عشان يغسلوها وانا بقول زمانها لوحدها دلوقتي اما اطلعلها فوق في الدور التاني اشوفها قبل مياخدوها ويكفنوها فانا خوفت ومطلعتش وفجأه لقيت الناس اللي بيغسلوها بينادوا عليا بس اللي بيغسلها ستات وراجل معاهم فروحت لقيتهم مغسلينها ومكفنينها وبيقولولي شوفيها بس انا مبصتلهاش ولا شوفتها المهم وقفت وبقول في نفسي انا مش هعملها عزا ازاي والناس مش هييجو يلاقوني مش عامله عزا لامي ازاي يعني انا هقول ايه بس والدنيا بقت نهار وانا معملتلهاش حاجه لسه وخايفه ان فيه حد يسأل عليها في التليفون نقولهم انها ماتت وفي نفسي بقول لو حد سأل عليها هنقولهم اي حاجه غير انها ماتت عشان منزعلش اللي بيتصل بيا ولقيت معايا اخويا او ابني حد منهم بس مش متأكده مين بالظبط وان احنا رايحين نودعوها احنا الاتنين قبل ما تدفن

التفسير : شوفت امي المتوفيه في الحقيقه ماتت في الحلم (يعني فيه مشكله من ناحيه مامتها والمشكله انتهت خلاص ) وانا عماله احرك فيها شمال ويمين ( الموضوع تجيبوه كدا تجيبوه كدا خلاص منتهي)عايزاها تصحي وترد عليا ( عايزا المشكله توضحلها اكتر ) ولقيت ناس رجاله علي ستات متعرفهومش بيقولو ان هما هيغسلوها (يعني فيه مشاكل وليها حلول ان تيته تتأمن من ناحيه مامتها ) أخدوها عشان يغسلوها ( في طريقها عشان تتأمن لان تيته هنا كلام قديم هيتجدد لو كان فيه ميراث هيبقي علي الميراث) اما اطلعلها فوق في الدور التاني اشوفها قبل مياخدوها(كانت تيته عايزا يكون عندها صعود )ويكفنوها(الموضوع خلاص حيتقفل عليه) فأنا خوفت ومطلعتش( معندهاش صعود في حاجه ) وفجأه لقيت الناس اللي بيغسلوها بينادوا عليا ستات علي رجاله وراحت لقيتهم مغسلينها( الموضوع خلاص اتأمن ) وبيقلولي شوفيها بس انا مبصتلهاش( مش عيزا تعرفي ايه اللي حصل عن الموضوع دا انتهينا )وعرفتي وخلاص ولا شوفتها المهم وقفت وبقول في نفسي انا مش هعملها عزا ازاي(يعني ازاي مش هيبقي فيه قاعده والناس كلها تعرف ان الموضوع انتهي وهترجع ) والناس مش هيلاقوني عامله عزا( متحيره تقولي للناس يعملوا قاعده ولا لاء)ازاي يعني انا هقول ايه والدنيا بقت نهار(مبقتش مكتئبه) وانا معملتلهاش حاجه لسه( هي بتفكر تساعدها ازاي )وخايفه ان فيه أحد يسأل عليها في التليفون (خايفه أحد يسألها ويعرف معلومات لاء هي مش خايفه) نقولهم انها ماتت (نقولهم ان المشكله انتهت) وفي نفس الوقت بقول لو أحد سأل عليها هقولهم اي حاجه غير انها ماتت ( مش هتجيبلهم سيره ان المشكله انتهت هتخبي) عشان منزعلش اللي بيتصل بيا (عشان متبقاش بتكذب) ولقيت معايا اخويا او ابني أحد منهم (مشكله) وان احنا رايحين نودعها احنا الاتنين قبل ما تدفن ( فيه مشكله قبل ما بنتك ترجع لجوزها )

وجاء الرد : كل كلام حضرتك مظبوط انا بنتي متخانقه مع جوزها بسبب ميراثها من ابوها وجوزها كان شاري جزء من ميراثها (حته ارض) وفيه مشاكل عليها
وانا فعلا متحيره نعمل قاعده ولا لاء وانا نفسي اتأمن من ناحيه أولادي لان التلاته عندهم مشاكل وانا مسلمه امري لله ودا مخليني مش مكتئبه
وانا فعلا مش خايفه لو أحد عرف ان فيه مشاكل بين بنتي وجوزها ونفسي الموضوع ينتهي علي خير
ربنا يبارك لحضرتك ويزيدك من علمه♥♥💫

الحلم : ممكن تفسير الحلم ده لأختى

اختى حلمت ان هى فى شقه وباب الشقه له شراعه وكانت مفتوحة شويه وامى المتوفيه كانت برة الشقة وبتقول لاختى اقفلى الشراعه عشان الناس متكلمش واختى حطت قطعه قماشه مغطيه الشراعة

التفسير : باب الشقه واحد والشراعه واحده هم الاتنين مع بعض كانت مفتوحه شويه كان في ازعاج للشراعه الواحدة وماما المتوفيه كانت بره الشقه كلام قديم يخص ماما ولو في ميراث يبقي على الميراث وامى المتوفيه كانت بتقول لأختى اقفلى الشراعه متعمليلهاش ازعاج الكلام القديم بيقول ان الواحده دى متعملوش ليها ازعاج عشان الناس متتكلمش عشان متجبوش لنفسكم وجع الدماغ اختى حطت قطعه قماش مغطيه الشراعه و القماش كلام هيعمل زعل مع الواحده الشراعه

وجاء الرد : اه فعلا في مشكله علي الميراث من ماما الله يرحمها مع خالى ومراته
ربنا يجازيكى الف خير يارب يااستاذه كريمه

انا آنسه وفيه ميراث من والدتي
الحلم : وشوفتك في الحلم يا مدام كريمه بتقوليلي راجع راجع.
و شوفت ماما الله يرحمها نايمه علي السرير و انا سبتها شويه ترتاح
و خرجت قعدت علي كنبه جت مرات اخويا قعدت جنبي و سألتني عن ماما قولتها تعبانه
و قمت من علي الكنبه وروحت لماما لقيتها ماتت خلاص و انا خوفت و قولت لربنا بلاش يا رب تموت
و لقيت ايديها بتتحرك في ايدي و بوست ايديها و قالت لي اخوكي صاحي قولت لها ايوه
.التفسير : امنيه بتتمنيها وحل لك من ناحيه واحد عايزاه ييجي (وراجع راجع) يبقي لا مش راجع لسه0 وماما الله يرحمها نائمه علي السرير كلام قديم هييتجدد في حياتك ( وانا سبتها شويه ترتاح) يعني الكلام القديم هيقعد مده لو في ميراث من ماما يبقي علي الميراث،لما قعدتي علي كنبه بقيتي تعبانه من واحده ولما مرات اخوكي قعدت جمبك يعني في حل لكي من ناحيتها،( وسالتني عن ماما قلت لها تعبانه) اتكلمت عن الكلام القديم أو عن الميراث،وتعبانه لا مش عارفه ايه الموضوع( قمت من علي الكنبه) مابقتيش زعلانه من الواحده دي ،(رحت لماما لقيتها ماتت)خلاص الكلام القديم والمشكلة وكل حاجه انتهت يعني مبقاش في زعل،( انا خفت وقلت لربنا بلاش يارب تموت) مش هتخافي وهتحمدي ربنا أن المشكله انتهت ،( و مسكت أيدها وبوستها) في حاله وفاه ،( ولقيتي ايديها بتتحك في ايديكي) الكلام هيبقي في كلام من تاني،( وقالت اخوكي صاحي قولتلها ايوا) اخوكي مشكله وعامللك ازعاج

وجاء الرد : فعلا في ميراث من ماما الله يرحمها و في كلام عليه حاليا مع العيلة
وفعلا في واحده اعرفها التفاهم بينا صعب و ده تاعبني وان شاء الله يكون في حل معاها زي ما حضرتك قولتي

الحلم : شفت امي المتوفيه قاعده معايا علي طبيليه وقدامها رقاق طري وابيض وانا بقولها اميره زوجه محمد هيه اللي عاملاه وانا قمت سبت امي ومشيت ومش عارفه اكلت ولا ما اكلتش
التفسير:ماما كلام قديم هيتجدد علي،ماديات مزعلاكي من ناحيه اميره وسبتي ماما ومشيتي هتبعدي عن الكلام القديم ولو اكلت المتوفيه يبقي حاله وفاه ولو مش اكلت يبقي،كلام قديم هيتجدد
وجاء الرد : جوز اميره مدخل للصلح بين ابني ومراته والخلاف علي،ماديات مزعلاني وربنا يستر محدش يجراله حاجه بعد الشر

الحلم : حلمت انا في بيت جدتي ولقيت بابي واقف في الصاله وفاتح التليفون بيكلم مامته جدتي و فاتح الاسبيكر
و فجأه لقيته بيكلم اخوه عمي وعمي بيشتم جدتي لامي فانا روحت واخده من بابي التليفون وقعدت اشتم فيه جامد وببايا زي انصدم وقعد علي كنبه لونها بنفسجي في الصاله وبيبصلي بصه عتاب وانا قعدت ازعق واصرخ بصوت عالي وبشتم لغاية ما صوتي راح خالص وبقي عمي يكلمني ومعرفش ارد عليه زي ما انا عايزا فلقيت زجاجه غطاها اخضر وفيها ميا بس مش مليانه لاخرها فشربتها فصوتي رجع بس كان ضعيف
التفسير : انتي في بيت جدتك ( في امن وامان )لقيتي بابا واقف في الصاله وفاتح التليفون بيكلم مامته وكان فاتح الاسبيكر (بابي مشكله من ناحية مكالمه انتي بتتمني منها حل ) وفجأه لقيته بيكلم اخوه (الحل بقي مشكله)وعمي بيشتم جدتي (لاء بيتكلم عليها حلو) فانا روحت واخده من بابي التليفون ( انتي اللي حسنتي الموضوع وهديتي المشكله ) بابا انصدم وقعد علي الكنبه (مشكله من ناحيه بابا سببها واحده والواحده دي فيه تفاؤل من ناحيتها )وبيبصلي بصه عتاب(لاء هو مش بيعاتبك هو مش مصدق ان انتي بتتصرفي كدا )وانتي قعدتي تزعقي وتصرخي بصوت عالي (هتهدي المواضيع) وبشتم لغايت ما صوتي راح(الشتيمه كلام فيه خير بيعمل تهدئه )بقي عمي يكلمني معرفش ارد عليه(بتردي طبعا)وزي ما انتي عايزا (لاء مش زي ما انتي عايزا انتي بتهدي المواضيع لكن اللي انتي عايزاه مضايقك ) لقيتي زجاجه غطاها اخضر ( الزجاجة واحده وغطاها جوزها وجوزها كويس من ناحيته خير)وفيها ميا (الست كمان معاها ماديات ) بس مش مليانه لاخرها ( مش متظبطه اوي)فشربتها (أ خدتي من الواحده دي فلوس )وصوتك رجع بس كان ضعيف (صوتك رجع بدأتي تهدي وتتكلمي كويس بعد ما كنتي مضايقه )بس صوتك ضعيف (صوتك مش ضعيف ولا حاجه صوتك واضح ومسموع)

وجاء الرد : كل كلام حضرتك مظبوط انا مامتي وببايا بينهم مشاكل وده مضايقني اوي ومخليني اتصرف من غير عقل
و مخلي ببايا مصدوم مني وانا حاسه بده و بحاول اهدي المواضيع بين اهلي وربنا يساعدني ان شاء الله والزجاجه جدتي ومعاها ماديات بس مش كتيره وكانت بتعطيني من فلوسها وانا فعلا برد بس مبحسش ان أحد مهتم اوي كاني في صف لوحدي وربنا يهدي الحال بسم الله ما شاء الله حضرتك بتفسري كانك عايشه معانا ♥♥👏🏻♥♥👏🏻👏🏻

الحلم : حلمت في عنقي 3 سلاسل من الفضة قلعتهم واحدة حجمها كبير ووجدت فردة حلق فضة و فيها فص نبيتي و مكسورة من الجنب الفوقاني و مسكتها وقلت للراجل اللي جنبي انا معرفوش قلت له خذ دي رفض و رجعهالي و قالي دي بتاعة خالتك و لقيت في عنقي سلسلة فضة بعلاقة.

التفسير : 3 سلاسل 3 ستات كويسين بس مقيدين كبرياءك و مخنقينك قلعتيهم يعني بعدتيهم عنك واحدة حجمها كبير يا اما مليانة يا اما سنها كبير من الثلاث ستات دول.
فردة الحلق الفضة واحد كويس نصه معاكي و نصه في حتة ثانية و فيها فص نبيتي يعني هو معاه واحدة عملالك اكتئاب و غيظاكي و مكسورة من الجنب الفوقاني فردة الحلق يعني هو عندو مشكلة مسكتيها يعني انت عايزه الواحد ده يبقي معاكي لا مش عايزاه و قلت للراجل اللي جنبي جنبك مشكلة و قلت لو أخذ دي يعني عايزة تخلي الراجل اللي نصو معاكي و نصو في حتة ثانية المشكلة تخليه يبعد عنك رفض و ردها لي ثاني لا المشكلة مش فيه رفض مش حيرجع لك ثاني و قالي دي بتاعت خالتك يعني ممكن يكون فيه حل ليكي من ناحية خالتك و لقيت في عنقي سلسلة فضة بعلاقة واحدة كويسة و معاها عيلة بس مقيدة كبريائك

وجاء الرد : 3 سلاسل اخواتي البنات من بابا واحدة كبيرة فيهم في السن و الاثنين صغيرين و انا بعدت عنهم علشان دايما بيتفقو عليا و فردة الحلق ممكن اخويا و الفص مراتو و دايما بتتدخل فينا و مش عاوزاه يساعدنا ماديا و لا معنويا و السلسلة اللي معاها العلاقة بنتهم

الحلم : حلمت بكأس فيه عصير مانجا. التفسير : الكأس واحد و الماديات من ناحيته عاملالك متاعب بتخليك تعيط
و جاء الرد : عمي

الحلم : حلمت بكأس فيه عصير مانجا. التفسير : الكأس واحد و الماديات من ناحيته عاملالك متاعب بتخليك تعيط
و جاء الرد : عمي
الحلم : حلمت واحدة كانت عاوزة تعمل لي سحر في الشنطة بتاعتي و سمعتها بتقول لصحبتها و بيتفقو عليا بس انا كنت عارفة.
التفسير : الواحدة اللي عايزة تعملك سحر في الشنطة بتاعتك فيه نهاية مشاكل من متاعب عندك و بتقول لصحبتها و بيتفقو عليكي يعني فيه حل ثاني كمان.
وجاء الرد : تصالحنا انا و خطيبي و بيتعامل معايا كويس و دلوقتي اتلم الزعل الحمد لله.
الحلم : شفت اني في البيت وجالي اتصال من حما اخويا ( فيه خلافات بين اخويا وزوجته ومحاكم ) ولقيت حما اخويا بيقولي يلا عشان هيعدي ياخذني وبيطلب مني اجهز بسرعه عشان يلحق يوصل بيته ويصلي العشاء مع الشباب وانا قلت لماما انا مش عارفه هاتكلم معاهم في بيتهم عن ايه وكنت مضايقه جدا وبعدين كملت لبسي وتأكدت ان حجابي علي راسي ونزلت فعلا ولقيته جايب تكتك كبير وواسع في الشارع ولقيت نفسي نطيت بدل ما انزل علي السلالم ولقيته بيوسع لي مكان في التكتك بينه وبين واحد تاني وانا كنت مضايقه انه عايز يقعدني في النص بينهم كرجاله. سوال : فيه خلافات فعلا ؟. الجواب : ايوه فيه خلافات بين اخويا وزوجته.
التفسير : شفت اني في البيت ( انت في امن وامان ) وجالي اتصال من حما اخويا ( فيه خبر منتظراه )( فيه خلافات بين اخويا وزوجته ومحاكم ) ولقيت حما اخويا بيقولي يلا عشان هيعدي ياخذني ( المشكله دي عاوزه تضيع امنك وامانك ) وبيطلب مني اجهز بسرعه عشان يلحق يوصل بيته ( المشكله دي عاوزه تخرجك من امنك وامانك وطلوعك ده معناه هتبقي انت الفريسه )ويصلي العشاء مع الشباب ( عاوز يأمن نفسه من المشاكل ) وانا قلت لماما انا مش عارفه هاتكلم معاهم في بيتهم عن ايه( قلتي لماما اللي هيحصل ) وكنت مضايقه جدا ( احسن ما تبقي فرحانه )وبعدين كملت لبسي. سؤال : انتي قلعتي اللي كنتي لابساه ولا لبستي فوقيه؟ الجواب : لا ما قلعتش كملت لبس الكوتشي واتاكدت من الحجاب . وتأكدت ان حجابي علي راسي ( الارتباط ما زال موجود ) والكوتشي واحد تاني مش زوجك ) ونزلت فعلا ولقيته جايب تكتك كبير( مشوار مش جايب همه وانت مش في امن وامان ) وواسع في الشارع ولقيت نفسي نطيت بدل ما انزل علي السلالم( عدم تحقيق الامنيه قوي جدا لانك نطيتي ) ولقيته بيوسع لي مكان في التكتك بينه وبين واحد تاني ( من هنا في مشكله وهنا فيه مشكله وانت عارفه ان يمينك فيه مشكله وشمالك في مشكله وانا كنت مضايقه انه عايز يقعدني في النص بينهم ورجاله.
وجاء الرد : النهارده جالي اتصال من أحد غالي عليا زعلني وبقت عندي مشكله من ناحيه زوجي ومن ناحيه قريبي وانا
ما زلت علي ذمه زوجي محصلش انفصال بيننا وعندي مشكله مع زوجي وحما اخويا فعلا وعندي عدم تحقيق امنيه ان اتفاهم مع زوجي لان المشاكل زادت جدا ومش عارفين نوصل لحل وسط وده مضايقني جدا لان انا كمان اصبحت مش متقبله كلامه ولا عصبيته وكل شويه مشكله شكل

الحلم : حلمت ماما راحت مشوار و لما رجعت بدأت ابكي و بقولها ليه روحتي و مودتنيش معاك و بعمل لها دواءفي شعرها و عرفت ان صديقتي ماتت وقالي خطيبي اعطي أوراق للمحامي و أعطيت الأوراق للمحامي فعلا و اخذت الموبايل و بتصل بخطيبي مبيردش عليا و زي مايكون كذب عليا .
التفسير : ماما راحت مشوار الأمن و الأمان بتاعها ضايع و لما رجعت بقت في أمن و امان إنت بدأتي تبكي البكاء فرج عليكي بتقولها روحتي و مودتنيش معاكي ليه هي الأمن والأمان بتاعها فيه مشكلة و بعملها دواء في شعرها و شعرها بباكي و الدواء اللي بتعمليه في شعرها عايزة تعالجي المشكلة اللي بينها و بين بابا عرفت ان صديقتي ماتت حتنتهي المشكلة اللي عندك و قالي خطيبي اعطي أوراق للمحامي و أعطيت الأوراق للمحامي، المحامي عندك مشكلة على أوراق رسمية و المحامي هو الوسيلة اللي ممكن تفيدك في مشكله الورق الرسمي ده و اخذت الموبايل و بتصل بخطيبي عندك خبر عايزة توصليه لاحد و مبيردش متعرفيش ايه اللي حيكون لما بتوصلي الخبر و زي ميكون كذب عليا إنت لسه مش عارفة حاجة.
وجاء الرد : المشكلة اللي حنا فيها دلوقتي الشقة بتاعتنا ومش عاوز يعزل منها الشخص اللي ساكن فيها و احنا بنفكر دلوقتي نتجه للقانون و حيخرج بشكل رسمي و ربنا يعينا عليه.


الحلم : حلمت بشخص اعرفوا قاعد علي ترابيزة وانا داخلة محل اشتري جزمة وعاوزة أحد يعطيني ورقة مكتوب فيها الحاجات اللي انا اشتريتها لقيتوا هو قاعد علي الترابيزة وزعقلي قالي انتي لية مستعجلة كدا اصبري هديكي الورقة واداني ورقة مكتوبة
التفسير : (الشخص دا )مشكلة من ناحية واحدة (وداخلة المحل تشتري جزمة ) بتدوري علي واحد ممكن فلوس تديهالو وعاوزة أحد يعطيكي ورقة رسمية (ولقيتية قاعد علي ترابيزة) اساس المشكلة مع واحدة (زعقلك) هيكون في تفاهم وقالك (انت لية مستعجلة )أساسا المفروض تبقي مستعجلة( واعطاكي الورقة) لا مش هيعطيهالك
وجاء الرد : فعلا دا موضوع ارتباط واستحالة يتم ابدا الواحدة دي واحدة هو يعرفها وطبعا هي سبب المشكلة والموضوع منتهي وهو مش هيحاول يحل شيء

الحلم : شفت زوجه خالي قاعده علي الارض وبنت عمتي واقفه جنبها والاتنين لبسين اسود ( ازواجهم متوفيين في الحقيقه ) شفتهم بيكلموني في التليفون فيديو كول وزوجه خالي بتقولي تعالي مامتك تعبانه بتحاول تطمني
و كنت خايفه جدا علي ماما وبنت عمتي سمعاها بتقول ان ماما تعبانه في عظم الحوض وانا خايفه يكون حصلها حاجه ولقيت ماما قاعده علي السرير وانا معايا زجاجه ماء معدنيه وكأنها ماء زمزم مقروء عليها قران وكميه الماء قليله قمت رشيت والدتي علي جسمها بالماء وهيه بتصدني وقلت لها اشربي هيه تقول ماء قديم وانا شربت من الزجاجه عشان تطمن وتشرب بس هيه رفضت ورشيت عليها ماء تاني
التفسير : شفت زوجه خالي قاعده علي الارض حل تاعبك وهينتهي علي ميعاد وبنت عمتي واقفه جنبها (حل تاني ) والاتنين لبسين اسود ( اللبس راجلين يا ليهم مكانه يا كبار في السن يا معاهم فلوس )( ازواجهم متوفيين في الحقيقه ) وفيه كلام قديم من ناحيه الراجلين دول شفتهم بيكلموني في التليفون فيديو كول ( الخبر خلاص الموضوع منتهي مع الشخصيات دي ) وزوجه خالي بتقولي تعالي مامتك تعبانه بتحاول تطمني و كنت خايفه جدا علي ماما ( ماما كويسه ) وبنت عمتي سمعاها بتقول ان ماما تعبانه في عظم الحوض ( ماما بقت كويسه ) وانا خايفه يكون حصلها حاجه و لقيت ماما قاعده علي السرير ( فيه حل في حياتك الزوجيه ) وانا معايا زجاجه ماء معدنيه( واحده معاها ماديات ) وكأنها ماء زمزم مقروء عليها قران ( متأمنه من ناحيه ماديات ) وكميه الماء قليله ( الفلوس مش كتير ) و قمت رشيت والدتي علي جسمها ( جسمها بابا ) بالماء وهيه بتصدني وقلت لها اشربي هيه تقول ماء قديم وانا شربت من الزجاجه عشان تطمن ( هتاخدي فلوس من الواحده دي) وتشرب بس هيه رفضت ورشيت عليها ماء تاني ( هتصرفي عليها فلوس وعلي باباكي ).
وجاء الرد : ماما اعطتني فلوس ايراد الارض الخاصه بي مبلغ مش كبير و الحمدلله جبت دواء لماما عشان كانت محتجاله وعندي مشكله مع زوجي يارب يكون فيه حل يارب زي ما حضرتك بشرتيني وعلاقتي انتهت مع اخو زوجي وحمايا عشان دايما سبب خلافي مع زوجي وهما ليهم كلمه مسموعه جدا عنده ومعاهم فلوس كتير


الحلم : حلمت كنت في الشقة و فيه عنكبوت اسود ماشي على الأرض مرة يكبر و مرة يصغر كان امامي و شوية لصق في ذيل الروب بتاعي انا خفت منه رميت و زطمت عليه برجلي و مات.
التفسير : العنكبوت واحد بيعمل خيوط او يعمل مشاكل علشان يصطاد اي حاجة هو عاوزها و علشان هو اسود يا كبير في السن يا معاه فلوس يا له مكانة و ماشي على الأرض عاملك متاعب و المتاعب حتنتهي على ميعاد و محطوط به مبقاش له مكانة و لا حاجة مرة يبقي مهم و مرة يبقي خلاص مش نافع و لصق في ذيل الروب بتاعك الروب واحد زوجك أو خطيبك يا واحد لسه حيجيلك حابب يتحامى فيه إنت خفت لا مخفتيش و لا حاجة و بعدتيه و لما زمطت عليه و مات عن طريق الماديات بتاعتك خاصة بمصروفك او بشغلك لو بتشتغلي حتنهي المشكلة مع هذا الرجل.
وجاء الرد : ده واحد ساكن بالشقة بتاعتنا مأجرها و إحنا عاوزينه يخرج و لما نفتح معه الموضوع كان مش عاوز ولكن الشهر ده عاوز يعزل و يروح و ده حيسبب نقص. في المصروف و الماديات بس مش مشكلة المهم نخلص منو و الروب ده واحد خطيبي و حكيت له على لي حصل.

السلام عليكم دكتورتنا الغاليه صبحك الله بكل خير. انا شفت زوجه خالي قاعده علي الارض وبنت عمتي واقفه جنبها والاتنين لابسين اسود ( ازواجهم متوفيين في الحقيقه ) شفتهم بيكلموني في التليفون فيديو كول وزوجه خالي بتقلي تعالي مامتك تعبانه بس هيه بتحاول تطمني بس كنت خايفه جدا علي ماما وبنت عمتي سامعاها بتقول ان ماما تعبانه في عظم الحوض وانا خايفه يكون حصلها حاجه وبعدين لقيت ماما قاعده علي سرير وانا معايا زجاجه ماء معدنيه وكأنها ماء زمزم مقروء عليها قران وكميه الماء قليله و قمت رشيت والدتي علي جسمها بالماء وهيه بتصدني وقلت لها اشربي هيه تقول ماء قديم وانا شربت من الزجاجه عشان تطمن وتشرب بس هيه رفضت ورشيت عليها ماء تاني.
التفسير: السلام عليكم دكتورتنا الغاليه صبحك الله بكل خير. انا شفت زوجه خالي قاعده علي الارض حل تاعبك وهينتهي علي ميعادوبنت عمتي واقفه جنبها (حل تاني ) والاتنين لابسين اسود ( من ناحيه راجلين يا ليهم مكانه يا كبار في السن يا معاهم فلوس )( ازواجهم متوفيين في الحقيقه ) وفيه كلام قديم من ناحيه الراجلين دول شفتهم بيكلموني في التليفون فيديو كول ( الخبر خلاص الموضوع منتهي مع الشخصيات دي )وزوجه خالي بتقلي تعالي مامتك تعبانه بس هيه بتحاول تطمني بس كنت خايفه جدا علي ماما( ان ما ما كويسه ماتخافيش ) وبنت عمتي سامعاها بتقول ان ماما تعبانه في عظم الحوض ( يعني ماما لو فيها تعب متخافيش بقت كويسه ) وانا خايفه يكون حصلها حاجه وبعدين لقيت ماما قاعده علي سرير( فيه حل في حياتك الزوجيه ) وانا معايا زجاجه ماء معدنيه( واحده معاها ماديات ) وكأنها ماء زمزم مقروء عليها قران ( ماتمنه من ناحيه الماديات ) وكميه الماء قليله( الفلوس مش كتير ) و قمت رشيت والدتي علي جسمها ( ده ممكن يكون بابا )بالماء وهيه بتصدني وقلت لها اشربي هيه تقول ماء قديم وانا شربت من الزجاجه عشان تطمن ( هتاخدي فلوس من الواحده دي) وتشرب بس هيه رفضت ورشيت عليها ماء تاني( هتصرفي عليها فلوس وعلي باباكي).
جاء الرد : ماما ادتني فلوس ايراد الارض الخاصه بيه بس هيه مش مبلغ كبير بس الحمدلله نفعت وجبت منها دوا لماما عشان كانت محتاجاله وعندي مشكله مع زوجي يارب يكون فيه حل يارب زي ما حضرتك بشرتيني وعلاقتي انتهت مع اخو زوجي وحمايا عشان دايما سبب خلافي مع زوجي وهما ليهم كلمه مسموعه جدا عنده ومعاهم فلوس كتير


الحلم : شفت في التليفزيون مؤتمر للرئيس السيسي وهو لابس بالطو المحاماه بس لونه رصاصي ولقيت المحامي بتاعي واقف لابس بالطو المحاماه و يترافع قدام الرئيس وانا بقول لوالدتي جنبي شفتي يا ماما المحامي بتاعي واصل قوي وأخذوه في مؤتمر الرئيس بس المحامي كان معاه بخور وبيحطوا علي مبخره شغاله فعلا وبيبكي وانا عماله ادعي انه يتوفق في كلامه و كان هيبكي ومتأثر قوي وهو بيتكلم و خلص كلامه ووطي علي الارض واخد سبحه ومصليه ومصحف وبقيه حاجته اللي كان ساسيبها علي الارض قبل المرافعه.
التفسير : التليفزيون ده شخص وكل اللي بيقوله كله بيعرفه وفي موتمر الرئيس السيسي فيه كلام مهم من ناحيه الراجل اللي بيتكلم (التليفزيون )وهو لابس بالطو المحاماه ولونه رصاصي وده اللي من ناحيه وظيفه والوظيفه دي عاوزه حد يدافع عنك والموضوع ده ما بين الوقار والاكتئاب بالنسبه لك لان لونه رصاصي والمحامي بتاعك تتمني كلام يتقال فيه دفاع عنك ويترافع قدام الحاجه المهمه اللي عايزاه يتكلم عليها وانا بقول للوالده يعني بتنقلي كل الكلام لماما وتتمني ان المحامي اللي بيدافع عنك له اهميه والبخور ده هيه المشكله اللي عامله متاعب من ناحيه واحده وبيبكي فيه فرج من ناحيه الدفاع اللي هيتقال عليكي وانت نفسك الكلام اللي هيتقال فيه خير فعلا والكلام ده مش هيأثر بقوه ومطلوب واحده بتسبح وتصلي عشان الكلام ده يحصل
وجاء الرد : المحامي ده فعلا رافع لي قضيه علشان واحده شتمتني علي الواتس اب بدون وجه حق وانا عاوزه اثبت عكس اللي قالته لانه قايلاه كيدي وبدون وجه حق وانا بتمني الموضوع يخلص علي خير ومش عاوزه مشاكل مع حد والموضوع مهم لان انا الموضوع يمس حد مهم بالنسبه ليه ووالدتي بتصلي وتسبح كتير عشان ربنا ينصرني وتدافع عني في الحكايه دي وانا بحكيلها كل حاجه
ربنا يبارك لحضرتك يارب ويزيدك من علمه كل كلامك مظبوط


الحلم : ماما شافت نفسها مشترية طيارة.؟
التفسير : (ماما مشترية طيارة) واحدة عندها صعود وماما بتساعدها في الصعود ده او انها هية بتفيدها بحاجات وماما بتزودها كمان من اللي معاها.
وجاء الرد : هية ماما كانت بتقول لاخويا انها اشترت طيارة وحقيقي هية دايما بتسندوا هو ومراته في حاجات كثير وبالذات الوقت ده لان هو ومراتو بيعانوا من مشاكل كثير.
شكرا لرد حضرتك

الحلم : حلمت خطيبي سابقا تلاقينا صدفة و تكلمنا بس هو دخل الغرفة و انا شكيت فيه و رحت اتجسس عليه لقيتو بيتكلم مع وحدة شقراء و جميلة و لكن هو مش عاوزها و هي بتستعطفو علشان تستمر علاقتهم و لما انتهى منها خرج عند وحدة شعرها اسود و أعطاها فلوس كثير ورق و هي بتعدهم وقفت قصادها و قلت له ايه السخاوة دي انا مشفتش منك ده و الثالثة كانت رايحة و انا رحت عند ست كبيرة قلتلها كل ده و انا معرفش حاجة ده بتاع نسوان و شفت صديقتي صدرها عريان و بقولها غطيه ممكن يصوروكي و كده حتنفظحي.
التفسير : لما دخل الغرفة هو في أمن و امان و إنت شكيتي فيه و رحت تجسستي عليه عايزة تعرفي الأمن والأمان اللي هو فيه ده ايه هو ازاي يعني بيتكلم مع وحدة شقراء يعني فيه حل ليه بس الحل تعبك الوحدة الشقراء دي فيه حل من نحييتو بس تعبك و الحل مش حيساعدك على حاجة مش حيفيدك بحاجة علشان هي جميلة و لكن هو مش عاوزها لا هو عايز الحل ده و هي بتستعطفو علشان تستمر معاه في علاقتهم هي الحل مش حكاية علاقة الحل عايز يستفاد بحل علشان يبقا في أمن وأمان و بعدين لما انتهى منها لما مشا بعيد عن الحل ده مبقاش مريحو خرج عند وحدة شعرها اسود و أعطاها فلوس كثير ورق و الوحدة دي حل له ثاني من ناحية وحدة يا كبيرة في السن يا معاها فلوس و لها مكانة و الفلوس اللي أعطاها لها هو عندو مشكلة ماديات و إنت قلت السخاوة دي يعني معجبكش الحال لا ممكن يمكن حتنخي و حتكبري دماغك علشان هو عندو مشكلة ماديات و بعدين قلت مشفتش منك ده يعني بتقولي له انا تعبت منك و رحت عند ست كبيرة قلتلها كل ده يعني بتفكري في حل يريحك و انا معرفش حاجة ده بتاع نسوان و شفت صديقتي صدرها عريان صحبتك دي عايزة حل يخصك لو معاكي اولاد و بقولها غطيه ممكن يصوروكي يعني ايه داري متتكلميش عن الموضوع ده لبعدين العلاقة تبقا ذكرى مع الشخص ده و كده حتنفظحي حتبقا مش حتعرفي تتصرفي إنت.
وجاء الرد : ده خطيبي و معندوش فلوس و عاوز ياخد مني فلوس و الوضع مش عاجبني و انا مش عارفة استمر و مش عارفة انهي العلاقة حايرة في الوسط و عرفت انو كان بيعرف نسوان كثير و مستمرش مع أي وحدة حتى العلاقة مستمرش مدة طويلة بينهم.

الحلم : حلمت مرات اخويا لبسة سوتيان ابيض و حزام الكتف مش موجود و هي عملتو بلون أزرق و لصقتهم في السوتيان.
التفسير : مرات اخوكي دي حل ليكي من ناحية واحد بتحبيه و مزعلك و الحمالات بتاع الكتاف يعني الحزام مش موجود هو مش متحملك في اي حاجة و عملتو باللون الازرق فيه غيظ و متاعب من ناحية حبك لهذا الشخص.
وجاء الرد : الشخص ده مشكلة في حياتي و هو نكد بالنسبة لي من يوم ما عرفتو مش بيعمل حاجة من ناحيتي حتي الفلوس بيطلب مني .

لحلم : حلمت ولدين كانو فبيتي وهما خارجين من البيت كنت خارجه وراهم كاني مسحوره وفضلت ماشيه وراهم لحد ماطلعت اول الشارع فقابلت ست لابسه اسود ووشها اسود كانت رايحه ترعي اغنام فزعقتلي وقالتلي روحي بيتك بسرعه قبل جوزك ما يقفل الباب عليكي ورجعت روحت ومشيت لحد مادخلت البيت لاقيت الباب مفتوح ودخلت وقفلته بالترياس وطلعت عالسلالم لاقيت جوزي كان نازل يدور عليا فبيسالني كنت فين فقولتله في ولدين خرجو فكنت خارجه وراهم وكنت بحكيله ولساني ملتوي مش عارفه احكي وطلعنا لفوق انا وهو علي شقتنا وهو بيفتح الباب بالمفتاح بصيت عالسما ال ظاهره قدام شقتي رأيت شقشقه الفجر ودخلنا شقتنا وقفلنا الباب
التفسير : الولدين مشكلتين كانو عندك فالبيت وبعدو عن بيتك بس انتي لما مشيتي وراهم مبقتيش في امن وأمان طلعتي من البيت بقيتي ماشيه وراهم زي مسحورة انتي مش حاسه ال بتعمليه وماشيه ورا مشكلتين وشغلين دماغك
لغاية ما طلعتي اول الشارع مبقتيش في امن وأمان قابلت ست لبسه اسود حل ليكي من ناحية واحد اما كبير فالسن او معه فلوس او له مكانه
والست وشها اسود الست دي حل علي حاجة مهمه
كانت ريحه ترعي اغنام فزعقتلي ترعي اغنام يعني رايحه تخلي بالها من رجاله علي ستات شخصياتهم ضعيفه واما قالتلي روحي بسرعه حل بيقول مش هينفع ترجعي بيتك بسرعه قبل جوزك يقفل الباب يعني قبل مايكون في مشكله مع واحد ويقفل وميرضاش يعمل حاجه
واما رجعتي بقيتي في امن وامان ولما قفلتي بالترباس خليتي واحد برشم الدنيا ومعملش ازعاج والباب ممكن يكون جوزك
طلوعك عالسلالم امنيه بتتمنيها وجوزك نازل جوزك مشكله ليكي هتبقي عاوزة تحققيها فهتبقي صعبه فبيسالني كنتي فين معناها هتتعاملي مع مشكله بتاعت جوزك هتضطري تتكلمي ان عندك مشكلتين وحبيتي تحليهم ولساني ملتوي يعني بتخبي كلام مش عاوزة تحكيه
طلعت لفوق علي شقتنا يعني صعود لكم انتو الاتنين
و بقيتو في امن وأمان
بيفتح الباب بالمفتاح معه الوسيله اللي يقدر يعمل بيها ازعاج لواحد
بصيت عالسما ال ظاهره قدام شقتي بتتمني حاجة من ربنا شوفي انتي عاوزة ايه
في شقشقه الفجر معناه نهايه الاكتئاب وبدايه الخير
ودخلنا شقتنا وقفلنا الباب بقيتي في امن وأمان وازعاج من واحد انتهي خلاص
وجاء الرد : فعلا كان عندي مشكلتين مع جوزي وفعلا كنت ماشيه وراهم وبيتي كان هيتخرب ومكنتش حاسه بامان لان حتي ولادي كسروني وقعدو معاه ال كنت فاكرهم هقدر عليه بيهم
وفعلا تكلمت مع جوزي فحل مشكلتين والحمدلله حاليا الامور الي حد ما كويسه
وكل كلامك صح كله واخويا كان عاوز يعمل لجوزي ازعاج وانا منعته
وفعلا كنت بتمني حاجه وحصل زعل فيها ومتمتش بصراحه ربنا يزيدك علم ماشاء الله كل تفسيراتك بالظبط فعلا بتحصل

لسلام عليكم ممكن تفسير حلم والدتي.
الحلم : والدتي شافت ابنها جوه الحمام وقافل الباب علي نفسه بيستحمي ولقيت زوج بنتها قاعد علي السفره علي الكرسي وزوج بنتها قاعد معووج وولد صغير حوالي 7 سنين متعرفوش واقف جنبه وكأن الوقت المغرب وتضع الاكل عشان المغرب اذن وقالت عشان ابني هيتأخر داخل الحمام.
.
التفسير : شافت ان كأن ابنها جوه الحمام ( فيه عندها مشكله تعباها وتاعبه نفسيتها وقافل الباب علي نفسه ( فيه واحد مش معموله ازعاج ) بيستحمي مأمن نفسه ولقيت زوج بنتها قاعد علي السفره علي الكرسي و معووج ( مشكله من ناحيه ماديات ومصاريف والمشكله مهمه جدا بس معووج ( المشكله تعباها) وولد صغير حوالي 7 سنين متعرفوش واقف جنبه( فيه مشكله من ناحيته) وكأن الوقت المغرب ) داخله علي اكتئاب) وتضع الاكل عشان المغرب اذن ( فيه ميعاد لموضوع الماديات) وقالت عشان ابني هيتأخر داخل الحمام( المشكله تاعبه نفسيتها)
وجاء الرد : ابنها ساب شغله من يومين وده زعلها جدا واثر علي نفسيتها وزوج بنتها عامل مع ابنها مشاكل علي ماديات ومصاريف لان زوج بنتها عاوز فلوس منهم كان شاري بيها ارض منهم واتخانق مع ابنها عشان الفلوس دي وده مزعلها قوي وجايب لها اكتئاب
الحلم : حلمت جدتي المتوفية طلبت من امي البيض و ماما رفضت و انا بقولها اسلقي لجدتي البيض و ماما بردو رفضت تديها بيض و جدتي غضبت و خرجت من البيت.
التفسير : جدتك لو في ميراث يبقا كلام على ميراث لو مفيش كلام قديم حيتجدد و لما طلبت بيض يبقى الكلام القديم حيكون فيه نكد عند ماما و كان الكلام القديم عايز يبعد و ماما رفضت لا هي مش حترفض و انت لما بتقولي لها اسلقي البيض لجدتك يعني خلي المشكلة تنتهي لكن ماما رفضت بردو مش حترفض بس ان جدتك غضبت مش جدتك الكلام القديم حيتحل ان شاء الله بخروج جدتك و الكلام حيبعد
وجاء الرد : الكلام القديم اللي اتجدد هو اصلاح الشقة و خلاص قررت انو اصلحها و لو ده فيه مصاريف كثير بس العوض على الله.

الحلم : حلمت جدتي المتوفية طلبت من امي البيض و ماما رفضت و انا بقولها اسلقي لجدتي البيض و ماما بردو رفضت تديها بيض و جدتي غضبت و خرجت من البيت.
التفسير : جدتك لو في ميراث يبقا كلام على ميراث لو مفيش كلام قديم حيتجدد و لما طلبت بيض يبقى الكلام القديم حيكون فيه نكد عند ماما و كان الكلام القديم عايز يبعد و ماما رفضت لا هي مش حترفض و انت لما بتقولي لها اسلقي البيض لجدتك يعني خلي المشكلة تنتهي لكن ماما رفضت بردو مش حترفض بس ان جدتك غضبت مش جدتك الكلام القديم حيتحل ان شاء الله بخروج جدتك و الكلام حيبعد
وجاء الرد : الكلام القديم اللي اتجدد هو اصلاح الشقة و خلاص قررت انو اصلحها و لو ده فيه مصاريف كثير بس العوض على الله.

الحلم : حلمت شلت صدري و انا في الحقيقة شايلاه فعلا و شفت ان صدري موجود ماتشالش.
سؤال : انتي معاكي ولدين ؟
الجواب : اه
التفسير : واحد وحيرجعلك تاني
و جاء الرد : انا معايا اتنين اولادي واحد منهم بعيد عني و اتفقت مع زوجي يرجعلي ابني التاني و ما يطلقنيش و يصرف على اولادنا واظل معهم

حلم مامتي:
الحلم : حلمت انا في بيت اهلي القديم وواقفه في الصاله وسانده ضهري علي الحيطه وقصادي صاحب زوجي وواقفه جنبه بنتي وقلتلو ان انا شوفت صوره ابنك علي الفيس عند ايتن رد وقالي عايزين نشوف الخلاف دا (اللي هو الخلاف اللي بين وبين زوجي )ودخلت غرفه ولقيت صاحب زوجي دا نايم في السرير وانا نمت جنبه وحاول يقربلي بس لم يلمسني وروحت انا واخده تليفونه من جيبه علشان خوفت يكون بيسجلي لقيت التليفون مقفول ولقيته راح فتح لاب توب ومكتوب عليه شرح هندسي فانا اعطيتو كوڤيرته وسبت الاوضه وطلعت الصاله لقيت بنتي الصغيره بتعيط وانا كنت عايزا اجيب لصاحب زوجي كوبايه مايه بس لقيت الكوبايات مش نضيفه فمجبتش حاجه وهو اختفي
التفسير : انتي في بيت اهلك القديم (انتي في امن وامان ) وسانده ضهرك علي الحيطه(يعني انتي معتمده علي أحد سند ليكي ) وقصادك صاحب زوجك (صاحب زوجك مشكله ) وواقفه جنبه بنتي (حل للمشكلة) وقلتلو ان انا شفت صوره ابنك علي الفيس (المشكله دي عملالك مشكله من ناحيه كلام منقول من هنا لهنا عند ايتن ) رد وقالي عايزين نشوف الخلاف اللي بيني وبين زوجي (يعني لازم تتصرفي وتحلي المشكله اللي بينك وبين زوجك )دخلت الغرفه لقيت صاحب زوجي نايم علي السرير (عندك مشكله في حياتك الزوجيه ) وانا نمت جنبه (المشكله ملزماكي)وحاول يقربلي بس لم يلمسني ( فيه كذبه او خدعه بس محصلتش) روحت انا واخده تليفونه من جيبه عشان خفت يكون بيسجلي ( انتي مش عايزا يجيلك خبر يخص المشكله دي اللي هو الراجل دا )خذتيه من جيبه (الخبر دا يخص ماديات ) خايفه يسجلك( خايفه الكلام يكون بيتنقل من هنا لهنا مش عايزا أحد يتكلم عن المواضيع دي ) لاقيتي التليفون مقفول ( مجاش خبر ولا انتي عارفه توصلي خبر )ولقيته راح فتح اللاب توب ومكتوب عليه شرح هندسي ( اللاب واحد وبينقل الكلام من هنا لهنا وفيه حقيقه وفيه اكاذيب )انتي لقيتي عليه شرح هندسي( يعني فيه تقسيم في الكلام)فانا اعطيته كوڤيرته وسيبت الاوضه( قلتيلو فيه واحده معاك اتصرف بقي ) طلعتي الصاله لقيت بنتي الصغيره بتعيط (فيه حل منه خير ) وانا كنت عايزا اجيب لصاحب زوجي كوبايه مياه ( المشكله تخص واحد علي ماديات ممكن يشتغل بيها او يشوف بيها حياته ) لقيت الكوبيات مش نضيفه ( فيه رجاله عملالك مشاكل علي فلوس ) فمجبتش حاجه وهو اختفي ( محاولتيش تشيلي الزعل وهو اختفي المشكله بعدت خلاص راح لحاله )
وجاء الرد : كل كلام حضرتك مظبوط مامتي صاحبه الحلم عامله مشكله مع بابي علي فلوس بتاعته اللي عند مامي وهو فاهم ان الفلوس انضحك عليه فيها
واللاب توب اخويا بينقل الكلام لببايا بطريقه غلط وبيبقي فيه اكاذيب وانا بحكي لمامي علي كل حاجه بتحصل خصوصا انهارده حصلت مشكله وكلمتها علطول ومامتي سندها ربنا ثم جدتي الحيطه ومامتي فعلا في امن وامان مع جدتي
ربنا يبارك لحضرتك ويزيدك من علمه يا دكتوره كريمه ويفرح قلبك يارب
صباح الخير أستاذة كريمة من فضلك عايزة تفسير للحلم زوجي توفي من أسبوعين وابن أخوه هو اللي شاف الحلم وقاله لي
الحلم : المتوفى كان يشتكي من قلبه كأنه أصيب بجلطة وطلب من ابن أخوه يروح المستشفى وقال لابن أخوه سيبك من العيال ولاد الكلب دول فنزل معاه وركبوا العربية وكان يوجد أكياس كتير تحت رجله (ابن أخوه) ومعرفش يتحرك بالعربية أرجو التفسير وجزاك الله كل خير
التفسير : التفسير لإبن أخوه - المتوفى بيشتكي من قلبه يعني فيه كلام قديم هيتجدد عند ابن أخوه على أحد بيحبه المتوفى مصاب بجلطة يعني الموضوع تاعبه ولما طلب يروح المستشفى الكلام القديم عايز معالجة في موضوع حبه لاحد ولما المتوفى قاله سيبك من العيال ولاد الكلب دول معناه مشاكل من رجاله تخص ابن أخوه زي أصحابه بيوعدو ويخلفوا مش بيعملوا حاجة ولما نزلوا وركبوا العربية يعني ابن أخوه هياخد قرار بسبب الكلام القديم لما هيتجدد وكان فيه أكياس كتير معناه فيه مشاكل من رجاله تحت رجله مش مخليينه يسعى لرزقه مش عارف يتحرك بالعربية يعني القرار مش عارف ياخد فيه خطوة إيجابية ولو فيه ميراث هيبقى على الميراث
وجاء الرد : عندي مشكلة في الميراث ومش عارف آخد قرار وبسمع كلام كتير من ناس مش بيعملوا حاجة والله المستعان

الحلم : شفت نفسي في بيتي وسامعه صوت ناي وانا برقص و شفت حماتي في المرايه وانا داخل الغرفه لابسه عبايه وطرحه سوداء وبتكنس في الصاله بس الشقه كانت متبهدله جدا فأنا طلعت الصاله لقيتها راحت قعدت علي كرسي وانا و ابنها ( زوجي ) قاعدين علي كنبه الانتريه ودخلت التواليت كان البلاط مش نضيف عملت حمام بول والسيفون مش شغال ولقيت جزء من الارضيه عليها ماء راكد لونها اسود وخرجت من الحمام وطلبت من زوجي اشتري منظفات للبيت وهو مكشر وبيقولي والدته هتيجي معانا وانا قلت له ايه لازمه مامتك تيجي معانا وانا بصيت لها وخبطت علي رجليها وزعقت معاها وكنت انا مضايقه منها جدا وهيه كمان.
التفسير : شفت نفسي في بيتي ( امن وامان ) وسامعه صوت ناي( كلام مضايقك) وانا برقص ( المتاعب اللي انتي فيها ) شفت حماتي في المرايه ( عايزه تجيبي اللي جواكي من ناحية حماتك ) وانا جوه الغرفه لابسه عبايه وطرحه سوداء ( كلام من ناحية ارتباط من واحد كبير في السن يا معاه ماديات يا له مكانه ) وبتكنس في الصاله( بتحاول تشيل الزعل ) الشقه كانت متبهدله فأنا طلعت الصاله لقيتها راحت قعدت علي كرسي ( ليها مكانه)وانا و ابنها ( زوجي ) قاعدين علي كنبه الانتريه ( واحده مزعلاكي انتي وزوجك)و دخلت التواليت ( تعبانه يا نفسي يا جسمي يا الاثنين)كان البلاط بتاعه مش نضيف عملت حمام بول ( انتي اتخلصتي من مصاعب جواكي) والسيفون ( واحد بيبعد حاجه عن حاجزه بيودي من هنا لهنا ) مش شغال ولقيت جزء من الارضيه عليه ماء راكد لونه اسود ( فيه ماديات رايحه هدر مهمه )وخرجت من الحمام ( خلاص انت مش تعبانه لا نفسي ولا جسماني )وطلبت من زوجي اشتري منظفات للبيت ( تشيل الزعل من البيت )وهو مكشر ( احسن ما يضحك) وبيقولي والدته هتيجي معانا( بيقلك خلي بالك من ماما ) وانا قلت له ايه لازمه مامتك تيجي معانا (انت مش بترفضي انها تيجي انت رافضه اي حاجه تتقالها )وانا بصيت لها وخبطت علي رجليها( فيه ماديات بمصروفك او مصروفها انت هتديها لها) وزعقت معاها ( هتحايليها)وكنت انا مضايقه منها جدا وهيه كمان ( هيبقي فيه سماحه بينكم.
وجاء الرد : عندي مشاكل كتير جدا في البيت والشغل وفيه فلوس معايا كنت محوشاها بصرف منها دلوقت رايحه هدر فعلا وانا عندي متاعب من زوجي نفسيه لان علي طول مشاكل وكل حاجه يحكيها لاي أحد أصحابه اهله كأنهم عايشين معايا علاقتي بحماتي عاديه بس ماليش تدخل معاها بس بحايلها عشان ميعملش معايا حوارات ومشاكل زوجي وفيه ماديات هو نخليها معايا وعايز ياخدها يديها لمامته وده حق الولاد محدش هيدينا حاجه لو احتاجنا فلوس

لحلم : شفت نفسي مسافره الي السعوديه وراكبه طياره وصلتني الي شارع واسع كنت ساكنه فيه زمان قبل ما اعزل منه والدنيا نهار وبحثت عن شنطتي في الطياره ووجدتها ولبستها علي كتفي وكان معايا في ايدي كيس تاني وتذكرتين سفر واخذت موبايلي وقلت اكيد فصل عشان مدفعتش الفاتوره ولم تصلني رساله الترحيب اللي بتيجي علي الموبايل لما ندخل دوله ثانيه
ونزلت الشارع وكنت لبسه عبايه سوداء وحجاب اسود و محتاره اوصل ازاي للبيت ومش عارفه اكلم أحد ولقيت نفسي في غرفه مع صديقه لي وكانت واقفه مع واحده تانيه جنب مكتب وبتتكلم معاها في اسعار الخدمات الطبيه عندهم وانا كنت جالسه علي كرسي بجانب طبيبه مشغوله في عملها وببص علي شباك كبير مفتوح علي عمارات مجاوره للمكان اللي انا فيه والدنيا نهار.
التفسير : شفت نفسي مسافره الي السعوديه وراكبه طياره الصعود اللي بتتمنيه وصلتني( الامنيه وصلتك الي نفس المكان) مش هتوديكي) الي شارع واسع كنت ساكنه فيه زمان قبل ما اعزل منه والدنيا نهار ( مش مكتبئه) وبحثت عن شنطتي( نهايه مشاكل ماديه ) في الطياره ووجدتها ولبستها علي كتفي وكان معايا في ايدي كيس تاني ( واحد ) وتذكرتين سفر ( وسيلتين لتحقيق الامنيه ) واخذت موبايلي وقلت اكيد فصل عشان مدفعتش الفاتوره ( انتي منتظره خبر من واحد والخبر ده مش هتقدري تسمعيه( لا ممكن ) ولم تصلني رساله الترحيب ( مفيش رساله جاتلك هتريحك من الواحد ده )اللي بتيجي علي الموبايل لما ندخل دوله ثانيه( لما نشوف هنروح فين اي مكان تاني ) ونزلت الشارع ( لايوجد امن وامان ) ده وكنت لابسه عبايه سوداء وحجاب اسود (مفيش طلاق بينك وبين زوجك)وكنت محتاره اوصل ازاي للبيت ومش عارفه اكلم أحد ( مش لاقيه وسائل تساعدك)و لقيت نفسي في غرفه مع صديقه لي ( امن وامان مش اللي انت عايزاه ) وكانت واقفه مع واحده تانيه جنب مكتب وبتتكلم معاها في اسعار الخدمات الطبيه ( ليكي حل من ناحيه الشغل ووضعه ايه عندهم ) وانا كنت جالسه علي كرسي بجانب طبيبه مشغوله في عملها ( ليكي مكانه وحل فيه معالجه مش هتستفيدي منها) وببص علي شباك كبير مفتوح ( الشباك ده اخوكي بيوريك الامن والامان قريب منك ) علي عمارات مجاوره للمكان اللي انا فيه.
وجاء الرد : فيه خلاف كبير مع زوجي بس ما وصلناش للطلاق ومرضيتش ارجع لبيتي في السعوديه معاه وانا عند اهلي حاليا واخويا ( اللي هو الشباك ) بيقولي الامن والامان هنا وارجعي شغلك وسيبك منه ميستاهلكيش وجالي شغل في السعوديه بس مش هستفيد منه حاجه عشان انا مختلفه مع زوجي ومش عاوزه اسافر تاني وفعلا زي ما حضرتك قولتي بالظبط


ممكن تفسري حلم مامتي
الحلم : شفت نفسي انا وأولادي الثلاثه في اوضه نوم بتاعة مامتي بس كأني سافرت السعوديه عند أولادي ولقيت غسيل نظيف علي الارض والسرير و ببكي جامد وقلبي واجعني من الزعل ولقيت كارما إبنتي الصغيره بغير لها لبس المدرسه وبقول لها لبسك فين بتاع المدرسه يا كارما قالت لي عند وفاء (اللي هي عمتها) قعدت ابكي وادعي ربنا واعاتبه ازاي يحصل معايا كل المشاكل دي ولقيت بنتي الكبيره ايتن سانده ظهرها علي التسريحه وبتعيط و شفت دموع علي خدكها واحمد ابني الوسطاني كانه ورايا بس قصير وتخين شويه بس مبيتكلمش
التفسير : شفت نفسي انا وأولادي التلاته في اوضه نومي بس كأني سافرت السعوديه ( فيه حل من ناحيه العيشه ) كأني سافرت السعوديه (لاء لسه مسافرتيش) ولقينا غسيل نضيف علي الارض (كلام بزعل عامل متاعب وهينتهي علي ميعاد ) والسرير ( متاعب تخص حياتك الزوجيه) و ببكي جامد وقلبي واجعني (عياطك فرح عليكي من ناحيه قلبك زوجك) من الزعل (لا مش هيبقي فيه زعل ) ولقيت كارما إبنتي الصغيره بغيرلها لبس المدرسه (كارما حل من ناحية أصحاب قدامي عاملين كلام مضايقك) وبقولها لبسك فين بتاع المدرسه ( بتدوري علي الكلام اللي مزعلك من ناحيه أصحابك القدامي )وكارما قالتلك عند عمتها يعني (كلام مصدره عمتها ) قعدت ابكي وادعي ربنا (عياطك فرج عليكي والدعاء يعني بتتمني الخير) وبتقولي ازاي يحصل معايا كل المشاكل دي (العتاب يعني بتدعي ان ربنا يفكها عليكي من المشاكل دي )ولقيت إبنتي الكبيره ايتن سانده ضهرها علي التسريحه (التسريحه دي واحده مزعلاكي ) وايتن سانده ضهرها عليها ( ممكن تكون هي سندها التسريحه دي واحده وممكن انتي تكوني سند ايتن) وبتعيط (طالما ايتن بتعيط هيكون فيه خير لها)وشوفت دموع علي خدها )واحمد ابني الوسطاني كان ورايا بس قصير وتخين ( احمد مشكله والمشكله دي مقلله احمد عمل حاجه مقللاه في نظرك مش مرتحاله في حاجه )وتخين شويه بس مبيتكلمش (المشكله موجوده لكن انتي مش عارفه معلومات عنها )
وجاء الرد : كل كلام حضرتك مظبوط كانك معانا فيه مشكله بين مامتي وببايا ومامتي مش موجوده معانا حاليا هي في مصر بسبب المشكله دي واخواتي دايما عند عمتي ودا مزعلني انا ومامي وفعلا مامتي سندي زي ما حضرتك قلتي والله ومامتي فعلا بتدعي ربنا يفكها واحمد اخويا مش بيقول انه عايز مامي ولا مقلله في نظرها ربنا يفك كربنا ويزيدك من علمه اقسم بالله كلام حضرتك كله صح ربنا يفرح قلبك ويزيدك من علمه
الحلم : حلمت اني في محل احذية وبنت خالتي قالتلي بصي الجزمة دي حلوة قولتلها لا دي شكلها موضة قديمة اوي وفيها كعب هتتعبني قالتلي خدي بس البسيها الجزمة كانت لونها اسود والكعب بتاعها صغير اوي مش عالي ولونه ابيض و الجزمة فيها ثلاثة ابزين لونهم ذهبي بس قيست الجزمة ولقيتها مريحة
التفسير : في محل جزم بتفكري في كذا واحد (وبنت خالتك قالتلك الجزمة دي حلوة )في حل من ناحية واحد مش حلو ولا حاجة وانت حكمك علية انة مش متحضر و(فيها كعب) لية مكانة ومش هتتعبي ولا حاجة والجزمة (لونها اسود) الراجل دا كبير في السن او معاة مادييات والكعب صغير المكانة بتاعتة بسيطة (ولون الكعب ابيض ) مزعلك والجزمة (فيها ابزين) يعني الواحد دا معاة ثلاثة مسيطرين علية ولقيتي الجزمة مريحة لا هتتعبي لما تتعاملي معاة
وجاء الرد : فعلا مظبوط كلام حضرتك طبعا يارب يدي حضرتك الصحة كان موضوع ارتباط واكبر مني وكنت سعيدة بية بس كل المؤشرات بتقول اني هتعب معاة طبعا

الحلم : حلمت كنت نايمه في اوضتي وطلعت الصاله لقيت جدتي قاعده علي كنبه لونها بنفسجي ومامتي جوا في اوضه تانيه وبتقولي ان اخويا احمد مات ودفنوه فانا مش مصدقه وقلتلها ايه اللي حصل قالتلي ان هو كان عادي وبعد كدا وشه اسود 80 في الميه وقعد يسود زياده وقالتلي ان هو روحه انسحبت والنفس مش عارف يدخل صدره لغايت ما مات فأنا عيطت بس مش اوي وقعدت ادعيلو واقول ربنا يعفو عنه وقاعده اعطي لنفسي امل ان هو هيرجع البيت تاني و لقيت نفسي في اوضه جدتي ومعايا المدرس بتاعي علي السرير وهو بيشرحلي حاجه في الماده فانا قربت منه وكنت بقول في نفسي خليك جنبي قصدي عليه هو
التفسير : انتي نايمه في اوضتك علي السرير (بتفكري في حياتك اللي انتي عايشاها ) لما طلعتي الصاله لقيتي جدتك قاعده علي كنبه ( حل ليكي من ناحيه واحده وفيه تفاؤل من ناحيتها اللون البنفسجي ) ومامتي جوا في اوضه تانيه ( ماما بعيده عن جدتك حل تاني غير حل جدتك ) وبتقولي ان اخويا احمد مات (يعني المشكله من ناحيه احمد انتهت خلاص ) ودفنوه ( الكلام علي جواز ) انتي مش مصدقه ( لاء انتي مصدقه ان المشكله انتهت )وقلتلها ايه اللي حصل (عيزا تعرفي ايه السبب في المشكله ) قالتلي ان هو كان عادي وبعد كدا وشه اسود 80 في الميه وقعد يسود زياده (سواد وشه فيه اعزاز من ناحيه ) وقالتلي ان هو روحه انسحبت والنفس مش عارف يدخل صدره ( فيه كلام يخص عروسه والحب عنده عامله متاعب لغاية ما إنتهت المشكله ) اما عيطت بس مش اوي (فرج عليكي )وقعدت ادعيلو واقولو ربنا يعفو عنه (يعني انتي الدعاء بتاعه معترضه مش عاجبك الكلام اللي بتسمعيه) وقاعده ادي لنفسي امل ان هو هيرجع البيت بتتمني ان هو يرجع البيت يبقي عندكو تاني) و لقيت نفسي في اوضة جدتي (يعني امنك وامانك اتنقل و فيه حل من جدتك) والمدرس بتاعي علي السرير وهو بيشرحلي حاجه في الماده (هو علي السرير يعني مشكله عندك من ناحيه المذاكره او من ناحيه المدرس مثلا فيه مشكله تعباكي) فانا قربت منه وكنت بقول في نفسي خليك جنبي (لاء انتي عارفه مشكلة الماده دي مخوفاكي او فيه حاجه من ناحيه المدرس مخوفاكي )
وجاء الرد : كل كلام حضرتك مظبوط فعلا انا بفكر في حياتي اللي انا عيشاها واللي حاصل معايا وفعلا بسبب المشاكل اللي بين اهلي نفسي نرجع تاني زي الاول خصوصا اخويا وكمان خالي ان شاء الله هيتجوز قريب وانا فعلا مش عاجبني الكلام اللي بسمعه من بابي واخويا عن مامتي واخويا فعلا عنده مشاكل مع خطيبته وانا خايفه من الماده بتاعت المدرس دا لانها صعبه
كل كلام حضرتك مظبوط ربنا يبارك فيكي ويزيدك من علمه

الحلم : شفت رايحه شقه كبيره لتعليم قياده السيارات وبدور علي صاحب المكان عشان اكمل تعليم السواقه بتاعتي بس مش لقيته وكأني كنت دفعاله زمان 100 جنيه تمن حصه وبقول في نفسي الدنيا غليت دلوقتي دورت علي شنطتي السوداء وكأنها بتاعة والدتي
وانا فعلا لقيت الشنطه عشان اخد فلوس ادفعها بس مفيش فيها فلوس ولقيت زوجه صاحب المكان هي اللي هتطلع معايا و طلعنا ولقيت عربيه حمرا جديده وقلت لها انا اللي هسوق والست كانت خايفه وانا ركبت وشغلت العربيه فعلا وقعدت ارجع بيها عشان اطلع من الركنه دي وهي كانت بتوجهني وكنت هاخبط عربيات جنبي بس ربنا ستر وبس.
التفسير : شفت شقه كبيره ( امن وامان فيه قرارات في ايديكي انتي اللي بتاخذي القرارات) لتعليم قياده السيارات وبدور علي صاحب المكان( عاوزه تشوفي المشكله عشان تاخدي قرار تخلصي ) عشان اكمل تعليم السواقه بتاعي بس مش لقيته ( المشكله مش عارفه تخلصيها)وكأني كنت دافعاله زمان 100 جنيه ( المشكله علي فلوس)تمن حصه وبقول في نفسي الدنيا غليت دلوقتي ( محتاجه ماديات) دورت علي شنطتي السوداء وكأنها بتاعه والدتي( يعني الماديات كده انتي واخداها من ماما) وانا فعلا لقيت الشنطه ( كده نهايات مشاكل ) عشان اخد فلوس ادفعها بس مفيش فيها فلوس(مفيش مشكله فلوس ) ولقيت زوجه صاحب المكان هي اللي هتطلع معايا ( ليكي حل يبقي فيه قرار لحاجه انتي عايزاها)وبعدين لقيت انا وهيه طلعنا ولقيت عربيه حمرا جديده ( قرار كله غيظ ) وقلت لها انا اللي هسوق والست كانت خايفه( حل بيقول ان فيه تردد ) وانا ركبت وشغلت العربيه فعلا وقعدت ارجع بيها عشان اطلع من الركنه دي ( وهي كانت بتوجهني وكنت هاخبط عربيات جنبي بس ربنا ستر ( قدرتي تخرجي وتاخدي خطوه في القرار والحل بيقلك تصرفي ازاي ولما كنتي هتخبطي قرارات تانيه عاوزه تتفاهمي معاها وبشأنها
وجاء الرد : انا جايلي شغل جديد بس انا في خلاف مع زوجي ومش عاوزاه يلوي ذراعي بالشغل وده مسبب ليه غيظ لان انا اقدر اخد القرار واروح الشغل بس متردده عشان كده متغاظه جدا ومضايقه ومعنديش مشاكل ماديه حاليا زي ما حضرتك قولتي بالظبط
الحلم : شفت نفسي في كوافير صاحبه مش مصري وانا عاوزه اغير لون شعري بس كنت خايفه لتكون الفلوس غاليه بس لقيت صاحب المكان بوريه شعري في المرايا لقيت شعري اسود وثقيل بس فيه فرق في راسي شويه شعر تانيين لونهم نبيتي وقلتله ده لون من الحنه اللي انا كنت عاملاها هو زعقلي وقالي عشان تصبغيه المفروض تدفعي 7500 دولار وانا مكنش معايا الفلوس دي وكان معايا بناتي اخدتهم وطلعت من الكوافير مشيت معرفش روحت فين.
التفسير : انا شفت نفسي في كوافير صاحبه واحد مش مصري ( عندك زعل وعايزه تنهيه ) عاوزه اغير لون شعري( عايزه زوجك يتغير في تصرفاته) بس كنت خايفه ( مش خايفه) لتكون الفلوس غاليه ( خايفه لما يتغير يبقي عندك مشكله فلوس) بس لقيت صاحب المكان بوريه شعري في المرايا ) عندك زعل مع جوزك وعايزه تجيبي اللي جواكي من ناحيته ) لقيت شعري اسود وتقيل ( الشخص ده له ثقل ووزن مش اي كلام ) بس فيه فرق في راسي كده شويه شعر تانيين لونهم نبيتي ( فيه حاجه من ناحيته مخلاياكي مكتبئه ومتغاظه) وقولتله ده لون من الحنه اللي انا كنت عاملاها ( هو كان عاملك متاعب جامده ) هو زعقلي وقالي عشان تصبغيه المفروض تدفعي 7500 دولار ( لو حاولتي تغيري منه الموضوع هيكلفك كتير ) وانا مكانش معايا الفلوس دي ( عندك مشكله ماديات) وكان معايا بناتي اخدتهم ( كده عندك حلول ) وطلعت من الكوافير( بعدتي عن الزعل ) مشيت بس انت كده بعيده عن بيتك يبقي امنك وامانك ضايع معرفش رحت فين( مش عارفه ترسي علي بر).
وجاء الرد : انا فعلا في خلافات مع زوجي ومسببلي تعب نفسي ومضايقه جدا منه وسيباله البيت وقاعده عند اهلي وبحاول اغيره في طبعه بس هو تاعبني جدا وعاملي مشاكل في الماديات كلها ومش راضي يعطيني مصروف وبيضايقني
حلم جدتي
الحلم : شوفت اني في اوضه في بيتي ومعايا بنتي بس هي علي هيئه اختي ومعانا مرات اخويا ومرات ابني ولقيت مرات اخويا بتقول لمرات ابني اخيرا جيتي وانا روحت قايله لمرات اخويا احنا مش عاوزينها تيجي وكأني بتكلم عليها كأنها اختي مش مرات ابني وقالتلي خلاص يا راويه وبعدين بصيت لقيت بنتي اللي علي هيئه اختي قاعده علي كرسي انتريه وجنبها سلم ووراها باب وراحت مرات ابني موطيه علي رجلي ورجل بنتي اللي علي هيئه اختي وقعدت تبوس في ايدينا وفي رجلينا وبنتي اللي علي هيئه اختي بتزق فيها ومش عيزاها تبوسها وروحت قلتلها انتي اصيله سامحيها وهي سكتت دخلت لقيت ابني ومراته علي طرف السرير ومعاهم ابنهم بس ابنهم قاعد علي الارض قدامهم وهي بتدمع وبعدين قلتلها سلطيه علينا بقي زي ما كنتي بتعملي وبعدين لقيت مامتي المتوفيه في الصاله وقلتلها اني قلت لمرات ابني انها بتسلطه علينا
التفسير : في بيتك ( في امن وامان ) ومعاكي بنتك (فيه حل ليكي) بس هي علي هيئه اختي (الحل حبه تتمنيه من بنتك وحبه تتمنيه من اختك ) ومعانا مرات اخويا ومرات ابني (هما الاتنين حلين ليكي ) لقيت مراتٍ اخويا بتقول لمرات ابني اخيرا جيتي ( بعد ما كان فيه حل واحد بقي فيه حلين) وانا روحت قايله لمرات اخويا احنا مش عاوزينها تيجي ( الحل دا انتي رفضاه)وكأني بتكلم عليها كأنها اختي مش مرات ابني ( الحل من مرات ابنك بتتمنيه وحابه ايه الحل احسن من اختك ) وقالتلي خلاص يا راويه ( هي مبتقولكيش خلاص هي عيزاكي تتكلمي )و بصيت لقيت بنتي اللي علي هيئه اختي قاعده علي كرسي انتريه ( حل مهم وليه مكانه ) وجنبها سلم وباب وراها (الباب اللي وراها دا واحد سند لأختك )وراحت مرات ابني موطيه علي رجلي ورجل بنتي اللي علي هيئه اختي وقعدت تبوس ( عامله مشاكل علي ماديات مصروفك او شغلك لو بتشتغلي وكذلك بنتك )البوسه (فراق يعني هي عملت مشاكل علي الكلام لكن الموضوع دا هيروح لحاله و ممكن الموضوع ينتهي ) وقعدت تبوس في رجليه وايديا ( برضو ماديات اضافيه بتجيلك هي بصه فيها ) وبنتي اللي علي هيئه اختي بتزق فيها ومش عيزاها ( الحل من بنتك مش عايز الحل اللي من مرات ابنك دي ) ومش عيزاها تبوسها ( مش عيزا الموضوع يفضل قائم ميبقاش ذكري وينتهي )روحت قلتلها انتي اصيله سامحيها (لاء انتي مش عيزاها تسامحها)وهي سكتت (مش هتسكت)ودخلت لقيت ابني ومراته علي طرف سرير (يعني هما الاتنين عندهم مشكله في حياتهم الزوجيه )ومعاهم ابنهم بس ابنهم قاعد علي الارض (يعني عندهم مشكله والمشكله تعباهم وهتنتهي علي ميعاد )وهي بتدمع (عياطها فرج عليها ) وبعدين قولتلها سلطيه عليها (لاء مش هتقوليلها سلطيه ولا حاجه (انتي بتتقي شرها )و لقيت مامتي المتوفيه في الصاله وقولتلها اني قولت لمرات ابني ان انها تسلطه علينا (دا كلام قديم هيتجدد هتقوليه )
وجاء الرد : اقسم بالله تفسير حضرتك مفيهوش غلطه فعلا خالي ومراته بينهم مشاكل ومرات خالي عامله مشكله علي الماديات وبصه لماديات مامتي وجدتي وبتعد عليهم خصوصا ان خالي علي قد حاله وجدتي مبتحبش المشاكل زي ما حضرتك قولتي وجدتي فعلا بتتمني حلول سواء من بنتها او اخواتها عشان ربنا يصلح الحال وجدتي بتقول لحضرتك تسلم ايدك وعينيكي كلامك كله مظبوط
ربنا يبارك لحضرتك ويجزاكي الجنه ونعيمها
لسلام عليكم ورحمه الله وبركاته
حلم مامتي
الحلم : حلمت في بيتي و واقفه في المطبخ مع ابني وبنتي فإبني لابس لبس خروج في البيت فأنا زعقتله وقلتلو اقلع الهدوم دي والبس لبس البيت عادي وفعلا خلع هدومه وملبسش غير الغيار الداخلي من تحت (هو سنه 15 سنه ) وزعقتلو جامد وقلتلو روح البس في اوضتك ووالدتي كانت قاعده علي كنبه انتريه في الصاله وفي حالها وانا دخلت لزوجي في غرفه النوم ولقيتو نايم في السرير ومتغطي وفي ايدو سجاره وعامل نفسه نايم فأنا طلبت منو مصاريف رد عليا براحه بس انا كنت عصبيه ومدايقه منه جدا فقومته من علي السرير وبيسئلني علي الفلوس بتاعته اللي عند عيلتي قلتلو انا مليش دعوه بالكلام دا وقام عشان ياخذ البنطلون يجيبلي منه فلوس ودقنه كانت سمرا وكبيره وفيها شعر ابيض وقلتلو والله اللي انت عملتو هتدفع ثمنه ومطلعناش من الاوضه
التفسير : مامي واقفه في المطبخ ومعاها بنتها وابنها ( عندها مشكله تخص مصاريف معيشتها او شغلها وفيه حل )وابني لابس لبس خروج في البيت ( فيه كلام مزعل ماما من ناحيه انها تخرج او تدخل ) فمامي زعقتلو (مامي فيه راحه لها من ناحيه الموضوع دا ) وقلتلو اقلع الهدوم دي والبس لبس البيت وفعلا خلع هدومه وملبسش غير الغيار الداخلي من تحت ( كدا المشكله بتقول لو كان لبس لبس بيتي كانت ماما قعدت في البيت مكانش هيبقالها شغل) لكن لما هو ملبسش غير الغيار الداخلي ( مشكله هتبقي مع بباكي وهيبقي فيه كلام عامل زعل بس ماما موجوده مع بابي يعني الاتنين مش هيسيبو بعض) وزعقتلو جامد وقالتلو روح البس في اوضتك (الزعيق عايزا المشكله تنتهي وتبقي مامي مرتاحه في اوضتها) ووالدتي قاعده علي كنبة انتريه في الصاله ( زعلانه من واحده فيه واحده تاعبه جدتك ) ودخلت لزوجي في غرفه النوم ولقيتو نايم علي السرير ومتغطي (يعني عاملها مشكله في حياتها الزوجيه )وفي ايدو سجاره (السجاره دي واحده كل شويه تعمل مشكله بسيطه وتنتهي )وعامل نفسو نايم (يعني المشكله مش بتاخد وتدي مع ماما لاء المشكله هاديه شويه )فأنا طلبت منه مصاريف رد عليا براحه ( لاء الرد براحه هيتنرفز)بس انا كنت عصبيه ومضايقه (لاء مش هتبقي عصبيه ولا مضايقه منه ) قومتو من السرير وبيسألني علي الفلوس ( لما قومتو بعدت المشكله اللي عندها عن حياتها الزوجيه) وبيسألني علي الفلوس بتاعته ( فيه كلام بين ماما وبابا علي الماديات ) اللي عند عاءلتها ( اللي هو عايزها من اهل مامتك) قلتلو انا مليش دعوه بالكلام دا (لاء هي طبعا ليها دعوه وهتتكلم) وقام عشان ياخد البنطلون يجيبلي منه فلوس ودقنه كانت سمرا (دقنه السمرا دي مامتك وفيه اعزاز من ناحيتك ) وفيها شعر ابيض (بيتكلم عنك بفخر ) ولما راح يجيب البنطلون عشان يجيب منه فلوس (ماديات خاصه بحايتكو الزوجيه ومصاريف بتاعت البيت ) وقلتلو والله اللي انت عملتو هتدفع تمنه( مش هتقوليلو حاجه من دي )ومطلعناش من الاوضه (طيب فيه استقرار كدا الحمد الله )
وجاء الرد : فعلا فيه مشاكل بين مامي وبابي والواحدة اللي تاعبه مامي دي عمتي وبتدخل في كل حاجه وفعلا بابي في الخناقات بقي يتنرفز ومامي بتتعامل بهدوء وبابي عايز فلوسه من عند عيله مامي خصوصا لما يحصل خلافات ومامي فعلا تعبت من المشاكل وعيزاها تنتهي وربنا يرزقهم الاستقرار ومعظم الكلام بين مامي وبابي علي الماديات ويارب دائما يعز مامي
كلام حضرتك كله مظبوط كأنك معانا وعايشه الاحداث ربنا يزيدك من علمه

الحلم : شفت خطيبي السابق نايم جمب بنت صغيرة علي السرير والبنت دي من اطفال الشوارع ومتبهدلة خالص
التفسير : خطيبك مشكلة ليكي ونايم علي السرير وجمبة بنت صغيرة من اطفال الشوارع يعني حل المشكلة مفيوهوش امن ولا امان ليكي خالص
وجاء الرد : مظبوط كلام حضرتك طبعا الموضوع مفيوهوش اي حلول ولو حتي في أي حلول شبة مستحيلة وضرر ليا


الحلم : شفت نايمه علي سرير ولقيت نفسي اني ميته وبنتي الكبيره عاوزه تدفني بسرعه وقولتلها لسه بدري ما تستعجليش عليه وبنتي مش راضيه خالص انها تخليني وتقولي انت كده احسن عشان يودوكي المقابر وانت نايمه واللي هيدفنوني كلهم بنات ومنتظرين في الصاله وبيكلمو بنتي علي الاسمنت اللي يقفلو بيه باب التربه وانا زعلانه اني بنتي عايزاني ادفن بسرعه وبنتي دخلت مع اخوها وعيالها ودخلو غرفه تانيه وانا مع البنات اللي هيدفنوني وانا استاذنت منهم اني ادخل اتوضا وبالفعل توضات وطلعت فعلا وتذكرت شنطتي وقلت مش هتنفعني في حاجه انا خلاص هادفن بس لا رحت ولا جيت والبنات لسه حواليه.

التفسير : نايمه علي سرير بتفكري في حياتك ومعيشتك ولقيت نفسي ميته ( مشكلتك انتهت ) وبنتي الكبيره عاوزه تدفني بسرعه( الدفن معناه جوازه ) وقلتلها لسه بدري ما تستعجليش عليه وبنتي مش راضيه خالص انها تخليني( لا عايزه الجوزاه يبقي فيه اجراءات ) وتقولي انت كده احسن عشان يودوكي المقابر وانت نايمه واللي هيدفنوني كلهم بنات ( لكي حلول في الجوازه ) ومنتظرين في الصاله ( منتظرينك ) وبيكلمو بنتي علي الاسمنت اللي يقفلو بيه باب التربه( يعني الجوازه تتم بكل مالياتها) وانا زعلانه( مش هتبقي زعلانه ) اني بنتي عايزاني ادفن بسرعه ( عاوزه موضوع الجوازه يتم ) وبنتي دخلت مع اخوها وعيالها ودخلو غرفه تانيه( الحل من ناحيه بنتك واخوها مشكله يعني بعدو عنك وعايزين يشوفو ناويين يعملو ايه ) وانا مع البنات اللي هيدفنوني ( فيه حلول تخص الجوازه )وانا استاذنت منهم اني ادخل اتوضا ( عاوزه تأمني نفسك) وبالفعل توضات ( دخلتي الحمام يعني تعبانه يا نفسي يا جسماني يا الاتنين ) وطلعت فعلا وتذكرت شنطتي ( شنطه يد يبقي بدايه مشاكل ماديه ) وقلت مش هتنفعني في حاجه انا خلاص هادفن ( الجوازه في طريقها للتنفيذ ) بس لا رحت ولا جيت والبنات لسه حواليه( الموضوع لسه متعطل بتاع الارتباط ).

وجاء الرد : ابني نفسي يتجوز واخته كمان بتحاول تساعدني في جوازته ونفسي ياخد واحده كويسه وانا حاليا تعبانه جسمانيا عامله عمليه ونفسيا عشان ولادي نفسي الصغير يتجوز

الحلم : شفت نفسي في مستشفي كبيره جدا ومعايا صديقه ليا ( طبيبه شغاله في السعوديه وناجحه جدا بس مشفتهاش من زمان كنا زمايل دراسه من صغرنا) انا وزميلتي دي في المستشفي الكبيره الحكوميه في السعوديه وحوالينا ستات شغالين تمريض وجسمهم بدين وانا وزميلتي واقفين عشان هيتم انهاء شغلنا ( زميلتي بتشتغل حاليا وانا لا ) وبعدين كان فيه راجل ملتحي قاعد علي مكتب وروحت انا وزميلتي قعدنا قدامه هي قرأت ايات من القران غيبا وبعدين جه دوري فتحت المصحف علي اخر صفحه من سوره المائده وقرأت من المصحف وشفت زي علامه باللون الازرق في الصفحه وقرأت بصوت وترتيل مش كويس بس أكملت وجات كلمه معرفتش أقرأها كانت مكتوبه بطريقه مختلفه عن باقي الصفحه بس زميلتي فكرتني بيها وقلتها فعلا

التفسير : شفت نفسي في مستشفي كبيره جدا ( عندك مشكله عاوزه تعالجيها)ومعايا صديقه ليا ( حل ليكي ) ( طبيبه شغاله في السعوديه وناجحه جدا بس مشفتهاش من زمان كنا زمايل دراسه من صغرنا) انا وزميلتي دي في المستشفي الكبيره الحكوميه في السعوديه وحوالينا ستات شغالين تمريض وجسمهم بدين ( حلول ليكي قويه )وانا وزميلتي واقفين عشان هيتم انهاء شغلنا ( لا مش هيتم ولا حاجه ) ( زميلتي بتشتغل حاليا وانا لا ) وبعدين كان فيه راجل ملتحي ( عقد قران ) قاعد علي مكتب و انا وزميلتي قعدنا قدامه هي قرأت ايات من القران غيبا ( هيه اتأمنت) وجه دوري فتحت المصحف ( واحد مأمن نفسه علي اخر صفحه ( انتي اخر حاجه بالنسبه له هتكوني ) من سوره المائده وقرأت من المصحف (وشفت زي علامه باللون الازرق في الصفحه ( العلامه غيظ علي متاعب من ناحيه واحده مع الشخص اللي مأمن نفسه ) وقرأت بصوت وترتيل مش كويس ( هتتأمني) بس أكملت وجاءت كلمه معرفتش أقرأها كانت مكتوبه بطريقه مختلفه عن باقي الصفحه( هتعرفي عن هذا الشخص والواحده اللي معاه ) بس زميلتي فكرتني بيها وقلتها فعلا( زميلتك فكرتك بالواحدة دي وانتي مش فاكره حاجه .

وجاء الرد : انا عندي مشكله كبيره مع زوجي ومش عارفه احلها وهو مأمن نفسه مادياته كتير ولكن علاقتي بيه سيئه ومسببلي غيظ وتعب بس مش عارفه الواحده دي مين اللي ممكن تكون علي علاقه بيه

الحلم : انا حلمت رايحة مكان ارياف بيوت على الجانبين طين وقال انا داخلة لدكتور فلقيته اسمر وقصير واجنبي واستغربت ازاي اجنبي وهو اسمر وشكله وكلامه زينا
فالمهم كنت واقفة معه في نص أوضة الكشف بنتكلم والمفروض بيديني شنطة سمسونايت وبيقولي انا رجعت استقريت هنا في البلد خلاص عشان أردك ونربي البنت مابينا! فانا فكرت في بالي هو انا اتجوزته واتطلقت وخلفنا كمان امتى؟ بس ما رديتش ، وطلعت من عنده ماشية لقيت على يميني وشمالي خنازير برية انا شيفاهم وهما مش شايفيني ولقيت لمة ناس واقفين كتير رجالة وستات فقلتلهم بالراحة هنعدي من غير ما الخنازير دي تشوفنا ، فمشينا لقينا عمارة يمين وعمارة شمال فرحنا اتدارينا ورا العمارة الشمال فجالنا واحد من ناحية الخنازير بيشاورلي على عنيه ان الخنازير شايفانا ، فبابص قدامي لقيتنا زي على جرف او منزل جبل فقولت لو نزلنا هنموت ، فهو شاورلي أننزل ، فانا قلت لا ننزل ازاي من هنا هنموت، راح ظهر واحد تاني زيه مااعرفوش برضو وراح بيوريني ننزل ازاي من غير مايحتلنا حاجة، لقيته نازل من الجرف وهو ماشي واقف على رجله وضهره مفرود بس مميل مع الانحناء بتاع الجبل وعدي ومشي خلاص من غير مايحصله حاجة والمفروض نعمل زيه عشان ننجو

التفسير : بيوت طين امن وامان مش هيساعدك في حاجة ولما دخلتي عند الدكتور واستغربتي ان هو اجنبي وهو اسمر يعني عايزة تعالجي المشكلة اللي عندك بس المعالجة مخلياكي مستغربة الشخصية اللي انتي عايزة تتعاملي معاها ، فالمهم كنت واقفة معاه في نص اوضة الكشف باتكلم والمفروض يديني شنطة سمسونايت بيقولي انا رجعت استقريت هنا في البلد خلاص الشنطة السمسونايت نهاية مشاكل من ناحية اوراق رسميةولما بيقولك هو استقر خلاص هنا يعني المعالجة اللي نفسك تعمليها لسة مفيش استقرار في البلد واساسا الامن والامان زي ماانتي شايفة كده كلها حيطان طين، استقر في البلد خلاص عشان يردك ويربي البنت مابينكم لا لسة مفيش استقرار وبيتكلم كده يردك بس مابيعملش حاجة، فانا فكرت في بالي هو انا اتجوزته واتطلقنا وخلفنا كمان امتى:يعني حصلت مشكلة والمشكلة انتهت هيا الطلاق وجبتوا بنت امتى بتفكري في كل الحاجات دي، بس مارديتش وطلعتي من عنده وماشية لقيت على يميني وشمالي خنازير برية الخنازير شخصيات رجالة على ستات ناس زبالة قذرةوانا شايفاهم وهما مش شايفني يعني انتي عارفة كل حاجة عنهم وهما لأ، ولقيت لمة ناس واقفين كتير رجالة على ستات فقلتلهم بالراحة هنعدي من غير ما الخنازير دي تشوفنا: الستات دي حلول والرجالة مشاكل وانتي عايزة تعدي من غير ما الخنازير اللي هيا الستات ع الرجالة القذرة دي ماتشوفك، مش عايزة الناس القذرة دي تعرف عنك حاجة انك انتي جيتي ومشيتي، انتي ماشية وهما حواليكي فيه مشاكل وليها حلول ملزماكي، مشيتي لقيتي عمارة يمين وعمارة شمال يعني يمين وشمال ليكي امان، لكن مش بداخله انتي لسة برة الامن والامان، فرحنا واتدارينا ورا العمارة الشمال يعني اخترتي امن وامان من الاتنين، فجالنا واحد من ناحية الخنازير بيشاورلي على عنيه ان الخنازير شايفانا يعني مشكلة من ناحية الناس القذرة بيقولك ماتفتكريش ان انتي محدش يعرف عنك حاجة عارفين كل حاجة، وقدامي زي حافة جبل او جرف فقلت لو نزلنا هنموت يعني لو نزلتي مشكلتك هتنتهي، وشخص تاني شاورلي من غير كلام ان ننزل فانا قلت ننزل ازاي من هنا لو نزلنا هنموت، يعني شخص تاني من ناحية الخنازير برضو بيوريني ننزل ازاي يعني عايزك تحاولي تخلصي معاهم من المشكلة، لا ده كده بيقولكم انزلوا احسن لان
مش هيحصلكوا طيب، وهو نازل من الجرف ضهره مفرود بس مميل مع الانحناء بتاع الجبل الواحد ده عايز يبينلك ان عن طريقه المشكلة هتنتهي وهو سعيه لرزقه مفيض مشاكل وظهره حد برضو سانده، ومميل مع الانحناء بتاع الجبل يعني الجبل ده واحد وهو اللي مخليه مش قادر يبقا 100 100، وعدى ومضي خلاص من غير مايحصله حاجة يعني بعد عنك والمشكلة بعدت، والمفروض نعمل زيه عشان ننجو و تفكري انك تبعدي انتي كمان عن الشخصيات الزبالة دي ، وهو نازل كإنه ساند ع الحيطة مشكلة من ناحية سند ليكي، طبعا المشكلة عندك ايه شوفي انتي المشكلة تخص بابا على الميراث مع الشخصيات الزبالة دي ولو مش بابا يبقا تخصك انتي

وجاء الرد : الله اكبر عليكي فعلا المشكلة من ناحية ميراث بس انا كلامك نور في دماغي لما راجعته فعلا حصل مشاكل مع ناس لاتعرف عيب ولا حرام وياكلوا مال النبي ويتهموا الناس بالباطل والمفرض في سند ليا من ناحية اهلي بس طلعوا كلهم مظبطين سوا وأكلتية بس انا واعيالهم وهما ما بينفخوا في النار عشان يلغوا اي حق لاي حد
ماما كريمة الشخص اللي ليه سند لسة ظاهر اهو وماانيل من سيدي الا ستي تسلمي يا ست الكل


الحلم : حلمت كنت لبسة صندل نبيتي بكعب و قلعتو من رجلي وجلست في الجنينة على الأرض و وقفت علشان ادخل جوة البيت لقيت الصندل اتسرق مني و لابسة في رجلي حذاء اسود لامع و صعدت درج البيت لقيت جوة البيت نسوان كثير من العيلة لقيت الصندل تحت الكنبة و جالسة على الكنبة بنت عمي و اخذت الصندل و بقول هي دي لي سرقتو و بردو لابسة الحذاء كان عليه طين و مسحتو و أصبح نظيف و بنت عمي مش قادرة تتكلم معايا و نظرتها كلها حسد.

التفسير: الصندل النبيتي مشوار و غايظك و عملك اكتئاب و المشوار ده من ناحية واحد له مكانة و قلعتو يعني خلاص بعدت عنو جلست في الجنينة على الأرض يعني انت تعبانة و تعبك حينتهي على ميعاد ممكن الموضوع فيه فلوس خاصة بشغلك او مصروفك و بعدين وقفت علشان ادخل جوة البيت لقيت الصندل اتسرق مني يعني مفيش مشوار تروحيه و لابسة في رجلي حذاء اسود لامع يعني ده واحد يا كبير في السن يا له مكانة يا معاه ماديات و فيه ميزة بتميزو اللمعان و صعدت درج البيت يعني عندك صعود و دخلة على أمن و امان لقيتي نسوان كثير من العيلة يعني دي حلول لقيتي الصندل تحت الكنبة كان في وحدة هي لي منعاك تروحي المشوار ده و جالسة على الكنبة يعني فيه حل من الوحدة دي لما كانت واقفة في المشوار بقا منها حل اه بنت عمك دي حل ليكي من ناحية الوحدة اللي تعباكي و مخلياكي مش عارفة تروحي المشوار او منعتك منو و الحذاء كان عليه طين يعني الواحد ده عملك زعل و مسحتيه شلتي الزعل و بقا نظيف و لا نظيف و لا حاجة و بنت عمك مش قادرة تتكلم معاكي الحل مش قادرة تاخدي و تدي فيه و نظرتها كلها حسد نظرتها كلها حب ليكي
.
وجاء الرد : المشوار اللي مزعلني هو كنت عاوزة اروح للخارج عند اخويا بس مراتو منعتني اروح عندهم و هي مش موافقة على كده و سببت مشاكل بيني و بين اخويا و الحذاء ده خطيبي و لسه معملناش حاجة و مفيش خطوة إيجابية في موضوع الزواج زي ماتقولي الحال متوقف كده ربنا يعمل اللي فيه الخير مش لاقياها كويسة من الناحيتين.

الحلم : شفت نفسي في عماره كبيره وعاليه جدا والعمارة دي آيله للسقوط ( فعلا في الحقيقه ) ولقيت في الحلم انهم بيخلوها من الناس وكان معايا ناس تانيه غالبا ستات وبنزل علي سلالم عشان متتهدش عليا و لقيت والدتي موجوده خفت عليها اوي وقعدت انادي عليها كتير وفعلا بدأت والدتي تنزل بس وقفت في دور من العماره دي عند عداد كهربا متعلق علي الحيطه وبدور علي حلقه معدنيه
وشفت زوجي كمان بيتكلم معاها بس انا قعدت انادي عليها وكنت خايفه جدا لتقع العماره عليها ونزلت فعلا ماما بس لقيت زي باب جراج نزل علي العماره كأنه بابها وقعدت اقطع انا في السلك اللي جوه الباب لحد ما فتحت فتحه تقدر ماما تعدي منها وفضلت اقول بسم الله بسم الله كتير جدا لحد ماما ما طلعت من العماره دي وانا كنت مرعوبه عليها وزوجي كان اختفي مشفتوش تاني.

التفسير : شفت نفسي في عماره كبيره ( انتي في امن وامان )وعاليه جدا والعمارة دي آيله للسقوط ( انت مش حاسه بأمان)( فعلا في الحقيقه ) ولقيت في الحلم انهم بيخلوها من الناس ( فيه خطوات ايجابيه تخليكي تحسي انك مش في امن وامان ) وكان معايا ناس تانيه غالبا ستات ( دي حلول لكي )وبانزل فعلا علي سلالم( امنيه بتتمنيها مش هتحقق ) عشان متتهدش عليا( الامن والامان انا منتظره انه ينتهي ) و لقيت والدتي موجوده( والدتك حل ليكي ) خفت عليها اوي وقعدت انادي عليها كتير وفعلا بدأت والدتي تنزل( الحل بدأيقرب منك من ناحيه والدتك ) بس وقفت في دور من العماره دي عند عداد كهربا ( ده واحد وهو اللي بيعمل مشاكل ) متعلق علي الحيطه وبدور علي حلقه معدنيه ( واحده مش عامله مشاكل ) وشفت زوجي ( زوجك مشكله ) كمان بيتكلم معاها بس انا قعدت انادي عليها وكنت خايفه جدا ( يبدا عدم الامن والامان لتقع العماره عليها ونزلت فعلا ماما ( الحل كده منتهي ) بس لقيت زي باب جراج نزل علي العماره كأنه بابها وقعدت اقطع انا في السلك اللي جوه الباب ( الواحد ده مسنود علي شخص اخر اللي هوه السلك ومقويه ) لحد ما فتحت فتحه تقدر ماما تعدي منها ( عملت مشكله علشان تستفادي من الحل اللي ناحيه ماما )وفضلت اقول بسم الله بسم الله كتير جدا لحد ماما ما طلعت من العماره ( الحل بعد عن الخوف من الامن والامان ) دي وانا كنت مرعوبه عليها ( مش خايفه ولا حاجه ) وزوجي كان اختفي مشفتوش تاني( المشكله اللي من ناحيته انتهت .

وجاء الرد : انا مفيش امن وامان من ناحيه زوجي خالص وكان فيه امنيه من ناحيه دخول بنتي مدرسه دوليه بس الورق لسه معطل وبالتالي مش هتلحق تسجل فيها وكده متتحققتش الامنيه دي وماما كان عندها نفس الامنيه عشان استقر جنبها لان هيه قلقانه عليه لان زوجي عامل مشاكل علي طول معايا


الحلم : حلمت خالتى اخذتنى انا واختي وروحنا لاخى عشان تصالحنا مع بعض واخويا اول ماشفنا رفع أيده وضرب اختى بالقلم على وشها وانا ببص على ايد اخى لاقيت كفوف أيده مقطوعة مع العلم اخويا فعلا في الحقيقة مخاصمنا

التفسير : خالتك حل ليكي انتى واختك عشان تصالحكوا مع بعض واول ما شفكوا رفع أيده عشان يضرب اختى يعنى هيميز اختك عنك هيصالح اختك اكتر منك ولما لاقيتى كفوف أيده مقطوعة يعني الماديات الاضافيه إلى بتجيله مبقتش موجودة بس هيبقى فيه حل من ناحية خالتك

وجاء الرد : مستحيل نتصالح بينا قضية على الورث مش راضي يدينا ورثنا يا رب يسمع منك ونلاقي حل حضرتك عارفه العيشة غاليه وانا محتاجة ورثى جدآ يا رب يبشرك بالخير يا دكتوره

الحلم : حلمت نايمة في بيت سقفوا مفتوح انا واهلي وببص في السما شفت السما اترسمت فراشات كثيره ، طلعت موبايلي وبدأت اصور المنظر فيديو وانا مستغربة ،شوية والفراشات المرسومة بدأت تتحرك و تحركت معها رياح عالية جدا مرعبة و استيقظ اهلي كلهم وكنا مرعوبين.

سؤال : (نايمة في البيت انتي واهلك ) نايمين على سراير ولا علي كنب ولا على الارض؟
وبعد الشر فيه أحد متوفي من النايمين؟
الجواب : نايمين على الارض.
بس البيت في المنام كان بيت شعبي من البيوت المفتوحة في النص مش نفس بيتنا في الحقيقة.
ولا مافيش أحد متوفي منهم ،بس فيه من اخواني عايشين خارج البلد كانوا معانا في المنام.

التفسير : (كنتوا كلكوا نايمين على الارض جوة بيت والسقف مفتوح ) انتو تعبانين والتعب حينتهي على ميعاد كل المجموعة اللي نايمة على الارض و السقف المفتوح عيشتكوا ملهاش حماية ( بتبصي في السما شفتي اترسمت فراشات كثير) الفراشات دي ستات على رجالة بيتغيروا حسب البيئة اللي هما عايشين فيها فانتي شايفاهم في السما يعني جايين لك من عند ربنا ( ولما طلعتي موبايلك وبدأت تصوري المنظر فيديو ) خبر انتي مستنياه عنهم والخبر بيقولك خلاص الناس دي حتبقى بالنسبة ليكي ذكرى ( وانتي مستغربة شوية ) انتي مش حتستغربي ولا حاجة ( والفراشات بدأت تتحرك وتحركت معاها رياح عالية جدا) الرياح الامور اللي حتتغير وحيبقى ذكرى بالنسبة لكي ( واهللك استيقظوا كلهم وكانوا مرعوبين) لا هم حيصحوا ولا حيبقوا مرعوبين هم عارفين الكلام دا.

وجاء الرد : كلامك صحيح مية في المية هو فيه ستات ورجالة من اقاربنا مسببي لنا مشاكل كثير وبيدخلوا في حياتنا ووفاة والدي هو اللي مخلي مافيش امان وكمان فيه خلاف على الورث وزعل بين الاخوات
وان شالله تتغير الامور للاحسن شكرا جزيلا لحضرتك

الحلم : حلمت ان انا وماما الله يرحمها كنا في بيت خطيبي السابق وماما واقفة في المطبخ عنده بتطبخ وبتحط صينية في الفرن ، وهو واقف قدام المطبخ في المستوى التاني وانا نزلتله سلمة اكلمه لان كان شكله متضايق، فبقوله في ايه بس مالك ( يشهد ربنا مافي بينا كلام) فقالي بنرفزة ( عمالين يقولوا الشبه..الشبه..الفرق في الاحساس ) وخرج وانا روحت قعدت ع السفرة ع الكرسي اللي في النص وانا زعلانة، فلقيت ماما جاية وجايبة الصينية من الفرن عشان تحط الاكل فانا استغربت اكل ايه دلوقتي اللي بتفكر فيه وانا في الحالة دي ، لقيتها بتقولي وهيا بتوريني الصينية كإنها بتوصفلي الطبخة ( انا عملتلكم عمل بالفرقة) وصحيت على كده

التفسير: مش هتروحي بيت خطيبك السابق لان في كلام قديم هيتجدد اللي هو ماما ، وماما واقفة في المطبخ عنده بتطبخ يعني انتي اللي في مطبخك في كلام قديم هيتجدد والفرن ده جوزك والصينية واحدة، في كلام قديم هيتجدد من واحدة مع جوزك وهو واقف في المستوى التاني وانتي نزلتي يعني اللي بينكم مش فيه صعود ولا حاجة مهمة، اكلمه لان كان شكله متضايق هو مش متضايق ولا حاجة لان وجوده مشكلة، فبقوله في ايه بس مالك؟ فقالي بنرفزة عمالين يقولوا الشبه الشبه الفرق في الاحساس يعني مش مهم اللي بيتكلم عليها دي شبهك لكن احساسه هو من ناحيتها ايه،وخرج وانا روحت قعدت ع السفرة على الكرسي، يعني ليكي اهمية في عيشتك واكلك وشربك، وانا زعلانة مش زعلانة ولا حاجة، فلقيت ماما جاية وجايبة الصينية من الفرن عشان تحط الاكل يعني كلام قديم هيتجدد من ناحية واحد وواحدة ، فانا استغربت اكل ايه دلوقتي اللي بتفكر فيه يعني كان السبب الماديات هيا اللي عملت زعل بين الواحد والواحدة، و بتقولي وهيا بتوصفلي الطبخة يعني الماديات دي هيا اللي عملت الزعل، بتقولك انا عملتلكم عمل بالفرقة يعني الكلام لما هيتجدد هيبقا فيه فراق والسبب واحدة

وجاء الرد : يا ماما كريمة فعلا لقينا عمل ممكن تكون في واحدة من ناحية امي عملت العمل؟
رد مني - يس
وجاء الرد : فعلا ياماما كريمة الفراق كان سببه ماديات ده الظاهر لكن فعلا لقينا عمل وشاكين في واحدة من اهل ماما، فعلا انا ليا مكانة في بيتي وعيشتي الحمد لله المشلكة لسة ماظهرتش ربنا يستر بس انا عندي مشاكل في بيتي عاملهالي واحدة بس شوية تهدا وشوية تقوم
تسلمي يارب

الحلم : حلمت ب 3 بلاعات واحدة كبيرة و 2 صغار و كانت البلاعات كلها مسدودة روحت للبلاعة الكبيرة قولت اسلكها كل ما اسلكها و اشيل منها البلاعة الصغيرة تتسلك شوية مش قوي و كل ما اشيل من الكبيرة الصغيرة تتسلك شوية
و خلاص .
التفسير : الثلاث بلاعات (ثلاث ستات ياخذوا فلوس و يطوها ويكتموا و يقولوا ما اخذناش ) البلاعة الكبيرة( واحدة هي اللي معاها فلوس كتير ) و الاتنين الصغيرين (اتنين ستات معاهم برضو فلوس بس مش قوي ) البلاعات كانت مسدودة (كلهم بينوا انهم ما ياخذوش حاجة و مافيش ماديات بتروحلهم ) روحت للبلاعة الكبيرة قلت اسلكها (حبيتي انك تحركيها شوية لو اتسلكت يعني هتاخذ فلوس منك هتطويها الست ديه) كل متسلكيها و تشيلي منها البلاعة الصغيرة تتسلك شوية ( برضو الصغيرة عايزة فلوس و فيه فلوس كمان بتروح عليها) كل ماتشيلي من البلاعة الكبيرة الصغيرة تتسلك شوية (كل ما الكبيرة تاخذ منك التانية كمان عايزة)

و جاء الرد : كلامك مزبوط عندنا شقة ايجار قديم بتفضى فانا طلبت من صاحبتي ترجعهالي فطالبة مني فلوس رقم كبير اوي فممكن تكون البلاعة دي هيه اللي بتفاوض معاها تاخذ مني فلوس مقابل الشقة
اما البلاعة الصغيرة اختي معاها فلوس قليلة فممكن انا اللي اشيل الليلة و ادفع الفلوس كلها لوحدي

الحلم : حلمت كنت واقفه عالسلم فى اخر دور فى العماره ولقيت بنت جارتى صغيره بتقولى ماما زعلانه منك وجارتى دى سانده بإيديها على الجدار بتاع السلم وانا روحت لجارتى ومسكاها من ذراعها وبقولها مالك زعلانه منى ليه

التفسير : بنت جارتك حل ليكى من ناحية واحد اللى هو ( دراعها الى انتى مسكتيه ده )
وبتقوليلها مالك زعلانه منى ليه (الحل ده مضايقك وده إلى مخليكى مضطره تلينى علشان خاطر تستفادى الى انتى عايزاه )
وجاء الرد : فعلا حصلت مشكله وكان لازم اكلم واحد قريبي محامى عشان انا زعلانه منه ومكنتش عايزه أكلمه ..واضطريت فعلا أكلمه عشان هو إلى هيعرف يحلها

الحلم : والدتي شفت زوجها المتوفي في غرفه النوم علي السرير ودخلت الحمام استحميت وخرجت وبغير في هدومي وهو يبتسم وبيقولي سؤال تستحمي؟ وهو عاوز يعمل عمل جنسي ولكني رفضت تماما وعاوزه الهيه عني خالص فقلتله لما نروح اسكندريه وارشك بالرمل فسكت وبعدين مشفتوش
وفيه ميراث من بابا

التفسير : ماما شافت زوجها المتوفي في غرفه النوم علي السرير( فيه كلام قديم هيتجدد يخص الميراث بتاعه في حياتها الزوجيه علي السرير ) ودخلت الحمام
تستحمي(دخولك الحمام تعبانه يا نفسي يا جسماني يا الاتنين) ولما استحميتي (اتأمنتي ماديا)وخرجتي( خلاص مبقيتيش لا تعبانه نفسي ولا جسماني ) بتغيري في هدومك (هدومك جوزك فيه كلام علي أحد تاني او كلام يخص جوزك بيبين تغيير في الحاجه اللي خاصه بيه ) وهو يبتسم ( اللي يخصه مزعلك) بيقولك سؤال تستحمي ( عايزك تتأمني)هو عايز يعمل عمل جنسي لكن رفضت( فيه كذبه او خدعه منه لما كان عايش ) وعاوزه الهيه عني خالص فقلتلو لما اروح اسكندريه وارشك بالرمل فسكت( لما تروحي مكان ترفيه هيبقي فيه زعل)

وجاء الرد : انا فعلا زعلانه بسبب مشاكل اولادي التلاته وانا عايزا فعلا اتأمن ماديا ورجلي انكسرت فيارب الشفاء العاجل (تعب جسماني )ونفسي اكيد بسبب المشاكل اللي عليا

الحلم : بتاع اخويا
اخويا هو اللي حلم (انه كان بيصلي في الحمام وجت اختي تقوله اغسل وجهك )
وهو واختي في الواقع بينهم خلاف

التفسير : هو في الحمام يعني تعبان نفسي او جسماني او الاثنين وهو بيصلي عايز يأمن نفسه ،وجت اختي تقوله اغسل وجهك يعني في حل له من ناحية وحدة وحيتأمن من ناحية وحدة وهما الاثنين ممكن يتصالحوا .

وجاء الرد : صحيح هو تعبان ومهموم من المشكلة مع اختي وبنته بتقوله لازم يشوف حل ويراضيها ويخلي احد يكلمها عشان ينتهي الخلاف
وفعلا هو عايز ينهي المشكلة عشان
يأمن نفسه واولاده من مشاكل القرايب

الحلم : انا وجوزي داخلين مكان حكومي وطالعين الاسانسير لموظفة وكان شكلنا مهمومين وكانت الناس مستغربة وبتبصلنا احنا جايين نعمل ايه هنا ومعندناش اطفال وانا في الحلم اكتشفت ان احنا جايين نسجل بنتنا بس هيا مش معانا فلقينا طابور فوقفنا فيه و كان قدامنا واحدة بس وييجي دورنا والواحدة دي حامل فلما خلصت لقينا الموظفة بتقولنا عايزين الاسم ايه فقلنالها هناء فراحت مطلعة ورقة وادتهالنا بصيت فيها ملقتش الاسم استغربت بس مااتكلمتش لقيتها بتقولنا انتوا متأكدين من الاسم؟ طب هيا فين البنت، وصحيت على كده
التفسير: انتي وجوزك داخلين مكان حكومي يعني ممكن تحتاجوا ورق حكومي او يجيلكم ورق حكومي، طالعين اسانسير عندكم صعود وشكلكم متضايقين لا مش متضايقين ولا حاجة والناس مستغربة وبتيصلكم انتوا جايين تعملوا ايه هنا وانتوا معكوش اطفال لا هما مش مستغربين ولا حاجة وانتوا عندكم مشكلة في الانجاب واستنينا في طابور دورنا وكان قدامنا واحدة حامل دي مشكلة تخص الورق فالموظفة بتسألنا انتوا عايزين الاسم ايه قلنالها هناء فراحت مطلعة ورقة وادتهالنا بصيت فيها ملقتش الاسم والموظفة بتقولكم انتوا متأكدين من الاسم ده فيه مشكلة هتحصل على الاسم، متاخد قبل كده يعني مش هتسمي الاسم ده طيب ، هيا فين البنت يعني انتي مش لاقية الحل
سؤال : يعني انا مش هخلف يا ماما كريمة
الجواب : لا هو انا قولتلك مش هتخلفي انا قولتلك فيه مشكلة على الاسم ممكن ماتخلفيش بنت وتخلفي ولد
وجاء الرد : انا كنت بدعي ربنا قبل ماانام اخلف وحلمت الحلم ده ادعيلي كله رضا بنت او ولد
وبعد 3 سنين: مساء الخير حبيبتي ازيك، انا مش عارفة انا قولتلك ولا لا ؟ من حوالي 3 سنين انا حلمت حلم وحكيتهولك قولتيلي ان هتحصل مشكلة لما اجي اسمي الطفل ( مكنتش لسة حملت) في تسجيل المولود وانا سألتك ايه المشكلة قولتيلي ان ممكن ما اجيبش بنت لان الاسم في الحلم كان لبنت، وممكن اجيب ولد،
وفعلا بعديها بسنة ربنا كرمني بحمل والدكتور قالي بنت بس ولدت ولد😂😍 وقعدنا اسبوع على مااخترنا اسم لان كل الاسامي اللي اخترناها كانت لبنت
كل اللي قولتيه حصل

الحلم : حلمت اخويا ومراته ( شبه مطلقين غضبانه عند اهلها من سنه ) في صاله البيت عند والدتي وانا زقيت زوجه اخويا جامد من ظهرها وانا مضايقه منها جدا وعاوزه اشتمها وقعدنا علي كنبه الانتريه ومعانا اخويا ( زوجها) وانا عاوزه اعرض عليهم الصلح مع بعض واخويا قرب منها بس انا بعدته عنها خالص وزعقتله و لقيت تليفون اسود موديل قديم بس علي شاشته صوره بتاعتي ( وشي انا)

التفسير : اخوكي ومراته (اخوكي مشكله ومراته حل ليكي )وانتو في البيت (في امن وامان عند والدتك) وانا زقيت زوجه اخويا جامد من ضهرها(يعني بتخلي أحد سند لها يتحرك يعمل حاجه او بتبعديه) وانا مضايقه منها جدا(مش مضايقه ولا حاجه )وعايزا تشتميها(عايزا تصالحيها وتتفاهمي معاها )قعدنا علي كنبه الانتريه(انتو الاتنين فيه واحده مزعلاكم)ومعانا اخويا(مشكله)وانا عاوزه اعرض عليهم الصلح (لاء عيزا تزعقيلهم مع بعض) واخويا قرب منها بس انتي بعدتيه (لاء مقربش دا انتي اللي عايزاه يكلمها وهو رافض)وزعقتيله(الزعيق هتكلميه كلام يهديه)بعدين لقيت تليفون اسود موديل قديم (التليفون خبر مهم جدا من واحد دقه قديمه انتي مستنياه وعلي شاشته الصوره بتاعتي(الشاشه مرات الراجل اللي هو دقه قديمه) والصوره بتاعتك (فراق يعني ايه فراق مبتكلموش بعض)

وجاء الرد : التليفون جوزي واحنا فعلا مش بنكلم بعض وهو كما فسرتي دقه قديمه ومستنيه خبر منه بخصوص الاولاد واخويا ومراته شبه منفصلين وانا بحاول اقنع اخويا يتفاهم معاها بس هو رافض وانا فعلا في امن وامان عند والدتي

الحلم : حلمت بالمدفن بتاع امي الله يرحمها و هيا كانت قاعدة في فسحته لبسة عبايتها السوداء ورافعة النقاب وبتأكل وحواليها ستات كتير قاعدين معاها ، وانا واقفة بجوارهم مفيش مكان وجواري رجل غريب مش فاكرة شكله وامي بتأكل وبتقول: انا كنت باكل واشرب والقطة دي معايا، ، كل حاجة كنت باعملها والقطة دي معايا . كإنها بتشتكي وانا كنت باتكلم مع أحد وهاخرج اجيب لامي حاجة وارجع لكن غيرت رأيي ووقفت اسمعها وشفت القطة دي بلدي لونها ابيض او مشمشي وصحيت لقيت حالي بابكي لان امي صعبت عليا وكانت قاعدة هيا والستات ع المصطبة الحجر بتاعة المدفن،
التفسير : كنتي في مكان المدفن فيه كلام يخص جوازة وهيا كانت قاعدة في الفسحة لبسة عبايتها السوداء يعني في كلام قديم هيتجدد من ناحية باباكي، ورافعة النقاب مش مخلي الجوازة تتم وبتاكل اكلها في حالة وفاة جديدة ، وحواليها ستات كتير فيه حلول، وانا واقفة جنبيهم لان مفيش مكان يعني ملكيش مكان في الحلول دي ومن ناحية الجوازة دي وحالة الوفاة، عشان ماما بتاكل،الراجل الغريب اللي مش فاكرة شكلة ومامتك بتقول كنت باكل والقطة دي معايا الراجل ده مشكلة ليكي ماما بتقول باكل وبشرب والقطة دي معايا ماما معاها واحدة مكارة ممكن تكون متوفية من الاول او موجودة وماما هتاخدها، باكل والقطة دي معايا كلام قديم هيتجدد لو فيه ميراث من ماما هيبقي الكلام على الميراث وهيبقي فيه كلام على الواحدة المكارة دي، كلام هيتعاد ويتزاد فيه وانتي بتتكلمي مع احد، راجل ولا ست؟، لو راجل مشكلة وانتي بتحاول تعرفي معلومات عنها لو ست حل وعايزة تعرفي الحل هيفيدك في ايه، هتخرجي تشوفي لامك حاجة وترجعي يعني هتشوفي الكلام القديم لما يتجدد ايه المطلوب تعمليه، لكن غيرت رأيي ووقفت اسمعها وشفت القطة يعني حبيتي تعرفي ايه هو الكلام القديم اللي هيتجدد عن الواحدة المكارة دي، والقطة دي بلدي ولونها ابيض مزعلاكي وفيها مشمشي عاملة متاعب وفيها شقرا شوية في وشها وانتي طبعا بتبكي البكاء فرج عليكي.

جاء الرد : نسلمي يارب فعلا الحلم ده من يومين تلاتة، امبارح اختي عملت فيا مغرز يخص الورث بس ربنا سترها معايا عشان مكنتش ناوية حاجة وحشة وقلب ملعوبها عليها وهيا فعلا فاتحة وفيها اشقر في وشها وانا اتصدمت ان هيا تفكر في حركة بالحقارة دي بس ربنا سدها في وشها وحقي ما راحش، دي اللي كانت بتراعي امي،اتاريها كانت مطلعة عينها، بالنسبة للجوازة انا ما اعرفش بصراحة بس انا كنت متجوزة من ناحية امي لكن مفيش كلام اتجدد، لكن جالي اتصال يخص المشكلة من ناحية كبير عيلة ابويا


الحلم : شفت نفسي أحد صحاني من النوم لقيته زوج عمتي و طلعت الصاله لقيت عمتي لابسه اسود وقاعده علي الارض قولتلها ايه يا عمتي بس كنت خايفه منها جدا ومش عاوزه اسلم عليها و رجعت تاني دخلت الاوضه لقيت زوج عمتي قاعد قدام باب الاوضه علي الارض وزوجي علي السرير قلت لزوجي قوم اطلع معاه الصاله ميصحش كده ( اقصد يقعد مع زوج عمتي ) وكان زوجي لابس لبس بيتي كده وانا طلعت له جلابيه بيتي تانيه يلبسها بس هو قالي انا خلاص لابس ومغيرش الجلابيه اللي عليه ولقيتهم طلعو بره وبعدين لقيت والدتي طالعه من الحمام قولت لها عمتي وزوجها هنا تعالي اطلعك عشان يسلمو عليكي بعد العمليه بتاعه ماما( ماما حاليا متجبسه) واخذت ماما سندت علي كتفي وكنت عاوزه انادي زوجي يسندها معايا بس قولت عمتي هتحسد ماما وتقول دي بتمشي فمرضيتش انادي زوجي وسندت ماما لحد الصاله لقيت خالتي نايمه علي كنبه الانتريه ومضايقه مني مش عاوزه تصحي عشان كنت عاوزه اخلي ماما تقعد مكانها ولقيت بنت عمتي موجوده بترتب في البيت عندنا في الصاله بس قالت هتنزل تشتري حاجه من تحت وتطلع وانا مرضيتش اعلق علي كلامها
سؤال : فيه أحد في المجموعه دي متوفي بعد الشر؟
الجواب : لاء
التفسير : لما طلعتي في الصاله لقيتي عمتك لبسه اسود و قاعده علي الارض (هي تعباكي والتعب هينتهي علي ميعاد حل تاعبك وهينتهي علي معاد من ناحيه واحد مهم اللي هو اللبس اللي هي لبساه) قلتلها ايه يا عمتي بس كنت خايفه منها (مش خايفه ولا حاجه)ومش عاوزه اسلم عليها (لو سلمتي كان هيبقي عندك زعل) و رجعت دخلت الاوضه (وديتي نفسك في امن وامان يخصك ) لقيت جوز عمتي قاعد قدام باب الاوضه علي الارض (مشكله كل اما تبعدي تلاقيها تاني والمشكله هتنتهي علي ميعاد ) وزوجك علي السرير (فيه مشكله في حياتك الزوجيه ) وقولت لجوزي قوم اطلع الصاله معه ميصحش كدا وكان زوجي لابس لبس بيتي (انتي ومبتشتغليش) وانا طلعتله جلبيه بيتي (يعني حبيتي تبيني ان بقي فيكي تغيير مش زي ما انتي يعني انتي خلاص تخليه يتكلم عليكي ويقول ان انتي اتغيرتي بقيتي كويسه ) هو قالي انا خلاص لابس ومغيرش الجلابيه ( مصمم ان انتي مازلتي بتعملي مشاكل ) مرضاش يغير ( لو غير كان هيبقي تغيير فيكي ولكن كدا كما انت) لقيتهم طلعوا برا(يعني المشكلتين جوزك وجوز عمتك طلوعهم برا الاوضه يعني مشكلتين هتبعد عن حياتك او عن امنك وامانك)بعدين لقيت والدتي طلعت من الحمام قولتلها عمتي وجوزها هنا (والدتك تطلع من الحمام يعني مبقتش تعبانه لا نفسي ولا جسماني ولا الاتنين ) ولما قولتلها عمتي وجوزي هنا (يعني فيه مشكله وليها حل) تعالي اطلعك عشان يسلمو عليكي ( لو راحتلهم هيبقي فيه زعل ) بعد العمليه بتاعة ماما
اخذت ماما وسندت علي كتفي وعاوزه انادي جوزي يسندها معايا بس قولت عمتي هتحسد ماما وتقول دي بتمشي فمرضيتش اناديه(يعني ماما كدا تعبانه والماديات اللي خاصه بمصاريفها عملالك انتي متاعب ومش عايزا عمتك تعرف اي حاجه (يعني عمتك هتفضل تتكلم عن ان ماما فيه احد بيساعدها ويا بختك ومش عارفه ايه ) وبتقولي دي بتمشي ومرضيتش اناديه وسندت ماما لحد الصاله(يعني انتي واقفه مع ماما في كل حاجه ) لقيت خالتي نايمه علي كنبه الانتريه (خالتك حل ليكي من ناحيه واحده ) مضايقه منك (مش مضايقه ولا حاجه ) مش عاوزه تصحي ( الحل في انتظارك او ما زال موجود ومبعدش من ناحيه واحده اللي هي كنبه الانتريه) لقيت بنت عمتي موجوده بترتب في البيت (بنت عمتك بتحاول تظبط الامور ودي حل ليكي من ناحيتها )بس قالت هتنزل تشتري حاجه من تحت ( بدأت تبعد وتريح دماغها ) وتطلع وانا مرضيتش اعلق علي كلامها( مرضيتيش تقوليلها خليكي او خليكي مثلا كدا مع ماما ولا خلاص زهقتي الله اعلم كلام ايه خاص بحياتك مرضيتيش تعلقي ولا خليكي ولا مشي ولا ودي.

وجاء الرد : انا فعلا جنب ماما في كل حاجه وسنداها في اي حاجة تتعبها وعماتي مركزين معاها ويا بختها ومعاها فلوس ودي بيخوفني جدا عليها وزوجي بيقول علي انه مش مرتاح وعاوزني اتغير وعندي كذا مشكله يارب تكون حلول ليه في الفتره الجايه

الحلم : حلمت انا وصاحبتي في رحلة في مكان زي بيت او شاليه دورين
معانا ناس كتير منهم خطيبي السابق الناس دي من ضمنها فلكيين وفيزيائيين وعلماء وشكل الرحلة دراسة، فهو كان مدي وش وانا مااتعاملتش معاه، فباقول لياسمين صاحبتي : هو ليه في التنجيم والشغل ده؟ قالتلي مانعرفش بس بصي في دفتره، فبصيت لقيته كاتب فقرتين صغيرين فقلتلها اه بس لسة في بداياته، وصحيت على كده

التفسير : انتي في مكان او بيت او شاليه يعني مش في الشارع معناه في امن و امان لكي وصاحبتك معاكي حل ليكي،ومعاكي ناس كتير الناس الكتير لو رجالة مشاكل حواليكي ولو ستات حلول، منهم خطيبي السابق يعني هو كمان مشكلة، فالمهم الناس دي من ضمنها فلكيين وفيزيائيين وعلماء وشكل الرحلة دراسةيعني انتي ممكن كده تروحي مكان غير بيتكم بسبب انك تاخدي شهادة او تدرسي فهو كان مدي الوش وانا مااتعاملتش معاه يعني هو مشكلة وانتي بعدتي عنها فبقول لصاحبتي هو ليه في التنجيم والشغل ده؟ يعني بتسألي هو نفس تخصصك؟ قالتلي مانعرفش بس بصي في دفتره لقيته كاتب فقرتين صغيرين قلتلها اه بس لسة في بدايته يعني انتي في عندك دراسة اعلى منه وده مشكلة بالنسبالك، هو رمز لمشكلة طالع في صورته والمشكلة دي انتي مش كفاءة للدراسة اللي بتدرسيها

وجاء الرد : تسلمي ياحبيبتي، هو فعلا اقل مني في التعليم وانا جالي امتحان صعب جدا في نفس اليوم ولسة مسلمة الحل بتاعه النهاردة ويا هاكمل يا مش هاكمل بناء على نتيجة الامتحان، ظهرت نتيجة الامتحان عندي سؤال بحاله غلط بس عدوها وهاكمل معاهم شوية وهما مدرسين من بلاد اخرى، شكرا حبيبتي

الحلم : حلمت ماما في الحلم هي اختي و متزوجة و عندها طفلين و راجل و انا بسكن معاهم بس هو الراجل قالها لازم اختك يعني انا لازم تمشي من هنا دي طولت عندي اكلتها و شربتها و قعدت مدة طويلة و طردني و انا مشيت اجمع هدومي في شنطة و بعيط و بقولو انا رايحة و بفكر اروح فين يارب مليش أحد.

التفسير : ماما ممكن تبلغك حاجة الحاجة دي بتقول انو إنت انها في ثلاثة مشاكل بس ليها حل و لما الراجل قلها اختك لازم تمشي يعني فيه مشكلة بتقولك لازم تبعدي و تشوفي مصاريفك مع نفسك اكلك و شربك و لما طردك المشكلة خليتك فعلا متروحيش يمة اختك و لا يمة امك و إنت بقا بتلمي هدومك بتلمي الكلام اللي عامل زعل و تحطيه في شنطة و تنهي المشاكل و عياطك فرج عليكي و بقولو اني رايحة يعني المشكلة الحل انك تمشي فعلا و بفكر اروح فين يعني بتفكري تدبري امرك و ليكي كثير.

وجاء الرد : المشكلة هي حياتي متوقفة مفيش جواز مفيش عمل مفيش تغيير و اكتشفت اخويا و مراتو دول بيكرهوني و انا بحاول اخبي و مقولش حاجة و بفكر كثير في اللي حصل بيني و بين اخويا و ارجع لنفس النتيجة بيكرهني و السبب مراتو اللي بتقولو كلام وحش عنا بس ربنا على المفتري و الظالم.

الحلم : شفت نفسي بجري في شارع ضلمه فيه نور خافت وكنت خايفه جدا ليحصلي حاجه وحشه وقعدت اروح واجي وكل ما اروح ناحيه الاقيها مسدوده بحاءط ومش عارفه ادخل بيت لحد ما لقيت ناحيه جريت فيها ولقيت كرسيين انتريه بتوع والدتي ولقيت بنتي موجوده ونطت فوق الكرسيين وعدت عليهم دخلت بلكونه البيت ده ( دور ارضي ) وكنت خايفه اقع من علي الكراسي لو عديت بس الحمدلله عديت انا كمان ودخلت البيت وبعدين وانا داخل البيت لقيت محفظ القرآن بتاع ولادي لابس لبس ازهري كامل وبعدين بيحفظ بنتي وابني وانا لقيته في البيت عندي والشيخ عينه علي ولادي الاتنين وانا علي راسي حجاب كبير واستغربت وجود الشيخ في البيت

التفسير: انتي في شارع (امنك وامانك ضايع) الشارع ضلمه(انتي مكتئبه)فيه نور خافت(فيه جزء زعل) وكنتي خايفه جدا (انتي مش خايفه ولا حاجه) وقعدتي تروحي وتيجي(يعني ملئلئه) امشي المشوار دا ولا ملهوش داعي وكل ما اروح ناحيه الاقيها مسدوده بحيطه (السبب في اللي انتي فيه حد سند ليكي سندك بيبدأ من الزوج الاب الام الاخ العم الخال) الناحيه الي جريتي فيها لقيتي فيها كرسيين انتريه( دول شخصين مهمين ليهم مكانه) بتوع والدتي (ممكن تكون والدتك ليها مكانه وحد تاني اخواتك وماما وبابا) ولقيت بنتي ونطت فوق كرسيين (يعني بنتك حل والحل هيبقي مستفادة من الاتنين بنتك )عديت عليهم ودخلت بلكونه البيت دور ارضي(ليكي مكانه) كنت خايفه اقع من علي الكراسي (لاء احسن ما تبقي مطمنه) لو عديت بس الحمد الله عديت انا كمان ودخلت البيت(دخولك البيت بقي فيه امن وامان) وانا داخل البيت لقيت محفظ القران بتاع ولادي (دا بيبقي مأذون يا يطلق يا يأكد قرار)واللبس الازهري اللي لابسه (دا عشان كدا هو مأذون)وبيحفظ بنتي وابني(يعني متأمنين هما الاتنين كمان ) وانا لقيته في البيت عندي والشيخ عينه علي ولادي (يعني عقد القران او الشيخ دا فيه تفكير يخص الولاد) انا علي راسي حجاب كبير (يعني جوزك وانتي كدا فيه استمرار جواز مفيش بعد عن بعض )واستغربت وجود الشيخ في البيت (انتي مش مستغربه لان فيه كلام عشان انتو زعلانين مع بعض لكن الحمد الله الحجاب علي راسك

وجاء الرد : فيه خلافات بيني وبين جوزي وبنفكر في الطلاق والولاد هما تفكيرنا دلوقتي وولادي الحمد الله متأمنين بس في حاله انه يفضل يصرف عليهم والمشاكل اللي حاصله بسبب جوزي في خلاف مع اخويا وانا فعلا مكتئبه وامني واماني ضايع فعلا

الحلم : جدتي حلمت قاعده علي السرير وفي ايديها بيضه وبنتها جايه عليها بسرعه قالتلها انتي فقستي البيضه مكانتش جدتي لسه فقستها بس من كتر ما بنتها خضتها فقست البيضه ونزلت 4 صفار تلاته طبيعين وواحده متكتله والبياض نزل عادي وراحت جدتي قالت لمامي سبحان الله ازاي البيضه فيها اربع صفارات

التفسير : جدتك قاعده علي السرير (بتفكر في حياتها وعيشتها الزوجيه)في ايديها بيضه (مشكله) وبنتها جايه عليها بسرعه(يعني فيه حل ليها من بنتها )وقالتلها انتي فقستي البيضه(يعني كشفت الموضوع بتاع الزعل) مكانتش جدتي لسه فقستها(يعني مكانتش لسه قالت حاجه عن الزعل دا)بس من كتر ما بنتها خضتها فقست البيضه(يعني من عمايل بنتها اضطرت تتكلم) ونزلت اربع صفار تلاته طبيعين وواحده متكتله( اربع مشاكل من ناحيه الموضوع دا المشكله ممكن تكون مع واحده)تلاته طبيعين(يعني تلاته مفيش مشاكل من ناحيتهم لكن فيه واحده متصدره لتيتا)والبياض نزل عادي(يعني الزعل بعد )راحت جدتي قالت لمامي سبحان الله ازاي البيضه فيها اربع صفارات يعني (بتستغرب ازاي الواحده دي بتعمل اربع مشاكل)

وجاء الرد : جدتي شايله هم مشاكل ولادها التلاته وهما مامتي عشان عامله مشاكل مع ببايا وجدتي فعلا اللي متصدره للمشاكل بتاعتهم وخالي عامل مشاكل مع مراته وخالي التالت مش راضي يتجوز ومغلبها وجدتي طبعا تعبت منهم ومش عارفه تعمل ايه ومستغربه ازاي المشاكل دي جات مره واحده
كلام حضرتك صح كأنك معانا ربنا يزيدك من علمه اكتر واكتر

الحلم : جدتي حلمت قاعده علي السرير وفي ايديها بيضه وبنتها جايه عليها بسرعه قالتلها انتي فقستي البيضه مكانتش جدتي لسه فقستها بس من كتر ما بنتها خضتها فقست البيضه ونزلت 4 صفار تلاته طبيعين وواحده متكتله والبياض نزل عادي وراحت جدتي قالت لمامي سبحان الله ازاي البيضه فيها اربع صفارات

التفسير : جدتك قاعده علي السرير (بتفكر في حياتها وعيشتها الزوجيه)في ايديها بيضه (مشكله) وبنتها جايه عليها بسرعه(يعني فيه حل ليها من بنتها )وقالتلها انتي فقستي البيضه(يعني كشفت الموضوع بتاع الزعل) مكانتش جدتي لسه فقستها(يعني مكانتش لسه قالت حاجه عن الزعل دا)بس من كتر ما بنتها خضتها فقست البيضه(يعني من عمايل بنتها اضطرت تتكلم) ونزلت اربع صفار تلاته طبيعين وواحده متكتله( اربع مشاكل من ناحيه الموضوع دا المشكله ممكن تكون مع واحده)تلاته طبيعين(يعني تلاته مفيش مشاكل من ناحيتهم لكن فيه واحده متصدره لتيتا)والبياض نزل عادي(يعني الزعل بعد )راحت جدتي قالت لمامي سبحان الله ازاي البيضه فيها اربع صفارات يعني (بتستغرب ازاي الواحده دي بتعمل اربع مشاكل)

وجاء الرد : جدتي شايله هم مشاكل ولادها التلاته وهما مامتي عشان عامله مشاكل مع ببايا وجدتي فعلا اللي متصدره للمشاكل بتاعتهم وخالي عامل مشاكل مع مراته وخالي التالت مش راضي يتجوز ومغلبها وجدتي طبعا تعبت منهم ومش عارفه تعمل ايه ومستغربه ازاي المشاكل دي جات مره واحده
كلام حضرتك صح كأنك معانا ربنا يزيدك من علمه اكتر واكتر

الحلم : شفت كأني رايحة بيت صاحبتي على الغدا ومعي عصير عنب انا عصراه بنفسي( و شربت من العصير) .
وكانت موجودة هية وزوجها وابنتها الصغيرة .
فهي كانت كأنها متضايقة مني ،( بس هو بيقولي سيبيها في حالها.
فبسألهم انتو طابخين ايه على الغدا ؟
فرد جوزها رز ومرقة.

التفسير : (عصير العنب ) زعل وعياط (وانتي لما عصرتي) اتسببتي في العياط اللي حصلك انتي السبب (وكانت موجودة هية وزوجها وبنتها )وجود جوزها مشكلة بالنسبة ليكي بس فيه حل هية بنتها الصغيرة, فيه حل ليكي من ناحية الزعل اللي عندك على ماديات بس متأمن خلي بالك المرقة دي امان على الماديات (وهية كانت مضايقة مني) لا هي حل ليكي ومش مضايقة ولا حاجة ) يعني مش موافق على الحل (فبسألهم انتوطابخين ايه على الغدا فرد جوزها رز ومرقة )يعني فيه امان من ناحية ماديات بالنسبة ليكي

وجاء الرد : شكرا لرد حضرتك فعلا فيه ماديات انا خايفة تروح مني وقلقانة من الموضوع ده.وصاحبتي كمان منتظرة حل في ماديات بنفس الموضوع.
صاحبتي اللي شفتها في المنام اتصلت من شوية وبلغتني ان الفلوس اللي منتظريها انا وهية
حنقبضها عن قريب جدا.
ربنا يخليكي ياست الكل ويزيدك من علموا.

الحلم : حلمت واحدة بتقولي محمد بيحب واحدة تانية ومش هيتجوزك

التفسير : هو مبيحبهاش ولما بتقولك (مش هيتجوزك) : يعني مش هيبقي في مشكلة بينك وبينوا

وجاء الرد : فعلا محصلش اي مشاكل والحمد لله الف شكر لحضرتك ما شاء الله عليكي

الحلم : شفت نفسي ماشيه في الشارع اللي فيه بيتنا لابسه لبس قصير تحت الركبه بشويه بس علي رأسي طرحه سوداء كبيره مغطيه شعري ودراعاتي وفيه بنات ماشيين جنبي مستغربين ازاي انا ماشيه كده وانا محجبه وانا كنت مكسوفة وعماله اداري في وشي بالحجاب زي النقاب وفضلت امشي لحد ما وصلت عماره وطلعت السلم ولقيت البنات كانو ماشيين في الشارع بيتكلمو عليه بصيت لهم من علي السلم وانا طالعه وشتمتهم عشان يبطلو كلام علي اخلاقي ووصلت الدور الثاني وخبطت علي شقه اعرف اصحابها زمان وطلعولي سالت علي واحد اسمه مصطفي اخوهم طلع واحد اسمر كده جدا وقلت له خد 50 جنيه دي واغسل السجاده الي تحت في مدخل العماره واكتبلي رقم تليفونك وبعدين مشيت من المكان ده لقيت نفسي في اوضه نوم ولقيت زوجه اخويا ( هيه واخويا في خلاف و بيطلقو حاليا) وابوها وامها قاعدين علي السرير وزوجه اخويا لابسه بلوزه خضرا وحجاب علي راسها وهما كلهم عينهم عليا فضلت ازعق مع زوجه اخويا وباباها عمال باصصلي وانا بطرده من الاوضه وانا كنت معصبه ومضايقه منهم جدا

التفسير: ماشيه في الشارع الي فيه بيتكو(يعني انتي امنك وامانك ضايع)لابسه لبس قصير(جوزك عنده مشكله ماديات)علي راسك طرحه سودا(يعني الارتباط قائم ومفيوش مشكله)مغطيه شعرك ودراعاتك (دراعاتك اتنين تبع جوزك لو كنتي متجوزه دول كمان معاكي في اي حاجه تكون فايده ليكي هما معاكي فيها )وفيه بنات ماشيين جنبي مستغربين ازاي انا ماشيه كدا وانا محجبه( البنات دي حلول ليكي من ناحيه مشكله الماديات الي عند جوزك)وانتي كنتي مكشوفه وعماله تداري وشك بالحجاب (يعني انتي مش مكسوفه ولا حاجه )ولما بتداري وشك(انتي مبينه التعب الي انتي فيه)فضلت امشي لحد موصلت العماره وطلعت السلم (بدأتي تعملي صعود وتحقيق امنيه ليكي )لقيت البنات كانو ماشيين في الشارع بيتكلمو عليه بصتلهم من علي السلم وانا طالعه وشتمتهم (لاء انتي الحلول دي هتعملك تفاهم عشان الكلام يسكت )علي اخلاقك(علي الوضع الي انتي فيه او علي الحاجات الي عملتيها مديقاكي)وصلتي الدور التاني (كدا بدأتي تحققي الامنيه )وخبطي علي شقه اعرف اصحابها زمان طلعولي (يعني انتي كدا فيه واحد هتعمليلو ازعاج علشان خاطر تقدري تحققي امنك وامانك) الناس دي طلعولك سألتي علي واحد اسمع مصطفي وطلع واحد اسمر كدا (يعني فيه مشكله من حاجه مهمه )وانتي بتسألي علي مصطفي وقلتيلو خد خمسين جنيه دي واغسل السجاده الي تحت (يعني لازم تدفعي ماديات عشان عيشتك تبقي مفيهاش مشاكل )عيزاه يكتبلك رقم تليفون (يعني عيزا يبقي معاكي الوسيله الي تقدري تكلمي وتظطبي بيها كل حاجه تعباكي الاتنين رجاله مشكلتين في حياتك الزوجيه والاتنين ستات حلول )زوجه اخوكي لابسه بلوزه خضرا (يعني الحب بالنسبالك فيه خير )وحجاب علي راسها(يعني مش هتسيبي جوزك هيبقي معاكي)هما كلهم عينهم عليكي (المشكلتين والحلين مركزين عليكي )فضلت ازعق مع زوجه اخوها وبباها(الزعيق خير مش حاجه وحشه )عمال باصصلي وانا بطرده من الاوضه(يعني انتي عيزا المشكله دي تخلصي منها ما هو مشكله عيزا تخلصي منها )وانا كنت متعصبه (احسن ما تبقي فرحانه ومبسوطه كدا تمام)

وجاء الرد : انا عندي مشاكل فعلا وامني مع زوجي ضايع فعلا مش مرتاحه خالص وهو عند مشاكل ماديه لسه راتبه مجاش فعلا وحالنا لا يسر لا عدو ولا حبيب ولادي الاتنين معايا في صفي ضده وانا معايا مشكله مع زوجه اخويا ونفسي اخلص من المشاكل معه

الحلم : حلمت بأنف النبي صلى الله عليه و سلم
و أنف السيدة فاطمة و كنت بقول ده انف النبي و كان اجدع الانف (و انا اصلا معرفش كلمة اجدع يعني ايه.)

التفسير : كلمة اجدع يعني احسن او بتتميز او فيها شهامة انف النبي صلى الله عليه وسلم ( يعني فيه كبرياء نمرة 2 انت خايفة يضيع ) و انف السيدة زينب (يعني كبرياء عندك يخص حاجة تانية خايفة يحصل برضو ان كبرياءك ده أحد يضيعه أو تتعب) و كنت بقول ده انف النبي و اجدع ( يعني الامنية ديه اللي هي نمرة 2 اللي فيها كبرياء لك فيها احسن الامنيات.

و جاء الرد : فعلا التفسير صح انا متكبر اكلم مراتي عشان متخانقين مع ان نفسي اكلمها


الحلم : حلمت اني في مستشفي ولقيت نفسي ببص علي اوضه مفتوحه وفيها سرير لونه اسود جلد وصغير وببايا نايم عليه وبيعمل غسيل كلي وبعديها بشويه كان عايز يعمل حمام بول وراح بالفعل دخل الحمام وبعد كدا لقيت نفسي في اوضتي وقاعده علي المكتب وكان عندي درس فدخلت الحصه علي اللاب توب بس نسيت البس الحجاب ومكنتش واخده بالي فدخلت الحصه ولقيت المدرس بيقول عليا اني لما بتسئل سؤال بجاوبه كويس بس لقيته كشر وزعل عشان دخلت من غير حجاب وقعد يقول ليه كدا ومكانش عايز حد يشوفني من غير حجاب وشعري كان منعكش فروحت قافله الكاميرا والحصه خلصت فكلمت صاحبتي علي الموبايل وسألتها هو حد شافني وانا قالعه الحجاب قالتلي اه كلنا شفناكي وكنت قاعده مع مامتي في الصاله ولقيت ببايا بيكلمني في الموبايل وبيقولي ازاي تقلعي الحجاب وغضبان فقلتله نسيت وراح قافل

التفسير : انتي في مستشفي (عايزا تعالجي حاجه بتفكري فيها او تعباكي ) ولقيت نفسي في اوضه مفتوحه (بتفكري في امن وامان ) فيها سرير لونه اسود جلد(السرير دا ممكن كلام يخص ارتباط من ناحيه واحد مهم قريبك من لحمك ودمك)وصغير( يعني يكون الشخص دا مش كبير ) وببايا نايم عليه(بابا المشكله من ناحيته)وبيعمل غسيل كلي ( الكلي دي ممكن تكون مامتك)والغسيل (عيزاه يتأمنو هما الاتنين ) بعديها بشويه كان عايز يعمل حمام بول (يعني عايز يتخلص من المتاعب الي جواه )ولما راح الحمام (فهو تعبان يا نفسي يا جثماني يا الاتنين) انتي بقي اما لقيتي نفسك في اوضه وقاعده علي المكتب (يعني في امن وامان من ناحيه دراستك)كان عندك درس (يعني كنتي مستنيه كلام يجيلك فدخلت الحصه علي اللاب توب(واحد والكلام بتاعه بيروح في كل حتي)وانتي نسيتي تلبسي الحجاب (كدا مفيش ارتباط)ومكنتش واخده بالي (انتي عارفه طبعا )دخلت الحصه ولقيت المدرس بيقول عليا اني لما بتسئل سؤال بجاوبه ( لاء انتي لما حد بيكلمك في حاجه مش بتردي ومش لتريحي الي قدامك) لما لقيتيه كشر وزعل(احسن ما يضحكلك) دخلتي من غير حجاب (انتي مش مرتبطه بحد)وقعد يقولي كدا ومكانش عايز حد يشوفني (يعني ان هو مكانش عايز حد يعرف ان انتي لسه مش مخطوبه وعايز يعرف ان انتي مش مخطوبه للكل لان هو مشكله المدرس دا)شعري كان منعكش (العريس كويس) فروحت قافله الكاميره (الكاميره دي واحده وانتي خليتيها متنقلش حاجه عنك) الحصه خلصت (يعني خلاص الي انتي عيزا تسمعيه انتهيتي منه )كلمت صاحبتي علي الموبايل (فيه خبر عيزا توصليه) وسئلتها هو حد شافني وانا قالته الحجاب يعني (بتسئليها هو كلهم عرفو اني مش مخطوبه )قالتلي اه(هتقولك لاء مفيش حد يعرف )كلنا شفناكي (مفيش حد شافك)وكنت قاعده مع مامتي في الصاله (يعني بتدوري علي حل من ناحيه ماما) ولقيت بابا بيكلمني في الموبايل (يعني فيه خبر ممكن يجيلك من بابا يزعلك او من حد مش شرط بابا يكون راجل)وبيقولي ازاي تقلعي الحجاب (يعني ازاي متخطبتيش )وغضبان (احسن ما يبقي فرحان) لقلتلو نسيت وراح قافل ( لاء انتي منسيتيش ولا حاجه دا شيء طبيعي الناس كلها تعرفه)اما قفل(خلاص مبقاش فيه مشكله كدا)
ّ
وجاء الرد : نفسي مامتي وببايا يبطلو مشاكل واتأمن من ناحيتهم وببايا تعبان تعب نفسي وجثماني فعلا وعنده متاعب ومش بيقولها وفعلا انا مش مرتبطه ومش بفكر ارتبط بحد من عيلتي خالص خصوصا عيله ببايا والكاميرا دي مامتي وانا فعلا بطلت اتكلم معاها او اقولها حاجه عشان دايما بتروح تقولها وربنا يستر من الاخبار الوحشه والمشاكل
ربنا يخليكي ليا يا دكتوره ويبارك في عمرك
كلامك مظبوط♥♥♥

الحلم : حلمت اني في عربيه وراكبه ورا واختي الصغيره قاعده في كرسي السواق وماسكه التاب بتاعها بس مش بتسوق فجأه لقيت العربيه بتمشي لوحدها فروحت قلت لاختي وسعي واقعدي في الكرسي اللي ورا وطلعت انا في كرسي السواق وسوقت العربيه ودخلت في طريق مخالف ولقيت تريله كبيره جايه عكسي فنزلت من العربيه وروحت متصله علي المدرس بتاعي وقلتلو الحقني وكدا لقيته جه واخدني وروحنا كافيه وانا عماله ابوسه من خده عشان جه وكان فيه كنبه في الكافيه فقعدت عليها جنبه ومساعدته قعدت معانا علي نفس الكنبه واديتني قلم جاف في ايدي بعد كدا لقيت نفسي في بيت جدتي وطلعت علي سلالم العماره ودخلت شقتها

التفسير :انتي في عربيه راكبه ورا( يعني في قرار انتي فيه مش درجه اولي )وكانت اختي قاعده علي كرسي السواق(يعني القرار في ايد أختك) ماسكه التاب بتاعها بس مش بتسوق (التاب دا واحد وهو بياخد الكلام يوديه في كل حتي متقليلهوش حاجه احسن ) بس مش بتسوق (يعني القرار واقف )فجأه لقيت العربيه بتمشي لوحدها ( يعني القرار اخد خطوات ايجابيه من غير ما حل يعمل حاجه )انتي بقي خليتي لما العربيه بتمشي لوحدها (خليتي اختك تبقي هي القرار مش في ايدها وتبقي هي نمره اتنين في القرار ده )وانتي روحتي في الكرسي بتاع السواق (خليتي القرار في ايدك انتي ) سوقتي العربيه (فيه خطوات ايجابيه)دخلتي في طريق مخالف(يعني انتي كدا مش ماشيه صح في القرار الي بتفكري فيه )ولقيت تريلا كبيره جايه عكسي فنزلت من العربيه تاني(التريلا دي واحده يعني ليها مكانه والواحده دي جايه عكسك يعني انتي واخده اتجاه وهي اتجاه )لما نزلتي من العربيه (صرفتي نظر عن القرار)بسبب الواحده دي الي لقيتيها واخده قرار هيضيع قرارك التريلا)وروحت متصله علي المدرس بتاعي وقلتلو الحقني (انتي كدا هتوصلي خبر عن الي حاصل بس الخبر دا لما هتوصليه هيعملك مشكله )اما جه واخدني وروحنا كافيه وانا عماله ابوسه(هتفارقي المشكله )وكان فيه كنبه في الكافيه (الكنبه دي واحده) فقعدت عليها انا وهو (يعني هي واحده عملالك المشكله ) ومساعدته قعدت معانا علي نفس الكنبه (يعني ليكو حل ) واديتني قلم جاف في ايدي (القلم الجاف دا واحد ايه حاجه بيكتبها او بيتكلم فيها بتبقي صعبه ان محدش يعملها حساب ) بصي لقيتي نفسك في بيت جدتك (يعني في امن وامان )طلعتي علي سلالم العماره (بقيتي فيه امنيه بتتمنيها هتتحقق )ولما دخلتي الشقه (كدا فعلا الامنيه هتتحقق لانك بقيتي في امن وامان )

وجاء الرد : فعلا المدرس بتاعي عرض عليا ابقي مساعدته في الشغل وانا لسه بفكر واثناء الشرح فعلا بيخليني انا الي اشرح واجاوب الناس عشان بيدربني والتريلا دي مامتي وهي قالتلي ركزي في دراستك الاول ودا خلاني مفكرش اوي في الموضوع والقلم دا ببايا وفعلا كلمته بتتعملها حساب وبتخليني افكر قبل ما اعمل اي حاجه ويارب الامنيه تتحقق يا ست الناس
ربنا يخليكي لينا ويفرح قلبك يارب دايما تفسيرك بيمشي مع حياتي وبحسك معانا في كل الاحداث ربنا يزيدك من علمه ويديمها نعمه عليكي وعلينا ♥♥♥♥♥

السلام عليكم يا ست الكل بستاذن حضرتك تفسري المنام ده لوالدتي.
الحلم : انا كنت في البيت وطلعت لقيت زوجي المتوفي قاعد علي كرسي واختي المتوفاه علي كرسي تاني وطلبت من زوجي ( طبطت علي صدره ) فلوس وقلت له هات مصروف لحبيبتك اقصد نفسي عشان هروح اعزي في حد قريب لخالتي متوفاه ايضا وفعلا زوجي المتوفي طلع من جيبه فلوس وقالها دول 8 ريال بس انا لقيتهم مكتوب رقم 3 فرفضت اخدهم وزعلت منه وزعقتله وقلت مش عاوزه منك حاجه واختي المتوفاه قالتي خدي بس الفلوس وهيه بدور علي شنطتها عشان تديني فلوس بس ما وجدتهاش و قالت لي اختي المتوفاه ردي علي اختك الثانيه في التليفون ( اختي اللي في التليفون عايشه) وقالت لي راحه تعزي في مين الموضوع انتهي وعدي خلاص واختي بتكلم بهزار بس انا زعلانه ومضايقه وصوتي واطي وما ضحكتش معاها.

التفسير : انتي في البيت وجوزي قاعد علي كرسي فيه كلام قديم هيتجدد ولو فيه ميراث هيبقي علي ميراث واختي متوفيه علي كرسي فيه كلام هيتجدد من ناحيه المكانه اللي هيه شغلها او ميراث او كان فيه ميراث ولما طلبتي من زوجك مصروف ( الفلوس ورق يعني فيه حد يطالبك وياخد الفلوس اللي معاكي يا اما انت عايزه من خد فلوس وهتقوليله هات مش هيديكي في الحالتين انت محتاجه فلوس وده هيسبب ليكي فلس مادي ( طبطبت علي صدره ( فيه حاله وفاه انتي وجوزك تعرفو الشخص ده ) لما رفضتي تاخديها خلاص مفيش فلس ولما زعلتي مش هتزعلي والزعيق احسن وطالما ما اخدتيش ماديات كده احسن . واختي المتوفيه الكلام اللي هيتجدد في نهايه مشاكل ولكن ما دام مالقيتش الشنطه كده بدايه مشاكل علي ماديات عندك وقالت لي اختي ردي علي اختك في التليفون يعني هيجيلك خبر وانتي هتردي علي الخبر وهتقولي علي اللي حصل واختي بتكلم بهزار الكلام هيضايقك ويزعلك وانت مضايقه احسن ما تكوني فرحانه.
وجاء الرد : فيه كلام علي ميراث زوجي فعلا وزوج بنتي عاوز ياخد مني فلوس كان دافعها في حاجه شاريها مننا وعاوز ياخد فلوسه وده لو حصل هيسبب ايه فلس مادي بس هو لسه مش اخد حاجه وحاله الوفاه معرفش مين ربنا يستر ) وعندي مشاكل ماديه وزعل فعلا علي ولادي عاوزه اساعدهم بأي حاجه ربنا يسترها عليهم. حصلت حاله الوفاه الي حضرتك قلتي عليها جارتنا توفت من شويه وكان والدتي ووالدي المتوفي يعرفوها زي ما حضرتك فسرتي بالظبط

الحلم : أختي حلمت ان شخص معين عمله عمل و هو قلي انه عملي عمل و قلتله اللي عملته هيرجعلك اضعاف اضعاف واني لقيت العمل ده و فتحته و كانت زي ورقه متقطعه و كان مكتوب فيها حزن و مرض زي ما بنشوف و طلاسم بس انا لقيتها ده معناه ايه

التفسير : الشخص اللي عمل لك عمل انت زعلانه معه وبتقولي له يعني انت كده سبب في اللي جرالي ولما لقيت العمل الورقه متقطعه فيه مشكله على ورقه رسميه و متقطعه يعني المشكلة متجزاه الورقه مكتوب فيها حزن ومرض طبعا مسببه لك متاعب وزعل

و جاء الرد : اختي زعلانة من أحد بسبب نزوله من الكويت نهائي و الورقة الرسمية ورقة ارض ناس واخدينها وضع يد و متجزا بين اثين نصابين و الموضوع مسبب زعل و حزن

الحلم : حلمت ان زوجي دخل الاوضه اللي بنام فيها وسرق بلحتين او سبعه مش فاكره بلح احمر زغلول انا اتخانقت وزعقت وقلت كنت سيب واحده أكلها عرفت انك بتسرق اي حاجه عشان كده انا بخبي حاجتي وصحيت

التفسير : زوجك لما دخل الاوضه وسرق بلحتين فيه مشكلتين عندك وغيظينك وهو اما سرقهم حاول يبعدهم عنك ولكن انتي اتخانقتي وزعقتي ( هيكون فيه تفاهم في المشكلتين ) وقولت كنت سيب واحده ( كنتي عاوزه مشكله منهم تتحل
لكن هو ساعد المشكلتين يتحلوا
وانتي اما بتخبي حاجتك ( يعني بعد ماشوفتي انه اي حاجه بيحلها هتضطري تقوليله علي كل حاجه )

وجاء الرد : شكرا لحضرتك جدا هو فعلا عندي مشكلتين قضيتين عليه وانا محتاسه وهو بيحاول يشوف حلول يارب يكون فيه حل

السلام عليكم مدام كريمة لو سمحتي ممكن تفسيرلي منامي.
في الحقيقة بيتنا ملكنا لكن صاحبتي قاعده في بيت ايجار لحد ما بيتهم يكمل بناء .
الحلم : شفت العكس كأنوا احنا اللي ساكنين ايجار و صاحبتي ساكنين بيت ملك وعندهم بيت ثاني فاضي ،
فصاحب البيت اللي احنا مأجرين منه طلب مننا نسيب بيته، فأنا كلمت صاحبتي تخلينا نسكن في بيتهم الفاضي لحد ما نلاقي سكن،
شوية كأنوا احنا في بيت اهل صاحبتي الفاضي وببص في الشارع مش شايفه بيوت حوالينا خالص كأنوا صحراء فبأقول هية البيوت فين؟

التفسير : انتي اللي حتبقي ساكنة في بيت ملك وحيبقى عندكو بيت ثاني فاضي ،( وصاحب البيت اللي مأجرين منه طلب مننا نسيب البيت ) يعني حتحصل مشكلة للبيت الفاضي ده عشان حيتاخد منكم،( فأنا كلمت صاحبتي تخلينا نسكن في بيتهم الفاضي) انتي بتتمني أحد في الموضوع ده اللي يخص البيت الفاضي (لحد مانلاقي سكن) لحد ماتبقى بامن وامان، ( شوية كأنوا احنا في بيت اهلي صاحبتي الفاضي وبتبصي في الشارع مش شايفة بيوت حواليا) انتي كده مافيش حواليكي مشاكل (وانتي عايشة كأنك في صحراء) انتي مش حتحسي بالامن والامان في المكان الفاضي ده اللي انتو متمسكين بيه (فبقول هية البيوت فين راحت فين) يعني هو فين الامن والامان كدة باصراركم على المكان الفاضي ده فين.

وجاء الرد : صحيح والله احنا ساكنين في بيتنا الملك وعندنا بيت فاضي ورث وحقيقي عليه مشاكل وربنا يهدي النفوس.
ربنا يحرسك يا مدام كريمة ويزيدك من علموا

السلام عليكم يا ست الكل بستاذن حضرتك تفسري المنام ده لوالدتي.
الحلم : انا كنت في البيت وطلعت لقيت زوجي المتوفي قاعد علي كرسي واختي المتوفاه علي كرسي تاني وطلبت من زوجي ( طبطت علي صدره ) فلوس وقلت له هات مصروف لحبيبتك اقصد نفسي عشان هروح اعزي في حد قريب لخالتي متوفاه ايضا وفعلا زوجي المتوفي طلع من جيبه فلوس وقالها دول 8 ريال بس انا لقيتهم مكتوب رقم 3 فرفضت اخدهم وزعلت منه وزعقتله وقلت مش عاوزه منك حاجه واختي المتوفاه قالتي خدي بس الفلوس وهيه بدور علي شنطتها عشان تديني فلوس بس ما وجدتهاش و قالت لي اختي المتوفاه ردي علي اختك الثانيه في التليفون ( اختي اللي في التليفون عايشه) وقالت لي راحه تعزي في مين الموضوع انتهي وعدي خلاص واختي بتكلم بهزار بس انا زعلانه ومضايقه وصوتي واطي وما ضحكتش معاها.

التفسير : انتي في البيت وجوزي قاعد علي كرسي فيه كلام قديم هيتجدد ولو فيه ميراث هيبقي علي ميراث واختي متوفيه علي كرسي فيه كلام هيتجدد من ناحيه المكانه اللي هيه شغلها او ميراث او كان فيه ميراث ولما طلبتي من زوجك مصروف ( الفلوس ورق يعني فيه حد يطالبك وياخد الفلوس اللي معاكي يا اما انت عايزه من خد فلوس وهتقوليله هات مش هيديكي في الحالتين انت محتاجه فلوس وده هيسبب ليكي فلس مادي ( طبطبت علي صدره ( فيه حاله وفاه انتي وجوزك تعرفو الشخص ده ) لما رفضتي تاخديها خلاص مفيش فلس ولما زعلتي مش هتزعلي والزعيق احسن وطالما ما اخدتيش ماديات كده احسن . واختي المتوفيه الكلام اللي هيتجدد في نهايه مشاكل ولكن ما دام مالقيتش الشنطه كده بدايه مشاكل علي ماديات عندك وقالت لي اختي ردي علي اختك في التليفون يعني هيجيلك خبر وانتي هتردي علي الخبر وهتقولي علي اللي حصل واختي بتكلم بهزار الكلام هيضايقك ويزعلك وانت مضايقه احسن ما تكوني فرحانه.
وجاء الرد : فيه كلام علي ميراث زوجي فعلا وزوج بنتي عاوز ياخد مني فلوس كان دافعها في حاجه شاريها مننا وعاوز ياخد فلوسه وده لو حصل هيسبب ايه فلس مادي بس هو لسه مش اخد حاجه وحاله الوفاه معرفش مين ربنا يستر ) وعندي مشاكل ماديه وزعل فعلا علي ولادي عاوزه اساعدهم بأي حاجه ربنا يسترها عليهم

الحلم : حلمت في مدرسة بخلص ورق انا و زوجي
و صديقتي المطلقة و لتسهيل الاجراءات طلبوا من زوجي يكتب كتابه على صديقتي و راحوا يكتبوا الكتاب بس انا كنت مضايقة و بصيت على العربية بتاعة زوجي من الشباك ملقتهاش و مشيت زعلانة و اقول لنفسي هو كان عينه منها من زمان و هي ما صدقت عشان تدخل معايا في المعاش

التفسير : انتي في مدرسة( عندك تحذير تبعدي عن الصحاب القدامي لانهم هم مصدر المشكلة اللي انتي فيها) بتخلصي ورق ( عندك مشكلة على ورق رسمي) زوجك معاكي و صديقتك ( زوجك مشكلة و ليها حل صديقتك) لتسهيل الاجراءات طلبوا من زوجك يكتب كتابه على صاحبتك( يحل المشكلة اللي عنده) انتي مضايقة ( انتي مش مضايقة علي العكس) بصيتي على العربية بتاعت زوجك من الشباك( الشباك اخوكي و هو اللي حكالك عن القرار اللي كان زوجك ناوي يعمله) ملقتيش العربية( زوجك مش هيعمل حاجة) مشيتي زعلانة ( احسن ما تكوني مبسوطة) بتقولي لنفسك هو كان عينه منها من زمان( عنده مشكلة دلوقتي) و هي ما صدقت عشان تدخل معاكي في المعاش (انتي عايزة الاوراق تخلص مافيش حاجة تخوف)

و جاء الرد: هو فعلا بيخلص اوراق المعاش اليومين دول و موضوع الفلوس لسه ماتصرفتش و ناوي يدي لابني فلوس مش من حقه عشان يتجوز بيها و هي اصلا من حق اخواته البنات لانه هو بيفضل ابنه على بناتي بس انا مضايقة عشان هياخذ من حق البنات اللي لسه متزوجوش رغم ان احنا زوجناه

السلام عليكم ست كريمه معلش والدتي شافت حلم ياريت لو حضرتك تفسريه.
الحلم : ماما شافت نفسها بتحل في لجنه امتحان وحلت فعلا وكانت بتكتب بالقلم الازرق وكان المراقب له ابن بيمتحن معاها في نفس اللجنه والولد ده بيقول لماما تقعد جنبه تغششه رفضت وقالت له لما هي تخلص حل وكان فيه سوال 2+6 مكانتش عارفه وسالت المراقي علي الاجابه قالت دي الحل 8 قالها لا الحل 7 وكتبتها 7 والسوال الثاني اجابته6 والمراقب هو اللي ملاهم الحل بتاع السؤالين ( امي والولد اللي قاعد قاصدها في التخته وابوه قاعد وساند ايده علي التخته اللي ماما بتحل عليها
التفسير : ماما في لجنه في امتحان (يعني ماما عندها اكتئاب عيزا تساعد حد ماديا او معنويا وهتساعده عشان هي حلت فعلا)وكانت بتكتب بالقلم الازرق(عن طريق واحد عاملها متاعب وغايظها)المراقب ابنه بيمتحن بيقولها تعالي اقعدي جنبي وغششيني (يعني مطلوب منها تقول الموضوع دا بس هي رافضه بتقول ان هي بتساعد )وقال اطلعو لما هي تخلص (لمًا تبقي فعلا تساعد الشخص تبقي تقول)وفيه سؤال 2+6 مكانتش عارفه وسئلت المراقب علي الاجابه (هي كدا فيه حاجتين عيزا تضمهم علي بعض مكانش عارفه )لما سئلت المراقب علي الاجابه قالت دي الحل 8 قالها لا الحل 7(يعني هي اكتر من ما كانت متوقعه لكن الحمد الله لقت الموضوع في العادي تقدر تساعد)والسؤال التاني اجابته سته والمراقب هو الي ملاهم الحل بتاع السؤالين امي والولد الي قاعد قصادها في التخته وساند ايده علي التخته الي ماما بتحل فيها (ايوا هو الولد المشكله جنب ماما من ناحيه المساعده وتديلو كام متديلوش كام للراجل الي عيزا تساعده فيه لألأه عندها دلوقتي لان الناس عيزا تعرف هي بتديلو ليه ولا كام ولا كدا وهي مش عيزا تقول
وجاء الرد : ماما عيزا تساعد. اخويا ماديا ومعنويا لانه مش بيشتغل وعامل مشاكل مع مراته ومش عيزا تبين لحد انها بتساعده وماما عندها اكتئاب لان رجليها اتكسرت وحاسه انها مش عارفه تعمل حاجه والقلم الازرق دا اخو جوزها وعاملها متاعب وغايظها كلام حضرتك صح ربنا يبارك لك

الحلم : شفت اخت زوجي المتوفي داخله علي البيت ( الست عايشه) وبتقول انتو ما اخدتوش فراخ من اخويا( متوفي) والدتي قالت ما اخدناش واخته قالت طيب الحقو اتصلو عليه عشان تاخدو فراخ لانه قرب يخلص وانا اتصلت علي زوجي المتوفي بالتليفون طلبت منه فراخ قالي فاضل 56 مجموعه فراخ قلتله عاوزه 10 فرخات و 2 ديك وقلت له مش عاوزه فراخ من عند عمرو ( ابني) ولقيت حفيدتي الصغيره بتطلع من قفص في الغرفه ومش مرتبه خمس فرخان خفت يجرو بره وقلت المفروض اطلعهم علي السطوح وقمت من النوم علي كده.
التفسير : شفت اخت زوجي المتوفي داخله علي البيت كلام قديم علي ميراث هيتجدد( الست عايشه) وبتقول انتو ما اخدتوش فراخ من اخويا( متوفي) ( الفراخ ستات عامله مشاكل واخوكي كلام قديم هيتجدد والدتي قالت ما اخدناش ( لا فيه مشاكل وزعل معاهم مع الستات )قالت طيب الحقو اتصلو عليه عشان تاخدو فراخ ( يعني فيه مشاكل مع الستات دول اللي هما الفراخ )لانه قرب يخلص وانا اتصلت علي زوجي المتوفي بالتليفون ( فيه كلام قديم هيتجدد يخص زوجك وبالتلفون يعني فيه كلام تقوليه دفاع عن نفسك او تقولي حقيقه حاجه طلبت منه فراخ قالي فاضل 56 ( دول ستات عامله مشاكل والرقم ده ماديات )مجموعه فراخ قلتله عاوزه 10 فرخات و 2 ديك ( 10 ستات مضايقينك وراجلين)وقلت له مش عاوزه فراخ من عند عمرو ( ابني) ( يعني الستات اللي من ناحيه ابنك دول مش عاوزه تعرفيهم )ولقيت حفيدتي الصغيره ( بتطلع من قفص ( واحد ) في الغرفه خمس فرخات خفت يجرو بره وقلت المفروض اطلعهم علي السطوح ( عاوزه تضيعي امنهم وامانهم )

وجاء الرد : الستات اهل مراة ابني مضايقاني ومش عاوزه اتعامل معاهم تاني وفيه كلام علي ميراث زوجي قطعه ارض لاولادي ومنتظرين حكم محكمه فيه عشان يستلموها وانا حعاوزه ادافع عن نفسي لان تعبت من المشاكل والكلام الكتير

الحلم : شفت والدتي نايمه في سرير كبير وحاطه راسها علي المخده وانا جنبها علي السرير جالسه ولقيت فيه زي ملف كبير مفتوح علي صفحتين كبار مرسوم فيهم باللون الاسود جدول كبير بعرض الصفحتين مقسم الجدول الي خانات افقيه بالسنوات ( 1987/1988 وكذا سنه بس مش فاكراهم وبقيه الخانات في الجدول فاضيه ) وقلت انا لامي ده كده شالو ضرايب المعاش بتاعك ) ووالدتي مش مصدقه ان المبلغ اللي بيتخصم هيرجع للفلوس تاني ) وقمت من النوم. سؤال : كان فين الملف ده ( ايديكي ولا علي الحيطه). الاجابه : علي المخده اللي ماما نايمه عليها وانا جنبها
التفسير:والدتك نايمه علي سرير كبير وراسها علي المخده (يعني فيه حل من ناحيه واحده بتفكري فيها ) وانتي قاعده معاها علي السرير (بتفكري في حياتك الزوجيه او في ارتباط لو انتي مش متجوزه ) وبعدين لقيتي الملف الكبير دا مفتوح علي صفحتين (يعني دا اوراق رسميه خاصه بكذا حد عليها مشكله )مرسوم فيها باللون الاسود جدول ( يعني خطوط متهدده والحاجات دي علي حاجات مهمه )وعلي السنين دي (شوفي السنين عندك تخص سنين ايه يعني) وكذا سنه بس مش فكراهم(شوفي بقي ايه خاصه بحاجات مهمه عن السنين دي )بقيت الخانات فاضيه (يعني لسه مش مكتوب حاجه ولا معروف ايه الي هيملي الخانات دي)وقلت لامي دا كدا شالو ضرايب المعاش عنك(لاء مشالوهاش) ووالدتي مش مصدقه (عندها حق)ان المبلغ الي بيتخصم هيرجع للفلوس تاني(لاء مش هيرجع)
وجاء الرد : اكيد الواحده دي انا ماما بتفكر تخلص ميراثي من اخواتي عشان منختلفش بعد كده والسنين دي تقريبا سنوات ميلادنا في نفس الفتره انا واخواتي وماما عاوزه اعمل قرض وياخذو معاشها ويخصموه كله وهيه عارفه كده

الحلم : حلمت اني بدعي وبقول يارب محمد يحبني وبعدها لقيت نفسي بتكلم عن واحدة ظلمتني في الحقيقة وبقول انا هبطل احكي اللي هيا عملتوا فيا عشان ربنا ياخدلي حقي منها بدون نقصان زي ما ربنا قالي

التفسير : بدعي ان محمد يحبني (الحب دا زعل في الحلم انتي بتتمني الزعل بينك وبين محمد ينتهي) وبتتكلمي عن واحدة ظلمتك (في واحدة هتقف جمبك) وبتقولي هبطل احكي (لا انت هتقوليلها علي كل حاجة). وبتتمني المشكلة تتحل

وجاء الرد : فعلا دا كان خطيبي السابق وحصل مشاكل وراح لحالة وكنت بتمني في فترة من الفترات المشاكل تتحل بس الحمد لله راح لحالة









حلم مامتي
الحلم : حلمت في البيت و قاعد معايا مامتي وخالي ومراته وخالي قاعد لوحده علي كنبه انتريه وانا وماما ومرات خالي قاعدين علي كراسي قدام ترابيزه وانا قعدت اسمع قران ووالدتي بتشجعني اني ارتل بعدين جبت مصحف كبير شويه لقيت كلمات الايات متشبكه في بعضها فقرأت وحاسه بصعوبه شويه روحت الصاله جايبه مصحف تاني فتحته علي سوره ابراهيم وقرأت اول صفحه فعلا بصوت كويس

التفسير : كلهم قاعدين في البيت ( فيه امن وامان )وماما معاها مامتها وخالتها ومرات خالي (ليها حلين من ناحيه مشكله) خالك قاعد لوحده علي كنبه انتريه(يعني فيه مشكله من ناحيه واحده )وانا وماما ومرات خالي قاعدين علي كراسي (ليهم مكانه هي ومامتها ومرات خالها ) وقدام ترابيزه ( واحده وهما ملتفين حواليها ممكن تكون ماما )وانا قعدت اسمع قران (عايزا الكلام اللي تسمعيه يكون فيه امان ليكي) ووالدتي بتشجعني اني ارتل ( والدتك حل ليكي بيأمنك ) وجبت مصحف كبير لقيت كلمات الايات متشبكه ببعضها (المصحف الكبير واحد وواضحلك كل حاجه عنه بس الكلام بتاعه كله عامل كعبله ومشكله) فقرأت وحاسه بصعوبه شويه( عندك متاعب ) روحت للصاله اجيب مصحف تاني ( واحد تاني متكشفلك كل حاجه عنه ) فتحته ( عملتيلو ازعاج) علي سوره ابراهيم ( سوره سيدنا ابراهيم هو اللي فدي ابنه )وقرأت اول صفحه منه بصوت كويس(لاء اول حاجه عرفتيها هتخلي كلامك يتغير )

وجاء الرد : انا عندي مشكله مع زوجي واحتمال يكون ليها حل ومامي بتتمني ان الموضوع يتحل وفعلا مرات خالي وامي وانا لينا مكانه الحمد الله وانا فعلا عايزا اتأمن سواء بالكلام او اي شيء والاتنين اللي متكشفلي عنهم كل حاجه هما زوجي وابني
كل كلام حضرتك مظبوط ربنا يزيدك من علمه ♥♥♥

الحلم : ابني حلم ان عمه محمد جاء عندنا ف البيت وقعد عمه يدور له على بلونه لونها ازرق في الاخر لقاها في اوضة الاطفال واعطهاله

التفسير : ابنك زعلان من بنت عامله له متاعب وغيظاه وبيتضايق منها ويقعد يصرخ.. بعد كده ابنك هياخد الشئ من اللي متضايق منها وهيهدى

وجاء الرد : ايه الروعه ديه يا دكتورة
اكيد ده الصح فعلا
طفل وده وارد يحصل له
أكرمك الله يارب العالمين
وجازاكي الله ألف خير

الحلم : حلمت بقول لماما اني رايحة اعمل ظوافر أيدي. اركب ظوافر الايد .
التفسير : ظوافر الايد شغل اخواتك و انت رايحة تعملي ظوافر يعني مش عاجبينك و مش عاجبك شغلهم أو مش حابة تتعاملي معاهم.
جاء الرد : انا مش عاوزة اتعامل معاهم علشان دول منافقين و هما اخواتي من بابا بس تصرفهم و معاملتهم معايا جافة و بيحسسوني ان احنا مش عايزينك و انا تصرفت زيهم و خدت موقف منهم.

الحلم : حلمت بيخرج من فمي بلغم كثير .
التفسير : هموم بتتخلصي منها لما بتتكلمي.
وجاء الرد: صحيح لما بخرج اللي جوايا و بحكي برتاح .

الحلم : شفت نفسي في صاله بيتنا ومعايا بنتي الصغيره وشلتها وحاسه ان انا مش واحشاها ومش بتحبني وبعدين لقيت نفسي في صاله بيت طليقه اخي واختها علي الكنبه و فيه واحده ثانيه جالسه علي الارض وزي ما تكون وشها اسود وحاطه ميكب تنكري كده بس مش باصه ولا مهتمه للكلام اللي بيتقال ولقيت الست الاولي بتكلم اخويا في التليفون وسامعه صوته بيسال علي سبب مكالمتها وهل ايسل بنته عندها برد او مشكله عشان كده بيتصلو بيه وانا اخدت التليفون منها عشان اكلمه مكنتش عاوزه تديهولي وبحاول اضربها بس اخدت التليفون وسمعت صوته مش واضح بيطلب مني اخد من طليقته كيس الزباله وبسال شبشبي فين لقيت حد منهم بيقول نزلوه تحت عند اخر السلم بصيت من فوق كده شفت شبشب رجالي اسود عليه كتابه بيضا نزلت فعلا ولبست الشبشب وخرجت الشارع وقلت ماما هتزعل مني عشان عملت مشاكل معاهم

التفسير : شفت نفسي في صاله بيتنا( امن وامان) ومعايا بنتي الصغيره( فيه حل ليكي) وشلتها وحاسه ان انا مش واحشاها ومش بتحبني( هيه حل) وبعدين لقيت نفسي في صاله بيت طليقه اخي (الامن والامان بتاعك اتغير)واختها علي الكنبه( اختها حل لكي من ناحيه واحده مزعلاكي) و فيه واحده ثانيه جالسه علي الارض ( حل تاني علي حاجه مهمه فيه تعب هينتهي علي ميعاد ) و زي ما تكون وشها اسود وحاطه ميكب تنكري ( الزعل انتي مخبياه)كده بس مش باصه ولا مهتمه للكلام ( الحل فيه تنافر )اللي بيتقال ولقيت الست الاولي بتكلم اخويا في التليفون ( في حل ) ولقيت الست الاولي بتكلم اخويا في التليفون وسامعه صوته بيسال علي سبب مكالمتها وهل ايسل بنته عندها برد( يعني عندها مشكله عاوزه تتخلص منها ) او مشكله عشان كده بيتصلو بيه وانا اخدت التليفون منها عشان اكلمه مكنتش عاوزه تديهولي وبحاول اضربها بس اخدت التليفون وسمعت صوته مش واضح بيطلب مني اخد من طليقته كيس الزباله( واحد اي كلام بيئه وهو عاوزك تبعدي الواحد ده عنها) وانا رفضت وقلت له لا وصوته راح وهما الستات الحلول دول يعني انتي مفيش مشكله عندك و دول بيبصو لبعض ان انا سبب المشاكل والطلاق ( نهايه مشاكل ) والطلاق خلاص المشكله انتهت وبعدين لقيت طليقته واقفه قدامي وشكلها خاسس وصغر ومش بتتكلم روحت مسكت راسها وحطيتها علي طرف حوض التفكير بتاعها يسيطر عليها واحد كأن بضغط عليها وبقولها ان انا مش هسكت لها ( لا هتسكتي)وهاخد حقي منها ( مش هتعرفي) وبسال شبشبي( مشوار) فين لقيت حد منهم بيقول نزلوه تحت عند اخر السلم بصيت من فوق كده شفت شبشب رجالي اسود عليه كتابه بيضا ده الحاجات الي عامله زعل انزلت فعلا ( نزول السلم عدم تحقيق الامنيه )ولبست الشبشب ( قررتي تروحي المشواروخرجت الشارع منتش في امن وامان )وقلت ماما هتزعل مني عشان عملت مشاكل معاهم( مش هتزعل وعشان معملتيش معاهم اي مشاكل ).

وجاء الرد : تاني يوم اخويا حصل معاهم مشكله وجالي خبر عنهم واخويا بلغني الخبر بتاعهم في مصاريف ولادهم وكمان انا زعلت من الكلام عشان هو صوت راجل وانت تضايقت عشان العيال الصغيره وطليقه اخويا متواصله مع زوجي من ورانا عشان تفضح اخويا عند زوجي اللي هو كيس الزباله لان هو اي كلام في تفكيره ونظرته للامور وانا عرفت انه اتواصل مع اهل طليقه اخويا وفعلا انا سكت واستسلمت للموضوع وماما مش فارق معاها ولازعلانه مني عشان عارفه اني مظلومه وانا فعلا مش في امن وامان

الحلم : حلمت بقطه عملت حمام مياه كثير على الارض لدرجه بلت السجاده

التفسير : القطه واحده مكاره وعملت حمام ميه كتير على الارض يعنى فيه ماديات كتيره بسببها راحت هدر وبلت السجاده الحمد لله عيشتك متامنه

وجاء الرد : فعلا فيه واحده اشتغلت معايا خسرتنى ماديات كتيره بس الحمد لله ربنا سترنى

الحلم : حلمت قطتي الشيرازي البيضاء نائمه على ظهرها على الأرض و أنا وضعت يدي علي بطنها وجدت أعضائها ظاهره قدرت أحدد مكان الطحال و الرحم كان واضح و تقريبا الكبد... و قلت في بالي الأعضاء واضحه من غير سونار و تقريبا قبلتها في فمها

التفسير : القطه الشيرازي البيضا (واحده مكاره مسببالك زعل) ونايمه على ظهرها على الأرض(تعباكي و التعب هينتهي على موعد) بطنها (جوزها) أعضائها ظاهره ( إنتي قدرتي تحددي ناسها زوجها و عيالها)
و الرحم ( عيالها) الكبد ( أحد عندها مهم) قبله الفم ( هتفاريها و هتبعد)

و جاء الرد : القطه الشيرازي هي زوجه قريبي و كانت صديقتي و أعضائها ظاهره لأن فعلا إحنا عارفين كل حاجه عنهم و فعلا هي مسببة زعل و تعب لأنها مش كويسه زي ما حضرتك قلتي( مكاره) و الطحال جوزها وفعلا الرحم عيالها فعلا هي عندها ولدين و خصوصا إن الرحم كان بارز منه عضمتين ( بالرغم إني مذكرتش، دا ف التفسير) فعلا يا طنط هي عندها ولدين و دا اللي أكدلي أن فعلا الرحم عيالها
حضرتك معجزه 💛

الحلم : انا كنت ف شغل و تركته.. حلمت إن زميلتي في العمل السابق تمشي معي و ذهبنا إلى مكتبه مليئه بالأدوات الجذابه الفاخره و لها سلالم نزول و أنا كان في بالي شئ معين عاوزه اشتريه و وجدنا صاحب المكتبه رجل عجوز و يعطينا ظهره و لكن زميلتي كلمته فالتفت إلينا و كانت هتقوله يحضر لي الشئ اللي أتمناه و كنت انا واقفه على السلم انا و هي و أنا نزلت سلمه واحده
سؤال : أدوات زي إي
جواب : مش فاكره ممكن مقلمة أو علبه فخمه

التفسير : زميلتي تمشي معي ( مفيش أمن و أمان علشان أنتو ف الشارع) الأدوات المكتبيه (كان في وسائل توصلك لرجال أو ستات) لها سلالم نزول (يعني علشان توصلي للكلام دا في أمنيه بتتمنيها مش هتحقق) كان في بالي شئ معين عاوزه اشتريه ( يعني أنتي ف دماغك حاجه معينه) صاحب المكتبه راجل عجوز ميدكي ظهره (عشان تحققي دا في مشكله مهمه و جامده و عاطيكي ظهره من ناحيه حد سند ليكي)و لكن زميلتي بدأت تكلمه (يعني الحل بدأ يتعامل مع المشكله عشان يخلصك منها) لما إالتفت ليكوا ( بقى في حل بعيد عن حد سند ليكي) و كانت هتقوله يحضر لي الشئ اللي أتمناه ( يعني الكلام و الحل بيتفاعل مع تحقيق طلبك) إنتي واقفه على السلم انتي وهي ( يعني و لا عارفين تحلو المشكلة و لا تنهوها زي اللي بترقصوا عالسلم) انتي نزلتي سلمه واحده (يعني عندك جزء بسيط من عدم تحقيق الأمنيه)

و جاء الرد : مظبوط كل كلامك انا مش ف أمن و أمان لأني حاليا قاعده بدون شغل و الرجل العجوز هو سبب المشكله اللي تركت الشغل بسببها و هو صاحب الشغل و نزول السلالم شروط بيطلوبها مني و مستحيل هتحصل و فعلا هو يعطيني ظهره لأنه عاوزني أنفذ الشروط
و الشغل تدهور من بعد ما مشيت و زميلتي اللي قولتي عليها بتكلمه دي المديره و عاوزاني أرجع الشغل و فعلا هي بتقنعه عشان الشغل بايظ و واقف عالسلم فعلا و الله واقفين عالسلم لأنهم عاوزني الرجوع يبقى مني عشان يبقى بشروطهم و أنا مش راجعه خلينا واقفين



رد مني : الموضوع معلق لأنكو واقفين عالسلم وو اخده وضع النزول يعني الموصوع معلق
ربنا يزيدك من فضله ماشاء الله

ازيك يا دكتوره كريمه عامله ايه ممكن تفسري حلم مامتي🦋♥♥
الحلم : شفت نفسي في غرفه نوم وفيها سرير كبير ومحدش نايم عليه بس لقيت خالتي المتوفيه شايله امي ( عايشه ) علي رجليها وخالتي المتوفيه قاعده علي كرسي وظهره للحيطه مركزه علي انا بنظرها وانا معاهم في الاوضه دي وخالتي شكلها ضخم وهيه علي الكرسي لدرجه انها قادره تشيل ماما علي رجليها كأنها حد صغير وبعدين وجدت نفسي في الشارع عند بيت اهلي والدنيا مظلمه والطريق كله طين عشان حد غاسل عربيته وفتحت بوابه البيت الحديد ودخلت بنتي الصغيره جوه المدخل ولقيت بنتي بتقرأ سوره التوبه ودخلت البيت لقيت اخويا جايب كيس فيه حاجات حلوه وطبق ارز باللبن عليه مكسرات وبندق صحيح مش متكسر بس الرز مش واضح في الطبق بس البندق المحمص هو اللي موجود في الطبق واديت لمامًا تاكله بس مشفتهاش بتاكله وانا معاها واخويا جنبنا وشفت حماه اخويا ( اخويا مطلق) شفتها جايه البيت عندها وماما دخلتها وبعدين مشيت تاني

التفسير : شفت نفسي في غرفه نوم وفيها سرير كبير ومحدش نايم عليه(حياتك الزوجيه فاضيه) بس لقيت خالتي المتوفيه شايله امي ( عايشه ) علي رجليها وخالتي المتوفيه قاعده علي كرسي (كلام قديم هيتجدد والكلام دا ليه اهميه تخص ماديات ممكن تكون خاصه بمصروف ماما )وظهرها للحيطه مركزه عليا انا بنظرها (يعني الكلام القديم يخصك انتي )وانا معاهم في الاوضه دي وخالتي شكلها ضخم (الكلام مهم جدا وليه ثقله)وهيه علي الكرسي لدرجه انها قادره تشيل ماما (الكلام ليه مكانه وممكن يبقي فيه حل)علي رجليها كأنها حد صغير وبعدين وجدت نفسي في الشارع (يعني الامن والامان ضايع)عند بيت اهلي والدنيا مظلمه (انتي مكتئبه)والطريق كله طين (وطريقك كله زعل)عشان اخوها غاسل عربيه زوجها ودا ممكن يكون اللي مسبب الطين ( يعني هي فيه قرار بتفكر فيه والقرار عيزاه يبقي متأمن بس لسه مفيش حاجه وضحتلها) وفتحت بوابه البيت الحديد(واحده قويه اتعملها ازعاج)ودخلت بنتي الصغيره جوه (كان فيه حل وبعد عن ماما)المدخل ولقيت بنتي بتقرأ سوره التوبه (يعني متأمنه من ناحيه زي ما تقولي انا حرمت اعمل كدا تاني )ودخلت البيت لقيت اخويا جايب كيس فيه حاجات حلوه (اخوكي الكيس اللي جايبه مشكله من واحد وكله متاعب علي ماديات )وطبق ارز باللبن(واحد وعامل عكننه ونكد علي فلوس) عليه مكسرات (الماديات دي فيها ترويح وتتفسحي تشتري شنطه تطلعي تدخلي تعملي شعرك حاجات فيها ترويح)وبندق صحيح مش متكسر بس الرز مش واضح في الطبق (يعني النكد علي الماديات دا مش واضحلك انتي اللي بتخمني)بس البندق المحمص هو اللي موجود في الطبق (يعني الكلام علي فلوس والترفيه )واديت لمامًا تاكله بس مشفتهاش بتاكله (يعني قلتي لماما علي فلوس الترفيه دي)وانا معاها واخويا جنبنا وشفت حماه اخويا ( اخويا مطلق) شفتها جايه البيت عندها وماما دخلتها وبعدين مشيت تاني(يعني دا ممكن يكون حماه اخوكي جايه تقول كلمتين ولا فيه حاجه من ناحيتها وراحت باعده بالسلامه )

وجاء الرد : انا عندي مشاكل كثير حاليا وحياتي الزوجيه فيه اضطراب فيها وانا قفلت منه خالص والكلام القديم مع واحده صاحبتي قالت لي علي كلام زوجي كان قايله وكان يخص علاقتي مع صحبتي دي ويزعلها بس الموضوع اتحل اما فهمتها وجهه نظري ( كلام حضرتك صح جدا في التفسير ) وبالنسبه لاخويا فعلا هو هيتجوز حاليا وقال لوالدتي انه هيجهز شقته كامله وخطيبته مش هتجيب حاجه وده صدم ماما جدا لان هتبقي التكلفه عاليه جدا عليه وحماه اخويا التاني بعتت علي مصاريف ولاده وبعدين سكتت ( كأن حضرتك معانا بالظبط ما شاء الله ربنا يحفظك ويخليكي لينا يا ست الكل ♥♥♥♥

الحلم : والدتي لسه متوفيه من اسبوعين والدي حلم بيها ا نها بتقول له غير الانبوبة ( قصدها انبوبة البوتاجاز) غير الانبوبة اكتر من مرة
هل ده له مدلول لحاجه

التفسير : الانبوبة واحده معاها فلوس وماما بتحذر بابا يبعد عنها في كلام حيتجدد بخصوص مشكله قديمه ممكن تكون حول ميراث لو فيه ميراث من امك

وجاء الرد : عمتي عامله مشكله مع باقي اعمامي علي الميراث وبابا مساندها

السلام عليكم
حلمت اني في شقتي ومش عارفه اعمل اكل ايه وفتحت الفريزر افتكرت أن أمي كانت اعطتني كيس فيه سمك مشوي قلت خلاص أطلعه واسخنه بس وانا فاتحه الفريزر كنت شايفه من الكيس راس السمك وبقول احنا مش بنجيب السمك الصغير ده بس خلاص هطلعه لطارق
طارق دا جوزي في الحقيقه
واعمل لفريده اي اكل تاني فريده دي بنتي
وامي الحمد لله عايشه

التفسير
انت في شقتك في أمن وامان فتحتي الفريزر واحده انت مش طايقاها بس هي محتفظه بكل حاجه
ماما أعطتك كيس سمك مشوي
الكيس ده واحد وفي نكد من ناحيته على فلوس وقلتي نكد نكد مش مشكله فتحتي الفريزر شوفتي راس السمك دي الماديات اللي عامله عكننه وانت بتحب السمك والناس دي انت مضطره تتعاملي معاهم

الرد
جزاكي الله خيرا فعلا انا كان ليا فلوس عند زوجي ولسه واخداها بعد مشكله
وفعلا في مشاكل مع طليقته كتير
ربنا يفتح عليكي يارب

الحلم : شفت نفسي في بيت وشايفه صاحب زوجي بيعمل شاي في المطبخ و صاحب زوجي جه عندي وزوجي ورا ظهر صاحبه و اختفي صاحب زوجي وزوجي كان جسمه ضعيف ومش طويل جاء يطلب مني اعمل له فنجان قهوه والا هيرمي عليا يمين الطلاق بس بيتكلم عادي وأنا واقفه وفي نيتي اعمل له عشان اتجنب مشاكله.

التفسير : انت في بيت. يعني امن وامان وصاحب زوجك اللي بيعمل شاي مشكلة علي ماديات عاملالك اكتئاب وغيظ خاصه بمصروفك او شغلك ولقيت صاحب زوجي ده مشكله وانتهت لانه اختفي ولقيت زوجي جسمه ضعيف هو مفيهوش حاجه وطلب اعمل فنجان قهوه راجل كويس ويمين الطلاق حل للمشكله وبيتكلم عادي لا ده كده مصمم وفيه نيتك اعمل قهوه له لا انت منشفه دماغك ومش عايزه تعملي حاجه.
وجاء الرد : انا دائما بتخانق مع زوجي علي الماديات وانا عندي مشاكل بسبب مصروفي ومرتبي لان انا في اجازه من شغلي وهو عاوز انا احل معاه المشاكل بس انا مش طيقاه ولا عاوزه اريحه ابدا

الحلم : حلمت في شقتي ومش عارفه اعمل اكل ايه وفتحت الفريزر افتكرت أن أمي كانت اعطتني كيس فيه سمك مشوي قلت خلاص أطلعه واسخنه بس وانا فاتحه الفريزر كنت شايفه من الكيس راس السمك وبقول احنا مش بنجيب السمك الصغير ده بس خلاص هطلعه لطارق جوزي

واعمل لفريده بنتي اي اكل تاني
وامي الحمد لله عايشه

التفسير : انت في شقتك في أمن وامان فتحتي الفريزر واحده انت مش طيقاها بس هي محتفظه بكل حاجه
ماما أعطتك كيس سمك مشوي
الكيس ده واحد وفي نكد من ناحيته على فلوس وقولتي نكد نكد مش مشكله فتحتي الفريزر شوفتي راس السمك دي الماديات اللي عامله عكننه من ناحيه تفكير هولاء الاشخاص وانت بتحب السمك والناس دي انت مضطره تتعاملي معاهم

وجاء الرد : جزاكي الله خيرا فعلا انا كان ليا فلوس عند زوجي ولسه واخداها بعد مشكله
وفعلا في مشاكل مع طليقته كتير
ربنا يفتح عليكي يارب

الحلم : بنتى حلمت انها نايمة على السرير جنب ابوها وبيبكى ويقولها سمحينى وبعد كدة اتوفى وهى قامت لبست اسود
مع العلم ان ابنتى متزوجة وعلي خلاف مع والدها

التفسير : ابوها نايم فى السرير وهى نايمة جنبه هو رمز لمشكلة تعباها فى حياتها وهتنتهى على ميعاد وبيطلب منها تسامحه يعنى المشكله معكننة عليها وبيبكى يعنى فى فرج واتوفى خلاص المشكلة انتهت وهى لبست اسود اللبس الاسود زوجها كبير في السن أو معه فلوس او له مكانة ومش هيبقى فى مشاكل

وجاء الرد : فعلا بنتى دايما فى مشاكل مع جوزها
تسلمى ياااااارب

الحلم : شفت نفسي في غرفه فيها سراير مع اختي الكبيره وبنتي وست غريبه شكلها عجوز ومش حلوه ومعرفهاش ودخل علينا شاب وانا كنت خايفه يضربني ويؤذيني وكنت ميته من الخوف منه وكنت فاكره هيروح لحد تاني بس هو اختارني وجه باسني من جبيني وايدي فالست العجوزه شخطت فيه و قالت حطي ايدك في جيبه وانا دخلت ايدي فعلا واول مره معرفتش اخد حاجه دخلت ايدي تاني طلعت كومه فلوس ورق علي شكل اسطوانه راحت الست قالت لي زغرطي فأنا زغرطت انا وبنتي بس من غير صوت مسمعتش صوت زغروطه.
التفسير : انت في غرفه امن وامان واختك وبنتك والست الغريبه حل ليكي والشاب مشكله وخايفه انها ماتتحلش وباسني خلاص المشكله هتروح لحالها ومش هيبقي فيه مشكله. والتفكير في الماديات والشخط بتاع الست. ده الحب هيعمل تهدئه. ولو عايزه اي حاجه خدي وكومه الفلوس الورق. ده فلس مادي والاسطوانة فيه لف ودوران في الموضوع والزغروطه هتزعلي ومن غير صووت ده زعل مع نفسك ومعرفتيش حد انك زعلانه.
وجاء الرد : ابني بيخطب وطالبين 100 جم دهب وده هيعمل فلس مادي وفيه لف ودوران من ناحيتهم عشان المؤخر كمان وانا زعلانه بس معرفتش أحد اني اتعكننت يارب ميحصلش مشكله يارب الف شكر لحضرتك تفسيرك صح جدا ربنا يبارك في عمرك وصحتك يا ست الكل

الحلم : حلم لوالدتي شفت نفسي ومعايا واحده زميلتي معرفهاش قاعدين في مسجد ولقيت زميله اعرفها اسمها امال نايمه علي الارض وزميلتي قالت دي ماتت رديت قلت لها لا متقوليش ماتت قالت زميلتي والله ماتت وانا قلت لها ارفع ايديها أتأكد ي راحت رافعه ايديها رفعه بسيطه وقعت منها علي الارض تاني فعرفت انها ماتت.


التفسير : معاكي زميلتك في المسجد يعني امن وامان من ناحيه امنيه عاوزه تحقيقها ولقيت زميلتي نايمه علي الارض عند ك حل تعبك وهينتهي علي ميعاد وقلت لها دي ماتت يعني المشكله دي انتهت او الحل مش هتستفيدي بيه ولما قلت متقوليش ماتت يعني المشكله لم تنتهي بعد قالت لا والله ماتت يعني المشكله انتهت وارفعي ايديها رفعه بسيطه. يعني المشكله هتنتهي من ناحيه ماديات

وجاء الرد : عندي مشاكل ماديه ونفسي أتأمن من ناحيه خطوبته ويتجوز وربنا يتم فرحته وجوازه يارب دي امنيتي بس طلبات الماديه كتير ه اوي وده عاملي مشكله ربنا يحفظ حضرتك تفسير سليم 100٪

الحلم : حلمت كنت في البيت القديم و صعدت الدرج للسطح و وجدت باب السطح مفتوح و انا في الدرج الأخير لقيت فأرتين جريو بعيد عن الباب ووحدة فيهم دورت رأسها بتبوص عليا خفت ووقفت في الدرج الأخير و سمعت خربشة قفلت باب السطح و شفت فئران كثير صغيرة بتمر بجنب باب السطح و قلت الحمد لله جيت في الوقت المناسب و قفلت الباب علشان ميدخلوش للبيت.

التفسير : إنت جوة البيت القديم في أمن وأمان و لما طلعت للسطوح يعني الصعود وصلك ضيع منك الأمن والأمان و كانت باب السطح مفتوح السبب واحد اتعملو ازعاج و انا في الدرج الأخير لقيت فأرتين دول اثنين ستات خرابين بيوت جريو بعيد بعدو عنك لما شافوكي عن الباب يعني عن واحد وحدة فيهم دورت رأسها بتبوص عليكي دي تفكيرها لسه مركز عليكي اللي هي وحدة خرابة البيوت خفت ووقفت في الدرج الأخير لا مش حتخافي بس وقوفك معناه يعني انت مش قادرة تواصلي الصعود بتاعك أو أنك تبقي في أمن و امان و سمعت خربشة قفلت باب السطح يعني في ازعاج و لما قفلت باب السطح يعني الواحد ده مبقاش معملو ازعاج إنت اللي معمولك ازعاج شفت فئران كثير صغيرة اتاري خرابين البيوت ياما و لسه بنات هما الصغيرين دول بيمرو من جنب باب السطح يعني من جنب الواحد ده اللي مفيش من ناحيتو لا أمن و لا امان و قلت الحمد لله جيت في الوقت المناسب تحمدي ربنا انك اكتشفت الراجل ده قبل ماكنت تعرفي بعدها موضوع البنات دول قفلت الباب علشان ميدخلوش للبيت يعني خلاص وقفتي الإزعاج للواحد ده علشان تبقي في أمن وأمان بعيد عنهم كلهم.
وجاء الرد : ده خطيبي مش عاوز يتزوج و بيتحجج كل مرة بسبب و فيه جرتين له دايما مرقبينو ووحدة فيهم دايما بتسألو عني انت بتحبها إنت حتتجوزها إنت رايحين فين... و ده ازعجني و حصل بنا خلافات كثير قررت ابعد عنو و شفت مش حيعمل معايا حاجة بس حكالي انو فيه بنات صغيرة كثير بتروح لمكان شغلو و انا خفت لعينيه تروح على وحدة فيهم بس بعدت و سبت كل حاجة.

الحلم : الباب المهترئ معناتو ايه.
التفسير : الباب المهترئ ماهو خطيبك واحد ضايع مفيش منو امل في حاجة.
وجاء الرد : صحيح ضايع و صايع وخربان.

الحلم : حلمت أن انا فى بيت طليقى رايحة اعاتبة ازاى يتجوزني ويسيبنى ما يسألش فيا دخلت شقته لقيت واحدة فى صالة الشقة هى وأمى جالسين على الارض امي متوفيه وفيه ميراث بسأل علي طليقى قالوا لي لسه مرجعش من الشغل دخلت البلكونة ابص عليه لقيت ناس كتير ماشية فى الشارع وبرضو ملقتهوش سمعت الأذان دخلت اصلى فدخلت غرفت بنته اصلى فيها لقيت فى الغرفة سماعتين صلب و 2 راديو وكان فيهم راديو شغال على القرآن والغرفة ما كانتش نظيفة صليت وأنا بصلى لقيت بيبى كلاب واقع على الأرض قلت بيبى كلاب هما بيربو كلاب هما فين مشفتهمش صليت وأنا ارفانة لأن الأرض مكنتش نظيفة بلبيبى خلصت صلاة قلت امشى ويبقى بعدين اكلمه لأني روحت وانتظرت طليقي ومجاش لقيت شوز احمر لبستة ومشيت.

التفسير : انتي في بيت طليقك ( عندك مشكلة مش في بيت طليقك ) بتعاتبيه ازاي سابك و لا يسأل فيكي ( العتاب معناه الزعل و الكلام اللي مالهوش لازمة) دخلتي شقته لقيتي واحدة في صالة الشقة (انتي عندك حل من ناحية امنك و امانك او في بيتك) هي و امك جالسين على الارض ( الحل ده في كلام هيتجدد يخص ميراث امك) بتسألي على طليقك قالوا لكي لسه ما رجعش من الشغل( انتي بتستفسري عن مشكلة اللي ممكن تكون في شغلك) دخلتي البلكونة تبصي عليه( ليكي مكانة و انتي بتبصي يعني في حاجات انتي عايزة تعرفيها ) شفتي ناس كتيرة ماشية في الشارع (لو الناس دي ستات حلول و لو رجالة مشاكل و ماشين في الشارع الحاجات ديه تخص امنك و امانك اللي ضايع) و برضو ما لقيتيهوش( يعني هو مش موجود لان هو فعلا مش موجود) سمعتي الاذان (في حاجة هتخليكي تهدي و تتامني) دخلتي غرفة بنته عشان تصلي( انتي عايزة تتامني لكن ماتنسيش ان الامان ده فيه حاجة تانية تعباكي) لقيتي في الغرفة سماعتين و اتنين راديو(السماعتين هما انتين ستات و اتنين راديو هما راجلين و الرجلين دول بيفضلوا زي الاسطوانة المشروخة يفضلوا يزنوا و يتكلموا و ما تعرفلهمش حاجة) كان فيهم راديو شغال على قرآن ( الراجل ده بقى يقول لك كلام يخليكي تتأمني) و الغرفة مكنتش نظيفة( في زعل) و انتي بتصلي لقيتي بيبي كلب واقع على الارض( لما بدأتي تامني نفسك و البيبي ماديات متشالة بتاعة ناس بتوعد و تخلف و ما تعملش حاجة و الفلوس رايحة هدر) بتسألي عن الكلاب هم فين (يعني بتسألي عن الشخصيات اللي بتخلف و توعد و على الماديات بتاعتها اللي رايحة هدر) صليتي و انتي قرفانة لان الارض مكنتش نظيفة ( انتي مش هتبقي قرفانة عشان مافيش بيبي على الارض و لا حاجة) خلصتي صلاة (يعني أمنتي نفسك و شوفي ايه اللي هيكون) قلتي تمشي وبعدين تكلميه ( تبعدي و تشوفي ايه اللي هيحصل) انتظرتي و مجاش طليقك(في كلام على حاجة بتخصه لسه) لقيتي شوز احمر لبستيه (واحد غايظك) و مشيتي لما لبستيه (بتفكري ان انتي الواحد ده هتعملي فيه ايه)

و جاء الرد : تفسيرك ماشاء الله فيه دقة فعلا حصلت مشكلة مع جارتي و والدتي اللي في كلام هيتجدد يخص ميراثها ده حصل فعلا اخويا نزل عند اختي و بيحاول يعمل صلح ما بينا و اتفتح موضوع الميراث تاني و بيحاول يطلع نفسه صح و انا الغلطانة بس هو عاوز يصالح و البيبي اللي في الارض فلوس رايحة هدر بتاعه ناس بتوعد و بتخلف ده اخويا الفلوس اللي واخذها من ميراث أمه بدأت تروح من ايده تقل و ابتدأ يرجع تاني يتمسكن عشان يتمكن تاني بس انا رافضة و الراديو اللي فيه القرآن هو اخويا برضو بيحاول يصلح اللي خربه و الجزمة الحمراء هو برضو غايضني من عمايله معايا

الحلم : شفت نفسي في السوق قاعده علي الارض وقاعد. جنبي 2 ستات واحده منهم ست تبيع قته وكان عددهم 3 قتيات منهم واحده فيها جزء بايظ انا رميت الحته البايظه واكلت حته كمان من القته و اشتريتهم منها وقلت هاخدهم جنيه واحد وهيه كانت عاوزه 2 جنيه بس شاورت بايديها وقالت خديهم خلاص والمحفظه بتاعتي علي الارض وبعدين اخدت القته وحطيتهم في كيس اسمر كبير.

التفسير : انت في السوق وقاعده علي الارض امنك وامانك ضايع وتعبانه من ماديات وتعبك هينتهي علي موعد. واللي جنبك 2 ستات فيه حلين لكي من ناحيه حاجتين. 3 قتيات 3 دفعات من واحده بس جزء بايظ هتنقصك في الدفعات دي فلوس وانتي رميتي الحته البايظه يعني هتوافقي اكلت حته كمان من القته فيه جزء هتاخديه فعلا اشتريتهم منها وهتاخدي بقيه الفلوس بس ناقصه وجنيه واحد يعني فلس مادي لو ورق وشاورت بايديهم خديهم خلاص انتي مش هتوافقي لان مش هتديكي لانه فيه فلس مادي والمحفظه علي الارض يعني فيه ماديات تخص زوجك والماديات دي فيها متاعب وهتنتهي علي ميعاد والماديات دي هاروح لواحد يا ما كبير في السن يا اما له مكانه يا اما معاه فلوس.

وجاء الرد : فيه فلوس المفروض اخدها من ميراث زوجي وفيه خلافات علي ارض وهما ورثه مع بعض وهيدفعوها علي دفعات ومستنين قرار تسليم الارض في ميعاد معين عشان تعبنا وهاخد الفلوس دي اديها لزوج بنتي ليه فلوس عندي وارض وهو له مكانه وغني

الحلم : حلمت بلم ملابسي القديمة في شنطه وكان في يدي حقنة بسن وقعت من يدي

التفسير : بتلمي هدومك القديمه كلام قديم بتحاولي تقفلي علية في شنطة نهاية مشاكل من ناحية الكلام دة ويدك كان فيها حقنة بالسن واحدة بتطلب منك ماديات وسن الحقنة وقع من يدي المتاعب علي فلوس هتخديها

وجاء الرد : كان في مشاكل مع زوجي وخلاص اتلمت بس هو عمال يتكلم في المشاكل تاني والواحده اللي بتطلب مني فلوس اختي وانا قولتها مافيش فلوس تاني

الحلم : حلمت إن د/محمد ود عمر عندنا في بيتنا ود محمد أعطاني جدول مواعيد وخطة شغل و أنا إتكسفت أقوله مش هرجع الشغل.... أخذت الجدول و كان بيكلمني و هو طالع على سلم بيتنا الرخام و أنا اصعد خلفه و بعدها د/ عمر أيضا كان طالع علي سلم بيتنا و أعطاني نفس الجدول و أنا اخدت منه الجدول و لكن إنتظرت فتره و بعدها قلتله بصراحه أنا مش هعرف أكمل و لا أشتغل معكم و رجعت له ما أعطاني و هو أخد الأشياء و قالي ماشي تمام و كأنه مستغني و أنا ندمت إني قلت كده و بعدها لاقيته نازل علي سلم بيتنا و بيدور عليا و فتح باب الشقه و كان يشبه المجنون و كأنه فقد عقله بسببي و ضرب إخواتي كل واحد قلم على خده و كان بيرقص من جزءه الخلفي رقص بشع و سمعت ماما بتقول إنه دا إتجنن بسببي و بعدها لاقيته طالع على سلم بيتنا تاني و لابس بامبرز و بيطلع بصعوبة و بيتوجع و بيعمل أصوات كأنه بيتألم و أنا طالعه وراه و سمعاه و تقريبا سمعت صوت من البامبرز و بعدين شفت نفسي داخل منزلنا و لاقيت أخي واقف ف المطبخ بيعمل شاي أو قهوه و أخي التاني واقف عالحوض و قلت ف بالي أنا ماليش غيركم و كنت مشتقالهم

التفسير.: د/ محمد عندكََم ف البيت ( انتي عاوزه تعملي معالجه لمشكلة ف البيت و طالما إنتي ف البيت فإنتي ف أمن و أمان) أعطاكي جدول مواعيد و خطه شغل (نفسك تعالجي الموضوع دا) و أنا إتكسفت أقوله مش هرجع ( لأ مش هتتكسفي) و و د عمر أعطاكي نفس الجدول (عمر زي محمد الإتنين واحد و مش هيعطيكي حاجه) و كان بيكلمني و هو طالع عالسلم ( أمنيه بتتمنيها من ناحيه معالجه الموضوع دا و طالما طالع يبقى الأمنيه ف طريقها بيان بالخير) و انتي تصعدي خلفه ( انتي كمان عندك تحقيق الأمنيه اللي بتتمنيها) و إنتي قلتي مش هعرف أكمل ( لأ إنتي بعد فتره مش هتقدري تقولي كدا لأنك عاوزه ترجعي) و مش عاوزه أشتغل معاكم ( لا إنتي عاوزه تشتغلي معاهم) و رجعت له ما أعطاني و قالك ماشي ( و لا هيديكي و لا هياخد منك) قالك ماشي ( يعني مفيش حاجه انتي مستقره عليها) و كأنه مستغني ( مفيش حاجه علشان يستغني و لا يوافق) و أنا ندمت ( مش هتندمي) و بعدها لاقيته نازل علي سلم بيتنا ( الأمنيه هتروح لحالها) و فتح باب الشقه ( عملتي إزعاج لواحد) و كان بيدور عليا ( مش بيدور عليكي) و كان يشبه المجنون ( يعني المشكله دي إنتي مش عارفه تظبطيها إزاي) و كأنه فقد عقله بسببك ( الموضوع دا مش مخليكي عارفه تفكري و حاسه إن أنتي السبب) و ضرب إخواتي كل واحد قلم ( إخواتك دول صبيان يعني المشاكل دي هتتميز دون غيرها و في تفاهم ) و كان بيرقص (هيبقى في زعل مع حد سند ليكي) سمعت ماما بتقول دا إتجنن بسببي( يعني المشكله دي مش عارفين يعالجوها و هتبقى إنتي السبب و إنتي مش السبب و لا حاجه) طلوعه السلم تاني ( رجع تاني تتمنى الأمنيه بتاع الشغل تحصل) و لابس بامبرز(الماديات الإضافيه بتبدأي تصرف منها) و بيطلع بصعوبة ( يعني إنتي زهقتي) و بيتوجع ( عملالك ألم جامد) و بيعمل أصوات كأنه بيتألم ( إنتي اللي تعبانه من الموضوع دا) سمعتي صوت من البامبرز ( كلام هيزعلك علماديات) و شوفتي نفسك داخله منزلكم ( إنتي كدا ف أمن و أمان) لاقيت أخويا واقف ف المطبخ (أخوكي مشكله تخص ماديات يا في شغلك يا ف مصروفك) بيعمل شاي ( فيها زعل) قهوه (خير) و أخويا التاني واقف عالحوض ( مشكله تانيه من ناحيه واحد) و قلت ف بالي ماليش غيركم و كنتي مشتقالهم ( لا إنتي مش مشتاقه و عاوزه تبعدي عن المشاكل دي)

و جاء الرد : حضرتك فسرتي كل الأحداث مضبوط و كأنك معايا بس صدقيني انا مش عاوزه أرجع و مش عارفه أنا بحلم بيهم ليه

رد مني : جواك صراع و بستخسري إنك مكنتيش هناك و ترجعي تقولي لأ

رد مني : لأنهم أخدوا مرتبي و طلعت من غير أي شيء

الحلم : لابنتى
حلمت انها راكبة عربية مع باباها وقفوا فى إشارة واتنين ستات بيشحتوا وهى حست انهم هيسرقوهم وفعلا سرقوا 500جنية فباباها قالها أنا مسامح
ووصلت لمسجد ودخلت أنا وهى للدور التانى بتاع السيدات ووالدها ببركن السيارة
ولقينا فى المسجد رجاله كتير مهمين وبيعرفوا بنفسهم فأنا والدتها عرفت نفسى بانى لاعبة التنس الاولى هى اتكسفت واعدت فى اخر المسجد مكسوفة من كلامى والناس تبص عليها
وكان فيه راجل جالس على كرسي متحرك وزوجته معاه وجالهم خبر وفاة حد قريبهم فأنا راحت اعزى وكان فيه سيدة حامل وتعبانه فأنا راحت اشوفها واساعدها
فكانت مضيقة منى انى بفرض نفسى على الناس
وخلص الحلم
سؤال : سرقوا ازاى الفلوس دول وهما راكبين عربية والعربية ايه ملاكى ولا ايه. ولونها ايه العربية و باباها عايش ولا متوفى
الجواب : الحمدلله والدها عايش والعربية ملاكى سوداء ووالدها راح يركنها فى مكان ودخل الجامع بعد كدة

التفسير : (العربية ملاكى وسوداء) ده قرار بنتك بتفكر فيه وواخد خطوات إيجابية والقرار بأيد باباها .(وقفوا فى إشارة) يعنى مش عارفين يكملوا و الخطوات الإيجابية مبقتش سهله بالنسبه لهم (واتنين ستات بيشحتوا وهى حست انهم هيسرقوهم وفعلا سرقوا 500 ج) فيه حلين هيبعدوا مشكلة الماديات دى عنكم (فباباها قالها أنا مسامح)يعنى هو مش موافق على الموضوع ده
شوفى ايه بقى الحلين اللى من مشكلة الماديات دى بابا مش موافق عليها
(دخلت المسجد أنا وهى)انت وهى لما دخلتوا المسجد بقيتوا متأمنين (وباباها بيركن السيارة)باباها بعد ماكان القرار في ايدة هيصرف نظر عن القرار ده
(ولقينا فى المسجد رجال كتير)يعنى لما بدأت تأمنى نفسك بقى فيه مشاكل (وبيعرفوا نفسيهم فأنا والدتها عرفت نفسى بانى لاعبة التنس) يعنى فيه حل ليكى من ناحية ماديات(هى اتكسفت واعدت فى اخر المسجد مكسوفة من كلامى والناس تبص عليها) يعنى الأمن والامان اللى انت بدبريه ليها مالهاش فيه بس كل حاجة مركزة عليها
(كان فيه راجل جالس على كرسي متحرك) مشكلة من ناحية سعيها لرزقهامش قادرة تسعى لرزقها براحتها (وزوجته معاه) يعنى حل فى الموضوع ده لبنتك (وجالهم خبر وفاة أحد أقاربهم فأنا روحت اعزى) خبر حد قريبهم يعنى انت حد من أقاربك هيجيلك خبر إن المشكلة انتهت ( فأنا روحت اعزى) انت ردك هيكون تهنئه
(كان فيه سيدة حامل وتعبانه فأنا روحت اشوفها)السيدة دى حل عاملك مشاكل وهموم وانت روحت تساعديها يعنى مش هتروحى تساعدها ولا حاجة لأن عملك هموم الحل ده (فكانت مضيقة منى انى بفرض نفسى على الناس) انت مش بتفرضى نفسك انت حل فى جميع الجهات

وجاء الرد : هى فعلا بتدور على شغل لانها طبيبة أسنان ولسه متخرجة والسوق مليان وفرص العمل قليلة فبيساعدها والدها فى اكتر من مكان وهى بدور فى اكتر من مكان وكان فعلا رافض بعض اماكن بس مرضاش يقولها علشان متزعلش
وفعلا الوقتى رسوا على مكانين ومستنين الرد
تسلمى يا رب من كل سوء
وفعلا يا دكتورة ليه مشكلة من ناحية فلوس عند ناس والمفروض حد قريبى هيحل الموضوع ويجبلى حقى ومستنية
وموضوع أن حل لبنتى فعلا بحاول اساعدها فى اكتر من جه واكتر من موضوع كله لمصلحتها
ربنا يحفظك ويبارك فيك ويزيدك من علمه ❤❤

الحلم : حلمت إن فرح شخص قريبي شغال ف مكان و هو بيفرش بطانيه لبنى فاتح على أرضيه غرفتي و عمال يظبط فيها

التفسير : إنتي اللي عندك مشكله مع واحده مصدر دفء و حنان ليكي و لونها لبنى ( يعني في صفاء من ناحيتها) و إتفرشت على الأرضيه( يعنى تعباكي و التعب هينتهي على موعد)

و جاء الرد : فعلا مظبوط الواحده دي ماما و هي مصدر دفء و حنان أكيد 😃 و فعلا حصل مشكله بيني و بين ماما و كانت هتضربني و فعلا في صفاء من ناحيتها عشان هي طيبه و بنتكلم عادي

الحلم : شفت نفسي في غرفه محاضرات ادرس دبلومه مكافحه عدوي ( انا اصلا لست في دراسه حاليا) ويجلس جانبي 3 بنات لا اعلم الا واحده منهم كانت زميلتي في الماجيستير وانا تجاهلتها وهي كذلك والبنتين التانيين كان بيتقربو من زميلتي دي ويتجاهلوني وانا سألت واحده منهم هل دي اول محاضره قالت لا فيه محاضره قبل كده وهيه عرضت علي زميلتي تجيب لها المحاضره السابقه وانا كان فيه كرسي فاضي بيني وبين زميلتي جات بنت قعدت فيه وانا قعدت علي الكرسي الي جنبهم وبفكر هجيب المحاضره السابقه دي ازاي ومازلت قاعده جنبهم وعيني عليهم وهما صحاب كده مع بعض وانا لوحدي.

التفسير : شفت نفسي في غرفه محاضرات ادرس دبلومه مكافحه عدوي ( انا اصلا لست في دراسه حاليا) ( انت بتفكري في اشياء عاملالك متاعب وعاوزاها تبعد عنك )ويجلس جانبي 3 بنات ( 3 حلول) لا اعلم الا واحده منهم كانت زميلتي في الماجيستير وانا تجاهلتها ( فيه حل منهم مش مرتاحاله)وهي كذلك والبنتين التانيين كان بيتقربو من زميلتي دي ( الحليين التانيين بينضمو للحل الاول) ويتجاهلوني ( انت خايفه الحلول دي مش حتفيدك في حاجه ) وانا سألت واحده منهم هل دي اول محاضره قالت لا فيه محاضره قبل كده( دي اول معلومات تعرفيها لان فيه معلومات مكانتش وصلتك) وهيه عرضت علي زميلتي تجيب لها المحاضره السابقه( الحل بيقولك اللي فاتك هتقدري تعرفيه) وانا كان فيه كرسي فاضي بيني وبين زميلتي جات بنت قعدت فيه ( انت لكي مكانه والحل ده هيريحك) وانا قعدت علي الكرسي الي جنبهم ( الحلول قريبه منك)وبفكر هجيب المحاضره السابقه دي ازاي( عايزه تعرفي المعلومات اللي مش عارفتها عشان تخلصي من الموضوع اللي تتعبك)ومازلت قاعده جنبهم وعيني عليهم وهما صحاب كده مع بعض وانا لوحدي( دول حلول مش صحابك وتتمني ان الحلول دي تستفيدي منها.

وجاء الرد : عندي مشاكل في الشغل بس ليه مكانه الحمدلله كويسه وزوجي مخبي عني حاجات كتير وعاوزه اعرفها وفعلا النهارده عرفت حاجات كان مخبيها خالص وكنت عايزه حل مناسب لها والشغل كان عندي عرض جديد بمرتب كويس بس الظروف مش خدمتني يارب يكون فيه حل مناسب وارتاحله زي ما حضرتك بشرتيني

الحلم : شفت حفيدتي اتوفت وفي الكفن بس حجمها صغير وقعدت اصوت واصرخ واعيط ولقيت بنتي بتقول للمغسل ربطها كويس من النص كمان و بنتي وابني اخذوها عشان يدفنوها وركبو العربيه وسابوني ونعيط علي اخري ونقول ازاي قلب بنتي جامد ما تاخدنيش معاها ونروح معاهم المقابر وكنت بعيط جامد وصريخ جامد

التفسير : حفيدتها اتوفت يعني المشكله بتاعتها انتهت وفيه كلام يخص جوازه وحجمها صغير عملت شيء مقلل من شانها في نظرك وصراخك وعياطك فرج عليكي ولقيت بنتي بتقول للمغسل ربطها كويس الاربطه دي قيود من الرجاله تخص الجوازه ومن النص من ناحيه تأمينها وفيه خطوات ايجابيه لاتمام الجوازه وركبو عربيه يعني فيه قرار وازاي بنتي قلبهم جامد يعني كله لسه فيه كلام ونروح معاهم المقابر يعني محدش قالك حاجه لا هيقولولك طبعا وعياطك فرج عليكي.

وجاء الرد : ابني بيخطب حاليا وتم زياره العيلتين بس لسه الاتفاقات النهائيه عشان نتمم الجوازه ان شاء الله ان كان فيه نصيب وابني مقتنع بالعروسه واخته بتشجعه علي القرار ده والرجال من ناحيه العروسه بيسالو علينا
كل كلام حضرتك مظبوط ربنا يخليكي لينا ويزيدك من علمه♥♥♥♥

الحلم : حلمت ان انا في البيت وكان فيه ريحه دخان فدخلت المطبخ ولقيت واحده صاحبتي ولقيت البوتجاز كل عيونه والعه وكل عين فيه مطلعه دخان اسود مع نار في اخر الدخان والدخان كبير وطويل وانا وصاحبتي عمالين نطفي فيه بعد كدا لقيت نفسي بكلم ببايا في التليفون صوت وصوره ولقيت اختي الصغيره عنده وكانت جايه تشتكيله هو وابن عمي الصغير علي حاجه فببايا كان زي بيضحك ومبسوط عشان اختي مش معايا وماسكها سلاح عشان مامتي ترجعله وانا قعدت ازعق فيه جامد بعد كدا لقيت مامتي طالعه من اوضه نومها وكانت ضلمه ولقيتها بتقول انا هضرب ابوكي جامد انا مغلوله منه وببايا كان واقف هو واخويا في اخر الطرقه وراحت مامي ماسكه المقشه ونزلت ضرب فيه وهو كان مدايق بعدين لقيت خالي جه وقعد علي الكنبه وانت وكلهم (مامتي وببايا)قعدنا كمان وتقريبا كان بيصلح بينهم وانا لقيت جنبي كلب معندوش فرو كبير ولونه اسود من فوق وبني فاتح من تحت جاي ونايم في حضني وعمال يتقلب المهم مامتي وببايا اتصالحو فأنا غمزت لخالي بينه وبيني (هو هيتجوز في الحقيقه وانا بغمزله علي العروسه بتاعته في الحلم)
التفسير :
انتي في البيت وفيه ريحة دخان( امنك وامانك فيه مشكلة ) فدخلت المطبخ (ماديات اللي خاصه بمصروفك)ولقيت واحده صحبتي ( لك حل) و البوتجاز ( باباكي ) كل عيونه والعه ( مشاكل كتير علي كذا حاجه ) وكل عين فيه مطلعه دخان اسود( كل مشكله منهم علي حاجه مهمه) مع نار (مشكله محدده المده وتنتهي)في اخر الدخان والدخان كبير وطويل(صدي المشكله قوي) وانا وصحبتي عمالين نطفي فيه(الحل معاكي في ان المشكله دي هتنتهي) بعد كدا لقيت نفسي بكلم ببايا في التليفون (عندك خبر هتقوليه لبابا بنفسك) صوت وصوره ولقيت اختي الصغيره عنده ( ممكن يكون الكلام يخص اختك )وكانت جايه تشتكيله هو وابن عمي الصغير علي حاجة ( اختك عامله مشكله علي حاجه ) فببايا كان بيضحك ( بباكي زعلان ) ومبسوط ومتضايق جدا عشان اختك)عشان اختي مش معايا وماسكها سلاح ( حل له مريحه )عشان مامتي ترجعله (لا مش بيفكر في كدا هو )وانا قعدت ازعق فيه جامد (كلام كويس هتتكلميه معاه)بعد كدا لقيت مامتي طالعه من اوضه نومها (يعني مامتك مش موجوده عندك في عيشتك وحياتها الزوجيه لوحدها )وكانت ضلمه (حياتها مكتئبه)ولقيتها بتقول انا هضرب ابوكي جامد (يعني هتتفاهم معاه)انا مغلوله منه (مش مغلوله هتبقي مبسوطه)وببايا كان واقف هو واخويا في اخر الطرقه(هما الاتنين مشكلتين بالنسبالك )وراحت مامي ماسكه المقشه ونزلت ضرب فيه(المقشه دي واحده ممكن تكون ماما والضرب التفاهم اللي هيكون) وهو كان مدايق بعدين لقيت خالي جه وقعد علي الكنبه (مشكله من ناحيه واحده)وانت وكلهم (مامتي وببايا)قعدنا كمان (كلكو تعبانين بسبب واحده)وتقريبا كان بيصلح بينهم(لاء خالك مبيصلحش خالك وجوده مشكله ليكو كلكو)وانا لقيت جنبي كلب معندوش فرو كبير ولونه اسود (هو واحد يا كبير في السن يا معاه فلوس يا ليه مكانه لكن الفرو اللي في جسمه مفيش العيله كلها متبريه منه ودا واحد بيوعد ويخلف ومبيعملش حاجه وعايز ياخد ميديش)من فوق وبني فاتح من تحت (عامل اكتئاب كمان)جاي ونايم في حضني (دا متقرب منك لكن الحضن فراق هيبعد)وعمال يتقلب المهم مامتي وببايا اتصالحو (لسه)فأنا غمزت لخالي بينه وبيني(يعني عيزا احلي خالك يعمل حاجه تصالحهم) (هو هيتجوز في الحقيقه وانا بغمزله علي العروسه بتاعته في الحلم)(بتغمزيله علي العروسه هو عنده مشكله خالك دا)
وجاء الرد : كل كلام حضرتك صح ببايا عامل مشاكل كتيره اوي وبيقول انه خالي السبب ومامتي حاليا مش معانا وهي فعلا زعلانه اوي ودا مأثر علينا في البيت جامد لان هي كل حاجه وبابي مش همه ويروح لعمتي ويبات عندها كأنه معندوش أولاد وطبعا مامته عارفه ولا كأننا في بالها وببايا فعلا بيوعد ويخلف وعايز ياخد وميديش وفعلا فيه زعل وربنا موجود ربنا يبارك فيكي ويديكي من فضله ♥♥♥🕊

الحلم : حلمت رجعت صغيرة فى السن وارتدى فستان زفاف ازرق وكنت سعيدة ومبسوطة

التفسير : رجعتى صغيرة عملتى حاجة قللت من شانك فى نظر نفسك والفستان الازرق واحد تاعبك وتاعب نفسيتك وغايظك انتى سعيدة ومبسوطة لا انتى حزينة

وجاء الرد : الفستان الازرق ده ابنى تاعبنى جدا وانا قللت من شأن نفسى لانى لجأت لناس غريبة للتدخل فى حياتنا لاصلاح حاله وبرضه محصلش حاجه فأنا فعلا حزينة جدا كلام حضرتك كله صح ربنا يزيدك من علمه

الحلم : والدتي جت لوالدي وقالت له ابنيلي بيت في المسجد
(هي متوفيه )
التفسير : كلام قديم حيتجدد لبابا يخص امنه وامانه

وجاء الرد : كان في حاجه شاغله بابا من ناحية اخواتي والكلام رجع اتفتح تاني ويارب ييجي الخير شكرا لحضرتك

الحلم : شفت نفسي ماشيه في طريق مع واحده صحبتي والمفروض مش رايحين نفس المكان وكأني رايحه محاضره ولقيت واحده زميلتي ثانيه قاعده ومعاها بنات تانيين قدام باب الكليه او المبني اللي فيه الدراسه بصيت في الساعه لقيت الساعه 8 بالظبط قلت لزميلتي الي ماشيه معايا خلاص انا هروح المحاضره لاني انا خفت اتوه مقدرش اوصل المحاضره وطلعت سلالم واسعه كده وكنت لابسه جاكت جينز وشنطه يد سودا كبيره علي كتفي ولاحظت ان زميلتي لابسه نفس الجاكت بتاعي اختلاف بسيط وقلت في نفسي معقول هيه نفس تفكيري كده وكان فيه بنات كتير قاعدين منتظرين ومن ضمنهم بنت شبهت اني اعرفها من ايام الكليه وكانت بتتكلم في التليفون وكنت هكلمها بس فضلت بصالها وخلاص.
التفسير : ماشيه مع واحده صاحبتك معاكي حل ليكي ولكن انتي في طريق يعني امن وامان وكاني رايحه محاضره هتكلمي حد علي حاجه وتعرفي الرد ولقيت واحده زميله حل ثاني ومعاها.بنات تانيين الحل ده هيعمل حلول اخري قدام باب الكليه يعني المكان اللي انت رايحه فيه تقولي مشكلتك ويردو عليكي يريحوكي وبصيت في الساعه لقيت 8 بالظبط يعني فيه ميعاد هيتحدد عشان تروحي. قلت لزميلتي خلاص. هروح المحاضره الحل قالك ميعاد تروحي فيه لكن لما قررتي تروحي المحاضره لا مش هتروح في الميعاد لان انا خفت. اتوه يعني خايفه يتقالك حاجه متعرفيش هتعملي ايه طلعت سلالم واسعه امنيه. تتحقق والجاكيت الجينز يا اما وظيفه يا اما واحد تاني. لونه ازرق والوظيفه او الواحد ده عاملين متاعب وشنطه الايد سودا كبيره نهايات ماديات مهمه بالنسبه لك والزميلة حل ليكي ولكن في جزء مش هيريحك ومعقول نفس تفكيري يعني معقول الحل هيريحني زي ما نا عايزه وكان فيه بنات كتير يعني فيه حلول. ليكي ممكن تتقالك ومن ضمنهم. بنت اعرفها ده حل انت عارفاه قبل كده وكانت بتتكلم في التليفون وانت بصالها يعني انتي مركزه علي الحل ده ومش قادره تقولي اي حاجه

وجاء الرد : انا فعلا رجعت وظيفتي والقسم الدكاتره فيه كويسين جدا وريحني اوي استقبالهم ليا بس كان فيه حاجه ضايقتني ان فيه شيفتات مسائي في الشغل وزميلتي فعلا وظيفتها مختلفه عني انا طبيبه وهيه صيدلانيه وفيه اكتر من حل قدامي بس لسه مش استفدت منهم وبفكر الحل ده لو حصل هستفيد منه ويريحني ولا لل والامنيه اتحققت ان رحت نفس مكان الشغل اللي كنت عاوزاه في المستشفي مع ان كان صعب جدا لان المكان ده فيه اطباء كتير بس ربنا يسرها لي الحمدلله

والدي متوفي من سنتين في الحقيقة.

الحلم : شفت أنا واخواتي وامي نتفق على قتل والدنا .
وبالفعل اخوية قتلوا بالاتفاق مع امي .
يعني ايه حضرتك؟

سؤال : هو فيه ميراث من بابا؟

جواب : نعم حضرتك.

التفسير : (الاتفاق على قتل والدكم) انتو حتتفقوا على عمل مساعدة من ميراث باباكو لأحد ( وفعلا اخوكي قتلوا ) حيحصل انكم تتفقوا على مساعدة تعملوها لأحد من الميراث الخاص ببابا.

وجاء الرد : كلام صحيح حضرتك عاوزين نساعد اختي الكبيرة لانها محتاجة مبلغ اضافي على نصيبها في الميراث علشان تقدر تشتري بيت.
الف شكر لحضرتك كنت قلقانة جدا من المنام بس دلوقت اطمنت الف شكر لحضرتك.

الحلم : حلمت ان شخص معين كنا ماشيين مع بعض وماسكين ايد بعض واحنا في الحقيقه مبنعملش كده
و راح عند اهلي


التفسير : عندك مشكله في الأمن والأمان
وماسكين يد بعض بيكون من ناحية الماديات
والذهاب لأهلك ..انتي عرفتي اهلك بالمشكلة

وجاء الرد : اللهم بارك
ده تفسييير دقيق جدا جدا
فعلا ده اللي حصل بحذافيره
جازاكي الله عنا يادكتوره خير الجزاء

الحلم : والدتي شافت ان فيه 2 ستات اخوات داخلين البيت عليها ( واحده اخويا متكلم عليها في الحقيقه للزواج ) والدتي سلمت علي واحده والثانيه لا مسلمتش عليها.
التفسير : 2 ستات حلين لماما حل مش هتوافق عليه وحل تاني هتستسلم وتقبله
سوال : يعني مالوش بتمام الخطوبه من عدمه ؟. الجواب : الموضوع 50٪. لسه مش واضح حل موافقه عليه وحل مش موافقه عليه الموضوع مش واضح

وجاء الرد : اخويا متقدم لواحده حاليا وفعلا البنت موافقه علي اخويا ولكن والدتها متردده في الموافقه عشان هو ظابط وخايفه من شغله علي بنتها ووالدتي موافقه علي العروسه بس مضايقه من ترددهم وانه ملهومش كلمه :

الحلم : حلمت ان الشخص اللي شغال معايا في السوبر ماركت أعطاني كيس مليان بلي وسلسلة فضة بس انا رجعت البلي وأخذت السلسلة

التفسير : الشخص ده مشكله ليكي في السوبر ماركت الكيس اللي اعطهولك واحد والوحد دة بيديكي البلي بيحدف لكي حاجات وانتي بتخذيها والسلسلة واحده ومقيدة كبريائك بس هية كويسه عشان فضة ورجوع البلي رفضك يرمي حاجات مش على مزاجك اخذتي السلسلة وافقتي بالست الكويسة اللي مقيدة كبريائك

وجاء الرد : الشخص اللي بيعملي المشكلة كل شويه بيقول كلام كدب من ناحية الشغل ولما هو بيقول الكلام الكذب بتكشف الواحدة الكويسة كلامة والكذب الي بيكذبة

الحلم : حلمت اخذت راس أرنب

التفسير : الأرنب واحد شخصيته ضعيفه وانتي اخذتي رأسة ظبتي دماغة والتفكير بتاعة خربان مش فاهم صح وفهمته

وجاء الرد : الواحد دة يبقي زوجي اتفصل من الشغل ومش عارف مين اللي فصلة فيه نائب قالوا اللي حضر العفريت يصرفة وهو برضوا مكنش عارف مين اللي فصلة وانا عرفت وفهمتوا

الحلم : حلمت بدكتوره صحبتي روحت عندها لقيت البيت موسخ قعت انظف لها البيت و لقيت 4 حنفيات مياة فتحت واحده منهم وقعت أنظف البيت وكان عندها ولدين وهية في الحقيقة عندها ولدين واحد منهم معاق راحت جبتهم المعاق مكنش بيتكلم اتكلم وكان قاعد على كرسي المعاقين وكان عايز يقوم من على الكرسي

التفسير : انتي اللي عندك متاعب وعايزه تعالجيها ولما قعتي تنظفي في بيتك انتي مش في بيت الدكتوره عايزة تشيلي المشاكل وال 4 حنفيات 4 ستات معاهم ماديات لما فتحتي واحده يعني الواحده هتعملي لها ازعاج وتأخذي منها فلوس عشان تظبتي المشاكل اللي عندك في البيت وعندها ولدين مشكلتين من ناحيتها واحد منهم معاق يعني في مشكلة من المشكلتين مش قادره تخليكي تزاولي شغلك المعاق مش بيتكلم اتكلم يعني المشكلة بدأتي تعرفي تزاولي شغلك وكان قاعد على كرسي المعاقين لكي مكانة المشكله بالنسبالك مهمة وكان عايز يقوم من على الكرسي لو قام كانت المشكلة هتساعدك انك تزاولي شغلك الطبيعي

وجاء الرد : انا عندي مشكله وبحاول اخلص منها 4 ستات اخواتي فيه واحده منهم اخذت منها فلوس المشكلتين مشكله مع زوجي مشكله مع اختي المشكلة الي مع زوجي مخليني مش عارفة اشوف شغلي و بحاول احل بس لسه المشكلة ماتحلتش

الحلم : حلمت روحت بيت عمتي وعمتي متوفية ولقيت عندها بط كتير قوي وصغير وكبير وبنت عمتي لمت كل البط ودخلتهم في اوضة بتاعة البط وكل ماتدخلهم يطلعوا تاني

التفسير : روحتي بيت عمتك وهية متوفية كلام قديم هيتجدد في امنك وامانك والسبب الستات اللي مش بتحس البط سوا ء كانوا كبار اوصغيرين بنت عمتك اللي لمت البط الناس دي عملالهم أهمية وامانهم كل مدخلهم يطلعوا تاني كل ماتدخلهم يطلعوا تاني يعني عيزين مزيد وعنيهم فارغة

وجاء الرد : الناس دي اهلي كل شويه عايزين فلوس مش بيكفيهم حاجة

الحلم : حلمت بصديق قديم بيتكلم مع ستات و انا روحت لعندو و بتكلم معه بس مطنش مني و مبيجوبنيش و زعلت منه و اخذت سماعة الموبايل و صرخت عليه و بعدت عنه و السماعات في ايدي لونهم اسود.

التفسير : الصديق القديم مشكلة لك و بيتكلم مع ستات بتتمني حلول من ناحيته و إنت رحت لعنده المشكلة بتتكلمي معاه يعني عايزة تحليها بس مطنش منك احسن انو لو رد عليكي حيبقي اخد و عطا في المشكلة لكن كده المشكلة مقفلة مش بيجاوبك مفيش رد احسن زعلت منو لا مش حتزعلي و لا حاجة اخذت منه سماعة الموبايل السماعة واحدة و هي اللي حتقولك خبر صرخت عليه كلام كويس و بعدت عنه لا مش حتبعدي و لا حاجة السماعات في ايديكي لونها اسود الخبر ده يخص ماديات مهمة.

وجاء الرد : الصديق القديم مشكلة بيني و بين واحد و كنا مدة طويلة مبنتكلمش بس انا مش عارفة ليه اتغير و اخذ موقف و لما تلاقينا صدفة سلم عليا و سالت ليه كده قالي انت اختارتي صديقي و فضلتيه عليا كان لازم ابعد مش ممكن نبقا أصدقاء ميصحش.

ماما متوفيه في الحقيقة
الحلم : بابا حلم ان ماما بتعطيه زجاجتين بلاستيك فاضيين بيبسي وبتقول له يملاهم زيت ويديهم لمني(دي اختي ولسه انسه)
التفسير : الزجاجتين البلاستيك اتنين ستات (فاضيين) يعني مالهمش لازمه مش معاهم حاجه وكان فيهم بيبيسي يعني كان بييجي من وراهم نكد وبينشروا الكلام وقالت لبابا يملاهم زيت يعني بابا حينكد عليهم

وجاء الرد : كلام حضرتك مظبوط دول اتنين ستات من قرايبنا كان الاول فعلا بينشروا كلام يضايق ويمسنا لكن حصل موقف من يومين بابا نكد عليهم فيه

الحلم : حلمت شوفت أصحابي بنات وفي منهم حاليا في كليه الطب متصورين ووراهم الكعبه وبعد كدا لقيت نفسي في الحرم ومامتي لابسه عبايتها السوداء وبتطوف ومعاها سبحه وانا كمان معاها وشوفت الكعبه برضو وكان فيه ستات كتير بتطوف و لقيت نفسي في الشارع الصبح وقدام معمل كيميائي تقريبا او مكان له علاقه بالمصالح الحكوميه و مامتي وبابا معايا وبابا بيقولي خلاص بقيتي دكتوره ويلا عشان هنجيب البالطو وانا مش مصدقه

التفسير : شوفت أصحابي بنات وفي منهم حاليا في كليه الطب (حلول ليكي من حاجات جيبالك المشاكل ) متصورين ووراهم الكعبه( امنيه بتتمنيها هتبقي ذكري ) و لقيت نفسي في الحرم ( امنيه هتتحققلك )ومامتي لابسه عبايتها السوداء ( العبايه السوداء بباكي وهو يا كبير في السن يا معاه فلوس يا له مكانه ) وبتطوف ومعاها سبحه ( ممكن السبحه تكون ماما نفسها او انتي والسبحه هتحقق كل اللي نفسك فيه ) وانا كمان معاها وشوفت الكعبه بردو ( امنيه انتي بتتمنيها هتتحققلك ) وكان فيه ستات كتير بردو (فيه حلول كتير ) بتطوف ( فيه لف ودوران عليكي ) وبعد كدا لقيت نفسي في الشارع (مفيش امن ولا امان ) الصبح ( مفيش زعل ) وقدام معمل كيميائي تقريبا او مكان ليه علاقه بالمصالح الحكوميه ( ورقه رسميه حتتعمل ) ولقيت مامتي وببايا معايا وببايا بيقولي خلاص بقيتي دكتوره ويلا عشان هنجيب البالطو ( يا اما هتنجحي وتبقي دي الشهاده او عريس او تروحي وظيفه بعد ماتخدي الشهاده كل دا )وانا مش مصدقه ( لاء صدقي )

وجاء الرد : ربنا يزيدك من علمه يارب انا فعلا عندي اماني وربنا الوحيد القادر علي تحقيقها ويارب يكتبلي الخير ويجعل البشري علي ايد حضرتك والحاجات اللي جيبالي العيا دي مشاكل بين مامتي وببايا وربنا يصلح بينهم وببايا فعلا كبير في السن وله مكانه

الحلم : حلمت ماشيه بقول في وجوه سيدات كثيرة حسبنا الله ونعم الوكيل

التفسير : فيه حلول كثيرة لك ولا يوجد حل مريحني

وجاء الرد : (فعلا والله بتمني حل يريحني ولا في اي حل مريحيني)

الحلم : حلمت جالي رساله من زوجي علي الواتس انه جاي يوم السبت كأنه بكرا في الحلم وبيتكلم بطريقه مش حلوه وحاده و اتفاجئت بيه داخل البيت وعصبي وجدا وعلي خلاف معايا فدخلتلو اوضه النوم لقيته قاعد علي طرف السرير وفي ايده سجارة وقالع كل هدومه ولاحظت عورته كمان واستغربت وقالي انا حر اقعد زي ما انا عيزا وقالي كل الناس اللي كنتي فاهمه انهم أصحابك باعوكي وشتمو عليكي وعمال يرفع رجله في وشي كأنه عايز يؤذيني وانا فعلا كنت عايزا اتهجم عليه بس مرضتش قلتلو طب انا هتكلم معاك بس تعالي ودي العيال البحر وهحكيلك كل حاجه ولقيت في الصاله انا وشيخ القران ووالدتي وعيالي ( بنتي وابني) وبنسمع قران (وقلت ايه نوح ولقد ارسلنا نوحا الي قومه فقال يا قومي اعبدو الله)ومتذكرتش بقيت الايه وكررتها والشيخ قالي انتي يا بنتي بتقوليها غلط وانا اقوله والنبي يا شيخ هفتكرها واقولهالك وبعدين لقيت نفسي تحت في العربيه وزوجي اخد العيال ومشي وانا في العربيه وكنت عيزا زوجي ياخدني معاهم وشوفت مامتي بتنشر هدوم في البلكونه والدنيا نهار وانا عيزا اتصل بجوزي ييجي ياخدني وهو مش كويس معايا

التفسير : جالي رساله من زوجي علي الواتس انه جاي يوم السبت (لاء هو كلام هتسمعيه او هتقرأي عنه وخلاص )كأنه بكرا في الحلم وبيتكلم بطريقه مش حلوه ( لاء فيه كلام حلو هتسمعيه ) وحاده بعدين اتفاجئت بيه داخل البيت (مش هتتفاجئ انما ممكن تعرفي) وعصبي وجدا (مش عصبي ولا حاجه) وعلي خلاف معايا ( مش هيبقي علي خلاف ) فدخلتلو اوضه النوم لقيته قاعد علي طرف السرير( لان الحياه بالنسبه له مش اساسيه)وفي ايده سيجاره ( السبب واحده هي اللي بتخلي يحصل مشاكل بينه وبين ماما ) وقالع كل هدومه ولاحظت عورته كمان ( مفيش بينهم علاقه ) واستغربت وقالي انا حر اقعد زي ما انا عايز ( فيه تعند منه ) وقالي كل الناس اللي كنتي فاهمه انهم أصحابك باعوكي وشتمو عليكي (مش هيقول انا حر ولا حاجه هما بينهم زعل وانتي مفيش ليكي صديق من طبعك يعني كلامه لماما كدا ومبيشتموش عليكي وأصحابها مبعوهاش ولا حاجه ) وعمال يرفع رجله في وشي ( بيبينلها الماديات بتاعت شغله بيقولها منين وفين ) كأنه عايز يؤذيني ( تعبك بسبب الماديات ) وانا فعلا كنت عايزا اتهجم عليه ( لاء التهجم عليه عايزا يبقي فيه بينكم تهدئه وود) بس مرضتش ( لو لقيتي منه حاجه حلوه هترضي لكن فين ) قلتلو طب انا هتكلم معاك بس تعالي ( لا مش هتقوليلو بس تعالي ومش هتتكلمي معاه حتي لو جاء ) ودي العيال البحر (حسس العيال بالمشاكل الماديه اللي انت عاملها ) وهحكيلك كل حاجه ( هما عارفين كل حاجه علي الماديات ) ولقيت في الصاله انا وشيخ القرآن ووالدتي وعيالي ( بنتي وابني) وبنسمع قرآن (هتبقو مع بعض علي فكره والشيخ دا عقد قرآن يعني لو فيه عندكو فرح او كتب كتاب او بعد الشر طلاق لكن سماعكو للقرآن مش هيبقي فيه طلاق هتبقو متأمنين كلكو ) وقولت آيه نوح ولقد ارسلنا نوحا الي قومه فقال يا قومي اعبدو الله )( يعني هو ممكن ييجي لاولاده وبيته ويتعدل ) ومتذكرتش باقي الآيه وكررتها ( فيه كلام اول مرا مش هيبقي صدق وتاني مره هيتحقق ) والشيخ قالي انتي يا بنتي بتقوليها غلط (لاء مش بتقوليه غلط اللي هو الامان بتاعك من ناحيته) وانا اقوله والنبي يا شيخ هفتكرها واقولهالك( انتي فاكراها ) و لقيت نفسي تحت في العربيه ( قرار بتفكري فيه ) وزوجي اخد العيال ومشي ( واخد قرار مع نفسه هو والعيال وسايبك لوحدك)وانا في العربيه كنت عايزه زوجي ياخدني معاهم (انتي بتتمني ان القرار اللي بيفكر فيه تبقي معه ومع الاولاد ) وشوفت مامتي بتنشر هدوم في البلكونه ( ماما ليها مكانه ونشر الهدوم كلام ماما مأمناه بس منتشر وناس كتير عارفاه) والدنيا نهار( مفيش اكتئاب) وانا عايزا اتصل (انتي مش عايزا تتصلي ولو عايز ييجي ييجي بس انتي مش هتتصلي) بجوزي ييجي ياخدني وهو مش كويس معايا (هو كويس بس الزن علي الودان زي ما بيقولو )

وجاء الرد : زوجي علي خلاف معايا وانا فعلا مش بكلمه وهو ضاغط علي الاولاد بالماديات ومضايقهم وخلافي معاه علي ماديات هو عاوز ياخدها بالعافيه وحياتي معاه متوقعه نهايتها بالطلاق عشان هو اثبت انه مش واخد باله من أولاده اللي اصبحو فاهمينه وعارفين كل حاجه والواحده دي اخته لان هي اكتر أحد بيسخنه علي الاولاد والبيت وبيعمل مشاكل ويارب يجمعني مع الاولاد يارب وممكن عقد قران لأن اخويا في مرحله خطوبه وزواج الفتره دي ممكن يكون كده برضه.
ربنا يبارك فيكي يا ست الناس ♥♥♥♥♥♥♥♥

الحلم : حلمت إني في غرفتي مع بنتين و نتحدثوا و بعدها وجدت نفسي قاعدة علي الأرض في الصاله و باكل في حلة مكرونة و أمامي مديري السابق و قدمه قريبة من الحلة و بعد إنتهائي من الأكل وقفت و قلتله إزيك قالي إزيك و تحدثنا و بعدها لاقيت مديرتي في الشغل في الطالة و تكلمنا و قالتلي إدخلي للمدير و دخلتله المكتب و كان يجلس عالمكتب و أنا جلست عالكرسي و سمعت رنة تليفون صينيه و كانت من تليفوني بس لم التفت و المدير كان بيشتغل التليفزيون و بعدها المديره جت قاعدت معنا و تقريبا قالت كلام فيه 300 ج
التفسير : إنتي في غرفتك مع بنتين و بتتحدثوا و بعدها وجدت نفسي أجلس علي الأرض في الصاله ( انتي في امن وامان ولك حللين و لما بقيتي في الصاله فأنتي تعبانه و التعب هينتهي على ميعاد) و بتاكلي مكرونه من الحلة ( الواحدة دي عاملاك متاعب على فلوس ( الحله) و لاقيتي مديرك السابق واقف أمامك ( مشكله في الشغل) و قدمه بالقرب من الحلة ( مشكله الماديات ا لخاصه بالشغل سببها واحده ) و تجاهلته (مش هتقدري تتجاهلي مشكله و لازم تتعاملي معاها) و بعد إنتهائي من الأكل قمت وقفت ( لما عرفتي إيه الموضوع وقفتي يعني مبقتيش تعبانه) و قولتيله إزيك ( هتردي عالمشكله بزعل) و تحدث معي( هتسمعي الحوارات إيه )و بعدها وجدت مديرتي في الصاله ( حل ليكي ) تتحدث معاكي ( هتاخدي و تتدي في المواضيع عشان توصلي لحل ) و قالتلك إدخلي للمدير في المكتب ( قالتلك الحل معاه هو ) و دخلتله و جلست عالكرسي (يعني الموضوع بقى مقرب منك شويه و لما قعدتي عالكرسي بقى ليكي مكانه) و سمعت رنة تليفون صينيه من تليفوني و لم ألتفت ( جالك خبر بس معرفتيش تتعاملي معاه و الواحد اللي جالك رساله منه إنتي عرفاه) و المدير كان بيشغل التليفزيون ( في واحد بيزعلك و يفرحك المدير أو المشكله هتعمل إزعاج) و إنتي إحترتي الصوت جاي منين ( مش عارفه مين ) تقريبا قالت كلام فيه 300 ج ( كلام على فلوس)

و جاء الرد : انا فعلا تعبانه نفسيا جدا و عندي مشاكل ماديه و الواحده اللي عاملالي متاعب على فلوس ممكن ماما لأنها قالتلي سيبي الشغل عشان مش عاوزه أحد يزعلني و فعلا رنة التليفون زي ماحضرتك قولتي هيجيلك خبر من أحد إنتي عرفاه و مش عارفه تتعاملي فعلا انا شفت إعلان شغل و دخلت أستفسر بس إكتشفت إن دول أصحاب الشغل اللي سبته و معرفتش أتعامل و سكت و مسحت الرساله
و فعلا انا لم ألتفت ليهم لما عرفت إن دا شغلي اللي سبته

الحلم : حلمت اخويا جاي في عربية بيضاء و ماما جنبه و قالها الأوراق دي بتاعة اختي كانت كاتباهم في كتابي و انا قطعتهم من الكتاب بتاعي و جايبهم ليها علشان ميبقاش أوراقها في كتابي و الكتاب غلافو اسود كبير.

التفسير : اخوكي جاي في عربية بيضاء قرار مزعله و معاه ماما هي كمان و قالها الأوراق دول بتاعت اختي يعني انت كمان معاهم و الموضوع فيه ورق رسمي عملوكو زعل انتو الثلاثة كانت كاتباهم في كتب الكتاب بتاعه هو عندو مشكلة و انا قطعتهم من الكتاب يعني انت بعدت ليه حل من ناحية ان الأوراق دي يبعدها عن واحد ياخدها منه و جايبهم لك علشان ميبقاش أوراقها في كتابي يعني انت حل له علشان تخلصيه من الأوراق و الكتاب غلافه اسود كبير الكتاب الواحد ده معه واحدة ليها مكانة و ست كبيرة و معاها فلوس.

وجاء الرد : الحاجة المشتركة بينا الثلاثة هو ملك مشترك عبارة عن بيت العيلة كان لي نصيب الربع بس دلوقتي اتغير الوضع و أصبح النص نصيبي زي نصيبو بس ميعرفش الوضع الحالي و الملكية بحوزتي.

الحلم : انا شفت جايلي رساله علي التليفون من دكتور كنت بشتغل معاه زمان عنده ازمه قلبيه او شكله ميت وراسه مقلوبه وسانده علي دولاب ( ده وصف الرساله اللي علي التليفون) وقمت انا اتصلت علي زميلتي دكتوره مروه قلت لها الحقي الدكتور فلان بسرعه شكله مات وهيه متردده تلحقه وانا خايفه جدا وعاوزه اكلم زميله تانيه تلحقه لان صعبان علي جدا شكله في الرساله بالشكل ده.

التفسير : الرساله خبر هيجيلك في مشكله انتي عاوزه تعالجها. يقولك ان المشكله انتهت وراسه المقلوبه دي وساندتها علي الدولاب يعني التفكير بتاع الرساله دي بيعتمد علي واحد وهو ده اللي ملخبط لك دماغك وبعدين انت اتصلتي علي زميلتك دكتوره يعني عاوزه تشوفي حل لمعالجه المشكله وفلان المشكله من ناحيته انتهت وهيه متردده تلحقه يعني متردده. تقولك تعملي ايه وانا خايفه جدا انت مش خايفه ولا حاجه وتكلمي زميله تانيه يعني تشوفي حل من ناحيه تانيه

وجاء الرد : مشكله بين بنتي وزوجي بيضربها وبيزعلها اوي وهيه تعاند قصاده وانا نفسي اصلح علاقته معاها بحسه بينتقم مني فيها وهيه طيبه جدا وده مخلي دماغي مقلوبه عشانها كلام حضرتك صح جدا

الحلم : حلمت انا في مكان حكومي وقاعده علي كرسي وفي ناس جنبي وواحدة صاحبتي جاءت هي ومامتها ومرات اخوها وكانت زعلانه ومكشرة وما سلمتش عليا وانا قمت وقفت علشان اسلم عليها فمشيت وهي علي الباب شاورت لي بايدها كده بغير اهتمام ومشيت وانا كنت زعلانه انها عملت كده (انا متجوزه ).

التفسير : انتي في مكان حكومي عندك مشكله تخص ورق حكومي وقاعدة علي كرسي يعني ليكي مكانه وصاحبتك وماما حلول ليكي هي زعلانه ومكشرة لا حتكون حلول كويسة ولما وقفتي انت كده مكانتك ضاعت ولما مشيوا يبقي حيفارقوكي.

وجاء الرد : ظهرت امبارح مشكله في تخليص ورق في شبكة الكهرباء ومحتاجه شوية جري
تفسيرك ما بينزلش الارض ديما موفقه

الحلم : حلمت بغوريلا كبيره سوداء بتتهجم عليا من بلكونه في شقه قاومتها انا وصحبتى ودخلتها من الباب جامد وحبستها بالقفل

التفسير : الغوريلا واحده مزاجيه كئيبه محدش بيقدر يغصبها ع حاجه وسوداء كبيره في السن يامعاها فلوس يالها مكانه وبتتهجم عليكى من بلكونه انتى ف بلكونه وشقه انتى في امن وامان وهى بتتهجم الهجوم معناه انها مش بتعملك حاجه وانتى قاومتيها يعنى انتى بتحاولى تعامليها حلو زى مابتعاملك حلو دخلتها من الباب جامد وحبستها بالقفل دخلتيها انتى بتتعاملى معاها عن طريق واحد وصحبتك حل ليكى وحبستيها بالقفل واحد مسيطر عليها ومش مخليها عارفه تعمل اللى هى عاوزاه

وجاء الرد : فعلا حماتى وشخصيتها مزاجيه وكئيبه وكبيره سنا ومحدش بيقدر يغصبها ع حاجه بس هى مكنتش تتمنى تخرب عليا انا وابنها وهى نفسها الدنيا تتصلح بس جوزها اللى هو حمايا مسيطر عليها لانه مش عاوز صلح وهو اللى خرب الدنيا بينى وبين زوجى وظلمنى ظلم بين من غير سبب وهو سبب طلاقنا

الحلم 2 : حلمت بورقه مكتوب فيها شهادة طلاق ومسكاها بايدى .. وانا حاليا مطلقه

التفسير : الورقه اللى مكتوب فيها شهادة طلاق خاصة بيكي وفيه انفراجه عندك رسميه تخص ماديات يعنى ممكن تكون ترجعى مثلا الطلاق حل للمشكلة

وجاء الرد : الله اعلم فيه رجوع ولا لاء اهل طليقي اتكلموا كام مره في الرجوع واحنا قفلنا الباب ورفضنا مش عارفه هيتكلمو تانى ولا لاء او ممكن انفراجه ماديات لانى رافعه عليه قضايا نفقات

الحلم : شفت نفسي مع والدتي و2 من زميلاتها عايشين( بس ماما وزميلاتها ارامل في الحقيقه وواحده منهم كانت علاقتي بيها اقوي من الاخري) شفت واحده منهم اللي علاقتي بيها عاديه مع ماما في مكان فيه جلسه وانا استقبلت الست التانيه وبقولها تعالي عشان ده نادي الارامل ولما دخلت لقيت ماما قاعده وزميلتها قاعده وماما بتقول لهم دي هبه بنتي بتحب طنط سهام جدا ولقيت الست التانيه بتقول روحي يا هبه اقعدي جنب طنط سهام عادي ومكشره او مش فارق معاها كلام ماما وانا كنت محرجه وفعلا روحت قعدت جنب طنط سهام.
سؤال : ماما كانت قاعده فين ؟.
الاجابه : قاعدين علي كراسي.
التفسير : شفني نفسك مع والدتك وزملائها. الثلاثه حلول ليكي والواحد ه اللي كانت علاقتها اقوي من الثانيه حل اقوي من التاني والحل ده اي كلام من ناحيه ماما والحل ده بيتقالك انه مش حل مناسب لكي. ولما دخلت لقيت ماما قاعده علي كراسي وده حل له مكانه رغم انه اقل اهميه وهو حل مهم وكلام ماما. معناه انك مش بتحبي طنط سهام والحل بيقولك ابعدي عن طنط سهام لما قالت لك اقعدي جنب طنط سهام. وفعلا قعدت جنبها يعني الحل هيخليكي تجبري تعمليها وانت مش موافقه.
وجاء الرد : عندي مشكله في عربيتي البطاريه مكنتش عاوزه اغيرها دلوقتي واجبرت علي تغييرها وانا مكنتش عاوزه كده خالص وممكن يكون فيه حل ليه في الشغل علشان اقدر استلم مكان جديد احسن من اللي انا فيه

الحلم : حلمت ان جيرانا اتفقوا على قتل اخويا و سمعت واحدة فيهم بتقول انهم ارسلو له شخص يقتلو و لما شافتني سمعتها ضحكت جامد و قالت مش حيبقا أحد سند لهم و مفيش أحد يساعدهم و قلبي وجعني قوي حبقي لوحدي.

التفسير : الجيران رجالة و لا ستات لو رجالة مشاكل و ستات حلول و عايزين يقتلو اخوكي يعني عايزين يساعدوه و سمعت واحدة فيهم أنهم ارسلو شخص يقتله فيه مشكلة عشان يساعدو اخوكي و لما شافتني سمعتها ضحكت زعلانة الحل من ناحية ان هي تبعت أحد يساعد اخوكي الموضوع ده مزعلها و قالت مش حيبقي أحد سند لهم مفيش أحد يساعدهم يعني المفروض يشوف لهم أحد يساعدهم بعيد عنه و قلبي وجعني قوي حبقا لوحدي لا كده قلبك لما يوجعك احسن ما تبقي فرحانة مش لوحدك ولا حاجة مش حيموت هما حيساعدوه.

وجاء الرد : فيه خصام جامد بين أخويا و ماما و هو بيكلمها وحش و انا بتدخل بيهم دايما و اصالحهم بس تمنيت المرة دي يتغير و يتكلم معاه أحد يوعيه و يفهمه انه غلطان و ده مش تصرف كويس.

الحلم : حلمت زعلت مع والدي وهو ماشي دهسة قطار ورجلة اتقطعت و حضرت جدي المتوفية وقالت لية انا وماما ان والدي خلاص مفيش فايده وهيموت وانا ماما كنا بنعيط

التفسير : زعقتي مع بابا فيه تفاهم بينك وبين بابا ولما دهسة القطار القطار واحد صارم بابا ورجل بابا انقطعت يعني الماديات الخاصة ببابا بقيت نص نص وجدتك المتوفية كلام قديم حيتجدد بالنسبه لي بابا والمشكله بتعتة هاتنتهي وليس موت والعياط انتي ماما فرج عليكم

وجاء الرد : فيه زعل انا وبابا وانتهي خلاص والقطار الصارم زوجي بابا مش عايز يقصرلة كلمة و الماديات بابا اتشال منة المعاش و رجع تاني

الحلم : حلمت بيدخلوني في اوضة واحد كان بيسألني ماربك وما دينك و طلعت ودخلو اخويا وسأله نفس الأسئلة بس غلط في سؤال وأنا وأنا جاوبت و الواحد اللي سألني قال لي الجواب صح هأيخذ جائزة وأ عطاني تيشيرت لونة رمادي صوف اخذتة ونزلت مكان زي الجبل بعد مانزلت لقيت بنت خالتي واقفه واعطتني خوخ ودووم واكلت الدووم وكان طرى مش ناشف .

التفسير : بيسألك ماربك وما دينك مشكله تتأمني من ناحيتها و طلعتي بعدتي عن كل دة ودخلوا اخوكي اخوكي كان عاملك متعب وجاوبتي سوال اخوكي يعني في مشكلة عند اخوكي وانتي حتساعدي اخوكي أعطاني جائزة تيشيرت رمادي عندك متعب ونزلت مكان زي الجبل الجبل واحد مهم ولو انتي سبتيه هتتعبي بنت خالتي ادتني خوخ ودووم عندك مشكله في الماديات

وجاء الرد : انا كان عندي مشكله وتأمنت فيها و اخويا عندة مشكله وأنا ساعدتة فيها وعندي مشكله في الماديات من ناحية زوجي

الحلم : حلمت واحده صاحبتي كان معاة طقم حلل وأخذت منها حلة

التفسير : الحلل مجموعة ستات والحله من صاحبتك في حل من ناحيه واحده

وجاء الرد : انا كنت محتاجه فلوس وخالتي اعطتني

الحلم : حلمت كنت قاعده ومعايا ست بتقرا كوتشينه وهى بتوزع ورق الكوتشينه على الترابيزه.. مسكت ورقه وقالتلى هو بيحبك بس مش ماسك فيكى اوى مش متبت..حتى بصى على الايد.. الورقه إلى ماسكاها كان شكل واحد ولافف أيده على بنت
التفسير : الست إلى بتقرا الكوتشينه ( انتى بتتمنى حل تعرفى ايه إللى هيكون )
وهى بتوزع ورق الكوتشينه (الحل ده من ناحية اوراق رسميه ). ولما مسكت ورقه وقالتلى هو بيحبك (الورقه الرسميه بتقول أنه الحكايه مش حكاية حب ) بس هو مش ماسك فيكى اوى مش متبت ( لاء هو متبت عشان الورقه مش موضوع حب ..الورقه الرسميه إلى بتتمنى منها حل ) ولما خليتك تبصى على أيدها والورقه كانت على شكل واحد ( هى الورقه الرسميه من واحد ولافف أيده على بنت. ( يعنى فى مادييات بيتمنى منها حل . ممكن يكون منك )

وجاء الرد : أهل طليقى بيتكلموا عن القايمه وحقوقى ..وعايزين يرجعونى لطليقى عشان مايدفعش القايمه وحقوقى..تفسير حضرتك مظبوط

الحلم : حلمت فيه 4 أطفال كانوا واقفين على الحاءط و بابص عليهم لقيتهم قاعدين كل واحد جوا شاشه تليفزيون و جيت اقرأ اية الكرسي ومكنتش قادره انطق اية الكرسي

التفسير : 4 أطفال 4 مشاكل واقفين على الحيطة من ناحية أحد سند لكي وفي 4 ستات وكل ست منهم معها واحد والتليفزيون واحد بيزعلك ويفرحك 4 ستات كل واحدة عملالك مشكله قرأت اية الكرسي امنتي نفسك مكنتش قادرة أقرأ اية الكرسي يعني لسة مافيش امان

وجاء الرد : 4 ستات في مشاكل من ناحيتهم 4 من اهلي هما وأزوجهم مافيش امان عشان انا زعلانة مع زوجي

الحلم : حلمت اخذت حلة تيفال و غطاه زجاج

التفسير : الحلة التيفال واحده مهمه والغطاء الزجاج واحد متكشف عنة كل حاجه

وجاء الرد : الواحده خالتي والواحد زوجي متكشف لي شغلة عشان يزود المصرف

الحلم : حلمت ماما انها راكبة الحنطور و هو ماشي وهي قاعدة بالعكس مش شايفة لا الحصان و لا السواق مع مرات اخويا و ام مرات اخويا و ماما كان قدامها جردل فيه زيتون اسود و مغطي بالماء.
التفسير : الحنطور ده قرار و القرار واخد خطوات إيجابية بس مش بايديها والقرار ده تبع حد سند لها عشان قاعدة فيه بالعكس و الاثنين ستات اللي معاها فيه حلين ليها من ناحية الجردل ده واحد و عملها متاعب و حرق دم على ماديات مهمة بس مغطي بالمية يعني الموضوع ده متأمن متقلقش من ناحيتو.
وجاء الرد : صحيح فيه زعل مابين ماما و اخويا و حرق دمها جامد و تغاضت منو بس متامنة من المصروف علشان لسه حيبعت الفلوس و قررت ملهاش دعوة به خالص.

الحلم : حلمت ب 3 ستات اصحابي كانوا بيوقعوا بلح من نخلة بلح البلح كان مستوي لونة بني وانا اخذت منهم

التفسير : 3 ستات بيوقعو بلح ماديات بيخدوها من واحده النخله الواحده لها مكانة عاليا والبلح اللي بيخدوها لونة بني ناشف حالة وفاة

وجاء الرد : 3 اصحابي ستات اولاد خالتي بيخدو من خالتي فلوس والبلح اللي انا اخذتة ابن عمتي عمل حادثة وتوفي


الحلم : حلمت أبي المتوفى نائم عالسرير و تعبان و زعلان و جسمه أنحف و عالسرير ملابس و سمعنا أبي قال لأخي الأكبر إنت مش هتبطل حبوب المقاوم اللي بتشربها دي (معرفش يعني إي بس هو قال كدا) و كلنا إندهشنا من الكلام و قاله مقوم إي؟؟ بابا قاله الجنسي و اتصدمنا و إن ماما هي اللي عرَّفت بابا و بعدين لاقيت أخويا الصغير أصغر من الحقيقه و عيونه محدبه و كانت ماما أيضا عيونها كده و لاقيت اخويا الصغير هو اللي كان قايل لماما الموضوع و أنا إتعصبت من الصغير أنو فتن عالكبير و لاقيت الصغير ماسك علبه مفتوحة و بيقول أصله ممكن يتقفش بيهم ( من البوليس) و ماما كانت ف صف أخويا الصغير

التفسير : أبي المتوفى نائم في السرير (كلام قديم هيتجدد و لو في ميراث هيبقي عليه و دا تاعبك ف حياتك) زعلان (أحسن ما يبقى بيضحك) و كان جسمه أنحف (الموضوع عامل متاعب ) و في ملابس عالسرير ( كلام حيزعلك ف حياتك) و سمعنا أبي قال لأخي الأكبر إنت مش هتبطل حبوب المقاوم اللي بتشربها( يعني أخوي بيتصرف تصرفات عليها مسائله ماديه ) و هو قاله مقاوم إيه يا بابا قاله الجنسي ( في حوار هيتجدد مع أخوكي اللي بيتصرف تصرفات مخالفه) كلنا إتصدمنا ( و ماما هي اللي عرفت بابا ( مامتك كانت قايله لبابا قبل ما يتوفى إبنة بيتصرف تصرفات فيها مخالفه) و إنتو إتصدمتو ( هتعرفوا الموضوع دلوقتي ) و أخوكي الصغير أصغر من الحقيقه ( هو عامل حاجه مقلله من شأنه في نظرك) و عيونه محدبه ( المشكلة من ناحيته مركزه عليكي إنتي) و ماما كمان عيونها كدا (برضو ماما مركزه عليكي هتصرفي إزاي) و لاقيت أخوكي الصغير اللي كان قايل لمامتك ( ماما و أخوكي فية كلام إنتي مش عرفاه على أخوكي الكبير) و لاقيتي الصغير ماسك علبه مفتوحه ( واحده عملاله إزعاج) و بيقول أصل ممكن يتقفش بيهم م البوليس( يعني هو كدا عامل حسابه أو عنده نصرة و سايبكوا تتكلموا براحتكوا) و ماما كانت ف صف أخوكي الصغير دا (لأ مامتك مش عاجبها تصرفات أخوكي الصغير

و جاء الرد : فعلا في مشكله قديمه بتتجدد كل شويه و فعلا تعبانا ف حياتنا كلنا و و الملابس دي متاعب فعلا ف حياتي أنا حياتي كلها ملغبطه و للأسف أخويا الكبير فعلا ساعات بيعمل تصرفات مخالفه و عليها مساءله لأنه معتمد على نصره اللي هي واحد صاحبه لأنه ظابط و بابا كان عارف قبل ما يتوفى جزء من الحوار و إحنا عارفين الموضوع و أخويا الصغير مشاغب برضو وعيونه هو وماما محدبه يعني المشكله مركزه عليا عاوزين يشوفوني بتتصرفي إزاي ممكن لأن أنا بسكت مش بتسرع أني اخد قرار و فعلا أنا قلت لماما الحلم دا و دخلت إتكلمت مع أخويا و أنا معرفش الحوار اللي دار بينهم و الصغير ماسك علبه مفتوحه واحده عامله إزعاج.. ممكن مديرته ف الشغل مزهقاه و فعلا ماما مش عاجبها تصرفات أخويا الصغير و قلقانه ديما
ربنا يزيد من واسع فضله

الحلم : حلمت عملت كحل في عيني.
التفسير : زعل من واحد.
وجاء الرد : الزعل من اخويا طبعا.

الحلم : حلمت خطيبي سابقا قالي حندخل شقة صاحبها خالو في الطابق الأخير من العمارة و دخلنا هو كان مشغول بالموبايل بتاعو دخلت علينا صاحبة الشقة و جوزها و ست ثانية و قالت لي انتو مقتحمين شقتي و هي اتصلت بالبوليس وقالت لي انتو مش خارجين من هنا قلت لها دي شقة خالو قالت لي كذب عليكي و انا حاولت اهرب بس مسكتني من ذراعي و قالتي مش حتروحي لما يجي البوليس و انا طلبت منها السماح و قلت لها مش عاوزة انفضح و حنا ساكنين في نفس العمارة بس الطابق الأول و هي رفضت.

التفسير : لما خطيبك قالك حندخل شقة بتاعت خالو في الطابق العاشر و طبعا انت من العمارة دخلتوا و هو كان مشغول بالموبايل بتاعو هو بالنسبة لك مستني خبر يجيلو من واحد لكن إنت علشان تخشي الشقة فأنت بتفكري في الأمن والأمان بتاعك معاه و دخلت علينا صاحبة الشقة و جوزها و ست ثانية صاحبة الشقة دي حل ليكي و جوزها مشكلة و ست ثانية حل ثاني و قالت لي انتو مقتحمين شقتي يعني دول مضيعين منك امنك و امانك المجموعة دي الاثنين ستات و راجل وقفين لك ان امنك و امانك يتم و هي اتصلت بالبوليس يعني فيه حل من الحلين حيبقى فيه نصرة يعني مكالمة فيها نصرة ليكي و قالت لي انتو مش خارجين من هنا يعني الحل بيقول يعني انتو تشوفو حالكو بقا و كده و قلت لها دي شقة خالو قالت لي كذب عليكي يعني فيه كلام يبين انو فيه مشكلة عندك حتكون في الموضوع ده موضوع الشقة.
حاولتي تهربي بس مسكتني من ذراعي ذراعك ده ياما حد من اخواتك يا اما حد تبع خطيبك السابق ده و الحل بيقول انك ايه لما مسكتك هو عايزة تهربي عايزة تبعدي عن الموضوع ده كلو فيه كلام كان مع اخوكي أو مع حد تبع الشخص ده خطيبك قالت لي مش حتروحي لما يجي البوليس يعني لما يبقا في الأمنية اللي تتمنيها خلاص قربت تتحقق حتروحي حتبعدي أو حتروحي الشقة اوحيتم اي حاجة إنت عايزاها انا طلبت منها السماح و قلت لها مش عاوزة انفضح يعني إنت مفيش حاجة اسمها تطلبي السماح ده إنت حتبقي زعلانة حتزعقي و مش عايزة حاجة تنفضح يعني مش عايزة حد يعرف حاجة لا عايزاهم يعرفو الموضوع ده فيه ايه و احنا سكنين في نفس العمارة بس في الطابق الأول يعني انتو بردو ليكو في المكان مش ناس جاية من برا بتتبلا و هي رفضت لا مش حترفض.

وجاء الرد : خطيبي سابقا عاوز يرجع لي بس انا رفضت مش عاوز يعمل مجهود ده عاوز يسكن معانا في نفس الشقة و انا رفضت الفكرة و طلبت الاستقرار بعيد عن شقتنا و الموضوع لسه متعلق كده مفيش رد منو فيه كلام كثير منو بس من غير لازمة. و بحس انو بيضع وقت و بس.

الحلم : حلمت انا فى بيت طليقى رايحة اعاتبة ازاى يتجوزني ويسيبنى ما يسألش فيا دخلت شقته لقيت واحدة فى صالة الشقة هى وأمى جالسين على الارض بسأل علي طليقى قالوا لي لسه مرجعش من الشغل دخلت البلكونة ابص عليه لقيت ناس كتير ماشية فى الشارع وبرضو ملقتهوش سمعت الأذان دخلت اصلى فدخلت غرفت إبنته اصلى فيها لقيت فى الغرفة سماعتين صب و2 راديو وكان فيهم راديو شغال على القرآن والغرفة مكانتش نظيفة صليت وأنا بصلى لقيت بيبى كلاب واقع على الأرض قولت بيبى كلاب هما بيربو كلاب هما فين مشفتهمش صليت وأنا ارفانة لأن الأرض مكنتش نظيفة بلبيبى خلصت صلاة قلت امشى وببقى بعدين اكلمه لأن رحت وانتظرت ومجاش طليقى لقيت شوز احمر لبستة ومشيت.

التفسير : في بيت طليقك ( عندك مشكلة مش في بيت طليقك ) بتعاتبيه ازاي سابك و لا يسأل فيكي ( العتاب معناه الزعل و الكلام اللي مالهوش لازمة) دخلتي شقته لقيتي واحدة في صالة الشقة( عندك حل من ناحية امنك و امانك او في بيتك) هي و امك جالسين على الارض ( الحل ده في كلام هيتجدد يخص ميراث امك) بتسألي على طليقك قالوا لكي لسه ما رجعش من الشغل( انتي بتستفسري عن مشكلة اللي ممكن تكون في شغلك) دخلتي البلكونة تبصي عليه( ليكي مكانة و انتي بتبصي يعني في حاجات انتي عايزة تعرفيها) شفتي ناس كتيرة ماشية في الشارع (لو الناس ديه ستات يعني حلول و لو رجالة مشاكل و ماشين في الشارع يعني الحاجات ديه تخص امنك و امانك اللي ضايع) و برضو ما لقيتيهوش( يعني هو مش موجود لان هو فعلا مش موجود) سمعتي الاذان (في حاجة هتخليكي تهدي و تتامني) دخلتي غرفة بنته عشان تصلي( انتي عايزة تتامني لكن ماتنسيش ان الامان ده فيه حاجة تانية تاعباكي) لقيتي في الغرفة سماعتين و اتنين راديو(السماعتين هما انتين ستات و اتنين راديو هما راجلين و الرجلين دول بيفضلوا زي الاسطوانة المشروخة يفضلوا يزنوا و يتكلموا و ما تعرفلهمش حاجة) كان فيهم راديو شغال على قرآن ( الراجل ده بقى يقول لك كلام يخليكي تتأمني) و الغرفة ماكانتش نظيفة(يعني في زعل) و انتي بتصلي لقيتي بيبي كلاب واقع على الارض(يعني لما بدأتي تتامني نفسك و البيبي ماديات متشالة بتاعة ناس بتوعد و تخلف و ما تعملش حاجة و الفلوس رايحة هدر) بتسألي عن الكلاب هم فين (يعني بتسألي عن الشخصيات اللي بتخلف و توعد و على الماديات بتاعتها اللي رايحة هدر) صليتي و انتي قرفانة لان الارض ماكانتش نظيفة ( انتي مش هتبقي قرفانة عشان مافيش بيبي على الارض و لا حاجة) خلصتي صلاة (يعني أمنتي نفسك و شوفي ايه اللي هيكون) قلتي تمشي و بعدين تكلميه(يعني تبعدي و تشوفي ايه اللي هيحصل) انتظرتي و ماجاش طليقك(في كلام على حاجة بتخصه لسه) لقيتي شوز احمر لبستيه(واحد غايظك) و مشيتي لما لبستيه (بتفكري ان انتي الواحد ده هتعملي فيه ايه)

و جاء الرد : تفسيرك ماشاء الله فيه دقة انا فعلا حصلت مشكلة مع جارتي و والدتي اللي في كلامك هيتجدد يخص ميراث ده حصل فعلا اخويا نزل عند اختي و بيحاول يعمل صلح ما بينا و اتفتح موضوع الميراث تاني و بيحاول يطلع نفسه صح و انا الغلطانة بس هو عاوز يصالح و البيبي اللي في الارض و قلتي انها فلوس رايحة هدر بتاع ناس بتوعد و بتخلف ده اخويا فلوس اللي واخذها من ميراثه بدأت تروح من ايده تقل و ابتدأ يرجع تاني يتمسكن عشان يتمكن تاني بس انا رافضة و الراديو اللي فيه القرآن هو اخويا برضو بيحاول يصلح اللي خربه و الجزمة الحمراء هو برضو غايضني من عمايله معايا

الحلم : شفت كأني بمقبرة والدنيا ليل وفيه ميتين عاوزين يدفنوهم .
بس كانوا بيحطوهم على القبور مش دفن في التراب وهم مكفنين.
وانا كنت ماسكة قرآن وحجابات كل حجاب محطوط بمحفظةجلد صغيرة .
وكنت بقرأ قرآن على الحجابات وبوزعهم جنب الميتين.

سؤال : انتي جوة المقبرة والا انتي في المكان ككل؟
جواب : انا في المكان ككل. يعني قبور عالية عن الارض بنص متر تقريبا والميتين بيحطوهم فوق القبر

سؤال : الميتين دول عايزين يدفنوهم معاكي في التربة ولا انتي واقفة برضة وشايفة الميتين عايزين يدفنوا؟
جواب : لا انا واقفة برة.
التفسير : (انتي بين القبور واقفة برة بس جوة المقبرة ) فيه كلام يخص جوازة حتبقى مش بتاعتكي بقى لان (الدنيا ليل) انتي مكتئبة او تخصك ومش بتم الجوازة (وفيه ميتين عاوزين يدفنوهم ) فيه جوازت ثانية المفروض انها تتم فعلا بس ( كانوا بيحطوهم على القبور ) فوق القبر يعني الجوزات دي مش عارفين يتمموها (وهم متكفينين )انتي مش عارفة حيحصل ايه في الجوازات دي مش متكشفلك.
(كنتي ماسكة قرآن وحجابات كل حجاب محطوط في محفظة جلدة صغيرة ) واحد فيه امان من ناحيتوا والحجابات في محفظة جلد صغيرة الحجابات يعني الكلام اللي يخص اتمام الجوازات اللي عامل زعل سببوا أحد من دمك ولحمك ممكن تكون المشكلة مادية (كنت بقرأ قرآن على الحجابات ) عايزة الموضوع يتم ويبقى فيه امان لاتمام الجوازات ( وبتوزعيهم جنب الميتين ) عايزة كل جوازة من الجوازت الثانيين اللي مش عاوزين يتموا تتم.

وجاء الرد : جاني اكثر من نصيب وجوازت محترمة جدا" بس فعلا ناس من دمي ولحمي كانوا بيحاربوني في قسمتي وجوازي برغم المحاولات علشان تتم هم كمان كانوا يبذلوا كل مجهودهم علشان يفركشوا .
واه فيه شخص انا فعلا حاسة ناحيتوا بالامن والامان ومافيش مخلوق يقدر يوقف قسمة ربنا امربيها لو اراد وبنقول ربنا كريم .
شكرا لحضرتك

الحلم : شفت نفسي مع زوجي و كان في طريق راجعه معاه علي البيت و بنتنا الصغيره معانا وكأنها عملت حاجه غلط و انا اخدت بنتنا ودخلنا للبيت علي اساس انه جاي ورانا يدخل البيت وحسيت انه أحد حدف كيس مخده صغير في ظهري اخذته الكيس ودخلت اوضه النوم وهو كمان جاء وقعدت يزعق لبنتنا كتير جدا ( البنت قاعده علي السرير وانا وهو واقفين قدام السرير مش قاعدين عليه ) وانا احاول اهديه وامسك جسمه من حوالين خصره واقوله طيب بس كفايه وغير هدومك وهو كان لابس حاجه بس مغطيه جسمه من فوق بشكل مش كامل وفي وسط زعيقه لقيته بيقول لبنتي ) (عشان كده انا مطلع دين مامتك الفتره اللي فاتت) (ده مش اسلوبه في الحقيقه خالص ) فقلتله لازم تعتذر عن الكلمه دي عيب جدا روحت خارجه من الاوضه وطلعت الصاله قعدت علي كنبه انتريه ولقيت بنتي الكبيره جنبي وانا بعيط بهستريا وزعلانه جامد جدا لدرجه حسيت دموعي نازله ولقيت نفسي زعلانه اني روحت معاه واقول لبنتي يعني كان قاصد يضايقني واقول ده حتي مقعدش مع اخواتي يصالحني ورجعت له من غير شروط واعيط جامد جدا لدرجه لما صحيت كنت فاكره فيه دموع فعلا وقمت من النوم.

التفسير : انت وزوجك جايين ماشيين في طريق مفيش امن ولا امان لكن رجوعك علي البيت في طريقك للأمن والامان وبنتكم. معاكو حل لكم. والبنت عملت حاجه غلط معناها الحل زعلك ودخولك البيت تتمني يشاركك الامان ده وكيس المخده الصغير زوج واحده تبع أحد سند ليكي والواحد ده ممكن يكون أحد صغير والزعيق خير من ناحيه الحل وانتو الاثنين حياتكم الزوجيه فيها مشاكل لكن لكم حل وانت بتضايقيه و بتتمني امن وامان وبتخليه يثور اكتر وغير هدومك إذا غير هدومه يا اما انت هتتغيري او فيه واحده تانيه وفيه كلام يخص حب بس مش كامل والزعيق كويس وعشان خاطر الحل ده يبقي كويس لازم يبقي فيه معامله معاكي مش حلوه وخرجتي من الاوضه حصل بينك وبينه زعل والزعل ده بسبب واحده اللي هيه الكنبه. وبنتك الكبير حل ليكي وعياطك فرج عليكي ومش هتزعل والدموع نازله هتبقي اللي عايزاه بيحصل وهو مش قاصد يضايقك والصلح هيبقي زعل وهترجعي علي اتفاق والعياط فرج عليكي..

وجاء الرد : فيه خلاف مع زوجي بسبب طبعي معاه مش حاسه معاه بالأمن والامان واتكلمت معاه من فتره وكلامه زعلني جدا في الفتره الاخيره وبقيت أتجنبه ورجعت له قبل كده علي شروط وهو وافق عليها بس حاليا عامل مشاكل وانا كمان مش طيقاه وربنا يفرجها عليه معاه تعبت منه جدا

الحلم : شفت نفسي مع دكتور اعرفه في البيت ( كان بيني وبين الدكتور ده شغل بس ربنا ما ارادش وتم وطبعا انتهي بعدم ردي عليه في التليفون وهو قاطعني ) شفته في البيت عندي هو في الصاله وانا في الغرفه وهو هيسافر بعد شويه للخارج ولقيت معايا تليفون اسود بكلم فيه بنت خالتي وهو اخد مني التليفون يكلمها علي انه هياخد حاجه معاه يوصلها لحد وقعد يتكلم وكان طويل عن العادي وبعدين أنا اخدت منه التليفون أضايق جدا وسمعت صوت بنت خالتي وانا قلت لبنت خالتي علي التليفون خلاص اقفلي وبصيت له قلت له كده هتتاخر ومش هتلحق تسافر وه كان لابس بدله كامله لونها رصاصي وده لبسه في الشغل.

التفسير : انت في البيت. يعني انت في امان وامان والدكتور عايزه تعملي معالجه لموضوع تاعبك والمعالجة مش نافعه وهو مشكله في بيتك ووهو هيسافر يعني المشكله الاساسيه هتبعد والتليفون الاسود خبر مهم انت منتظراه والست بترد يبقي فيه حل ليكي وهيوصل حاجه لحد يعني المعالجه عشانه تتم تروح لحد والحد ده يقدر يظبطلك اللي عاوزاه. وقعد يتكلم يعني المشكله محتاجه معالجه مهمه ولها مكانه وزايده عن الحد ولما اخدت التليفون منه أضايق مني جدا يعني الخبر اللي هييجي من المعالجه مش هيبقي مريحك وسمعت صوت بنت خالتك يعني الحل مش مريحك ونهيتي الكلام وقلتي للمعالجه ممكن يبقي فيها سفر بس بعد تأخير شويه والبدله الكامله يا اما من ناحيه شغل عاملك اكتئاب او زوج عاملك وقار واكتئاب

وجاء الرد : عندي مشكله مع زوجي وهو شخص وقور بس عاملي اكتئاب كل شويه حوار وكان عندي شغل مع الدكتور ده فعلا بس مقدرتش استلم الشغل فعلا عشان زوجي رفض استلام الشغل لما احل مشاكلي معاه الاول والعرض اللي قال عليه مريحنيش ومرضيتش اسمع كلامه

الحلم : حلمت لبسة سروال جينز أزرق وبحس انه ضيق من الفخذين و بجري وكان مضايقني و بيأخرني شوية

التفسير : السروال عريس و أزرق فهو بين المتاعب و الغيظ من ناحيته و ضيق من الفخذين الجواز منه خنأكي و بجري وكان مضايقني جريك معناه اني إنت مش في أمن وأمان و عايزة تسرعي موضوع الارتباط والمضايقه مش عارفة اللي حيحصل و بيأخرني شوية بيعملك تراجع في جريك مفيش داعي انك تسرعي لسه بدري لكي تشوفي فعلا انو فيه جواز حيتم و لا لأ.
وجاء الرد : فعلا كلامك صحيح خطيبي مش مستقر ماديا و ده سبب لي مشاكل معاه و مع اهلي و مش عارف والله حنكمل و لا حنفترق و انا كل مرة بفتح معاه موضوع الماديات و المصروف و الجواز...... بس في الأخير بنصدم و بسكت.

الحلم : حلم جدتي حلمت انا في بيت بتاع اهل مرات اخويا وزي فرح فيه ستات قاعدين علي كراسي من غير اغاني ولا صغاريت وانا سلمت علي الستات وبوستهم وانا بدور علي الست الكبيره اللي هي ام مرات اخويا المتوفيه عشان اديها النقطه فهي كانت قاعده في اخر المكان علي كرسي وكانت بتجمع النقطه من الناس و لقيت حسن اخو مرات اخويا واقف مديني ظهره وهياخدني عند امه المتوفيه ندفع النقطه بس شوفت الست المتوفيه دي بتشاور علي ابنها حسن وبتقول لواحد ناديهولي وانا استنيت مكاني ومروحتش عندها

التفسير : حلمت انا في بيت بتاع اهل مرات اخويا ( بيتك انتي ) فيه ستات قاعدين علي كراسي (حلول من ستات مهمه)وزي فرح (زعل) من غير اغاني(فيه قاعده ستات بدون كلام يزعل) ولا صغاريت (واحسن ان مفيش صغاريت الصغاريت دي بيبقي الموضوع الزعل صعب اوي) وانا سلمت علي الستات (الحلول هتزعلك السلام في الحلم مش حلو ) وبوستهم (هيروحو لحالهم بالسلامه)وانا بدور علي الست الكبيره ام مرات اخويا المتوفيه ( بتدوري علي الحل اللي عاملك كلام قديم هيتجدد) عشان اعطيها النقطه كانت قاعده في اخر المكان (فيه كلام قديم هيتجدد علي ماديات ولسه الشخص اللي ممكن يأخد منك الفلوس مش موجود) علي كرسي ( ليه مكانه) وكانت بتجمع النقطه من الناس ( فيه ناس عايزا منهم فلوس والحل بيتقالك انك تأخدي الفلوس لاء مش هتأخدي)و لقيت حسن اخو مرات اخويا واقف مديني ظهره (مشكله من ناحيه أحد سندك؛وهياخدني عند امه المتوفيه (عشان الكلام القديم يتحل)ندفع النقطه( عشان موضوع الماديات يخلص ) شوفت الست المتوفيه دي بتشاور علي ابنها حسن (يعني الكلام القديم سببه حسن) وبتقول لواحد ناديهولي وانا استنيت مكاني ومروحتش عندها(فيه مشكله هي عايزا الكلام القديم لما يتجدد عايزين الواحد دا ييجي يشوف اصل الكلام ايه وانتي استنيتي مكانك لاء هتتحركي مش هيهمك حاجه ومروحتيش عندهم لاء هتروحي عندهم ).

وجاء الرد : كلام حضرتك مظبوط فعلا انا جوز بنتي عايز الارض بتاعته وهو مسافر حاليا ووارد ان الكلام علي الارض يتجدد وهو عمال يكلم ناس من برا عشان يشوف حل وانا فعلا عايزا اخلص من الموضوع ده وهو فعلا ليه مكانه وانا لو جاتلي فرصه مش هتأخر ومش هيهمني فعلا لان عايزا اخلص من الموضوع ده والمشاكل تخلص
ربنا يبارك لحضرتك ويزيدك من علمه بتفسري كأنك معانا وعايشه الاحداث بالظبط♥♥♥♥♥♥♥♥💫

ازيك يا دكتوره كريمه يارب تكوني بخير
حلم مامي
الحلم : شفت نفسي مع واحده صحبتي قديمه في اوضه نوم وهيه قاعده علي كرسي جنب سرير كبير ومكشره وكان في ايديها ورقه وانا قاعده جنبها وبسألها علي اختها امل قالت لي موجوده في السرير دورت وشي لقيت امل نايمه في السرير متغطيه بملايه ومش باين منها حاجه

التفسير : شفت نفسي مع واحده صحبتي في اوضه النوم ( فيه حل لماما في حياتها الزوجيه) وهيه قاعده علي كرسي جنب سرير كبير ( الحل عامل لماما مكانه ) ومكشره ( احسن ما تبقي بتضحك) وكان في ايديها ورقه (مشكله في اوراق رسميه) وانا قاعده جنبها ( فيه حل من ناحيه مشكله علي ورقه رسميه ليكي مكانه بردو ) وبسألها علي اختها امل (بتسألي علي حل تاني) قالت لي موجوده في السرير( الحل في حياتك الزوجيه) دورت وشي لقيت فيه امل نايمه في السرير (شوفتي حل قدام عينيكي) بس متغطيه بملايه ( واحده هي اللي هتستر علي الحل ده وتظبطك ممكن تكون مامتك) ومش باين منها حاجه ( كويس لا فيه مشكله منه ولا من ماديات خاصه بشغلك ولا مصروفك عشان رجليكي مش باينه ولا دماغك باينه )

وجاء الرد : كالعاده كلامك في الجون فعلا انا ليا مكانه الحمد الله وده لأني اشتغلت وزادت ثقتي في نفسي ومامتي فعلا هي اللي بتحل وتظبط المشاكل اللي بيني وبين زوجي ويبدو انه هو عايز يحل بس لسه مفيش خطوات ايجابيه وفعلا كان عندي مشكله في المستشفي بسبب ضياع ورق رسمي بس الحمد الله كان عندي نسخه منهم علي اللاب توب
ربنا يبارك فيكي ويزيدك من علمه يا ست الناس♥♥♥♥♥♥♥💫

الحلم : حلمت انا في الشارع بليل ومامتي كانت في الشقه هي وببايا وحماه مامتي فأنا قلت في نفسي انا مش هسيب مامي لوحدها معاهم وبالفعل طلعت السلم بتاع العماره ودخلت الشقه لقيت ببايا في الصاله واختي الصغيره علي الكنبه ومامتي في البلكونه وحماه مامتي في المطبخ فأنا داخله وبعلو صوتي بقول هاخد اختي كارما وبعد كدا لقيت رساله جيالي علي الموبايل من مدرستي البكستانيه وبتقولي بلاش تتكلمو علي مرات خالك وتفضحوها حتي عيب وحرام
التفسير : انتي في الشارع (امنك وامانك ضايع)بالليل (انتي مكتئبه) ومامتي كانت في الشقه هي وببايا وحماه مامتي(هما التلاته في امن وامان ) فأنا قلت في نفسي انا مش هسيب مامي لوحدها معاهم ( انتي بتفكري في ماما وانها لوحدها) و طلعت سلم العماره (بتفكري في تحقيق امنيه وكدا في طريقك للأمن والأمان )ودخلت الشقه(بقتي في امن وامان) لقيت ببايا في الصاله(مشكله) واختي الصغيره علي الكنبه (حل من ناحيه واحده) ومامتي في البلكونه (ماما ليها مكانه واهميه) وحماه مامتي في المطبخ ( حل ليكي يا أيتن من ناحيه ماديات خاصه بالمصروف) فأنا داخله وبعلو صوتي بقول هاخد اختي كارما (مش هتاخديها)ولقيت رساله جيالي علي الموبايل (فيه خبر هيجيلك علي التليفون )من مدرستي البكستانيه (من الصحاب القدامي فيه تحذير ابعدي عنهم) وبتقولي بلاش تتكلمو علي مرات خالك وتفضحوها حتي عيب وحرام ( بتتمني حل من ناحيه مرات خالك ومش بتحبو تتكلمو علي اي حاجه تخصها لانها مش كويسه او هي اللي بتتكلم عليكو شوفي ايه بقي )

وجاء الرد : كل كلامك مظبوط انا فعلا بتمني يكون فيه حل من ناحيه مصروفي لانه قليل ومش مكفيني ومامي ليها مكانه فعلا لانها اشتغلت دلوقتي الحمد الله وفعلا اختي بعيده عني ومش عارفه اخدها وبالنسبه لمرات خالي فعلا احنا مش بنحب نجيب سيرتها دلوقتي واصلا هي وخالي انفصلو وبنسمع انها بتجيب سيرتنا مع قرايبنا وبطريقه مش كويسه الحمد الله علي كل حال
ربنا يبارك لحضرتك كل كلامك في الجون يا دكتوره كريمه♥♥♥♥♥

الحلم : ابني عنده 9 سنيين حلم ان السيسي اتشل وبقى قصير و انا واقفة قدام السيسي و بقول له انت اتشليت قال لي ايوا و كان واقف على رجليه.

التفسير : امنية ابنك بيتمناها و مش هتحقق الا عن طريقك انتي.
و جاء الرد : هو واخذ مادليات في الكورة و انا قعدته شوية من النادي
رد مني : اه هي دي الامنية و مش هتحقق لانك قعدتيه من النادي

ممكن تفسير حلم مامتي
الحلم : لقيت نفسي في مبني قديم في امريكا انا وبنتي وكأن المبني مدينه جامعيه وانا مستغربه ازاي المبني قديم علي الرغم ان امريكا متقدمه جدا وبدور لبنتي علي اوضه منهم عشان تسكن فيهم بس انا مش عارفه احدد انهي اوضه وبفتح كل الاوض وباب الاوض لونهم تركواز فاتح

التفسير : لقيت نفسي في مبني قديم في امريكا (في امن وامان بس الناس مش عارفه تتعاملي معاهم ازاي اللي هتبقي قاعده معاهم ولا تتفاهمي معاهم في حاجه ) انا وبنتي وكأن المبني مدينه جامعيه (يعني يبقي فيه ناس بتاخدي وتدي معاهم في كلام عشان توصلي لقرار او نتيجه) وانا مستغربه ازاي المبني قديم علي الرغم ان امريكا متقدمه جدا (المبني القديم الحياه والعيشه والامن والامان اللي هو الاول بالنسبه لك وبتستغربي من اللي انتي فيه) وبدور لبنتي علي اوضه منهم عشان تسكن فيها (بتدوري علي امن وامان لبنتك هي كمان ) بس انا مش عارفه احدد انهي اوضه ( مش عارفه تحددي الامن والامان بتاعها فين بالظبط ) وبفتح كل الاوض وباب الاوض لونهم تركواز فاتح (يعني الابواب بتاعه الاوض والاوض نفسها فيها صفاء بس العيشه والتعامل مش قادره تظبطيه)
وجاء الرد : كلام حضرتك مظبوط انا حاليا مش مع أولادي وجودي بيسبب خلافات وبحاول ادور ليًا ولبنتي علي امن وامان بس الناس اللي حواليا مش مرتحالهم خالص ولا عارفه اتعامل مع أحد وفعلا نفسي استقر
ربنا يبارك لحضرتك يارب ويزيدك من علمه♥♥♥♥♥🌹

الحلم : حلمت عندي عربية مرسيدس و لونها ازرق غامق و كان واقف جنبها عمي ميت في الحقيقة بيفحصها ويدور حواليها و وجد الزجاج الأمامي بتاعها انكسر و قالي انا حصلحهالك و اعمل لها زجاج ثاني ووافقت على كده.

التفسير : العربية المرسيدس قرار مهم ليكي عايزة تاخديه فيه خطوات إيجابية بس القرار ده عاملك غيظ و متاعب لونها الأزرق واقف جنبها عمك و متوفي فيه كلام قديم حيتجدد عمل مشكلة على القرار اللي بتفكري فيه ده بيفحصها يعني الكلام بيخليك تسمعي كل حاجة تخص القرار ده و بيدور حواليها فيه لف و دوران عليكي في الكلام القديم اللي حيتجدد وجد الزجاج الأمامي بتاعها انكسر يعني فيه جزء متكشف لكل حاجة عن القرار و الجزء ده اتعرف قالك حصلها لك يعني الكلام اللي عملك مشكلة اللي حيتجدد حيتعبك أكثر مفيهوش تصليح و عملها زجاج ثاني يعني المشكلة تخليكي تفكري أكثر أو عايزة يتكشف لك اكثر حاجات وافقت على كده مش حتوافقي .

وجاء الرد : فعلا كنت اخدت قرار بس انصدمت فيه و بعدين ابتعدت عن القرار ده و عرفت ايه المشكل و سببها و اللي عمل المشكل قرر يلف و يدور عليا و حاول يفتح الموضوع ثاني بس انا رفضت.

حلم جدتي
الحلم : حلمت ان زوجي المتوفي اتجوز عليا وجايب واحده ست انا معرفهاش اللي هي زوجته التانيه في الحلم وانا قعدت اصوت واعيط واقوله ازاي تعمل فيا كدا وهو راح قايلي انا حلفت اني هتجوز عليكي فطلعت اجري واعيط في الشوارع واصوت وبعدين رجعت البيت لقيت اختي الكبيره وابنها داخلين عليا وبيكلمو زوجي فأنا شخطت في اختي وقولتلها ازاي بتكلميه وهو شاتم عليكي وعلي عيالك وانا كنت زعلانه جدا بعدين لقيت نفسي زي ما نكون رجعت شغلي(انا في الحقيقه علي المعاش) والمسؤول علي التوقيع قالي انا همضيلك وعايز يديني شيكولاتايه وانا رفضت اخدها منه مع انه اتحايل كتير وقالي انا همضيلك بس انا في دماغي امضي ليا ولابني عمرو (هو في الحقيقه مش بيشتغل في الحكومه شغله حر )
التفسير : حلمت ان زوجي المتوفي اتجوز عليا( لو كان فيه ميراث منه هيبقي كلام علي الميراث ولو كان مفيش يبقي فيه كلام قديم هيتجدد وعامل مشكله عندك) وجايب واحده ست انا معرفهاش اللي هي زوجته التانيه ( يعني فيه حل من ناحيه مشكله اللي تبع زوجك او تبع ميراثه ) وانا قعدت اصوت واعيط ( فرج عليكي) واقوله ازاي تعمل فيا كدا وهو راح قايلي انا حلفت اني هتجوز عليكي ( انتي كدا عامله حوارات علي المشكله القديمه اللي هتتجدد ) فطلعت اجري واعيط في الشارع واصوت ( امنك وامانك ضايع بس فيه ليكي امان ) وبعدين رجعت البيت (رجعتي للأمن والأمان ) لقيت اختي الكبيره وابنها داخلين عليا ( ابنها مشكله واختك حل للمشكله ) وبيكلمو زوجي ( بيتكلمو في الكلام القديم اللي هيتجدد) فأنا شخط في اختي وقولتلها ازاي بتكلميه وهو شاتم عليكي وعلي عيالك ( يعني بتقولي لأختك انتي سبب المشكله والمفروض تخلصي المشكله) وانا كنت زعلانه جدا ( زعلك فرج عليكي ) بعدين لقيت نفسي زي ما نكون رجعت شغلي (انا في الحقيقه علي المعاش)( بتحاسبي نفسك علي الماديات بتاعت شغلك ) والمسؤول علي التوقيع قالي انا همضيلك وعايز يديني شوكلاتايه( فيه ورق رسمي علي موضوع شغلك بتفكري فيه وعاملك اكتئاب ) وانا رفضت اخدها منه ( احسن انك مأخدتيهاش لو اخدتيها كان هيبقي فيه اكتئاب في موضوع الورق دا بتاع المعاش ) مع انه اتحايل كتير وقالي انا همضيلك بس انا في دماغي امضي ليا ( لاء انتي بتفكري انك لازم تعملي الحاجه دي بنفسك مش عايزا أحد يدخلك فيها ) ولابني عمرو (هو في الحقيقه مش بيشتغل في الحكومه شغله حر)( ممكن تكوني عايزا تعملي الحاجه انتي وابنك عمرو)

وجاء الرد : كل كلام حضرتك مظبوط انا فعلا فيه مشكله علي ميراث جوزي من ناحيه جوز بنتي اتجددت لانه له الارض بتاعته وعامل مشاكل عليها وفعلا انا بحاسب نفسي بمصروفاتي اللي تخص المعاش وبسبب المشاكل اللي تخص اولادي حاسه ان امني واماني ضايع ومش متأمنه بس ربنا يفرجها ربنا يبارك لحضرتك يارب ويزيدك من علمه ♥♥♥♥💫

الحلم : شفت نفسي في الشارع في ميعاد بدري جدا والشارع فاضي الجو صافي وشفت بنتي الصغيره عمرها 7 سنوات بتجري قدامي بمسافه بعيده شويه ولابسه بيجامه وفي ايديها لبس كده و هيه جريت لحد ما دخلت شارع بيت اهلي ووصلت عند البوابه وانا وراها وبعدين بصت بوشها ناحيتي بس مش مركزه معايا.

التفسير : انتي في الشارع مش في امن وامان والصبح بدري بدايه تتفاءلي وكده هيكون بعد الاكتئاب وشفتي بنتك الصغيره بتجري الحل مسابقك البجامه واحد قاعد في البيت مش بيشتغل والحل من ناحيه واحد مش بيشتغل وفي ايديها لبس. فيه كلام عاملك زعل من الواحد ده. هيه جريت لحد ما دخلت شارع بيت اهلك. والحل هيوصلك تروحي بيت اهلك. والبوابة واحده. عن طريقها تروحي بيت اهلك. وانتي وراها.يعني بتفكري تسبي بيتك وتروحي بيت اهلك وبصت بوشها ناحيتي الحل مركز عليكي

وجاء الرد : انا فعلا الحمدلله ربنا هون عليه مش عندي اكتئاب وفعلا سبت البيت وروحت بيت اهلي عشان غضبانه من زوجي واخويا حاليا قاعد من شغله عشان يشوف شركه تانيه وهو اللي واقف جنبي قصاد زوجي لانه قال كلام وحش زعلني جدا

الحلم : حلمت شفت فأر ميت رأسه مقطوعه ..و ابنى مسكه ونزله فى بلاعة الميه بتاعتها مش نضيفه وذيل الفأر كان متخشب شكله ميت من فتره المهم ابنى غطس الفأر خالص فى مياة البلاعه
التفسير : الفار ( واحده مكاره وخداعه ) ورأسها مقطوعه ( التفكير بتاعها غلط وانتى مش بتاخدى بيه ) ابنى مسكه ونزله فى بلاعة ( يعنى ابنك أمنها ماديا من واحده ) والميه كانت مش نضيفه ( الماديات دى عليها مشاكل ) وديل الفار متخشب ( يعنى جوزها مش بيلين لأى كلام ) وشكله ميت من فتره ( يعنى من فتره المشكله بتاعة الواحده دى منتهيه ) ابنى غطس الفار خالص فى مية البلاعه (يعنى فعلا هتتأمن من الواحده دى ميه ميه رغم أن مشكلتها انتهت )

وجاء الرد : الواحده المكاره والخداعه دى سلفتى ..وأول ما عرفت أن قايمتى كبيره اتضايقت ..وأكيد هتطالب جوزها أنه يجيب لها دهب أو تغير قايمتها ..وده بسبب أنها عايزه تبقي زيي

الحلم :حلمت كنت فى اوضه و قاعده على السرير .. ودخل عليا طليقى واتخانق معا و بنضرب بعض.. و قلت لابنى روح بسرعه انده لاى أحد يحوش عنى.. وطلع ابنى من الاوضه ولقيت اتنين من عماتى دخلوا قعدوا على السرير وتقريبا كانت معاهم أمى متوفيه فى الحقيقة
التفسير : فى اوضه ( انتى فى أمن وأمان ) .وقاعده على السرير ( انتى تعبانه فى حياتك الزوجيه )
دخل طليقى واتخانقنا معا وبضرب بعض( فيه تفاهم بينك وبينه ) قولت لابنى انده لاى أحد يحوش عنى ( انتى عايزه أحد يساعدك لتنفيذ التفاهم ) وطلع ابنى من الاوضه ( ابنك كان مشكله ولما طلع من الاوضه خلاص المشكله إلى بينكم بعدت ) ولقيت اتنين من عماتى دخلوا قعدوا على السرير ( ليكى حلين فى موضوع عودة طليقك ليكى وتقريبا كانت معاهم أمى المتوفيه ( ماما كلام قديم هيتجدد ..لو فيه هو فى ميراث منها لو لا يبقي كلام قديم حيتجدد )

وجاء الرد : لاء مفيش ميراث من امى ولا انا عايزه ارجع لطليقى..انا بس بدعى ربنا اخد حقوقى كامله عشان لسه مأخدتش اى حاجه وأهله بيماطلوا

الحلم : حلمت اخويا و مراتو في السطح واقفين و هي حاملة حقيبة كبيرة و عاملة نظارة نظر و كانت بتطل علينا على الغرفة اللي إحنا موجودين فيها و قعدت هي و اخويا على الأرض و كان باين عليهم مبسوطين ببعض. و انا قلت لماما لما بيجي لمغرب مبيخرجوش يتفسحو ليه.

التفسير : اخوكي و مراته على السطوح هما الاثنين مش في أمن و امان و هي حاملة حقيبة كبيرة و الحقيبة دي شنطة يد عندها نهاية مشاكل مادية و عاملة نظارة نظر نظارة النظر وجهة نظرها لحاجات كثيرة هي مخبياها مبتقولهاش لاحد و كانت بتطل علينا في الغرفة اللي إحنا موجودين فيها بتتجسس عليكم و حاسداكو على الأمن والأمان بتاعكو و قعادها على الأرض هي و اخوكي مشكلة و ليها حل تعباكي و حتنتهي على موعد و كان باين عليهم مبسوطين ببعض لا المشكلة و الحل حيزعلوكي و انا قلت لماما لما بيجيو المغرب مبيخروجوش ومش يتفسحو ليه إنت عايزاهم يبعدو.

وجاء الرد : زعلانة مع اخويا و مراتو و حاسة بها بتفكر في حاجات كثير وحشة بس مش بتبين و عاوزة تمنع عننا المصروف اللي بيبعتو اخويا كل شهر و بتقول كلام وحش عننا علاش يبتعد اخويا عننا بس منها لله ربنا يهدها.

الحلم : حلمت ان طليقي بيتصل عليا وقلت لاخواتى مش هتصدقوا مين بيتصل قالوا مين قلتلهم ايمن قالولى مترديش عليه بقي دلوقتى خالص قلتلهم لاء مش هرد

وانا لما مردتش راح رن ع اختى الصغيره قالتلى اهو بيرن اهو عليا انا كمان مش هنرد عليه دلوقتى خالص والحلم خلص ع كده

التفسير : طليقك اتصل عليكى يعنى ف خبر انتى مستنياه هيجيلك واهو جالك وهتقولى ل اخواتك عليه ولما قالولك مترديش لاء هتردى ولما قلتلهم مش هرد لاء هتردى وهتكذبي عليهم

هو بقي ف مكالمه هتجي ل اختك تخصك وانا كمان مش هنرد عليه لاء اختك هترد عليه

وجاء الرد : ربنا يبشرك يادكتوره❤ انا اه ف مشاكل مع طليقي واهله واتمنى تتحل بالخير❤

الحلم : حلمت ان طليقي بيتصل عليا وقلت لاخواتى مش هتصدقوا مين بيتصل قالوا مين قلتلهم ايمن قالولى مترديش عليه بقي دلوقتى خالص قلتلهم لاء مش هرد

وانا لما مردتش راح رن ع اختى الصغيره قالتلى اهو بيرن اهو عليا انا كمان مش هنرد عليه دلوقتى خالص والحلم خلص ع كده

التفسير : طليقك اتصل عليكى يعنى ف خبر انتى مستنياه هيجيلك واهو جالك وهتقولى ل اخواتك عليه ولما قالولك مترديش لاء هتردى ولما قلتلهم مش هرد لاء هتردى وهتكذبي عليهم

هو بقي ف مكالمه هتجي ل اختك تخصك وانا كمان مش هنرد عليه لاء اختك هترد عليه

وجاء الرد : ربنا يبشرك يادكتوره❤ انا اه ف مشاكل مع طليقي واهله واتمنى تتحل بالخير❤

الحلم : حلمت فيه رساله ع الواتس جاتلى من رقم ابو طليقي والاسم بتاعه بس بفتح الرساله لاقيت اللى باعته الرسالة ام طليقي وبعتالى كلام فيه خناق وشد معايا وبتردحلى

التفسير : ابو طليقك باعتلك رساله والرقم منه فيه خبر هيجيلك هيزعلك لكن اما اتاكدتى لاقيتى فيه حل من ام طليقك وخناق وشدت معاكى وبتردحلك حل ليكى فيه تفاهم

وجاء الرد : ربنا يبشرك يادكتوره❤ انا ف مشاكل مع طليقي واهله واتمنى تتحل بالخير❤

الحلم : شفت مياه نقية تخرج من حائط الشقة والنور النيون يضئ المكان
التفسير : حائط الشقة أحد سند لك وفيه ماديات من ناحيته والمياة لو بتنزل على الأرض رايحة هدر والنور النيون عندك زعل
وجاء الرد : السند ابني وفعلا فيه ماديات بتيجي من ناحيته والزعل انا فعلا زعلت منه والسبب الماديات أتصرف دون ما يرجع لي انا بشكرك أستاذة كريمة

الحلم : حلمت بحمامه كبيرة لونها بني فاتح وقعت من السماء روحت عشان امسكها مسكتني من شعري و ماما قصت شعري مكان ماكانت مسكا شعري عشان تسيبني

التفسير : الحمامة واحده بتاعة مصلحتها لما تكون عايزه حاجه تيجي مش عايزة حاجة متجيش او في حاجه هتسفدها تيجي و لونها بني عاملة اكتاب واقعت من السماء كنتي فكراها اللي هية لكن لا و رحتي عشان تمسكيها انتي مش عايزه تمسكيها ولا تشوفيها و مسكت شعرك يعني جوزك انتي عايزة تبعديها وهية مسكا في جوزك و ماما قصت شعري هتزعلي مع زوجك

وجاء الرد : الوحده دي بنت خالتي وكنت فاكرها كويسه بس بقيت توقع بيني وبين زوجي واختلفت مع زوجي

الحلم : حلمت اشتريت زجاجة برفيوم بس مرشتش منها
التفسير : واحده كل إللى تسمعه تنشره فى كل حته بس انتى محاولتيش تقوليلها حاجه او تعرفى منها حاجه
وجاء الرد : دى خالتى وكل ما أقولها حاجه تقول لجوزها وعيالها وتنشرها فى العيله كلها

الحلم : حلمت ماما طردتني من البيت و رمت الملابس بتوعي على الأرض و زعلت جامد منها و بعدين كنا خارجين مع اخويا و كان عندو عربية كبيرة فيها مقعدين ورا قالي اركبي العربية قلت له لما تركب مراتك و شفتها رفيعة و لابسة كسوة بيج بها حزام بني و ركبت ورا خالص و ماما ركبت في المقعد الوسط و قالي اركبي جنبي استغربت و ركبت و قلت ليه عملت كده و سابتني قدام جنب اخويا.

التفسير : ماما طردتك من البيت ماما مأمناكي و عملالك أمن و امان و لما رمت الملابس بتوعك على الأرض فيه كلام عامل زعل حينتهي على ميعاد و زعلت جامد منها ماشي كويس مش حتبقي زعلانة و لا حاجة و بعدين كنا خارجين مع اخويا و كان عندو عربية كبيرة فيها مقعدين ورا قالي اركبي العربية قلت له لما تركب مراتك يعني فيه قرار اخوكي بيفكر فيه بيخصك يعني القرار ده عايزك تبقي فيه إنت و ماما و إنت رفضت و قلت تبقى مراتك فيه كمان لا إنت مش عايزاها و بعدين القرار ده في ايد اخوكي علشان هو العربية معاه و العربية لو لونها ايه حقولك ايه الموضوع حسب لونها بيتحدد.
شوفتها رفيعة و لابسة كسوة بيج يعني اخوكي و هي يا اما بينهم زعل 85% يا اما هما الاثنين مزعلينك 85% و بعدين فيها حزام بني الأمن من ناحيتهم عاملك اكتئاب و ركبت ورا خالص و ماما ركبت في المقعد الوسط يعني إنت في مؤخرة القرار يعني ممكن ميكونش عاملين حسابك و ماما في نص يعني حسابها نص نص في القرار ده اللي اخوكي بيفكر فيه قالي اركبي جنبي استغربت و ركبت يعني بعد كده البعد لا قربك و عايزك ايه تبقي في مقدمة القرار شكل القرار حاجة هو عاوزها و قلت له عملت كده و سابتني قدام جنب اخويا يعني بتستغربي ماما وفقت ازاي.

وجاء الرد : اخويا و مراتو هما الاثنين مزعلني على المصروف و انا لما بتكلم مع ماما بتقولي مش في ايدينا حاجة و بتبقا في الوسط زي الحلم مش عارفة تعمل حاجة و ربنا يسترها معانا و القرار ده لسه معرفش عنو حاجة....بس انا عاوزاه يبعتلي حاجات ابيعهم هنا و بفلوسهم اخذ سلعة ثاني و اعاود البيع فيها لو اتحققت يبقا ده كويس و مكسب لي ربنا يفرجها.

الحلم : حلمت كنت بعمل اختبار حمل ولاقيت ظهر ان فيه حمل بس الاختبار كان عليه دم
التفسير : هيحصل عمليه بسبب حمل الدم جراحه
وجاء الرد : فعلا طلع حمل خارج الرحم وانفجر بالانبوبه والجنين وشالولي الانبوبه الشمال بعمليه قيصريه الحمد لله علي كل حال

الحلم : حلمت عاملة حناء لسه خضراء في رجلي بس عملت عليها قماشة و لبست كوتشى علشان اخرج.
التفسير : الحناء بتبقي عرس و فيه خير و لسه مقلبتش الاكتئاب و لا حاجة ربنا كريم.
القماشة فيه كلام بزعل و لما لبستي كوتشى واحد ثاني حيبقي الكلام معه دوبلير للاولاني علشان تقدري تخرجي يعني حتشوفي حتعملي ايه.

وجاء الرد : الحقيقة فيه اثنين و انا مش عارفة اخد قرار من ناحيتهم و لسه مش عارفة مين اللي فيه الخير فيهم و مين اللي صادق في كلامو معايا.

الحلم : حلمت ب 2 ثلاجه واحده فيها خروف مسلوخ وديك رومي متنظف والثلاجة الأخري فيها ديك رومي متنظف

التفسير : 2 ثلاجه 2ستات مش بتحبيهم واحده معها الخروف مسلوخ واحد شخصيته ضعيفه وبعيد عن اهلة والديك الرومي واحد مهم ومتنظف المريشه والتعالي ضاع منه بقي مافيش منه فايدة
والثلاجة التانية واحده معها واحد الديك الرومي برضه راحت علية وبقي إنسان عادي
وجاء الرد : كل كلامك مضبوط ربنا يزيدك علم

الحلم : حلمت لابسه كوتش غالي أسود
وفي فرده ضاعت في السوبر ماركت
ولبست بدلها كوتشي كحلي
وفضلت تايهه في الشارع بإبني عشان أجيب فرده تانيه ومش عارفه أوصل
ومره تانيه بذلت مجهود شديد و وصلت قدام سوبر ماركت بس مش عارفه هلاقي كوتشي ولا لأ

التفسير : لابسه كوتشي غالي أسود ( واحد دوبلير لجوزك
لونه أسود ( كبير في السن أو ليه مكانه أو معه فلوس )
فرده من الكوتشي ضاعت في السوبر ماركت
( واحد متحمل الماديات بتاعتك نص نص)
لبستي بدلها كوتشي كحلي (واحد تاني فيه 90٪ خير من ناحيته)
فضلتي تايهه في الشارع ( أمنك وأمانك ضايع من ناحيتة )
عاوزه ترجعي فرده تانيه وبذلتي مجهود شديد
( بتفكري تروحي للمكان إللي بتأخذي منه مادييات وتأخذي مصروفك

وجاء الرد : والله حصل فعلا وإللي عاملي مشكلة جوزي
والبديل بابا ومشكلتي علي مصروفي مش بيصرف خالص ياماما كريمه
ومكسوفه أطلب منه
سبحان الله كأنك معايا يارب يزيدك من علمه

الحلم : رأيت إني في ساحة بيتنا القديم في الكويت وزوجي الله يرحمه بيزبط أو بيلمع أو ببصلح في ملعقة
فأصبحت ملعقة فضية حلوة وبتلمع
( أنا ارملة وعندي أولاد و أحفاد )

التفسير : إنت تتمنى أن تذهبي للكويت لكن لسه وزوجك كلام قديم حيتجدد لو عنده ميراث حيكون علي الميراث والملعقة
إمراة تعبانة ومش حلوة ولابتلمع ولافيها ميزة وزجك بيعمل لها إعداد عشان حيأخذها

وجاء الرد : صحيح
أحب الكويت وأتمنى أكون فيها
وأخت زوجي تعبانة من ركبها

الحلم : جدتي حلمت شافت سور كبير و متشقق من تحت وطالع منه تعبان كبير لونه أسود أو كحلي غامق أوي فجدتي راحت مسكاه وهي خايفه ولفاه علي إيدها وهي متمكنه منه وعماله تضرب فيه وترميه علي الأرض
و لقت في إيديها زي مخرطه ملوخيه فراحت مقطعه التعبان شرائح
التفسير : جدتي حلمت شافت سور كبير ومتشقق (السور الكبير واحد مهم و متشقق عنده مشاكل مبقاش زي الاول مهم ومعموله ميت حساب ) طالع منه تعبان كبير لونه أسود أو كحلي غامق (الثعبان واحد مؤذي إما كبير في السن يا له مكانه أو معه ماديات و كحلي تسعين في الميه عاملينله حساب ) جدتي راحت مسكاه ( لاء مش هتقدر تمسكه ) وهي خايفه ( مش خايفه ) لفته علي إيديها ( لاء مش هتقدر تلفه علي إيديها لأنها هتخليه يتمكن من مادياتها الإضافيه إللي بتجيلها ) وهي متمكنه منه (مش متمكنه ) عماله تضرب فيه (عايزا تتفاهم معه) وترميه علي الأرض (يعني عايزاه يتعب وتعبه ينتهي علي ميعاد ) و لقت في إيدها مخرطه ملوخية (واحده ومعاها ماديات ) قطعت التعبان شرايح ( مش هتقدر تقطعه شرايح ولا حاجه هو مؤذي )

وجاء الرد : ربنا يكرمك يا دكتوره كريمه ويكفي جدتي شر الناس المؤذيه ممكن يكون الواحد دا خال مرات إبنها هو شخص مؤذي وبيحاول يبعد مرات ابن جدتي عن جوزها وبيوقع الدنيا في بعض بس جدتي بتحاول تتفاهم معاهم عشان ولاد إبنها والعيله متتفككش وهما فعلا عايزين ياخدو فلوس من خالي عن طريق جدتي وربنا يسترها
♥♥♥♥♥♥

الحلم : حضرتك سمعت أولاد جارتي صوتهم عالي طلعت أقولهم بشويش عشان أمكم مريضه ولما حفتح الباب بالمفتاح لاقيتهم حطين قفل على بابهم من بره فقلت يبقي هما مش عايزين أحد يحضر الكلام ولما حاولت أنزل صحيت من الحلم
( مع العلم إللي سمعت صوته فيه صداقه بيننا وإتفاق )

التفسير: (سمعت صوت أولاد جارتي عالي قولت أقولهم أمكم مريضه )
هما مش صوتهم عالي ولا حاجه إنتي إللي نفسك تعرفي هما بيقولو آيه وإنتي بتقولي بشويش لا ماتقدريش تقولي بشويش ولا ماتزعقوش ( ولما حفتح الباب بالمفتاح لاقيتهم حطين قفل ) إنتي معاكي الوسيلة إللي تظبطي بيها الباب لكن فيه واحد تاني مسيطر عليه و محجمه ( القفل )
( قلت يبقي هما مش عايزين أحد يحضر الكلام ) مش عايزين أحد يدخلهم ولا يروح عندهم
( ولما بدأت انزل صحيت من الحلم ) لو نزلتي السلم كانت أمنيتك لم تتحقق إنما صحيتي قبل ما تنزلي يبقي الأمنيه مازال فيها أمل تتحقق

وجاء الرد : فعلا فيه إتفاق بيني وبين واحد علي شيء ولكن حتى الآن لا يتم
شكرا استاذه/ كريمه تستحقي وسام المعرفه

الحلم : حلمت شفت دب .
التفسير : الدب واحد ثقيل في حركته و رخم و عاوز يبقي قاعد يعني متخديش منه رجا في حاجة اتكلمتي و ضايقتيه يأخد خطوة بس انه يعمل حاجه لا و يروح قاعد ميعملش حاجة و يزعق لما تخنقيه يزعقله شوية .
وجاء الرد : إتعرفت بواحد و طلع فيه المواصفات إللي قولتيها سبحان الله ربنا يحفظك .

اخويا بيطلق مراته حاليا وكانت بتجمع حاجتها من البيت بتاعهم
الحلم : فأنا شفت نفسي قاعده علي سرير في اوضه نومي ووالدتي إتصلت علي تليفوني وبنتي أعطتني التليفون سمعت صوت أمي عالي بتنادي عليا بشكل واضح يا هبه وسمعت دوشه حواليها أصوات أطفال وستات عند بيت أخويا ( شقة أخويا فوق شقة والدتي ) قلتلها هما أهل مراته جم خلاص وأنا زعلانه خالص وسامعه صوت والدتي همس في التليفون بتدعي ربنا جامد وأنا عاوزه أعيط وقلبي مقبوض وزعلانه عشان أخويا وبقول لوالدتي ده صوت أخويا بيعيط بس سامعه دوشه من ستات كتير .
التفسير : إنا قاعده علي سرير في أوضه نومي ( ليكي مكانتك في حياتك الزوجيه ) ووالدتي اتصلت علي تليفوني
( فيه خبر ماما هتبلغهولك ) وبنتي أعطتني التليفون سمعت صوت أمي عالي بتنادي عليا (صوتها مش عالي ولا حاجه ) بشكل واضح يا هبه وسمعت دوشه ( لا مفيش دوشه ) حواليها أصوات أطفال وستات عند بيت أخويا (مشاكل ولها حلول عند بيت أخوكي ) قلتلها هما أهل مراته جم خلاص ( لا مش هيجو ) إنت بتسألي جم ولا مجوش ) وأنا زعلانه خالص
( أحسن ما تكوني فرحانه ) وسامعه صوت والدتي همس في التليفون ( فيه حل ليكي من ناحية مكالمة هتجيلك ) بتدعي ربنا جامد (فيها أمان لك ) وأنا عاوزه أعيط ( بتتمني يبقي فيه فرج ) وقلبي مقبوض ( لا هتفرحي ) وزعلانه عشان أخويا ( مش هتزعلي) وبقول لوالدتي ده صوت أخويا بيعيط ( فيه فرج علي أخوكي ) بس سامعه دوشه من ستات كتير ( الدوشه حلول من الستات دي ) ان شاء الله مش هيبقي فيه طلاق ولا حاجه

وجاء الرد : أنا منتظره مكالمه من مستشفي إللي كنت شغاله فيها لأنهم طلبو أرجع تاني أشتغل معاهم والمفروض يبعتو العرض بتاعهم وووالدتي هاديه جدا وصوتها مش عالي فعلا وفعلا كلمت ماما لقيتها بتدعي وبتصلي
فعلا أخويا عنده مشكلة مع زوجته وعاوزين ينفصلو بس إحنا بنقول يارب يصلح ما بينهم ويفرج علي أخويا وعلي زوجته الكرب إللي هما فيه ويهدي سرهم ربنا يبشر حضرتك بكل خير.
الخبر جالي تأشيره والدتي تطلع العمره وهاشوفها قريب إن شاءالله

السلام عليكم ورحمه الله وبركاته
صباح الخير يا ست الكل 🌺🌸🌺
مامتي حلمت
الحلم : انها ماشيه في الشارع فقابلت اخوها عند بيت جيرانهم القديم وبعدين لقت فيه محلين في البيت دا كانهم يخصوها هي واخواتها لقت واحد من المحلين دول صغير وفيه لوح خشب مكتوب عليه شوشو الي هي مرات اخوها فلقت اخوها راح مغطي اسم شوشو عشان عيب يظهر للناس كدا وراح واخد لوح الخشب دا البيت ومامتي راحت البيت هي كمان لقت مرات اخوها قاعده علي ترابيزه و بتكتب علي الواتس بتاع التابلت والتابلت لونه اسود وبعدين مامي آخذت التابلت من وراها عشان تشوف هي كتبت ايه علي الواتس وبنت مامي الصغيره كانت معاها وشافت مامي وهي بتاخد التابلت مامي حاولت تفتح التابلت بس كان مقفول برقم سري راحت مامي حاطه التابلت فوق دولاب كبير وجات مرات اخوها بتدور علي التابلت وجايبه بنت مامي الصغيره معاها وبتدور علي التابلت ومتأكده ان مامي الي اخذته ومامي لاحظت ان بنتها الصغيره دي (عمرها ست سنوات )زي محطوط علي وشها بودره مكياج كتير راحت واخده بنتها من مرات اخوها وبعدين لقت مرات اخوها جابت مجموعه من الرجاله يدورو علي التابلت راحت مامي مزعقالهم وطردتهم عشان تغير وتروح شغلها راحو طالعين فعلا ولقت اتنين ستات كانت فكراهم رجاله في الاول في البلكونه قاعدين علي كراسي والاتنين لابسين الزي العسكري السعودي فمامي قالتلهم خليكوا مفيش مشكله طالما ستات ولقت مامتها بتكلمها علي التليفون بتقولها اهل مرات اخوكي باعتين مع خالك عايزين الطلاق قالتها ازاي يا مامي دا الاتنين قاعدين قدامي علي الارض بيتكلمو وبعدين لقت مرات اخوها ومامتها قاعدين علي السرير وهي بتقول لمامتها شوفتي يا ماما مش قلتلك هَتعَيّد هنا

التفسير: ماما ماشيه في الشارع (يعني الامن والامان بتاعها ضايع) قابلت اخوها عند بيت جيرانها (جيرانها يعني فيه مشكله كدا عند ماما مش عند جيرانها لما يبقي جيرانها يبقي بيتها )وبعدين لقت فيه محلين في البيت (يعني دول مكانين فيه شغل من ناحيتهم شغل مادي ماديات خاصه بشغل او ماديات خاصه بمصروف ماما) كانهم يخصوها هي واخواتها (يعني ممكن يكونو حاجه ليهم هما الاتنين وممكن لاء )لقت واحد من المحلين دول صغير (صغير يعني الماديات او الشغل الي فيه علي قد الحال )بسبب لوح الخشب (لوح الخشب دا واحد نمره اتنين )مكتوب عليه شوشو (معاه واحده) مرات اخوها (يبقي اللوح الخشب دا اخوها ) ولما لقت اخوها راح مغطي اسم شوشو عشان عيب يظهر للناس كدا (يعني مخبي عن ماما ان المكان دا يخص مراته معاه يعني اخوها ومراته)عشان يظهر للناس عيب(مش عايز يبين) راح واحد لوح الخشب دا البيت (يعني هو بقي راح البيت )ومامتي راحت البيت (هما الاتنين بقو في البيت) هي كمان لقت مرات اخوها قاعده علي ترابيزه (يعني معاها واحده مرات اخوها معاها واحده ) وبتكتب علي الواتس بتاع التابلت (يعني قايله لناس كتير في اماكن بعيده عن كل حاجه )التابلت لونه اسود (الحاجات الي بتكتبها مهمه ) ماما اخذت التابلت من وراها عشان تشوف هي كتبت ايه علي الواتس (مامي هتعرف كل حاجه )وبنت مامي الصغيره كانت معاها (يعني فيه حل لماما بس اهم حاجه متكونش حلوه لان الحل مش هيريح ماما لو البت حلوه )شافت مامي وهي بتاخد التابلت (يعني الخل كدا ان مامي تعرف المعلومات الي رايحه هنا وهنا وماما متعرفهاش)مامي حاولت تفتح التابلت ( يعني عيزا تعرف او كدا هتعمل مشكله )بس كان مقفول(يعني معملتش مشكله ) مقفول برقم سري (يعني فيه واحد هي ايه الي مستنيه تتكلم معاه ) راحت مامي حاطه التابلت فوق دولاب كبير (يعني لجأت لواحد كبير عشان تعرف منه كل حاجه ) جات مرات اخوها بتدور علي التابلت (مرات اخوها بقي ايه هتقول بقي الحقيقه جابوها عشان تقول بقي الموضوع وجايبه معاها حل يعني الحل دا الي ماما قايله عليه)وبتدور علي التابلت (يعني عيزا ايه تشوف مامي عارفه ايه عشان هي كمان تتكلم علي اساس الي ماما عارفها ولو كدا ممكن تغير الكلام) متأكده ان مامي آلي اخدته (يعني مش متأكده ان ماما تعرف فاكرتها ان ماما لسه مش عارفه حاجه )مامي لاحظت ان بنتها الصغيره دي عمرها ست سنين محطوط علي وشها بودره مكياج (الحل دا يدايق ماما) راحت واخده بنتها من مرات اخوها(يعني ايه ماما استبعدت الحل دا من ناحيه مرات اخوها)وبعدين مرات اخوها جابت مجموعه من الرجاله ( يعني فيه مشاكل من ناحيتها )بيدورو علي التابلت (يعني عايزينه يروحو الاخبار دي الي ماما عرفتها يفهموهلها يعني ويقوللها الموضوع بالظبط) بس ماما زعقتلهم وطردتهم (لاء ماما هتتفاهم معاهم تخليهم يقعدو عشان تعرف ايه الموضوع بالظبط) عشان تروح شغلها(يعني ايه عشان هي مش فاضيه يعني ليهم) راحو طالعين فعلا (لاء هما مش هيطلعو حتي لو بتقولهم انا مش فاضيه ورايا شغل بردو ايه قاعدين لما تفضالهم عشان يفهموها ويبكشو عليها) فعلا ولقت اتنين ستات (كانت فكراهم رجاله يعني فيه حلين وكانت ماما فاكره ان فيه مشكلتين في الاول )قاعدين في البلكونه (يعني من ناحيه المكانه الي ماما ايه فيها) قاعدين علي كراسي (ممكن يكونو في الشغل الراجلين دول مهمين بس من الشغل بس هما ليهم مكانه)ولابسين زي عسكري(لفيه نصره لماما من ناحيه المشكلتين دول) ماما قالتلهم خليكو مفيش مشكله( طالما ستات يعني ماما ايه عيزاهم يستنو لاء الحلين دول بردو ايه رغم ان فيه نصره من ناحيتهم بس ماما مقلقه )لقت مامتها بتكلمها في التليفون (فيه خبر هيجيلها لماما) بتقولها اهل مرات اخوكي باعتين مع خالك عايزين الطلاق(يعني فيه حل للمشكله)قالتلها ازاي يا ماما دا الاتنين قاعدين قدامي علي الارض ( الاتنين تعبانين وتعبهم هينتهي علي معاد) بيتكلموا (لاء مش بيتكلمو ولا حاجه) وبعدين لقت مرات اخوها ومامتها قاعدين علي السرير (يعني الحليم دول انتقلو لحياه ماما الزوجيه بقو عاملين لها قلق في عيشتها )وهي بتقول لمامتها شوفي يا ماما مش قلتلك هتعيد هنا (يعني ايه الموضوع ماما كانت متوقعه انه يبقي حتي فيه ايام العيد لو هييجو هيبقي فيه متاعب)
الرد:فعلا زي ما حضرتك قلتي مامتي حاسه ان امنها وامانها ضايع بسبب مشاكلها مع بابي وفيه خمس محلات ميراث من جدي فخالي ليه منهم اتنين ومرات خالي عامله مشكله وعيزا تفتح محل ليها وراحت سايبه البيت وخالي فعلا مش بيتكلم في حاجه مع مامتي ولا جدتي ومخبي اوي علي المواضيع دي وفعلا زي ما حضرتك قلتي مرات خللي اول ما يحصل مشكله تسيب البيت وتروح تنقل الكلام كله لمامتها واهلها ويمكن ناس منعرفهمش كمان وفعلا هي مش بتقول اي حاجه لمامي غير كلام محدود وفعلا هما الاتنين شكلهم مدايقين عشان سايبين بعض ومش بيتكلمو وربنا يصلح الحال بينهم يارب
‏وماما عندها مشاكل في الشغل ونفسها ربنا ينصرها ربنا يبشرك ويباركلك في علمك ويزيدك بشكر حضرتك جدا علي تعبك وتفسيرك الرائع دا♥

صباح الخير يا ست الكل 🌺🌸🌺
مامتي حلمت انها ماشيه في الشارع فقابلت اخوها عند بيت جيرانهم القديم وبعدين لقت فيه محلين في البيت دا كانهم يخصوها هي واخواتها لقت واحد من المحلين دول صغير وفيه لوح خشب مكتوب عليه شوشو الي هي مرات اخوها فلقت اخوها راح مغطي اسم شوشو عشان عيب يظهر للناس كدا وراح واخد لوح الخشب دا البيت ومامتي راحت البيت هي كمان لقت مرات اخوها قاعده علي ترابيزه و بتكتب علي الواتس بتاع التابلت والتابلت لونه اسود وبعدين مامي آخذت التابلت من وراها عشان تشوف هي كتبت ايه علي الواتس وبنت مامي الصغيره كانت معاها وشافت مامي وهي بتاخد التابلت مامي حاولت تفتح التابلت بس كان مقفول برقم سري راحت مامي حاطه التابلت فوق دولاب كبير وجات مرات اخوها بتدور علي التابلت وجايبه بنت مامي الصغيره معاها وبتدور علي التابلت ومتأكده ان مامي الي اخذته ومامي لاحظت ان بنتها الصغيره دي (عمرها ست سنوات )زي محطوط علي وشها بودره مكياج كتير راحت واخده بنتها من مرات اخوها وبعدين لقت مرات اخوها جابت مجموعه من الرجاله يدورو علي التابلت راحت مامي مزعقالهم وطردتهم عشان تغير وتروح شغلها راحو طالعين فعلا ولقت اتنين ستات كانت فكراهم رجاله في الاول في البلكونه قاعدين علي كراسي والاتنين لابسين الزي العسكري السعودي فمامي قالتلهم خليكوا مفيش مشكله طالما ستات ولقت مامتها بتكلمها علي التليفون بتقولها اهل مرات اخوكي باعتين مع خالك عايزين الطلاق قالتها ازاي يا مامي دا الاتنين قاعدين قدامي علي الارض بيتكلمو وبعدين لقت مرات اخوها ومامتها قاعدين علي السرير وهي بتقول لمامتها شوفتي يا ماما مش قلتلك هَتعَيّد هنا
التفسير: ماما ماشيه في الشارع (يعني الامن والامان بتاعها ضايع) قابلت اخوها عند بيت جيرانها (جيرانها يعني فيه مشكله كدا عند ماما مش عند جيرانها لما يبقي جيرانها يبقي بيتها )وبعدين لقت فيه محلين في البيت (يعني دول مكانين فيه شغل من ناحيتهم شغل مادي ماديات خاصه بشغل او ماديات خاصه بمصروف ماما) كانهم يخصوها هي واخواتها (يعني ممكن يكونو حاجه ليهم هما الاتنين وممكن لاء )لقت واحد من المحلين دول صغير (صغير يعني الماديات او الشغل الي فيه علي قد الحال )بسبب لوح الخشب (لوح الخشب دا واحد نمره اتنين )مكتوب عليه شوشو (معاه واحده) مرات اخوها (يبقي اللوح الخشب دا اخوها ) ولما لقت اخوها راح مغطي اسم شوشو عشان عيب يظهر للناس كدا (يعني مخبي عن ماما ان المكان دا يخص مراته معاه يعني اخوها ومراته)عشان يظهر للناس عيب(مش عايز يبين) راح واحد لوح الخشب دا البيت (يعني هو بقي راح البيت )ومامتي راحت البيت (هما الاتنين بقو في البيت) هي كمان لقت مرات اخوها قاعده علي ترابيزه (يعني معاها واحده مرات اخوها معاها واحده ) وبتكتب علي الواتس بتاع التابلت (يعني قايله لناس كتير في اماكن بعيده عن كل حاجه )التابلت لونه اسود (الحاجات الي بتكتبها مهمه ) ماما اخذت التابلت من وراها عشان تشوف هي كتبت ايه علي الواتس (مامي هتعرف كل حاجه )وبنت مامي الصغيره كانت معاها (يعني فيه حل لماما بس اهم حاجه متكونش حلوه لان الحل مش هيريح ماما لو البت حلوه )شافت مامي وهي بتاخد التابلت (يعني الخل كدا ان مامي تعرف المعلومات الي رايحه هنا وهنا وماما متعرفهاش)مامي حاولت تفتح التابلت ( يعني عيزا تعرف او كدا هتعمل مشكله )بس كان مقفول(يعني معملتش مشكله ) مقفول برقم سري (يعني فيه واحد هي ايه الي مستنيه تتكلم معاه ) راحت مامي حاطه التابلت فوق دولاب كبير (يعني لجأت لواحد كبير عشان تعرف منه كل حاجه ) جات مرات اخوها بتدور علي التابلت (مرات اخوها بقي ايه هتقول بقي الحقيقه جابوها عشان تقول بقي الموضوع وجايبه معاها حل يعني الحل دا الي ماما قايله عليه)وبتدور علي التابلت (يعني عيزا ايه تشوف مامي عارفه ايه عشان هي كمان تتكلم علي اساس الي ماما عارفها ولو كدا ممكن تغير الكلام) متأكده ان مامي آلي اخدته (يعني مش متأكده ان ماما تعرف فاكرتها ان ماما لسه مش عارفه حاجه )مامي لاحظت ان بنتها الصغيره دي عمرها ست سنين محطوط علي وشها بودره مكياج (الحل دا يدايق ماما) راحت واخده بنتها من مرات اخوها(يعني ايه ماما استبعدت الحل دا من ناحيه مرات اخوها)وبعدين مرات اخوها جابت مجموعه من الرجاله ( يعني فيه مشاكل من ناحيتها )بيدورو علي التابلت (يعني عايزينه يروحو الاخبار دي الي ماما عرفتها يفهموهلها يعني ويقوللها الموضوع بالظبط) بس ماما زعقتلهم وطردتهم (لاء ماما هتتفاهم معاهم تخليهم يقعدو عشان تعرف ايه الموضوع بالظبط) عشان تروح شغلها(يعني ايه عشان هي مش فاضيه يعني ليهم) راحو طالعين فعلا (لاء هما مش هيطلعو حتي لو بتقولهم انا مش فاضيه ورايا شغل بردو ايه قاعدين لما تفضالهم عشان يفهموها ويبكشو عليها) فعلا ولقت اتنين ستات (كانت فكراهم رجاله يعني فيه حلين وكانت ماما فاكره ان فيه مشكلتين في الاول )قاعدين في البلكونه (يعني من ناحيه المكانه الي ماما ايه فيها) قاعدين علي كراسي (ممكن يكونو في الشغل الراجلين دول مهمين بس من الشغل بس هما ليهم مكانه)ولابسين زي عسكري(لفيه نصره لماما من ناحيه المشكلتين دول) ماما قالتلهم خليكو مفيش مشكله( طالما ستات يعني ماما ايه عيزاهم يستنو لاء الحلين دول بردو ايه رغم ان فيه نصره من ناحيتهم بس ماما مقلقه )لقت مامتها بتكلمها في التليفون (فيه خبر هيجيلها لماما) بتقولها اهل مرات اخوكي باعتين مع خالك عايزين الطلاق(يعني فيه حل للمشكله)قالتلها ازاي يا ماما دا الاتنين قاعدين قدامي علي الارض ( الاتنين تعبانين وتعبهم هينتهي علي معاد) بيتكلموا (لاء مش بيتكلمو ولا حاجه) وبعدين لقت مرات اخوها ومامتها قاعدين علي السرير (يعني الحليم دول انتقلو لحياه ماما الزوجيه بقو عاملين لها قلق في عيشتها )وهي بتقول لمامتها شوفي يا ماما مش قلتلك هتعيد هنا (يعني ايه الموضوع ماما كانت متوقعه انه يبقي حتي فيه ايام العيد لو هييجو هيبقي فيه متاعب)
وجاء الرد: ربنا يبشرك بالخير مامتي فعلا مصدره خالها وعيزا يبقي الكلام كله من خلاله وهي مستعده تتفاهم عشان تصلح الوضع مبينهم والمشاكل غير انها زعلانه عشان سابت الشغل بس ان شاء الله ربنا يعزها وينصرها الله يبارك في صحتك وعمرك ويديكي من فضله يا ست الحبايب وفعلا اقسم بالله كانك معانا بالظبط الواحد مش بيبقي محتاج يشرحلك حاجه ما شاء الله عنك ربنا يزيدك من علمه ويديمها نعمه ♥♥♥♥♥


اغسطس - فبراير 2023

الحلم : حلمت اني بدعي وبقول يارب محمد يحبني وبعدها لقيت نفسي بتكلم عن واحدة ظلمتني في الحقيقة وبقول انا هبطل احكي اللي هيا عملتوا فيا عشان ربنا ياخدلي حقي منها بدون نقصان زي ما ربنا قالي

التفسير : بدعي ان محمد يحبني (الحب دا زعل في الحلم انتي بتتمني الزعل بينك وبين محمد ينتهي) وبتتكلمي عن واحدة ظلمتك (في واحدة هتقف جمبك) وبتقولي هبطل احكي (لا انت هتقوليلها علي كل حاجة). وبتتمني المشكلة تتحل

وجاء الرد : فعلا دا كان خطيبي السابق وحصل مشاكل وراح لحالة وكنت بتمني في فترة من الفترات المشاكل تتحل بس الحمد لله راح لحالة

الحلم : حلمت واحدة قالت لي الدواء إللي أخذتيه لشعرك أعطى نتيجة و فيه شعر صغير طالع ودخلتني غرفة تصفيف الشعر و دخلت مراة اخويا و اخويا و دول متابعيني مش عارفة ليه قلت لها ليه جاية هنا و كانت لبسه تي شيرت رصاصي غامق و عليه رسومات في البطن و أخويا دخل هو كمان جلست أنا على الكرسي و الطبيبة بتصفف لي شعري بالمشط الحراري و هي ورا ظهري بتراقبني. أنا مخطوبه وزعلنا

التفسير : الواحدة حل ليكي و لما بتقولك الدواء إللي أخذتيه لشعرك أعطى نتيجة يعني المعالجة او الطريقة اللي بتعاملي بها خطيبك مش جايبة نتيجة مفيش منه فايدة و لا حيتعدل و فيه شعر صغير طالع الشعر الصغير ده ممكن هو حيغير أو واحد جديد حيلهيكي عنه ودخلتني غرفة تصفيف الشعر مكان ثاني ممكن يعمل مشاكل و دخلت مراة اخويا و اخويا مرأة اخوكي مشكلة و مراتة حل و دول تابعيني مش عارفة ليه قلت لها ليه جاية هنا إنت بتستغربي المشكلة و الحل كانت لبسه تي شيرت رصاصي غامق المشكله من ناحية واحد والحب بين الوقار و الإكتئاب و عليه رسومات في البطن ممكن تكون مامته و فيه مشاكل من ناحيتها و اخويا دخل هو كمان جلست أنا على الكرسي و الطبيبة بتصفف لي شعري إنت ليكي مكانة و أهمية بس فيه زعل مع خطيبك بالمشط الحراري واحد هو إللي عمل مشكلة بينك و بينه و هي ورا ظهري بتراقبني مرأة اخوكي الحل مركز عليكي.

وجاء الرد : خطيبي و كنا زعلانين مع بعض و تفارقنا مدة طويلة بسبب واحد و تصالحنا دلوقتي بس هو متغيرش و بحاول انسجم معاه بس انا إتغيرت من ناحيته و تعرفت على واحد أصغر منه هو سبب نسياني له و زي ماقولتي بيلاهيني عنو و مبقاش مركزة عليه.

الحلم : أختي حلمت ان اخواتها الصبيان واقفين امام باب حديد صغير و جاء حصان تبول مياه عليهم و كانوا قرفانين من نفسهم و متضايقين و يبصوا لهدومهم المبلولة

التفسير : اخواتك الصبيان ( مشاكل لاختك من ناحية واحد مهم الباب الحديد ) و الحصان ( واحد تاني مهم برضو و ليه مكانة عالية وحمل كل المتاعب اللي عنده على اخواتك ) كانوا قرفانين (مش قرفانين هو ما تبولش و مش متضايقين ) يبصوا لهدومهم المبلولة (زوجاتهم في امان لو هم متجوزين).

و جاء الرد : فعلا هما متجوزين و مأمنين زوجاتهم ماديا عشان اخذوا ميراثهم و ميراثنا انا و اختي كمان)

الحلم : ماما حلمت كانت في مجزرة و بيغسلو المكان بالماء و هي بتدفعو بايديها الاثنين و يصبح الماء ممزوج بالدم و بتقولهم وديتو بنتي فين
و شافت فيه خروفة داخلين بيها على المجزرة و بتقولهم هي كمان حتدبحوها و بنتي فين (كانت خايفة ليكونو ذبحوني).

التفسير : المجزرة مكان فيه أحد ماما بتساعدو و بيغسلو بالمية متأمن المكان ده الكل بيساعد و بيصبح الماء ممزوج بالدم يعني الماديات دي علشان أحد عامل عمليات بتقولهم وديتو بنتي فين بتتمنى حل
ماما شافت خروفة داخلين بيها على المجزرة واحدة عايزة مساعدة هي كمان و حتدبحوها هي كمان عايزة مساعدة بنتي فين بتدور على حل بس كانت خايفة ليكونو ذبحوني خايفة إن الحل يقولها إنت محتاجة مساعدة.
تفسيرك صحيح 100 ميه

وجاء الرد : ماما بتساعدني ماديا و المكان اللي بيساعدنا هو البيت القديم اللي إحنا مأجرينه و الخروفة بنت خالتي عايزة تعمل تجارة بس عايزة مساعدة اتفقنا ندخل معاها شركاء .

الحلم : حلمت بنادي علي بنت خالتي و بقولها الخروف موجود هنا قالت لي هي حتدبحو و انا امسكو من رجليه حنتعاون عليه ووافقت.
التفسير : بتتمني حل بنت خالتك و بقولها الخروف موجود الخروف واحد شخصيتة ضعيفة و قالتلي هي حتدبحو يعني حتساعدو ماديا او عينيا و انا امسكو من رجليه يعني الماديات بتاعة شغله او مصروفه حتايديها بقا و حتتعاوني معاها على انك تساعديه إنت و هي.

وجاء الرد : اتفقنا انا و بنت خالتي اننا نؤجر محل نعمل فيه تجارة و المحل ده مالكه شخص هو اللي عاوز مساعدة مادية وإ حنا اتفقنا.

السلامه عليكم ممكن حضرتك تفسريلي الحلم ده
الحلم : شفت نفسي في غرفه وبنتي جنبي ونزل من ودني صديد لونه ابيض كثير في كف ايدي واتفاجئت انه كتير كده وانا مكنتش حاسه

التفسير : اللي نازل من ودنك دا (نتيجه متاعب انتي سمعاها او مزعلاكي خاصه بماديات بتجيلك اضافيه غير ماديات شغلك او مصروفك ) بينزل ( بتتخلصي من المتاعب دي)

وجاءالرد : زوجي عاملي مشاكل علي الماديات بسبب زياده سعر الدروس والغلاء بس الحمد الله بدء يهدي شويه
ربنا يبارك لحضرتك ويديكي الصحه

الحلم : حلمت في منزل من غرفتين غرفة انا و امي موجودين فيها و غرفة جنبنا فيها زوجة اخي و ابنها و كانت حامل خرجت و قفلت باب غرفتها بالمفتاح و كان الباب خشب احمر و قالت إنها رايحة عند مامتها الخميس و راجعة الجمعة و شفت باب الشقة خشب مهترئ مبينقفلش و في الشقة اللي فوق صاحبة البيت اتصل بها اخي و كان بيتكلم معاها و سمعت بيقول لها انو بعيد في مدينة أخرى و حنا قربنا نخرج من الشقة دي اللي هو كريها منها.

التفسير : إنت و ماما في عيشة زوجتو أخوكي وابنها في عيشة و كانت حامل و خرجت قفلت باب غرفتها في حل كله هموم من ناحيتها و لما قفلت باب غرفتها يعني مخلتش جوزها عندو ازعاج و معها الوسيلة اللي تقدر تظبط بيها جوزها و كان الباب خشب احمر اخوكي اي كلام و غايظك و قالت إنها رايحة عند مامتها يعني مش حتروح و لا حاجة دي كذابة شفت باب الشقة خشب مهترئ مبينقفلش باب الشقة واحد مش شخصية مهمة و فيه ازعاج من ناحيته على طول مبينتهيش
و في الشقة اللي فوق صاحبة البيت اتصل بها اخي و كان بيتكلم معاها و سمعت بيقول لها انو بعيد في مدينة أخرى اخوكي ده مشكله من ناحية واحد بيتكلم على السكن اللي ممكن تكوني إنت حتروحي فيه و لا حتنقلي فيه و احنا قربنا نخرج من الشقة إنت اللي بتفكري في مكان ثاني انك تبقى فيه و الكلام فيه خبر اللي اخوكي بيقوله

وجاء الرد : صحيح احنا في عيشة و اخويا و مراتو في عيشة ثانية و بلد ثاني بعيد عننا و مراتو بتسبب الزعل بينا و بينو و هي اللي مسيطرة و الباب المهترئ بابا و هو مطلق ماما و منشوفش منو حاجة حلوة و انا بفكر اتجوز و ابعد عن المكان ده بس لسه مفيش نصيب.

الحلم : جدتي حلمت مع بنتها في بيت وفي ايديها غويشه ذهب واسعه فيها فصوص ولولي وبتقول لبنتها لو خرجت الغويشه دي هتقع من ايدي لانها واسعه عليا اوي وايديها الشمال فيها ساعه
التفسير: جدتك معاها بنتها في بيت ( فيه حل من ناحيه بنتها وتيتا في امن وأمان ) و لابسه غويشه ذهب ( واحده تعباها ومعاها أولاد او متجوزه ) الفصوص بنات ولولي (صبيان) وبتقول لبنتها لو خرجت الغويشه دي حتتعب (الغويشة واحده لو بعدتها جدتك الواحده هتتعب) ولانها واسعه عليها (يعني مستواها اعلي من مستوي جدتك )وايدها الشمال فيها ساعه ( واحده تانيه في توقيت معين هتعرف حاجه عنها )

وجاء الرد : كل كلام حضرتك صح الغويشه مرات خالي ومعاها ولد وبنت وهما تاعبين جدتي لأن مرات خالي منفصله عن خالي وده مزعل جدتي خالص والساعه خطيبه خالي واحنا مش قايلين حاجه عن موضوع الانفصال
ربنا يبارك لحضرتك ويزيدك من علمه ♥♥

الحلم : حلمت اخويا قبلني من فمي و قبل ماما و جدتي المتوفية غضبت منو علشان مقبلهاش وقالتلو انها زعلانه منو و هو قلها شوية و اقبلك.

التفسير : مشكلة عندك وفيه كلام مش حتقولية حتسكتي وعند ماما حتنتهي المشكلة من ناحية اخوكي و لو هو قبل جدتك حيبقا عندكو حالة وفاة لكن الحمد لله مقبلهاش وو لما قالتلو انها زعلانة كلام قديم حيتجدد و بتستني إن المشكلة تنتهي.

وجاء الرد : اليومين دول كنا زعلانين مع اخويا و حصل بنا خصام بس اليوم اتكلم معايا و مع ماما و ارتاح خاطر ماما الحمد لله.

الحلم : حلمت بقبل يد بابا و بقولو الله ينورك و يخليك لينا وهو قالي انت كده بتعملي زي اخواتك البنات.

التفسير : بابا مشكلة من ناحية ماديات اضافية بتجيلك و الدعاء بتتمني الماديات تجيلك و لما قالك إنت بتعملي زي اخواتك البنات إنت مبتعمليش زيهم بس هما عندهم مشاكل مادية.

وجاء الرد : اخواتي البنات مستواهم المادي احسن من مستوايا الحالي و انا كنت بأخذ مساعدة من بابا بس كل مرة بخاف ليوقف المساعدة علشان انا من البنات اللي بتأخذها منو.

الحلم : حلمت كنت في شقة و الباب الرئيسي خشب بس مفيهش المقبض مكانو فارغ.
التفسير : الباب الرئيسي ده خشب واحد نمرة اثنين و المقبض معهوش وحدة.
وجاء الرد : ده اخويا و فيه خصام بينو و بين مراتو.

الحلم : حلمت ماشية في الشارع انا و جوزي و قابلتنا السلعوة و جوزي تراجع
التفسير : ماشية في الشارع (امنك و امانك ضايع)
و السلعوة (واحدة فيه اذى من ناحيتها و هي سبب عدم الأمن والأمان اللي انتي فيه).
و جاء الرد : اختي هي السلعوة و هي السبب اللي أنا فيه

الحلم : شفت نفسي في شقه واسعه وبتكلم في التليفون مع سواق المستشفي اللي كنت شغاله فيها قبل ما اترك الشغل وسمعته بيقولي انه هو وصل وانا قلت له انتظرني قدام محل رد وقالي بس يلا عشان الدنيا زحمه وفيه صلاه في المكان ده وسمعته بيقولي باسمي من غير دكتوره. استغربت بس ما علقتش وقفلت الخط مع السواق
لقيت زوجي معايا وقاعد علي كنبه ولابس جاكت بدله مخطط رمادي في اسود وحاطط رجل علي رجل وبيقول ان زوج اخته فيه معاه فلوس عاوزني انا ( صاحبه الحلم ) اوصلها لحد في السعوديه قلت لزوجي لا انا معرفش اعمل كده و اتصرف انت ( قصدي علي زوجي ) ولقيت علي الترابيزه قدامي قاعده بنتي الكبيره وفيه علي الترابيزه ربطات مختلفه من الخضار ( كزبره بقدونس وخضره ) كل ربطه لوحدها و اخذتهم وقلت لبنتي ده ربنا كريم عشان كنت محتاجه لهم وشلتهم في إيديا وكان فيه سرير في الصاله نايمه عليه اخت زوجي وكانت نايمه روحت عندها لقيتها بتصحي بس كان حجمها صغير وقصيره علي السرير وأنا بنتي واقفين حوالين السرير ده.
التفسير : انتي في شقه في امن وامان بتتكلمي مع سواق المستشفي ( لو انت اللي طلباه هيبقي عندك خبر عاوزه تقوليه لواحد. ولو هو اللي طالبك هيبقي فيه خبر هيجيلك وطالما راجل هيبقي فيه زعل لكي وهو بيقولك انه وصل (المشكله قربت )وانا قلت له انتظرني قدام محل ( مكان لكي فيه ماديات ) الدنيا زحمه ( مشاكل لها حلول )وفيه صلاه في المكان يعني فيه امان وسمعته بيقولي باسمي من غير دكتوره الوضع فيه اهانه لكي ) استغربت بس معلقتش (لا هتعلقي )والاستغراب (هتاخدي موقف ). قفلت الخط مع السواق خلاص اتبلغتي بالمشكله وكنت سببها. زوجك قاعد علي كنبه مشكله من واحده ولابس جاكت بدله مخطط رمادي الجاكت ده شغلك رمادي حاجات عاملالك اكتئاب والاسود فيه حاجات كويسه وحاطط رجل علي رجل يعني المشكله علي وظيفتين انت بتعمليهم وبيقول زوج اخته معاه فلوس اوصلها في السعوديه يعني فيه ماديات لحد بعيد عن المكان اللي انتي فيه قلت لزوجي لا يعني رفضتي لا مش هترفضي والخضار علي الترابيزه فيه خير من ناحيه واحده وبنتك حل لكي وفيه فلوس كده والسرير اللي في الصاله جوازه مش متأمنه بس حل منها وكانت نايمه وبتصحي يعني مكانش فيه كلام في الموضوع ده بس بقي فيه كلام عن الجوازه اللي مش متأمنه ولا مكانها صح وحجمها صغير الحل مش مالي مركزه يعني مالكيش مكان في حياتك الزوجيه عشان واقفه. وجاء الرد : بالنسبه للخبر الي زعلني مشكله مع زوجي علي ماديات كنت طالباها منه واديهالي وبعد ما اشتريت ليهم حاجات اتخانق معايا وجرحني بالكلام قدام ولادي وقلل من مكانتي قدامهم فعلا وده زعلني بس فعلا زي ما حضرتك قلتي ما سكتش واخذت موقف منه ورديت عليه الكلام وسكت لما لقي مالهوش حق وبنتي كانت حل ليه لان قالت لباباها مامتي معملتش حاجه لده كله والفلوس فعلا بعتها لوالدتي في مصر يعني بره السعوديه زي ما حضرتك قلتي بالظبط عشان تخلص لي اجازتي من المستشفي اما بالنسبه للشغل اللي كنت فيه وسبته معرفش هارجع ولا ولا وهيطلبو مني وظيفتين مش عارفه يارب يا ماما كريمه ربنا يصلح امري وارجع شغلي عشان ما اطلبش فلوس من زوجي خالص باتحرج. من رد فعله وممكن الجوازه اللي مش متأمنه تكون جوازتي منه لان هو شخص متعب وعصبي جدا وطبعا لمشاكلي الكتير اكيد مكانتي مش قد كده في الجوازه ربنا يهديه ويصلح ذات بيننا شكرا لحضرتك وربنا يبارك في عمرك ويخليكي لينا

-الحلم : حلمت في بيتي وبعيط لجوزي وكان في دماغي اتصل باخويا اروح عنده بس كنت خايفه عليه و اخويا دخل عليا الاوضه وجايب معه كرتونه مش عارفه فيها ايه و فضلت اعيط انه جالي من غير ما اطلبه
و نزلت أنا واخويا علي سلم العماره للطابق التاني واخويا لابس ترينج كحلي وكان واسع عليه شويه ولقيت نفسي انا وبنتي علي شط البحر وفيه تعابين بتعوم لونها اخضر وقصيره وبنتي لابسه عبايه سمرا وطرحه سمرا وكان فيه تعبان اسود رفيع علي الرمل فأنا نبهت بنتي الا تدوس عليه وبنتي بعدت فعلا وانا كنت خايفه كدا
التفسير : حلمت في بيتي ( في امن وامان ) بعيط لجوزي (فيه فرج عليكي من ناحيته ) وكان في دماغي اتصل بأخويا
( عايزا تبلغي اخوكي ان فيه توافق مع جوزك وعايزا تروح عنده ( عشان تقوليله ) كاني خايفه عليه ( يعني لو قلتيله ممكن يتضايق ) و اخويا دخل عليا الاوضه جايب معه كرتونه ( اخوكي مشكله وجايب معه واحده اي كلام ) بس مش عارفه فيها ايه (ما هي واحده )وفضلت اعيط انه جاء من غير ما اطلبه ( عياطك فرج عليكي كنتي ناعيه الهم وصله كل حاجه )نزلت انا واخويا علي سلم العماره للطابق التاني ( الامنيه الي بتتمنيها قلت شويه )واخويا (معاكي مشكله )واخويا لابس ترنج كحلي (مراته فيه 85./.من ناحيتها اعزاز وقاعده في البيت مش بتشتغل ) وكان واسع عليها شويه ( مستوي مراته من مستوي اخوكي )و لقيت نفسي و وبنتي علي شط البحر ( متحيره علي ماديات ) ولقت تعابين في البحر بتعوم لونها اخضر (التعابين شخصيات معاها ماديات عامله متاعب لك )لونهم اخضر (الظاهر بتاعهم ان هما خير )قصيرين (هما مش قصيرين ولا حاجه بس هما مبينين نفسيهم ان هما الحياه مضيعاهم )وبنتي لابسه عبايه سمراء وطرحه سمراء (يعني فيه واحد يا كبير في السن يا معاه فلوس يا له مكانه عاليه عايز يخطبها لو كانت هي مش متجوزه ولو متجوزه هيبقي جوزها )والطرحه(الارتباط منه فيه الحاجات دي )كان فيه تعبان اسود رفيع علي الرمله (الرمله زعل عندك من ناحيه واحد برضو فيه التلات حاجات ) فنبهت بنتي الا تدوس عليه (تتجاهله )وبنتي بعدت فعلا (لاء مش هتبعد ) انا كنت خايفه (لاء انتي مش خايفه ومش همك )

وجاء الرد : انا فعلا عندي مشكله مع جوزي والحمد الله اتحلت وانا عرفت اخويا واخويا لسه مش متجوز بس هيتقدم ان شاء الله لواحده فعلا مكانتها عاليه جدا وفيه اعزاز من ناحيتها ومش بتشتغل وفعلا انا عندي مشكله علي ماديات وكنت بتمني ارجع شغلي تاني والتبعابين زمايلي اللي معايا في الشغل يبان من ناحيتهم خير بس هما غير كدا وبيوقعو بيني وبين مدير الشغل
وفعلا معاهم ماديات عاليه وانا فعلا مبقاش يهمني مشاكل سواء معاهم او مع جوزي
ربنا يبارك لحضرتك ويزيدك من علمه يا ست الكل ويفرح قلبك يااارب

الحلم : كنت في بيت والدي المتوفي ( فيه ميراث منه ) قاعد علي كرسي وبيتكلم في التليفون الارضي مع حماة اخويا وانا سامعه الست بتقول لبابا بصوت عالي جدا هبه عملت وبتزعق لبابا في التليفون وانا عاوزه أأخد السماعه من بابا وأرد عليها واهزأها وبابا مش بيبصلي مركز مع كلام الست جدا.

التفسير : والدك المتوفي قاعد علي كرسي وبيتكلم في التليفون كلام قديم هيتجدد علي ميراث بابا وشغلك لو بتشتغلي وبيتكلم في التليفون فيه خير والخبر فيه حل ليكي صوت واحده وانا سامعه الست بتقول لبابا بصوت عالي هبه عملت وبتزعق انتي مش هتزعقي من اي حاجه تسمعيها تخص ميراث بابا وانتي عاوزه تشكريها وعاوزه تردي علي الرساله او الخبر تشكري اللي جابلك الخبر وبابا مش بيبصلك الكلام مش مركز عليكي ومركز مع الخبر اللي خص بابا وده المقصود بيه الكلام مش بابا
وجاء الرد : فيه ميراث من بابا فعلا بس انا مش مركزه معاه خالص ومش فارق معايا المهم ماما تبقي كويسه واخواتي بخير وانا مش عاوزه حاجه الحمدلله ربنا كارم زوجي مش مخليني محتاجه حاجه وانا نفسي يجي خبر كويس فيه حل ليه من ناحيه معيشتي ووضعي يارب ربنا يبشر حضرتك بكل خير

الحلم : حلمت اني بسير في المقابر أنا وزوجتي وخرجت علينا سلعوة
التفسير : السير في المقابر مشروع زواج لأحد عندك والسلعوة واحدة واقفة ضد الزواج.

وجاء الرد : فعلا والله يادكتورة كريمة مرات أخي تقف أمام زواج إبنتي

الحلم : شفت معايا واحده من أصحابي في المدرسه و ست تخينه قاعده علي كرسي بتبيع بندانات وانا قلت هشتري منها ومش فاكره اشتريت ولا لا بس لقيت كأنها أعطتني باقي ورقتين من فئه 10 جنية واحده منهم اصدار قديم يرجع الي السبعينات ومقطوع منها حته وواحده تانيه عاديه زي اللي بنستعملها حاليا بس شكلها برضه بايظ وهتتقطع هيه كمان فرجعت للست قلت لها الفلوس دي محدش هيرضي ياخدها مني غيريهم اخدتهم وكنت فاكره هتعطيني مكانهم فلوس اعطتني 2 جنيه فضه واعطتني كيس كبير فيه تفاح بلدي وشمامه واحده وعلبه صفيح فيها ترمس مملح وجاهز للاكل وكمان واحده قرع عسلي فيه لون اخضر و قطعت حته من القرع العسلي وأكلتها لقيت طعمه مقبول والست دخلت غرفه واختفت عشان مش تعطيني الفلوس بتاعتي وانا اخدت الكيس ومشيت والشارع ضلمه وكلمت واحده صحبتي في التليفون قالتلي انها مش فاضيه دلوقتي وبتنيم ابنها احمد ووصلت مكان فيه عيال صغيره بنات و فيه فصلين دراسه واحد منهم مكتوب اسم بنتي الصغيره عليه ولقيت بنتي بتكلم أحد ان الامتحان بتاعها يوم الخميس وقلت عشان الحق اذاكرلها لسه قدامي الاربعاء قبل موعد الامتحان الخميس.
التفسير : اصحاب مدرسه ( تبعدي عنهم لانهم مصدر مشكله اللي انتي فيها ) والست اللي قاعده علي كرسي (حل من ناحيه المكانه بتاعة شغلك) بتبيع باندات( كلام علي جواز او علي زوجك) وانا قلت هشتري منها مش فاكره اشتريت ولا لاء ( بتفكري تظبطي موضوع جواز ولا لاء ) لقيت كأنها عطيتني باقي عباره عن ورقتين من فئه عشره جنية واحده منهم اصدار قديم ومقطوع منها حته والتانيه عاديه ( مشكلتين ماديتين مشكله قديمه ومشكله جديده )واللي مقطوع منها حته ( جزء إنتهي من مشكله الماديات ) التفاح (مشاكل مع واحد )والشمامه (واحده كلها متاعب وتخليكي تعيطي ) وعلبه صفيح فيها ترمس (العلبه واحده اي كلام والترمس دا مشكله فلوس تعباكي ) مملح (الفلوس قديمه وكانت المفروض تزيد )ودلوقتي جاهزه للاكل (تقدري تفكري فيها رغم المشكله )شكلها بايظ برضه ( فيها مشكله علي الماديات التانيه ) وهتتقطع هي كمان ( هتنتهي ) ورجعت للست قلتلها الفلوس دي محدش هياخدها ( بتفكري في حل يخلصك من مشكله الماديات دي ) اخذتهم وكنت فاكره هتديني مكانهم فلوس اعطتني اتنين جنيه فضه ( مشكله الماديات انتهت خلاص ولقيتي حل اهو ) وكمان واحده قرع عسلي فيه لون اخضر (يعني مشكله من واحده تعباكي بس فيه جزئيه خير منها )وقطعت حته من القرع العسلي ودقيتها لقيت طعمه مقبول (لاء فيه متاعب وهترفصي موضوع الفلوس اللي تعباكي دي تخليكي تفكري وممكن متخديهاش والست اختفت عشان متدينيش الفلوس ( الحل بعد بتاع موضوع الفلوس )وانا اخدت الكيس (دا واحد)وبعدتي في الشارع ضلمه (انتي مكتئبه وامن وامانك ضايع )كلمت واحده صاحبتي في التليفون (فيه خبر عايزه توصليه لأحد )وقالتلي انها مش فاضيه دلوقتي (ما فيش رد يريحك لما وصلتي الخبر ) بتنيم ابنها احمد (يعني عندها مشكله )ووصلت مكان فيه عيال صغيره بنات فيه فصلين دراسه وواحد مكتوب اسم بنتك الصغيره عليه ( فيه حل ليكي من المكانين ) رأيت بنتي بتكلم احد ان الامتحان بتاعها يوم الخميس ( الحل بيتقالك انك عايزه تساعدي أحد وقولتي يوم الخميس ) وقلتي عشان الحق اذاكرلها لسه قدامي الاربع ( ممكن ربنا يكرمك يوم الاربع قبل ما ييجي يوم الخميس لو انتي عايزا تساعدي أحد تقدري تساعديه)
وجاء الرد : كان عندي موعد مع دكتور التجميل (قرع العسل)الخدمه طلعت غاليه اوي وانا رفضتها ( فكرت فيها ورفضت اعمل الخدمه لانها مكلفه ) وفيه مشكله ماديات حاليه ( دي المشكله الحاليه ) وربنا فكها عليه لان الفلوس فضلت معايا ( الفلوس الفضه) وفيه مشكله كبيره ( مشكله قديمه معاهم الاول )( الترمس المملح ) مع زوجي انا وهو متخانقين ومن ضمن الاسباب علي الماديات وانا فعلا مكتئبه وحاسه اني فاقده امني واماني بس وصحبتي اللي كلمتها عندها مشكله فعلا ابنها من الحالات الخاصه ) ويارب اقدر اساعد فعلا اخويا لان محتاج مساعدتي يارب اقدر اساعده زي ما حضرتك بشرتيني الله يبارك في عمرك زي ما بتتحملي وتفسري بكل دقه ومن غير ضيق الله يبارك في عمرك يارب

الحلم : زوجي حلم شاف نفسه بيكشف عند دكتور والدكتور بيقوله حالتك ملهاش علاج والتعب في الكبد والدكتور قاله قدامك شويه وتموت وبعدين لقي نفسه مع والده في الشارع وبيقول لوالده علي الدكتور قاله انه هيموت صغير وباباه بيطمنه.
التفسير : راح للدكتور. عاوز يعالج مشكله عنده واما قاله ملهاش علاج لا لها علاج والتعب في الكبد يعني انتي زوجته وتعبان من حاجه تخصك انتي ولما الدكتور قاله قدامك شويه وتموت يعني شويه صغيرين والمشكله هتنتهي وتروح لحالها ولقي نفسه مع والده في الشارع وكده امنه وامانه ضايع ووالده لو فيه ميراث منه المشكله علي الميراث وبيقول لوالده علي الدكتور يعني انا عالجت الموضوع الي يخصني ويخص هبه مراتي قاله انت هتموت صغير المشكله من دلوقتي هتنتهي وباباه مش بيطمنه ولا حاجه وفيه مشكله من ناحيه باباه وكلام باباه بيتعبه

وجاء الرد : فيه مشكله بيبني وبينه علي قطعه ارض بينا باسمنا احنا الاتنين وبقيتها باسم اخواتي وهوه عاوز نصيبه فلوس والمكسب كمان ووالدتي عاوزه ترجع للفلوس عشان هو مش صابر وهيه كان نفسها الارض تستني تنفع ولادي لكن هو مصمم علي الفلوس ووالدتي ناويه تديله الفلوس ويطلع من الارض خالص ووالده فعلا عاوز ياخد مرتب زوجي كله عشان تجارته ومحسسه ان انا طمعانه فيه وده مخليه مش مرتاح في اي حاجه ومعاه اخ اكبر منه واخ تاني وحاطين اديهم علي الفلوس بتاعه ابوهم لان هما اللي ممشين الشغل وانا متاكده ان زوجي مش واخد حاجه بعد وفاه باباه بعد عمر طويل ومش عاوزه منهم حاجه بس سيبوني في حالي ربنا يكرم حضرتك كأن حضرتك معانا الله يحفظك ويديك الصحه بحق الايام المفترجه يارب يا غاليه ♥

الحلم : شفت حضرتك معايا في الحلم قاعده علي كنبه الانتريه عندي في الصاله ولابسه طقم بنبي وطرحه بمبي ستان علي راسك كده وكنت معجبه بشكلك ولون حجابك وحضرتك بصيتي لبنتي اللي في ثانوي وقلت لي يا هبه خدي حجابات من عندي اديها لبنتك ولقيت حضرتك قمتي ووقفتي في نص الصاله كده وطويله ليك هيبه كده
ولقيت زميلتي في الشغل عندي في البيت بس حاطه ميكب وشكلها مش حلو كده وخسه جامد وبتبص علي حاجه علي الارض وانا قاعده قدامها علي سرير وبنتي كان معاها تابلت وقعدت تسال حد في التابلت زي ما يكون اللي بيعرفو الطالع بتقوله ماما هتروح فين في دوله قطر قالها اسم مدينه معينه كده وبعدين سالته ماما هتنجح في السفريه دي سكت لحظه وسألها مامتك قريت القرآن قالت له اه سألها تاني بتصلي الصلوات قالت له اه وهو مرضيش يجاوب اني هنجح ولا لا ولقيت زي المدير الطبي في المستشفي لابس لبس الشغل وبيقولي ان انا هسافر دوله قطر ومعايا ولادي وامي عشان فيه حاله مريض حرجه في قطر وانا اللي هكشف عليها وبيقولي خلصي عشان طيارتك بدري الفجر وبقول لماما عشان ربنا عوضني اخذك معايا قطر عشان مقدرتش اوديك المدينه المنوره وماما مش بترد قاعده علي السرير بتاع ابني وخلاص.

التفسير : انا قاعده امنيه بتتمنيها من ناحيه واحده تعباكي والطقم اللي لابساه ده ارتباط ولون بمبي فيه شبابيه وستان تاعبك ولون حجابك انتي اللي زعلانه من زوجك وانا لما بصيت لبنتك وهي حل ليكي وحجابات يعني كلام يخص ارتباط لبنتك الامنيه الي بتتمنيها لها مكانه واهميه وزميلتك في الشغل حاطه ميكب ده حل ليكي في الشغل والحل ده مزعلك وشكلها مش حلو احسن وخاسه جامد الحل ده مش هيقلل منك وبتبص علي الارض ده حاجات تعباكي وانا قاعده علي السرير انت بتفكري في حياتك الزوجيه وبنتك معاها تابلت ده حل فيه واحد كل كلام بيسمعه بينشره في كل حته والحل ده بتفكري تعرفي معلومات حد عاملك حاجه او شيء بتقوله ماما هتروح فين في قطر الحل من ناحيه بنتك الواحد عنده معلومات عنك. قالها اسم مدينه معينه يعني فيه كلام هتسمعيه عنك في مكان ولما سالتي ماما هتنجح في السفريه يعني هتتوفقي في السفر ده ولا لا سكت لحظه يعني مفيش رد لفتره وقراءه القران يعني انت مامنه نفسك وهتنحجي ولا لا يعني انتي مش عارفه هيحصل ايه والمدير الطبي امنيه من ناحيه شغلك بتتمنيها من ناحيه شغل وهو عنده معالجه يعملها تخصه وتخص ولاده وطيارتك الفجر يعني انتي كمان عندك صعود وبتقولي لماما ربنا عوضني يعني انتي بتتمني امنيه بس صعبه مش هتقدري تروحيها وماما حل من ناحيتها والحل مش عارفته وقاعده علي السرير يعني من ناحيه حياتك الزوجيه وابنك مش عارفه هتعملي معاه ايه. وجاء الرد : زوجي فعلا انا تعبانه من ناحيته وهو مزعلني جدا بس بيبقي في حل في النهايه بس بعد تعب ومعاناه وعندي اخويا كل حاجه يعرفها عندي يبلغها لعمي ولقرايبنا ومن كتر عدم التوفيق اللي انا فيه حاسه فيه حسد او شيء من كده بس انا بقرا قران واصلي عشان احمي نفسي وولادي وقالي ان هسافر قطر هاكشف علي حاله يعني فيه معالجه هتحصل وانا كمان عندي صعود من ناحيه واحده وانت عندك امنيه صعب تحقيقها او انك تروحيها ( المدينه المنوره ) وقاعده علي السرير يعني حل يخص حياتك الزوجيه وشوفي هتعملي ايه مع ابنك فعلا ابني تاعبني جدا ونفسي احل مشكلته

الحلم : شفت واحد من زملائي في الشغل بيرميلي مية كثير على الارض من جردل وأنا انظف الارض بالممسحة والارض بقت نظيفة جدا" وبتبرق.

التفسير : (الواحد في الشغل اللي بيرميلك مية) مشكلة من ناحية ماديات رايحه هدر من واحد الجردل (وانتي بتنظف الارض بالممسحة ) انتي بتحاولي تلمي الماديات دي اللي رايحة هدر تجمعيها ( والارض بقت نظيفة) لا فيه متاعب
.
وجاء الرد : صحيح والله انا وزملائي اشتغلنا وصرفنا فلوس كثير لكن المدير بتاعنا الجردل
وكم واحد بيخدعوه وحاربونا وفشلوا الشغل وراح التعب والفلوس هدر وحاولت كثير اني اوضح الامور لكن مافيش فايدة.
شكرا لحضرتك🙏

الحلم : رايت كانني في مكان عملي اتجول في الطابق الاول ثم فجاة وجدت ختم طبي على الارض حملته رايت انه يخص زميل لي فيه اسمه ولقبه فذهبت لغرفته كي ارجعها له قلت اكيد هو ليس داري انها سقطت منه والا كان عمل اعلان
فذهبت لغرفته دقيت على الباب لم يستجب احد ففتحت الباب شوي لم ار احد اخذت شيى من غرفته (لم ار ماذا اخذت ولا ادر لماذا اخذت شيى يخصه ) ورجعت لغرفتي وتركت الختم قلت بعدين ابحث عنه وارجعها له او استنى هو يبحث عنها واعطيها له ثم رايت ان في يدي سروال داخلي قديم مخطط بالاببض والبنفسجي ونظيف مغسول ظننته خاصتي (املك واحد زيه في الحقيقة) ثم رايت انه واسع وفضفاض وكبير علمت انه سرواله الداخلي (ااشي ااذي اخذته من غرفته ) قلت اه رجع نظيف وغسله بيده جيد وبقيت اقلب فيه وافكر البسه ام لا وقلت جيد لدي ختمه الطبي وسرواله 😅
يا للصدف
التفسير : رايت كانني في مكان عملي اتجول في الطابق الاول ثم فجاة وجدت ختم طبي على الارض(واحد وكل الحاجات من ناحيته تعباكي في شغلك ) حملته رايت انه يخص زميل لي فيه اسمه ولقبه فذهبت لغرفته كي ارجعها له قلت(عايزة تقوليله عن الحاجات اللي كان هو بيكلمك عليها تعباكي ) اكيد هو ليس داري انها سقطت منه(لا هو عارف كل حاجة ) والا كان عمل اعلان (مش حيقدر يقول يبقى يعمل اعلان لا مش حيقدر يتكلم عن اي حاجة هو بيقولهالك وتعباكي )
فذهبت لغرفته دقيت على الباب (يعني عملتي ازعاج له ) لم يستجب احد ففتحت الباب شوي (بدأتي جزء من الازعاج اللي انتي ناوية عليه ) لم ار احد اخذت شيى من غرفته (لم ار ماذا اخذت ولا ادر لماذا اخذت شيى يخصه )( لا انتي عارفة اخذتي ايه كويس منه) ورجعت لغرفتي (لا مش حترجعي )وتركت الختم (مش حتتركي الختم )قلت بعدين ابحث عنه وارجعها له او استنى هو يبحث عنها واعطيها له( يعني انتي مصممة تتكلمي في الموضوع معاه في وقت ثاني بس هو ساكت انتي اللي راح تتكلمي وتقوليله) ثم رايت ان في يدي سروال داخلي قديم مخطط بالاببض والبنفسجي(سروال مزعلك بس فيه تفاؤل من ناحيته وقديم يعني انتي عارفاه من الاول او تصرفاته قديمة )ونظيف مغسول(مش مامن نفسه ولا حاجة) ظننته خاصتي املك واحد زيه في الحقيقة (يعني انني عارفة الواحد دا من الاول)ثم رايت انه واسع وفضفاض وكبير( مستواه اعلى منك) علمت انه سرواله الداخلي (ااشي ااذي اخذته من غرفته )(واحدة ممكن تكون زوجة ليه او خطيبة وانتي حتعلمي بها ) قلت اه رجع نظيف وغسله بيده جيد(رجع بقى تحل مشاكل ومش متامن من ناحية ماديات) وبقيت اقلب فيه وافكر البسه ام لا(يعني تفكري ترجعي له ثاني ولالا) وقلت جيد لدي ختمه الطبي وسرواله 😅 (يعني انا عارفة حاجات عنه هو قالهالي عنه وعنها )

وجاء الرد : ماشاء الله عليكي وصفتي حالتي الشخصية بالتفصيل
صحيح هو تاعبني جدا وفاضل ساكت مايقدرش يتكلم عن الموضوع وانا لسا جوايا حاجات اقولها عايزة افتح الموضوع السروال فيه زميلة حكت لي حاجات عنه خلتني ابعد عنه
السروال واحدة كان معاها في علاقة عابرة اتت لي لوحدها وحكت لي عنه حاجات خلتني ابعد عنه ولسا ما فتحنا الموضوع وهو عارف عامل ايه وفاضل ساكت مش حيقدر يواجهني

الحلم : مامتي حلمت انها في اوضه مع المدير الطبي للمستشفي اللي كانت شغاله فيها زمان وكان فيه ترابيزه اجتماعات خشب وكان المدير الطبي بيتكلم معاها علي الشهادات بتاعتها وكان فيه طرقه موجوده في الاوضه في اخرها باب اوضه تانيه لونه سكري دخل فيه المدير الطبي وكان معاه ورق مامي وبطلع من الاوضه التانيه وبلغها ان صاحب المستشفي رفض ورقها ومامي سكتت

التفسير: مامي في الاوضه مع المدير الطبي في المستشفي وكان فيه ترابيزه اجتماعات خشب (واحده اي كلام نمره اتنين )والمدير الطبي بيتكلم معاها علي الشهادات (بيتكلم مع ماما علي الاوراق بتاعتها)وكان فيه طرقه في اخر الاوضه في اخرها باب اوضه تانيه لونه سكري ( فيه واحد تاني مزعل ماما 80./. )المدير الطبي دخل عنده وكان معه ورق مامي (بيعرض عليه ورق ماما) و طلع من الاوضه وبلغها ان صاحب المستشفي رفض (مش هيقولها بس فيه موافقه علي ورقها) وماما سكتت (لاء مش هتسكت شوفي بقي هتعرف ايه في ايه هتكلم عليه)

و جاء الرد : ربنا يبارك لحضرتك مامتي فعلا والدي مزعلها 80./. زي ما حضرتك قولتي ومامي سايبه الشغل ورجعو كلموها من شهر بس حصل تعطيل في الورق ومقدرتش ترجع ومفيش اخبار وربنا يجعله خير ♥

الحلم : حلمت كل العيلة و بناتها بيوزعو بينهم حليب و بيشربوه إلا أنا مفيش واحدة اعطتني حليب زي مايكون بيكرهوني و بدأت ابكي
و كنت في غرفة نومي و دخل راجل صغير و قالي لو عايزة مني فلوس حسرق تفاجئت و قلت ده دخل ازاي الشقة منين جاب المفتاح الحرامي ده و كمان بيسرق فلوس .

التفسير : هما كلهم بينهم زعل و نكد علي فلوس و إنت الحمد لله لما مأعطوكيش بقيتي بعيدة طالما ما شربتيش
حاسة انهم بيكرهوكي لا بيحبوكي و الدليل البكاء فرج عليكي إنت إحمدي ربنا ان الزعل اللي هما فيه إنت مش فيه.
الراجل مشكلة من ناحية كلام على ماديات عملالك متاعب وده كلام على عريس و حيبقي فيه ماديات هي السبب في موضوع مشكلة العريس.

وجاء الرد : جاتلي ماديات كانت سبب زعل الكل و إللي عرف بيزعل بسبب الغيرة و أنا مطنشة منهم و عاملة نفسي مش فاهمة.
العريس فيه كلام و لسه مدخلش البيت و مش عارفة حاجة عنو.

الحلم : مامتي حلمت انها في بيت جدها المتوفي ومعاها والدتها واتنين ستات متعرفهومش ووالدتي قاعده علي كنبه وجنبها ستتين ولقت صاحبتها داخله عليها واتكلمت معاهم ولفت نظر والدتي انها لابسه جزمه سودا والكعب قصير لونه ذهبي وطلعت سلمتين
والدتي لقت المطبخ مفتوح علي الصاله وفيه اطباق كتيره عايزا تتغسل في الحوض ومامتي راحت عشان تغسلهم وكانت لبسه چاكيت فوشيا فراحت قلعت الچاكت وحططه علي ضهر كرسي جنب الحوض عشان تعرف تغسل الاطباق
و هي ووالدتها عايزين يمشو من البيت قالت لوالدتها هطلب اوبر وبعتت لببايا رساله وسمعت صوته بيتكلم مع أحد في الشغل وكتبتله تعالي خدنا رد عليها ابعتيلي موقعك وقالت لمامتها هييجي ياخدنا وفيه ست جنبهم سألت مامي ايه اوبر دا قالتلها دا تاكسي ومامي بتكمل بقيه الغسيل

التفسير: ماما في بيت جدها (لاء دا في بيت ماما)معاها والدتها(والدتها حل ليها )واتنين ستات (حلين تانيين بتتمناهم)ووالدتي قاعده علي كنبه (تعبانه من واحده )جنبها ستتين(فيه حلين لها)ولقت صاحبتها داخله عليها واتكلمت معاها (فيه حل من ناحيه صاحبتها )ولفت نظر والدتي انها لابسه جزمه سودا( جوزها وليه مكانه جوزها يا كبير يا معاه فلوس ) والكعب قصير (ملهوش مكانه جوزها ) لونه ذهبي (الاهميه بتاعته مش اوي)وطلعت سلمتين ( صعود من الحل اللي ناحيه صاحبه ماما ) ووالدتي لقت ان المطبخ مفتوح علي الصاله ( ماديات كلها رايحه هدر علي اللي بيدخل عندكو) وفيه اطباق كتير عايزا تتغسل(رجاله عامله متاعب ومطلوب من ماما تشوفهم عايزين ايه في الحوض من ناحيه واحد) ومامتي راحت عشان تغسلهم ( ماما عايزا تشيل الزعل من ناحيه الرجاله دي )وكانت لابسه چاكت فوشيا( شغلها غايظها)راحت قلعت الچاكت (صرفت نظر عن شغلها)وحطته علي ضهر كرسي( الوظيفه بتاعتها معتمده علي واحد و كل مصاريفها هي اعتمدت علي واحد سند ليها الحوض وواحد تاني عشان تعرف تغسل الاطباق تشيل الزعل من الحاله دي )بعدين هي ووالدتها عايزين يمشو من البيت (لاء هي مش في بيت جدها هي في بيتها )قالت لوالدتها هطلب اوبر وبعتت لببايا رساله( بتطلب اوبر) عايزا تاخد قرار (وبعتت لببايا رساله يعني بتقوله علي القرار)وسمعت صوته بيتكلم مع أحد في الشغل( كلام هيدايقها) كتبتله تعالي خدنا رد عليها ابعتي موقعك(عايز يعرف هي فين بالظبط سابت البيت ولا لسه موجوده )قالت لمامتها هييجي ياخدنا( أعطت لمامتها فكره )وفيه ست جنبهم سألت مامي ايه اوبر( فيه حل من ناحيه القرار الي ماما بتفكر فيه )قالتها دا تاكسي(الحل دا نمره اتنين )ومامي بتكمل بقيت الغسيل ( ماما مستمره انها تشيل الزعل من ناحيه الرجاله دي)

وجاء الرد : كأن حضرتك معانا والله
فعلا مامي الشغل تاعبها وزعلانه ان شغلها سيباه وقررت تسيب امرها لربنا
وفعلا مامي تعبانه من ناحيه مامتها عشان تعبانه وعندها مشاكل بسب خيلاني الاتنين
ومامي فعلا دلوقتي معتمده علي الفلوس الي بيعطيهلها ببايا ومامتي بتفكر تروح تقدم علي شغل بس هي متردده والرجاله اللي عاملين زعل لمامي هو بابي وخالي
ربنا يبارك لحضرتك ويزيدك من علمه يا ست الناس ♥♥♥♥♥♥♥♥

الحلم : حلمت واحد أعطاني مقص حديد و كنت فرحانة و شكرتو.
التفسير : الواحد مشكلة من ناحية شخص قوي ومبسوط و إنت طبعا زعلانه بسببه و شكرتيه و زعلانه
وجاء الرد : زعلانه من اخي قالي انو حيساعدني و له مكانة و فلوس بس معملش حاجه و هو غير مبالي.

الحلم : حلمت برقوق أسود
التفسير : ماديات مهمة عليها زعل.
وجاء الرد : فلوس اتجمعت للعزاء كان عليها زعل
كلامك صحيح.

الحلم : ولقيت ابني معايا في اوضه النوم بتاعتي وانا جايبه له قاعده الحمام وحطيتها علي السرير ولبست القاعده كيس عشان ابني يعمل حمام في الكيس وابني مضايق جدا مني وسمعت صوت اغنيه وبحاول ارقص عليها ومحصلش ورأيت والدي المتوفي دخل علينا وابني عاوز يشتكيله اني مقعداه علي قاعده الحمام علي السرير بهذا الشكل ووالدي عاوز يصالحني ويبتسم في وشي بس انا رفضت اصالح بابا وهو بيحاول معايا ويحاول يهزر بس انا لقيت نفسي عيطت جامد جدا وقلتله ان هو واخويا الكبير تعبو والدتي كتير وقعدت و كان علي باب الاوضه والدتي بعبايتها السوداء


التفسير : انتي في امن وامان وابنك معاكي مشكله و في حياتك الزوجيه واحد اي ماديات بتشيلها بياخدها
ولما لبستي قعده الحمام كيس جبتي واحد خليتيه يشوف ايه اللي بيحصل عن مشكله الماديات و الواحد ده بياخد الفلوس وابنك مشكله تانية وتعباكي والاغنيه كلام هتسمعيه هيزعلك وهتتنكدي لما بطلتي الرقص ووقفتي النكد ووالدك كلام قديم هيتجدد علي الميراث والمشكله لما هتجدد هتعكننك والزعل اللي هتبقي فيه
ولما رفضتي تصالحي بابا زعل وعكننه
واخواتك الاثنين تعبو والدتك عندها مشكلتين وعياطك فرج عليكي ووالدتك حل ليكي من ناحيه واحد يا ليه مكانه يا معاه فلوس يا كبير في السن

وجاء الرد : اي فلوس بحوشها بتروح فعلا لزوجي وانا عاوزه أحد يعرفه كده عشان هو مش معترف بده خالص
وفعلا اخواتي الاتنين تاعبين ماما جدا واحد مراته زعلانه والتاني مضرب عن الجواز وده مزعل ماما خالص ومخليها مضايقه وانا زعلانه عشان ماما وفيه نكد علي طول بسبب كده ونفسي ربنا يفرجها عليه وعلي ماما
والحل اللي فعلا حصل بعد الحلم زوجي كان مصمم انزل اجازه مع الاولاد لاهله وانا كلمته بهدوء ان مش عاوزه اروح لوحدي من غيره وهو وافق الحمدلله وده حل بالنسبه لي كويس جدا

الحلم : شفت نفسي انا و دكتوره زميلتي وقاعدين علي ترابيزه وكراسي وهيه قدامها ورق كتير وبتكلم معاها علي مدير المستشفي انه ارسل رسايل للموظفين بمناسبه العيد ردت وقالت علي موظفه اسمها رحاب انا معرفهاش والموظفة دي جايبه سيرتي ان خايفه يعملو معاها زي ما عملو معايا وببص لقيت ورق مكتوب اسمي علية و علي حيطه قدامنا مع جمله طويله بالقلم الرصاص وانا استغربت جدا وقلت لزميلتي هو انت متحكيش اي حاجه الا لما اسالك وتقصد بكلامها ان احتمال ما ارجعش الشغل
ولقيت والدتي علي سرير في مستشفي وتعبانه جدا وفيه واحد زميلها داخل علينا يزورها واخويا معاه وبيشتم الشخص ده وكان معاه بوكيه ورد وانا رحبت بيه وقلت له اتفضل بس كنت لابسه بيجامه وشعري مش حلو خالص وكنت محرجه منه.
التفسير: الدكتوره الي جنبك (عايزا تعملي معالجه في قاعده تخص ورق رسمي ) بتتكلمي معاها علي مدير المستشفي( الموضوع يخص شغل ليكي فيه حاجه عايزا تكون في مستشفي الله اعلم) ارسل رساله للموظفين بمناسبه العيد( لاء انتي بتستني يكون جايلك رد علي حاجه تبقي مناسبه ليكي في يوم الكل فيه مبسوط ) ردت وقالتلي علي موظفه رحاب خايفه يعملو معاها زي ما عملو معاكي ( انتي حاجه وهي حاجه هي ماتخافش )ببص لقيت ورق مكتوب بإسمي (فيه مشكله علي ورق رسمي بالنسبالك ) وفيه مشكلة (من ناحيه المكتوب علي الحيطه أحد سند ليكي كمان علي اسمك شوفي بقي ) عشان مكتوبه بالقلم الرصاص(ممكن تتغير وتتمسح وتتعدل) انتي طبعا بتقوليلها متحكيش اي حاجه الا لما اسئلك ( انتي عايزا حل يخلصك من غير ما أحد يسئلك)تقصد ما ترجعيش الشغل ( لاء ممكن ترجعي ان شاء الله ) و لقيت والدتي في مستشفي وتعبانه (والدتك حل ليكي من ناحيه حاجه عايزا تعالجيها ) وفيه واحد زميلها دخل عليها يزورها ( يعني فيه مشكله كدا )واخويا معاه (واخوكي مشكله) واخوكي بيشتم الشخص دا(فيه تفاهم في المشكلتين من ناحيه ستات عاملين متاعب ومعاهم واحد ) طبعا الورد دا لو احمر (غايظينك)ولو ابيض (مزعلينك)ولو اصفر (تاعبينك) وانا رحبت بيه وقلتله اتفضل ( لاء مش هترحبي بحد انتي مشاكل تعباكي) كنت لبسه بيچامه ( البيچامه جوزك وقاعد في البيت )وشعري مش حلو ( جوزك كويس ) محرجه منه(مش محرجه ولا حاجه)

وجاء الرد : فيه كلام علي الشغل فعلا بس لسه مش عارفه الوضع هيبقي ازاي والستات إللي تعبني مرات اخويا وامها وتعبين اخويا ومامتي
وانا فعلا عايزا ارجع شغلي من غير كلام كتير و مش عايزا ارحب بأحد فعلا بسبب المشاكل اللي مضيقاني
ربنا يبارك في عمرك وتكون آخر الأحزان

الحلم : شفت نفسي مع زوجي في غرفه أولادي ومكركبه جدا وقال مفيش مكان نظيف اعرف انام فيه قلت له هاروق السرير بتاعنا واخليك تنام عليه رفض وقال خلاص قلت له اعملك سندوتش من الكيس اللي انت جايبه وكان الكيس خامته خفيفه لونه برتقالي وكان فيه جوه عيش فينو حجمه كبير ومحروق سنه وعملت له سندوتش بالفعل لانشون وكان فيه كمان عيش بر مدور ومعاه تمر ناشف وكنت جعانه بس ما اكلتش بس اخدت العيش فقط ولقيت نفسي في غرفه ولادي وبفتح الدولاب لقيت دهب كان قديم عندي وتقيل وقلت شكل ماما لقت الدهب قبل ما اخويا ما يسرقه وفي وسط الدهب ده سلسه مكتوب عليها اسمي هيه كانت ضايعه مني من زمان فعلا واخذتها وحطيت كله في جيبي ودخلت غرفه تانيه.

التفسير : شفت نفسي مع زوجي في غرفه أولادي ومكركبه جدا( هو مشكله تخص الاولاد وفيه متاعب ) وقال مفيش مكان نظيف اعرف انام فيه( المشكله عامله قلق من ناحيته في وجوده في البيت ) قلت له هاروق السرير بتاعنا(هتشيلي الزعل اللي بينك وبينه ) واخليك تنام عليه رفض ( لا مش هيرفض بس انتي مش بتعملي كده )وقال خلاص قلت له اعملك سندوتش من الكيس ( الكيس ده واحد والسندوتش مشاكل تخص مادييات )اللي انت جايبه ( اللي تبعه)وكان الكيس خامته خفيفه ولونه برتقالي ( الواحد ده عاملك متاعب ومتكشف لك كل حاجه عنه ) وكان بداخلة عيش فينو حجمه كبير ( كلام علي ماديات خاصه بمصاريفك) ومحروق سنه( زعل وكلام) وعملت له سندوتش بالفعل لنشون ( عامله زعل)وكان فيه كمان عيش بر مدور (مصاريف خاصه بالمعيشه)ومعاه تمر ناشف ( كلام علي أحد متوفي) وكنت جعانه بس ما اكلتش ( احسن لان لو اكلتي يبقي أحد هيتوفي)بس اخدت العيش فقط ( الكلام علي المصاريف)ولقيت نفسي في غرفه أولادي وبفتح الدولاب ( واحد هتعملي له ازعاج ) لقيت دهب كان قديم عندي ( متاعب قديمه) وتقيل ( متاعب مش عاديه ) وقلت شكل ماما لقت الدهب قبل ما اخويا ما يسرقه( المتاعب مصدرها ماما واخوكي) وفي وسط الدهب ده سلسه مكتوب عليها اسمي ( واحده تعباكي ومقيده كبريائك ) هيه كانت ضايعه مني ( بعيده عنك من زمان ) فعلا واخذتها وحطيت كله في جيبي ودخلت غرفه تانيه( جمعتي الزعل كله مع بعضه وروحتي قعدت لوحدك وزعلتي
وجاء الرد : انا علاقتي مع زوجي متوتره فعلا عشان مصاريف الاولاد غاليه اوي وهو مش قادر وانا بحاول اهدي معاه بس مش بقدر طريقته صعبه جدا ومضايقاني جدا
وماما سبب تعبي لأني زعلانه عليها أخويا أخذ فلوس من وراها ربع مليون جنيه عشان يدخل في مشروع وده زعلها اوي اوي وهيه صعبانه عليا فعلا

الحلم : والدتي شافت قدامها جاموسه كبيره وفيها لبن كتير وهي بتحلبها وكانت قاعده علي كرسي صغير وملاءت 2 شاليه لبن من 2 ثدي من الجاموسة وكان فيه راجلين بيشوفوها وهيه اعطتهم اللبن ومشيو وقالت هروح اكمل حلب الجاموسة
وفجأه رأت الجاموسة اتحولت كأنها حفيدتها والبنت دي نامت وماما عماله تعدلها علي ظهرها البنت فضلت نايمه خالص وماما محلبتش اللبن.
التفسير : الجاموسة واحده ما بتحسش وشها كئيب ومزاجيه ومحدش بيقدر يغصبها علي حاجه وجواها نكد وماما بتخلصها منه علي قد ما تقدر
وماما مكانتها متوسطه وخلصتها من نكدين من اتنين من أولادها والراجلين مشكلتين وماما حاولت تتخلص منهم لما أعطتهم اللبن وخلاص بعدو وهاروح اخلصها من بقيه النكد اللي جواها ولما خلصتها من المشاكل بقت قريبه منها وكان فيه حل من سند ليها وما شالتش منها اللبن مازالت في نكد والبنت فضلت نايمه علي ظهرها الحل هينتهي علي ميعاد

وجاء الرد : زوجه اخويا مغلبه اخويا جدا وده عامل نكد لماما وماما بتحاول تشيل الزعل بينهم عشان العيال الصغيره
وفعلا تدخلت وبتحاول وفي نفس الوقت حل الرجوع بينهم مضايق ماما عشان الزوجه وقعت الاخوات في بعض وده مزعل ماما خالص
وفعلا زوجه اخويا دماغها ناشفه ومحدش بيقدر يغير رأيها وبارده جدا مبيهمهاش

الحلم : حلمت رايحة ملاهي جوة بيت كبيير و شبابيكة الوميتال وزجاج و اللعبه أو المورجيحة كراسيها ليها سلاسل طويله وبتلف و الكراسي شبه كراسي المكتب الجلد الكبيرة .. قعدت علي كرسي منهم راح الكرسي بالسلسلة متحرك وفضل بتهز زي بندول الساعة ولقيت نفسي هخبط في شباك الوميتال واقع فالشارع
فقولت للراجل اللي بيشغل اللعبه انا ممكن اقع من الشباك لو مخدتش بالك .. راح متعصب عليا وقالي اللي بيحترم بيحترم نفسه و فضل مقعدنا انا والناس مش راضي يشغل اللعبه والناس بيبصولي لأني ضايقتوا روحت سايبه المكان وماشيه خالص
وقابلت صاحبتي و لاقينا محل بيبيع شباشب اشكال و الوان لكن معروضين جوة ڤاترينة زي بتوع الدهب و احنا استغربنا اوي
و هي قابلت راجل ولي أمر لأنها مدرسة وأنا سبتها و مشيت ..

التفسير : البيت الكبير و الملاهي حياتك و انتي عيشاها بدون امان و اطمئنان
و الشباك الالوميتال اخوكي و فيه بينك وبينه مشاكل و قلق والشباك زجاج متكشفلك عنه كل حاجة .. اللعبه و السلاسل دي شغلك و متحكم فيكي واحدة و الكرسي الجلد مكانتك في شغلك من أحد سند لك و لما الكرسي اتحرك فيه لف و دوران و الست دي بتحارب كبريائك و الناس دي لو رجاله مشاكل ولو ستات حل للمشاكل ولما مشيتي لا انتي مش هتمشي ولا هتسيبي شغلك.. الشباشب مشاوير حتروحيها عشان فلوس هتتاخد منك و صاحبتك اللي جالها راجل اتسببتلك في متاعب و كويس انك بعدتي عنها ..

وجاء الرد : الله اكبر عليكي ياطنط .. فعلا انا في مشاكل مع اخويا مستمرة و دايما بحس بعدم الأمان بسببه
و شغلي معروض عليا نقل لمكانة أعلي و اللي متحكم فيا ست و بتؤذي كبريأئي و المشاوير بعملها عشان هعمل عمليه هدفع فيها فلوس كتير
و صاحبتي دي أنا اختلفت معاها بسبب فلوس العملية دي و انا بعدت عنها خالص .. ربنا يزيدك من علمه ويخليكي ليا

الحلم : شفت المدير قاعد على مكتبه و مش لابس قميص وجسموا عريان من فوق لابس بس بنطلون .

التفسير : المدير امنية بتتمنيها في شغلك (و مش لابس قميص عريان من النص اللي فوق ولابس بنطلون ) فيه جواز وما فيش حب من ناحية امنية بتتمنيها في الشغل

وجاء الرد : ايوة فيه حاجة زي كدة وربنا يسهل اللي فيه خير.
شكرا لحضرتك

الحلم : اخوية بيخبط علي الباب فتحتوا لاقيتوا جايبلي خروف بيقولي : ادربي بيه.
فأنا استخبيت وراء الباب وخفت قولتلو : ده صغير وحيفضل يتنطط اذبحوا احسن علشان اسيطر عليه. فذبحوا وفتح بطنوا لكن مافيش ولا قطرة دم فيه فاستغربت جدا" .

التفسير : (اخوكي بيخبط علي الباب) مشكلة من ناحية واحد والضرب تفاهم (فتحتي لاقيتيه جايبلك خروف ) الخروف واحد شخصيته ضعيفة (وبيقولك ادربي بيه ) اتعلمي ازاي تتعاملي مع أي راجل بس ده مش حيعجبك (انتي لما استخبيتي وراء الباب ) اداريتي بواحد وصدرتي الواحد هو يتعامل مع المشكلة (وقولتي عليه صغير وحيفضل يتنطط) هو مش صغير ولا حاجة الشخص ده لا بيتنطط ولا بيتحرك قاعد زي اللطخ كده (نذبحو احسن) تذبحوه يعني تساعدوه محتاج مساعدة (علشان تسيطري عليه) تقدري تتعاملي معاه (ذبحوا وفتح بطنه ) ساعدو وساعد مراته عمل لمراته مشكلة (لكن مافيش ولاقطرة دم ) مافيش جراحة ولا حاجة

وجاء الرد : فعلا وصف حضرتك للمنام يخص المدير ووصف مضبوط بنحاول نساعدوا بس هو زي ماقولتي مفيش اي تجاوب من ناحيته وربنا يهديه
اما مراتوا فمعرفش اللي اعرفوا انها مسيطرة عليه علشان بتغير من اي واحدة معاه في الشغل.
شكرا لحضرتك جدا

الحلم : حلمت عرفت خبر وانا في السعوديه ان خالتي ماتت و عيطت وفضلت اقول انا لسه امبارح رديت عليها في الموبيل وكان صوتها تعبان وكلهم كانو بيهدوني
ووصلني خبر ان ماما اللي ماتت وفضلت اعيطت بهستريا في الشارع بصوت و اعيطت طول ما أنا ماشيه واي أحد يكلمني اعيط و أقول يارب أكون بحلم بس انا مش بحلم
ودخلت سوبر ماركت وبشتري حاجات وقعدت علي كرسي وبحاسب وجوزي كلمني بقوله في موقف حصل معايا هنا في السوبر ماركت قالي موقف ده معناه انك اتعاملتي بقله ادب مع أحد
وبيزعقلي وبيقولي خليكي مؤدبه مع الناس وانا قفلت في وشه وفضلت اعيط علي ماما وبقول كانت بتصلح بيني وبينه

التفسير : الخبر ان خالتي ماتت ( مشكله خالتك انتهت )
وناس بتهديكي وهي لسه كانت بتكلمك في الموبيل ( مجاش خبر منها ولا حاجه
وكل الناس تعباكي ( مشكله انتهت )
( جالك خبر ان ماما مشكلتها اتحلت كمان وعياطك فرج عليكي )
العياط كتير ( فرج عليكي )
والسوبر ماركت ( مكان لك منه مادييات مصروفك او شغلك )
قعدتي علي كرسي ( ليكي مكانه )
وجوزك كلمك وبتحكي اللي حصل معاكي في السوبر ماركت ( مكالمه هتزعلك )
وقالك الموقف ده معناه انك كنتي قليله الادب مع أحد
الذوق بتاعك هو اللي مخليكي مش واخده حقك
وبيزعقلك ( كلام كويس)
قفلتي في وشه ( انتهت مكالمه عادي )
وعيطي علي ماما عشان هي كانت بتصلح بينكم
لا مكنتش بتصلح ولا حاجه

وجاء الرد : شكرا جدا ياماما كريمه حقيقي هو خالتو عندها مشكله كبيره يارب تتحل علي خير
وانتي كده بشرتيني
وماما كمان عندها مشكله يارب تتحل علي خير
وانا فعلا مصروفي اللي بصرف منه بتهدد بيه كل شويه اني مش هاخده ويارب عياطي يكون فرج عليه يارب
وفعلا انا ذوق مع اخو جوزي وهو قليل الذوق معايا ودي غلطتي اني مؤدبه وعد هيشوف وش قذر مني

الحلم : حلمت اشتريت بوك اسود و عجبني كثير لقيتو زي ما بحب و خبيتو في الدولاب وسط هدومي و ماما ندهت عليا سبته في الدولاب و روحت لعندها .

التفسير : البوك الأسود فلوس واحد و الواحد ياكبير في السن يا معه فلوس يا له مكانة و عاجبك لا مش عاجبك و لا حاجة بعدين لما لقيته زي ما بحب و خبيتو في الدولاب وسط هدومي يعني الدولاب واحد و الهدوم فيه كلام مزعلك من ناحية الواحد ده فانت حطيتي الفلوس بتاعت الأولاني عند الثاني ده و ماما ندهت عليكي فيه حل من ناحيتها
و لما سبتي الدولاب يعني بعدت عن الواحد اللي فيه كلام مزعلك من ناحيتة و روحت لعندها مش حتروحي إنما فيه حل ليكي من ناحيتها.

وجاء الرد : أخويا هو الدولاب اتكلم معاه واحد له مكانة كويسة و طلب ايدي منه و لسه كلام بس و انا لسه متعرفتش عليه بس اخويا اتكلم عليه كويس ونصحني اعمل فترة خطوبة و اللي فيه الخير يقدمه ربنا .

الحلم : جدتي حلمت في جنينه بيتها وبتقول في نفسها ان ابنها قتل أحد والبوليس هيمسكه و شافت ناس ماسكين نعش طويل ورفيع وماشيين ناحيه المقابر عشان يدفنوه وجدتي بتراقب الجنازة من بعيد و ابوها المتوفي واقف و بيراقب الناس الي شايلين النعش و رايحين التربه (ومفيش ميراث من ابوها المتوفي)

التفسير : جدتك في الجنينة ( برا الامن والامان ) وبتقول ان ابنها قتل احد (القتل عندها مشكله من ناحيه أحد عايزا تساعده مادياً او عينيا )والبوليس هيمسكه ( عندة نصرة ) و ناس ماسكين نعش طويل ورفيع (كلام علي جوازه )وماشيين ناحيه المقابر (جوازة في طريقها تتم وتتحقق) عشان يدفنوه ( هيبقي عريس ) وجدتي بتراقب الكلام من بعيد ( هي مش مقربه من الموضوع بتاع الجوازه ) وشافت ابوها المتوفي كمان واقف وبيراقب ( كلام قديم هيتجدد ) واللي شايلين النعش ورايحين التربه(بيراقبو موضوع الجواز هيتم ولا لاء )

وجاء الرد : كل كلام حضرتك مظبوط فعلا فيه كلام علي جواز خالي ويارب يبقي عريس والجوازه تتم وجدتي عايزا تساعد خالي التاني مادياً عشان يقف علي رجليه ويشتغل ويارب ينصرها وجدتي فعلا حاسه بقلق ومش في امن وامان ربنا يجبرها
كل كلام حضرتك بييجي في الجون ربنا يجزاكي الجنه ونعيمها ♥♥♥♥

الحلم : حلمت ببص من بلكونة مدرسه فى اعلى دور .. وكنت ماسكه صورة بنت مبتسمه ومرسوم جمب الصورة قلب احمر صغير على جنب والصوره رميتها من ايدى وانا بصا من البلكونه
التفسير : بلكونه المدرسه (المكانه إلى انتى فيها سببها صحابك القدامي بس مكانه مؤذيه لكى مش كويسه ) و فى أعلى دور ( شأنك مرتفع لكن كله متاعب )
كنتى ماسكه صورة بنت مبتسمه ( حل تاعبك وحيبقي ذكرى )
وجمب الصوره فى قلب احمر (واحد غايظك بتحبيه هيبقى ذكرى هو كمان )
والصوره رميتيها ( خلاص الموضوع راح لحاله وانتهينا على كده )
وجاء الرد : كل المتاعب إللى بمر بيها بسبب طليقى ..حتى بعد الطلاق بيؤذينى نفسيا بمشاكل كتير عشان كل ما يعرض عليا الرجوع برفض ..بس انا فعلا مستحيل ارجعله لانى اتأذيت منه جدا

الحلم : شفت نفسي مع ابني في عربيه ملاكي بتاعه زوج صحبتي وعربيه فخمه جدا وسوداء وابني ركب جنب زوج صحبتي قدام وزوج صحبتي هو اللي قاعد علي الدركسيون و صحبتي جاءت تسلم عليه بس ما سلمناش وركبنا واخدو تليفون ابني يشحنوه في العربيه دي
سمعت زوجها بيقول لابني تليفونك بيخلص شحن بسرعه حوالي 30٪ في وقت قليل
و لقيت نفسي في بيت فيه واحده سنها صغير معايا وبتلف ورايا من اوضه لاوضه لحد ما دخلت اوضه مكركبه شويه ولقيت الست دي قعدت قدامي علي كرسي وانا قدامها علي كرسي بتحاول تكلمني في حاجات جنسيه بس انا زعقتلها وقلت لها اتقي الله قولي لا اله الا الله لقيتها اتعصبت جدا وانا اكتشفت في الحلم انها جن وخفت منها قعدت اقرا المعوذات و تصرخ وعاوزاني اسكت ولقيتها وقعت علي الارض ورفعت رجليها علي ترابيزه انتربه وباقي جسمها علي الارض وانا خايفه جدا تأذيني وتدير وجهها عني الناحيه الثانيه وما بتبصليش وكنت عاوزه امسك رجليها بس لقيت رجليها طويله وغريبه وانا خفت منها وقمت من النوم.

التفسير : شفت نفسي مع ابني في عربيه ( قرار ليكي فيه مشكله ابنك ) ملاكي بتاعه زوج صحبتي وعربيه فخمه جدا وسوداء ا (قرار مهم ) وابني ركب جنب زوج صحبتي( القران في ايديه ) قدام ( المشكله بعيد عنك) و صحبتي جاءت تسلم عليا مسلمناش ( احسن كده مفيش زعل بينكم ) وركبنا واخدو تليفون ابني ( خبر هيعرفوه عن ابنك )يشحنوه في العربيه ( القرار خبر يخص ابنك ) سمعت زوجها بيقول لابني تليفونك بيخلص شحن ( الموضوع قرب ينتهي بسرعه ) بسرعه ( مفيش كلام عليه دلوقتي )و لقيت نفسي في بيت ( كده صرفتي نظر عن القرار ) وانتي في امن وامان وفيه واحده (حل ليكي ملازمك في كل مكان ) معايا في المكان ده وبتلف ورايا من اوضه لاوضه لحد ما دخلت اوضه مكركبه شويه ( حاسه بمتاعب)ولقيت الست دي قعدت قدامي علي كرسي (الحل له مكانه ) وانا قدامها علي كرسي ( انتي لك مكانه ) بتحاول تكلمني في حاجات جنسيه ( كذبه ) بس انا زعقتلها ( بتتعاملي مع الحل بتفاهم ) وقلت لها اتقي الله قولي لا اله الا الله ( عاوزه تأمني الحل ده ) لقيتها اتعصبت جدا (الموضوع هيتحل والأمور هتهدي ) وانا اكتشفت في الحلم انها جن وخفت منها قعدت اقرا المعوذات ( بتأمني نفسك) وهيه تصرخ( تفاهم ) وعاوزاني اسكت( الكلام مالوش لازمه ) ولقيتها وقعت علي الارض ( الحل فيه تعب هينتهي علي ميعاد ) ورفعت رجليها علي ترابيزه انتريه( مشاكل خاصه بسعيك لرزقك الحل من ناحيتها متوقف علي واحده بعد قعده هتكون او اجتماع ) وبقيه جسمها علي الارض ( الموضوع تعبك هينتهي علي ميعاد ) وانا خايفه جدا تؤذيني ( مش هتخافي ولا حاجه ) وتدير وجهها عني الناحيه الثانيه ( الحل مش مركز عليكي ) وما بتبصليش وكنت عاوزه امسك رجليها ( كنت عايزه حل من ناحيه شغلك ) بس لقيت رجليها طويله ( ليكي مكانه ومعمولك حساب )وغريبه ( حاجه بتتميزي بيها )

وجاء الرد : فعلا ابني داخل ان شاء الله اعداديه بريطاني وبفكر يكمل ثانوي بريطاني بس لسه مخدتش قرار قدامه سنه كمان عشان نقرر يكمل ولا لا
وبالنسبه لسعي للرزق فعلا المفروض هاشتغل قريب بس الموضوع حصل فيه مشاكل في ورقي وانا فعلا عندي مميزات انا استشاريه في تخصصي وهما عارفين اني شاطره الحمدلله بس انا فعلا مش خايفه منهم في المستشفي ولا حاجه وقرار رجوعي من عدمه متوقف علي صيدلانيه هناك قريبه جدا لمدير المستشفي ويمكن تكون هتتدخل بس اللي ربنا يكتبه هو الخير مش فارقه اشتغل معاهم او في حته تانيه.

الحلم : حلمت في شعري قمل كثير و كنت بسحبه من شعري بأيدي و اقتلو.
التفسير: القمل رجالة على ستات كبار على صغيرين بيعملو مشاكل بينك و بين واحد انتي كنتي بتسحبي من شعرك بايدك بتتخلصي من الشخصيات دي.
وجاء الرد : خطيبي لما تخاصمنا لقيت ناس داخلنا بينا بالمشاكل مفيش أحد عاوز يصلح بينا بس حذفتهم و مبقيتش اتكلم مع أحد من اللي عرفت نيته كده.

الحلم : جدتي شافت نفسها في بيت اهلها زمان ولقت مامتها واختها المتوفيين ومامتها بتدور علي فلوس كانت ضايعه منها وبتقول انها حطاهم في منديل وجدتي شكت ان اختها المتوفيه هي اللي سرقاهم و بتبص لقت تحت السلم الداخلي الخشب بتاع البيت فلوس علي الارض 400 جنيه وكل ورقه ب200 وجدتي راحت مدياهم لوالدتها المتوفيه

التفسير : (هما الاتنين حلين من ناحيه كلام قديم هيتجدد مامتها واختها ) ومامتها بتدور علي فلوس ( الكلام علي ماديات كانت خلاص مفقود فيها الامل ) وبتقول انها حطاهم في منديل ( الموضوع بقي ذكري ) وجدتي شكت ان اختها المتوفيه هي اللي سرقتهم ( كلام قديم تاني هيتجدد من ناحيه اختها ) هي سرقتهم (هي مش سرقاهم ولا حاجه )بتبص تحت السلم الخشب (السلم الخشب مكانه نمره اتنين )وبعدين لقت علي الارض 400 جنيه وعطيتهم لمامتها المتوفيه (يعني فيه مشكله ماديات وسببها الميراث بتاع مامتها )
وجاء الرد : البيت بتاع والده جدتي عليه مشاكل لغايت دلوقتي واخو جدتي بيفكر يبيعه عشان يحل مشكله ماديات عنده و ده عامل مشاكل في العيله لان البيت هو اللي فاضل من والدة جدتي ربنا يزيدك من علمه يا دكتوره كريمه اكتر واكتر ♥

الحلم : خالي حلم انه في بيت وبيصلي لقي ناس جاءت وراءه يصلو وبعدين بقو صفين بيصلو بعدين خالي ركع وأ حد دفعه في رجله لقي نفسه في وضع السجود وقال في سره انه مقالش سمع الله لمن حمده وقال ربنا هيسامحه عشان عارف نيته و لقي واحد وراه بيقول بصوت عالي محدش يتكلم الا الامام اللي هو خالي في الحلم

التفسير: جوا بيت وبيصلي( في امن وامان )وصلاته (بيأمن نفسه) لقي ناس وراءه وبيصلو (هو القائد لكذا أحد ستات علي رجاله ) بقو صفين بيصلو( بعد مكانو واقفين وراءه اي كلام اما بقو صفين يعني اتحدد الشخصيات اللي بتتأمن وموافقه يبقي القائد بتاعهم ) خالك ركع ( ركوعه فيه متاعب في مادييات شغله أو سعيه لرزقه) أحد دفعه في رجليه لقي نفسه في وضع السجود( أ حد ساعده ومبقاش فيه متاعب وبقي فيه طريقه يحمد بيها ربنا او فيه حاجه هتخليه يحمد ربنا )وقال في سره انه مقالش سمع الله لمن حمده قال ربنا هيسامحه عشان عارف نيته( فيه حاجه تعباه وهو بيتمني ان الحاجه دي تخلص علي خير ان ربنا رب قلوب وعارف هو كان ضميره ايه )و لقي واحد وراءه بيقول بصوت عالي محدش يتكلم الا الامام ( الكلمه كلمته خالك)

وجاء الرد : خالي الحمد الله مقيم الصلاه وبيحاول يقرب من ربنا سواء عمل او قول وهو فعلا قائد عيلته كلها من اول مامته واخته لولاد العيله الصغيرين وكلمته مسموعه وهو فعلا دايما بيقول ربنا عالم بالنيات
وفعلا هو الأيام دي عنده متاعب في شغله بسبب مديره ودا مؤثر علي مادياته ربنا يبارك حضرتك ويزيدك من علمه اكتر واكتر

الحلم : حلمت قاعده علي السرير في حجرتي وبابا قاعد معايا علي نفس السرير ومامتي علي سرير تاني جنبنا وكنا بنتكلم فلقيت في السقف بتاع الاوضه الثمن كواكب و كوكب الارض بيدفع كوكب كبير قدامه لغاية ما كوكب الأرض وقع علي ارض الاوضه وبقي زي الكوره فأنا ببص لبابي ومستغربه وبقوله فيه حاجه غلط وهو قالي عادي ممكن تحصل
و لقيت السبع كواكب الباقين وقعو علي الأرض وبقو كوره و بيتنططو في الاوضه و بابا وامي خافو فببص علي الحيطه اللي جنب السرير اللي قاعده عليه لقيت فيه دم ومكتوب بالدم دا كلام فأنا قلت يبقي فيه حاجه وحشه معموله زي سحر او كدا فبدأت اقراء آيه الكرسي فلقيت مامتي وببايا بيقولولي بصي يا ايتن الدم بدأ يختفي من الحيطه فإحنا التلاته قمنا وطلعنا برا الاوضه ولقيت زي نقط دم صغيره بتمشي علي الحيطان وبعديها دخلت الحمام علي الحيط فبابا ومامتي دخلو يبصو عليها ومع استمراريه قرائتي اختفي الدم و قلت لمامي انا حخلي دكتوره كريمه تفسرلي الحلم قالتلي دا مش حلم دا حقيقه حصلت

التفسير : انتي قاعده علي السرير (بتفكري في حياتك وبتفكري في الارتباط بتاعك من واحد حيبقي شكلك ايه ) وبابا قاعد معايا في نفس السرير (بابا مشكله ليكي في الموضوع دا ) وماما قاعده علي سرير تاني (بابا ليه حياه لوحده وماما ليها حياه لوحديها طب انتي هتعملي ايه في النص بينهم ) و كنا بنتكلم لقيت في السقف بتاع الاوضه(سقف الاوضه واحد سند ليكي الثمن كواكب ( 8 ستات ورجاله )ولقيت كوكب الارض بيدفع كوكب كبير ( يعني العيشه بتبعد عنك واحد مهم )لغايت ما كوكب الارض وقعد علي ارض الاوضه(يعني بق العيشه تعباكي وتاعبه نفسيتك من ناحيه واحد )وبقي زي الكوره وانا ببص لبابي مستغربه (يعني انتي بابا بقي ايه كدا فيه مشكله وبتبصي لبابي يعني كدا عاجبك )وبقوله فيه حاجه غلط قالي عادي (يعني انتي مش عاجبك الحال لكن عاجبه هو ممكن تحصل بعديها )لقيت السبع كواكب الباقيين وقعو علي الارض (يعني بردو اتحط بيهم مجموعه الستات علي الرجاله اتحط بيهم علي الارض وبقو تعبانين )وبقو كور وزي بيتنططو في الاوضه (يعني الوضع مش عاجبهم حابه يبقي عندهم صعود وحابه يتحط بيهم الستات علي رجاله المهمين اللي بينورو حياتك )و بابا وامي خافو فببص علي الحيطه اللي جنب السرير لقيت فيه دم ومكتوب بالدم دا كلامه يبقي فيه حاجه وحشه معموله زي سحر ( الحيطه الي عليها دم ده أ حد سند ليكي فيه كلام علي جراحه تخصه ) فبدأت اقرأ ايه الكرسي (بتستعيذي من الشيطان وبتحمي نفسك ) و لقيت مامتي وبابا بيقولو بصي يا ايتن الدم بدأ يختفي (يعني الجراحه مش هتتعمل لسندك هيتقالو ممكن علاج ) فإحنا التلاته قمنا وطلعنا برا الاوضه ( الامن والامان اللي كله متاعب بعدتي عنه) ولقيت زي نقط دم صغيره بتمشي علي الحيطان ( فيه كلام بيتقال ان فيه جراحه لأحد سند ليكي هتبقي ملازماه الكلام عليها بس مش بتتنفز) لما دخلتي الحمام (بقيتي تعبانه يا نفسي يا جسماني يا الاتنين ) ومع استمراريه قرائتك للقرآن اختفي الدم ( المتاعب الي حاساها هتروح ) قلت لمامي في الحلم انا هروح افسره عند دكتوره كريمه قالتلي دا مش حلم دا حقيقه حصلت (يعني انتي من قرايتك للقرآن التعب بيروح ويجي حابه يقولو فيه جراحه وحابه يقولو لاء )ولما بتقولي هتفسريه(لاء فكرك ان الموضوع دا هيعدي كدا بسهوله لاء دي حقيقه هو هيعدي بسهوله مش هيبقي حقيقه ولا حاجه )

وجاء الرد : فعلا كلامك مظبوط انا مامتي وببايا كل واحد عايش حياته بعيد عن التاني وببايا هيعمل عمليه في رجله فعلا قريب وانا مش عاجبني حال ببايا ومامتي مع بعض بس ببايا بيقولي كدا اريح وانا الحمد الله مستعينه بالله وبقرأت القرآن وادعي وربنا يستر والكواكب دي جدتي علي خالي علي مامتي علي ببايا وهما فعلا بينورو حياتي زي ما حضرتك وصفتيهم وفعلا عندهم صعود وهبوط في حياتهم الفتره دي بس ربنا يفرحهم ويهديهم دايما تفسيرك بيبقي الاصح بإذن الله وبيبقى قريب ليا جدا

الحلم : شفت نفسي في بحر وراكبه علي سفينه و السفينه وقفت ترانزيت و معي بنتي وبقولها ياريت يقفو في المدينه المنوره اصلي وا زور الرسول وكان قدامي 2 راجل لابسين بدله رسميه سودا ونظاره و اختفو ولقيت الماء بتيجي علي رجلي وانا بقول لبنتي سبحان الله علي شكل الماء وعظمه خلق الله في لون الماء الفيروزي. التفسير : انت في بحر يعني متحيره علي ماديات وعلي سفينه ممكن تكون انتي او واحده تانيه دي تغرقك وبعدين توصلك لبر الامان ووقفت زي ترانزيت فيه حاجه توقف مشكله الماديات والحيره وترسيكي علي بر و معاكي بنتك فيه حل لكي و ياريت في امنيه نمره 2 تتحقق لك عشان تتامني والراجلين لابسين بدل رسميه دول مشكلتين من ناحيه 2 ستات يا كبار في السن يا معاهم ماديات يا ليهم مكانه والنظاره فيه حاجات مش متكشفه لك عاوزه تعرفيها واختفو خلاص بعدو والمشكله بقت في الماديات الإيضافيه اللي بتجيلك خاصه بمصروفك او شغلك لو بتشتغلي و بتقولي ربنا يدبرها من عنده ولون الفيروزي يعني الماديات عامله لك متاعب وغيظ.
وجاء الرد : عندي مشكله ماديات كبيره ونفسي اشتغل وأتأمن من القلق اللي بفكر فيه والستات ممكن تكون حماتي وبنتها سنهم كبير وليهم مكانه عند زوجي بس هما في حالهم وانا في حالي وبدعي ربنا طول الوقت يدبرها من عنده

الحلم : شفت نفسي في مبني كبير جدا وواسع وكله رخام زي ما يكون مبني مهم ولكن فاضي مش موجود فيه احد وانا كان معايا امي ومعاها ست معرفهاش لابسه عبايه وحجاب بمبي وكانت عماله تبهدل فيه وتعاملني بشكل وحش وانا كنت مستغربه ليه بتعاملني كده والست دي قالت لي تعالي معايا يلا عشان ندفع فاتوره علاج والدتك وفعلا لبست جزمه ومشيت معاها بس تاهت مني ولقيت اسانسير نازل تحت وفيه رجاله كتير فوق بعض من الزحمه وانا مرضيتش اركب الاسانسير معاهم وقلت انزل علي السلم احسن بس انا لقيت نفسي تحت فعلا في دور كده بس مش بره المبني ده ولقيت زي استقبال كده فيه بنت سالتها ادفع فين قالتلي انت جيتي غلط فيه مكان تاني تدفعي فيه وفجاه لقيت جنبي راجل زي ما يكون حارس امن او حاجه والست اللي شفتها في بدايه الحلم قدامي تاني وضربت الراجل اللي حنبي علي ايديه

التفسير : المبني الكبير بتتمني أمن وأمان وفاضي مفيهوش أحد يعني مفيهوش مشاكل و لا حلول وكان معاكي مامتك والست هما حليين لكي من ناحيه واحد العبايه وكانت بتعاملني وحش لا مش حتعاملك وحش ومش هتستغربي ولا حاجه والست دي قالتلي تعالي ندفع فاتوره علاج والدتي حل من ناحية مادييات وفيه معالجه خاصه بماما
وانتي لبست جزمه ممكن ترفضي ترجعي للواحد ده
ومشيت معاها الحل مش هيريحك وتاهت منك مش لاقياها والاسانسير واحد بيطلعك سابع سما وينزلك سابع ارض وفيه رجاله كتير الواحد حواليه مشاكل متراكمه وبعدتي عن الواحد ده لما مرضيتيش تركبي الاسانسير ونزلتي السلم الامنيه مش هتتحقق لكن لقيت نفسي تحت كويس الامنيه هيبان مازالت موجوده لقيت بنت سالتها ادفع فين يعني فيه حل من ناحيه المادييات وقالتلي انتي جيتي غلط لا مجيتش غلط ده المفروض تعمليه وفيه مكان تاني تدفعي فيه لا هو عندها الدفع وفجاه لقيت راجل مشكله والست ظهرت تاني والحل رجعلك تاني وضربتيه علي ايديه تفاهم علي الماديات الاضافيه اللي بتجيلك
وجاء الرد : الشغل بعتولي العقد انهارده وكانت امنيتي ان راتبي يزيد بس زودني حاجه بسيطه جدا وده زعلني والامنيه راحت بعد ما طلعوني سابع سما انهم متمسكين بيه وانا بعتلهم ان مش موافقه ( لبست الجزمه ) حضرتك قولتي حترفضي ترجعي للواحد ده ( مدير المستشفي ) ولازم يزودو الراتب عشان الماديات الاضافيه الخاصه بتاعتي تزيد ويمكن يبقي فيه حل ويوافق مدير المستشفي علي الزياده وممكن ما يوفقش انا ونصيبي
تسلمي علي التفسير السليم حفظك الله وبارك في صحتك وعمرك يا دكتوره ♥♥♥

الحلم : والدتى حلمت رايحة تزور قريبتها و كان السلم مكسر ومعرفتش تطلع ورجعت تانى
قبل النوم هيا كانت مصلية استخارة بخصوص بيع بيت

التفسير : هى عايزه حل من ناحيه بيع البيت لكن تحقيق الأمنيه فيه مشاكل لأنها مطلعتش السلم كلام مش هتوافق عليه
وجاء الرد : تمام شكرا استاذة كريمة
هو فعلا فيه اختلاف على السعر مع المشترى

الحلم : امي حلمت انو بابا كان معايا في الغرفة و خرج من عندي و راح عندها للغرفة المجاورة و كان عاوز يجلس على فخذها و كان ظهرو و فخدو بيوجعوه مقدرش يجلس عليهم بس نام على ماما و باسها في فمها. (مع العلم بابا و ماما مطلقين و لسه عايش) .
التفسير : بابا مشكلة كانت عندك و مشكلة تنقلت لماما و بعدين كان عايز يجلس على فخذها يعملها مشاكل في الماديات اللي خاصة بشغلها كان عاوز هو ميدهاش ماديات لكن مقدرش و لما هو باسها يعني كان عايز يعمل فيها كذبة او خدعة لكن اللي حصل انو هو في كلام حيقولو ممكن ينكرو او يقول الكلام ده كذب.
وجاء الرد : بابا بيدينا مصروف قليل جدا بيقول مفيش ماديات كثيرو الحالة ضعيفة وحنا عرفين انو بيكذب علينا بس ساكتين.

الحلم : جدتي حلمت في بيتها ومعاها احفادها الاتنين بنت وولد و جوزها المتوفي وكان لابس جلبيه زيتي وفيه جلبيه معاه لونها ابيض وطويله وعلقها علي شماعه وجدتي قالتله هتكرمشها وانت لسه كاويها وجدي كان بيهزر مع جدتي وابنهم الكبير واقف بينهم واحفادها مستغربين ازاي جدي بيهزر مع جدتي وبعدين فجأه جدي اختفي

التفسير : جدتك في بيتها ( في امن وامان )معاها احفادها الاتنين بنت وولد (الولد مشكله والبنت حل ) وجوزها (كلام قديم هيتجدد لو كان فيه ميراث يبقي علي الميراث) والجلبيه الزيتي اللي لابسها ( واحده و الخير اللي من ناحيتها عامل اكتئاب لتيتا ) و فيه جلبيه معه لونها ابيض وطويله( واحده تانيه من الكلام القديم اللي هيحصل هتزعل تيتا ) وطويله ( مادياتها قويه الواحده دي ) علقها علي شماعه (يعني راكنها عاملها احتياطي ) وجدتي قالتله هتكرمشها وانت لسه كاويها ( احنا لسه مظبيطنها وهي كدا ايه هتبقي في زعل ) جدي كان بيهزر مع جدتي (الهزار الكلام القديم لما هيتجدد لو علي ميراث هيزعل تيتا الهزار بينهم زعل ) وابنها الكبير واقف بينهم (مشكله ) واحفادها مستغربين ازاي جدي بيهزر مع جدتي ( ازاي الكلام القديم ده يرجع يحصل ويعمل عكننه تاني دلوقتي )بعدين اختفي (خلاص الكلام القديم لما اتجدد راح لحاله )
وجاء الرد : فيه ميراث من جدو ومن الميراث فيه حته ارض كبيره واعمام مامتي عاملين عليها مشاكل وجدتي فعلا بتزعل من المشاكل دي وطبعا احفادها مستغربين ان ازاي لسه الخناق والزعل مستمرين ودا عامل زعل لجدتي جامد ومأثر علي صحتها وفيه مشكله من ابنها مع مراته ودا بردو من الحاجات الي مزعله جدتي

الحلم : لماما شافت نفسها في البيت و لقت حله الومنيوم كبيره رفعت الغطاء بتاعها وجدت فيها صراصير كبيره وصغيره متكومين في جانب من الحله وهيه قرفت من شكلهم وغطت الحله تاني بسرعه.
التفسير : ماما شافت نفسها في البيت ( ماما في أمن وأمان ) و لقت حله الومنيوم كبيره رفعت الغطاء بتاعها( الحل والغطاء واحد وواحده ولما رفعت الغطاء بعدت الواحد عن الواحده ) وجدت فيها صراصير كبيره وصغيره ( دي شخصيات حشرات عاملين غيظ لماما وهما تبع الواحده ان مكانش ماما معاها الوسيله اللي تتخلص بيها منهم يبقي الحل انها تكرشهم)متكومين في جانب من الحله ( مداريين نفسهم ) وهيه قرفت من شكلهم وغطت الحله تاني بسرعه( سابت الواحد ده للواحده وقالت لهم في داهيه انت وهيه ). وجاء الرد : الحله مرات أخويا وأهلها ناس اي كلام خالص لا اصول ولا ذوق ولا راقيين في اي حاجه ومضايقين ماما جدا لأنهم عاوزين يخربو البيت
وماما فعلا قرفانه من أخويا نفسه عشان مخلاش باله من نفسه وخلاهم يتطاولو علينا
وماما فعلا. عاوزه تطردهم الإتنين من البيت

الحلم : حلمت كان أخويا معانا في الشقة خرج و قفلت الباب بس حسيته واقف وراء الباب و ودنه على الباب بيتجسس علينا و بصيت من العين السحرية لقيته حيبص علينا منها و قفلتها بأصبعي مشفش حاجة و فتحت عليه الباب و دخل قالي انا عملت زي ماقولتي مع مراتي و انا في الحقيقة مقلتش له حاجة.
التفسير : اخوكي مشكلة و بعدت و قفلت الباب واحد معموله إزعاج حسيت انه واقف ورا الباب المشكلة لسه موجودة مبعدتش بس بعيدة عن امنك و امانك عشان برة الباب عمل ودنو كل حاجه تتقال جوة معروفة علي أي حاجة تخصك و بصيت عليه من العين السحرية لقتيه حيبص عليكي إنت عايزة تكتشفي فعلا هو اي حاجة تخصك بتتقال و قفلتها بصبعك ده واحد من اخواتك هو اللي حيقولك و فتحت عليه الباب يعني عملت ازعاج لواحد و المشكلة قربت منكي بقت في أمنك و أمانك و قالك انا عملت زي ماقولت مع مراتي الكلام إنت مقلتش حاجة بس هو خاد كلام منك بطريقة مش مباشرة علشان يلبسك الغلط اللي عملو.

وجاء الرد : اليومين دول اخويا بيقولي ليه متجوزتيش و إللي بقولهوله بيروح يحكيه لمراتو بس مش هو اللي بيسأل دي هي و بتبعتو هو و هو بيزعجني و الموضوع ده مش عاوز يخلص.

الحلم : حلمت جوزي بيزعقلي واتصل بأخوه علي الموبايل يقولو مراتي مش بتراعي ابني ومش بتذاكرله ومش بتعلمه اي حاجه واخوه مش بيرد خالص ساكت
ولقيت ابو جوزي متوفي داخل علينا بيتسند علي ايد جوزي وداخل علينا انا اتخضيت وبعدين جيت معاهم علي البلكونه ولقيت ابني متعلق في بلكونه ناحيه ستاره فضلت اعيطت واقولهم نزلهولي بسرعه و ابو جوزي بيقول اه نزله بسرعه كده غلط وجوزي نزلهولي ولقيت جوزي بيقولي بيني وبينه انا بحبك واني روحه وقلبي وعمره وميقدرش يعيش من غيري
قولت في سري الكلام ده بيتقال بنا بس اي هبل
لكن بينه وبين اهله كل الالفاظ والغلط وكرهه ليه بيتقال عني
وياريته بجد بيحبني كده مش بيحبني خالص

التفسير : جوزك بيزعقلك فيه تفاهم بينكم وبيكلم اخوه علي الموبايل فيه خبر عاوز يوصله لأخوه او مشكله
وهيكون رده اني براعي ابني وبذاكرله واخوه مش بيرد يعني مفيش رد علي كلام ده ومالوش لازمه يقولو
ابو جوزك ( كلام هيتجدد لو ميراث يبقي ميراث لو لا
يبقي كلام قديم اتقفل وهيتفتح من جديد
ووبيتسند علي ايد جوزك ( ماديات اضافيه لجوزك من مشاكل قديمه
ولما دخل عليكي هتتخضي ( لا مش هتتخضي ولا حاجه انتي متوقعه ان فيه كلام هيتجدد)
اما جريتي علي البلكونه معاهم ولقيتي ابنك متعلق في ستاره )
مشكله من ناحيه الوظيفه وعياطك فرج عليكي
ولما ينزل هيقربه منك ( يعني عاوزه تبعدي عن مشكله)
وجوزك نزله ( يعني مشكله من ناحيه الشغل)
ولما جوزك قالك كلام حلو
بيقولك امشي
ولما قولتي كلام ده بيتقال قدامي بس وقدام اهله كلام وحش عنك(
مش عارفه هو يقصد ايه من كلامه
وبيقول لاهله كل حاجه عاوزها بس مش بيغلط فيكي
وهو بيحبك بس تصرفاته فيها غباء

وجاء الرد : تسلمي يارب يا ماما كريمه
اقسم بالله لو اقولك انك عرفتي اسرار حياتي ومشاكلي كلها وكانك عايشه معايا
فعلا فيه كلام عن ميراث جوزي من ابوه وشكله كده هيحصل رغي فيه ومشاكل تاني
وايوه جوزي كلامه كله كرهه وغل معايا وممكن يكون ف ضهري بيقول اني كويسه وفعلا كلامه فيه غباء معايا
وفيه مشكله في وظيفه جوزي فعلا حقيقي ربنا يارب يزيدك من فضله

الحلم : حلمت أن البوليس بيسأل عليا وقالى اركبى عربية البوليس وركبت لاقيت جوا العربية اتنين ستات لابسين اسود وراجل قاعد على جنب وجلاش كتير ملفوف في ورق ابيض زى اللى بنشتريه استغربت ازاى الاقى جلاش في عربية البوليس
التفسير : عربية البوليس ده قرار بتفكرى فيه ولكى فيه نصرة ولما قالوا لكى اركبي وركبتى يعني هاتخدى خطوات إيجابية في القرار اتنين ستات دول حلين لكى من ناحية راجلين أما كبار في السن أو معاهم ماديات أو لهم مكانة عالية والراجل إلى قاعد على جنب ده مشكلة في القرار من ناحية ماديات والماديات دى على ورق مزعلك وانتى بتستغربى لا انتى مش مستغربه والحاجة

وجاء الرد : حضرتك انا واختي لينا ميراث تلت البيت واخواتى الصبيان وستاتهم مش عايزين يدونا حاجة كدة بالعافية وكل ما نيجى ندخل شقتنا يضربوناوالناس اتلمت وقالوا لهم حرام ادوهم حقهم قالوا نديهم تمن الشقة بس مش حقهم في البيت ويتنازلوا على باقى الميراث هما الرجلين إلى معاهم ماديات والراجل إلى قاعد على جنب ده ابويا عاوزين انا واختي نديله فلوس وده مشكله فعلا والورق إلى مزعلنى ده وصل أمانة اخواتى عايزين يدونا جزء نقدا والباقي وصل أمانة وانا عارفة أنهم مش هايدفعوا حسبي الله ونعم الوكيل أكلوا ميراثنا كله هما ونسوانهم (جزاك الله خير الجزاء يا ست الكل)

الحلم : شفت نفسي مع امي واحنا في مكان وفيه ست عجوزه قاعده علي مكتب وهيه مسئوله عن شقق المصايف ولقيت المكان فيه مراكب وحاجات ترفيهيه ووالدتي بتقولي اسأليها علي شقتك وانا بقول لماما مينفعش انا معنديش شقه هناك بس لقيت نفسي بكلم الست دي وقولت لها انا عاوزه اشتري شقه قالت لي هاتصل بيكي وهأخد رقمك ومشيت من قدامي وأنا طلعت سلمتين و شيفاها و أخذت تليفوني من علي مكتبها
وانا وامي وزميلتي اللي كانت معايا في شغلي قاعدين في المستشفي علي الأرض علي النجيله في جنينه داخل المستشفي وزميلتي قعدت تحكي عن اللي حصل لما انا قدمت علي وظيفه في الشغل تاني وقالت ان فيه أحد كلم المدير عني واني استني لما تسألي هيه هيعملو معايا ايه وكانت بتقولي عليا ان انا مش فاهمه حاجه وسألتها علي صحبتي مروه قالت هيه كمان كانت مش عاوزاني ارجع الشغل وطلعت انا وماما علي باب المستشفي وكان في ايدي وجبات اكل في كيس وماما ما سكه ايدي من الناحيه التانيه ولقيت مدير المستشفي ماشي مع واحد ولابسين أبيض والراجل التاني بيزعق ان انا في ايدي اكل طنشتهم و هما الاثنين مشيو واعطوني ظهرهم بس الدنيا كانت نهار والارضية بتاعه مدخل المستشفي بيضاء جدا ونظيفه قوي

التفسير : شفت نفسي مع امي في مكان و ست عجوزه قاعده علي مكتب( انت رايحه مكان عشان تأجري شقه فالست حل ليكي من ناحيه شراء الشقه ) وهيه مسئوله عن شقق المصايف ( مشكله فلوس )و المكان فيه مراكب ( ستات ممكن تغرقك الاول وفي الاخر توصلك لبر الأمان ) وحاجات ترفيهيه ووالدتي بتقولي اساليها علي شقتك وانا بقول لماما مينفعش ( انت مقتنعه بكلام ماما ) انا معنديش شقه هناك بس لقيت نفسي بكلم الست دي وقولت لها انا عاوزه اشتري شقه قالت لي هاتصل بيكي ( مش هتتصل بيكي ولا حاجه )وهاخد رقمك بس هيه مشيت من قدامي وطلعت سلمتين ( الحل فيه صعود جزئ لك ) انا شايفاها ورحت اخذت تليفوني من علي مكتبها( مخليتهاش تعرف اي اخبار عنك في شغلها ) وبعدين لقيت نفسي وأمي وزميلتي إللي كانت معايا في شغلي قاعدين في المستشفي ( عاوزه تعملي معالجه للموضوع ده ) (وماما وزميلتك حل لكي ) علي الارض ( المعالجه دي تعباكي وهتنتهي علي ميعاد) علي النجيله(الموضوع يخص ماديات ) في جنينه(الجلوس في الجنينه الشخص مش بيشتغل زي اللي طالع معاش) داخل المستشفي وزميلتي قعدت تحكي عن إللي حصل ( الحل بيأخد ويدي معاكي ) لما أنا قدمت علي وظيفه في الشغل تاني وقالت ان فيه أحد كلم المدير عني) محدش كلم المدير عنك ) واني مستنيه لما تسأليها هيعملو معايا آيه ( مش هتسأل ولا حاجه ) وكانت بتقولي عليا ان انا مش فاهمه حاجه وسألتها علي صحبتي مروه ( عاوزه اخبار عن اللي حواليكي ) قالت هيه كمان كانت مش عاوزاني ارجع الشغل( زمايلي عاوزيني ارجع الشغل ) وطلعت انا وماما علي باب المستشفي( باب المستشفي واحد موضوعك في ايديه ) وكان في ايدي وجبات اكل في كيس ) الكيس واحد في ماديات من ناحيته) وماما ما سكه ايدي الناحيه التانيه ولقيت مدير المستشفي ماشي مع واحد ولابسين ابيض ( مدير المستشفي عنده زعل ) والراجل التاني بيزعق ( المشكله التانيه هيبقي فيه تفاهم علي ماديات ) و انا في ايدي اكل طنشتهم وهما الاثنين مشيو( بعدو عنك ) وأعطوني ظهرهم ( أحد سند ليكي هو اللي يتصرف معاكي ) بس الدنيا كانت نهار( انت مش مكتبئه) والارضية بتاعه مدخل المستشفي بيضه جدا ونظيفه اوي( كلها متاعب )

وجاء الرد : كلموني من المستشفي ارجع وروحت فعلا وحصل كلام علي تخصصي لان لازم اجدد الترخيص بتاعي وزميلتي فعلا مش في دماغها اكلم أحد ولا تقولي ارجع ولا حاجه وعاوزه اعرف منهم جابو أحد مكاني في الشغل وزملائي نفسهم ارجع جدا وانا اختلفت معاهم علي الماديات ومدير المستشفي حاليا عنده شهاده الجوده في المستشفي لو منجحش فيها هيلغو ترخيص المستشفي واكيد خايف وقلقان جدا ولما روحت المقابله فعلا لقيت المستشفي هتبقي متعبه ليه جدا ومش هبقي مرتاحه هناك وأنا فعلا مش مكتبئه من ناحيه الرجوع للشغل سايبهاها علي الله

الحلم : حلمت بسقف الشقه بينزل مياه بس نضيفه لكن فيه مواسير مخرمه بتنزل مياه سوده والارض فيها قازورات وبلم الحاجه من الشقه عشان نطلع شقه تانيه لحد مايصلحو المواسير
التفسير : سقف الشقه أحد سند لكى بينزل مياه نضيفه مزعلاكى ،ومواسير المياه ستات عامله مشاكل بتنزل مياه سوده نيتهم مش صافيه والارض اللى بها قازورات مشاكل وانتى بتلمى الحاجه من الشقه بتلمى الزعل عشان الأمن والأمان يعود تانى لحد مايصلحو المواسير لحد موضوع الماديات يهدى بالنسبالك

وجاء الرد : فعلا فيه حوارات اليومين دول فى العيله وبلم فيها على حساب اعصابى وضغط عليا من كل جانب

الحلم : والدتي حلمت بانها في بيت ابوها واقفه في البلكونه ومعاها دكتوره بتشرح محاضره عن البورد الامريكي اللي مامتي بتدرسه ومعاهم مجموعه من الدكاتره وكلهم بنات وكلهم بيتريقو علي مامي ومامي بتجاريهم عشان مش عايزا تعمل مشاكل وهي بتبص في البلكونه لقت والدها المتوفي جاي وسايق عربيه نص نقل ولقته بيبص علي بيت اخته وبيقول ان جوز اخته بيطالبه بكذا وزه ومامي بتكلم نفسها وبتقول هو بابا مفكرني هتعامل معاهم تاني وهما مجوش يعزو فيه
و لقت رجاله جم ومن ضمنهم عمها الصغير وهو عايش في الحقيقه وفيه بقره لونها أسود في المنزل عشان يحطوها في العربيه النص نقل اللي والدي المتوفي راكبها وفيه واحد منهم في ايدو اداه للاسمنت عشان يذبحوها والبقره دي فجأه وقعت علي الأرض وكأنها ماتت فمامتي بتقول في نفسها معقوله بابا هيخليهم يذبحو البقره وهي ميته والبقره قامت تاني ومامي شافت البقره من ضهرها و مامي لقت نفسها في بيت مامتها وفيه راجل قاعد علي كرسي في الصاله وبيقول ان هو كان بيشتغل عند باباها زمان فمامي سكتت وهو عايز يوصل لمامت مامتي ان جدو الله يرحمه كان مديون ومامي بتقول لنفسها لو 150 جنيه ندفعهم عادي

التفسير : ماما في بيت ابوها ( في أمن وأمان )و واقفه في البلكونه (ليها مكانه معمولها الف حساب) ومعاها دكتوره بتشرح محاضره علي البورد الامريكي ( ماما ليها مكانه وعايزا تعالج مشكله شغلها ) وماما بتدرس معاهم وكلهم بنات (فيه حلول لماما ان شاء الله )وكلهم بيتريقو علي مامي (لاء بيشهدولها بالخير ) ومامي بتجاريهم عشان مش عايزا تعمل مشاكل ( لاء مش بتجاريهم هي عارفه كويس قيمتها )وهي بتبص في البلكونه رأت والدها المتوفي جاي وسايق عربيه (ماما ليها مكانه واهميه وبابا اللي جاي لو فيه ميراث منه كلام قديم حيتجدد علي الميراث وسايق عربيه فيه قرار ماما بتفكر فيه يخص ميراث بابا ولو مفيش ميراث يبقي وجود بابي فيه قرار علي كلام قديم هيتجدد وماما بتفكر فيه )العربيه النص نقل (قرار نمره خمسه لان الاول المفروض الملاكي والتاكسي و هكذا ) لقيته بيبص علي بيت اخته وبيقول ان جوز اخته بيطالبه بكذا وزه ( الكلام القديم اللي يخص بابا مصدره جوز اخته وجوز اخته مشكله علي مادييات مع واحده )ومامي بتكلم نفسها ( هي عارفه ومش قادره تعمل حاجه ) وبتقول هو بابا مفكرني هتعامل معاهم تاني (يعني الكلام القديم اما. هيتجدد هيخلي ماما تستغرب من اللي حاصل )وهما مجوش يعزو فيه ( يعني يقولو انه في كل حاجه فيها جلسات كويسه محضروش )و لقت رجاله جم من ضمنهم عمها (الرجاله دي مشاكل و عمها معاهم في المشكله )وفيه بقره لونها أسود في المنزل عشان يحطوها في العربيه النص نقل ( القرار نمره خمسه سببه واحده مبتحسش معندهاش ذرة انسانيه كبيره في السن او معاها فلوس او ليها مكانه و القرار نمره خمسه بسببها ) الي والد المتوفي راكبها وفيه واحد منهم في ايدو اداه للأسمنت عشان يذبحوها ( معاهم الوسيله الي يقدرو يساعدو بيها الواحده دي عشان تعمل اللي هما عايزينو ) فجأه وقعت علي الارض وكانها ماتت (يعني تعبت وتعبها هينتهي علي ميعاد وماتت خلاص المشكله بتاعتها انتهت) فمامتي بتقول في نفسها معقول هيخليهم يذبحو البقره (يعني معقول الميراث اللي من بابي لو فيه ميراث حيعطوا الواحده دي منه ) و ميته ( مشكلتها انتهت ) وبعديها البقره قامت تاني (يعني المشكله اتجددت )ومامي شافت البقره مدياهم ضهرها(مصدره واحد سند لها ) و مامي لقت نفسها في بيت مامتها ( في امن وامان من ناحية مامتها ) و راجل قاعد علي كرسي في الصاله ( مشكله مهمه عند مامتها ) وبيقول ان هو كان بيشتغل عند باباها ( ممكن يكون فيه كلام علي مادييات المفروض تدفعها فمامتي سكتت وهو عايز يوصل لمامت مامتي (يعني عايز يقول لجدتك علي حاجه عشان يخلي مامتك تعملها ) ان جدو الله يرحمه كان مديون (اه يعني كدا مفيش فلوس) ومامي بتقول لنفسها لو 150 جنيه ندفعهم عادي (يعني لو فيه جزء ممكن هي. تتحمله ويجيلها باقي الفلوس مش مشكله )

وجاء الرد : فعلا فيه ماديات متعلقه بين جدو الله يرحمه مع اخته وكان المفروض يديهوملها قبل ما يموت علي سبيل انه يسدد مكان اخوه ليها وجوزها عاملها مشاكل عشان عايز الفلوس دي وفعلا مامي مستغربه من اللي بيحصل والبقره دي اخت جدو اللي عايزا الفلوس وممكن عم مامي اللي هو اخوها يساعدها ومامي فعلا بتفكر انها تدفعلها الفلوس ويخلصو وفعلا جدتي دايما سند لمامي وأمن وأمان
وفعلا كلام حضرتك مظبوط زمايل مامي فعلا بيشهدولها بالخير ومامي نفسها مشكلتها تتحل في الشغل ♥

الحلم : جدتي حلمت شافت الفرسه بتاعتها ولدت فرس صغير وجدتي شافت العضو الذكري بتاع الفرس الصغير والفرس الصغير دا كان ضعيف ومش قادر يقف علي رجله وبعد كدا بقي عادي وقام وقف علي رجله ومشي
وجدتي كانت فرحانه و مكانتش مصدقه ان ممكن فرستها تولد . و شافت اخوها المتوفي الدود بيأكل في وشه وزعلت عشانه

التفسير : الفرسه بتاعتها ولدت فرس صغير (لو الفرسة فعلا حامل وولدت يبقي هو دا )لكن لو لاء (يبقي فيه واحده مهمه عندها والواحده دي بعد ما كان عندها هموم خلاص بقي عندها حل من واحد صغير هيعوضها عن المتاعب اللي هي فيها )وشافت العضو الذكري بتاع الفرس الصغير( بيبانلها ان الشخص ده بيكذب وهي طبعا بتبصله علي انه شخص مهم لكن هي مش مرتحاله) وكان ضعيف ومش قادر يقف علي رجله (مش بيشتغل بس مش ضعيف هو صحته كويسه )بعدين بقي عادي ووقف علي رجله (يعني هيسعي لرزقه ويشتغل) ومشي وبعد عنها ( ابدا مبعدش ولا حاجه ) وجدتي كانت فرحانه ( لاء زعلانه) مكانتش مصدقه ان ممكن فرستها تولد ( مش مصدقه ان الولد ده ابن الست دي وهو كدا حركاته كلها فيها كذب مش طالعلها خالص ) بعدين شافت أخوها المتوفي الدود بيأكل في وشه ( فيه كلام قديم هيتجدد من اخوها لو كان فيه ميراث هيبقي علي الميراث ولو مفيش هيبقي كلام قديم بيتجدد من ناحيه زوجته وفيه حسد ) وزعلت عشانه (مش هتزعل لأن دا كلام مش حقيقه)

وجاء الرد : ربنا يبارك لحضرتك فعلا مامتي هي الفرسه اللي ولدت وان شاء الله أنا أو أحد من اخواتي نكون سبب في التخلص من متاعبها وفعلا الفرس الصغير دا هو خالي وجدتي فاهمه كل اكاذيبه ومش مرتحاله ابدا وهو فعلا مش بيشتغل خالص بس يا رب تكون البشاره منك ويبدأ يسعي لرزقه وفعلا اخو جدتي من. ناحيتها كلام قديم علي ارضه وكله بيتخانق عليها
ربنا يبارك فيكي يارب يا دكتوره كريمه فعلا تفسيرك بييجي بإذن الله صح ♥♥♥

الحلم : حلمت تحت البيت عند اهلي فيه عزاء ناس لبسه ملون واغلبهم رجاله وبابا لقيته ماسك كوب بيشرب حاجه لونها اصفر وبيطلب مني حاجه ياكلها فيه كيس حلويات معايا دخلت ايدي اخذت شيكولاته او تمر واخويا اخد كمان وانا خايفه الكيس يخلص وبابا بيضحك وبيقول كلام مش مفهوم وماسك كوب وقعد جمب ناس بيشاور علي بلكونه مفتوحه وبيقول لو صاحب البلكونه دي مات هنقول ان انتي السبب (بيكلمني انا )
وانا جوزي شكله اتغير بقي عيل شبهه ابني وانا مكسوفه جدا منه اني كبيره وهو بقي شكله اهبل ( مع العلم بابا عايش)

التفسير : تحت البيت عند اهلك فيه عزاء فيه زعل
ناس لبسه ملون واغلبهم رجاله ( مشاكل )
وبابا بيشرب في كوب لونه اصفر ( واحد تاعب بابا )
بيطلب حاجه ياكلها من كيس حلويات ( واحد عامل نكد علي فلوس ) اخذتي شيكولاته ( مكتئبه من زعل وتمر مشاكل ومتاعب واكتئاب )
وبابا بيضحك ( بابا زعلان ) بيقول كلام مش مفهوم ( كلامه واضح ) والكوب واحد تاعبه
وبيشاور علي بلكونه ( بيشاور علي مكانته فيها ازعاج ليه عشان مفتوحه )
بيقول لو صاحب البلكونه مات ( لو المكانه انتهت كده اعرفي انك السبب فيها )
انتي اللي مضيعه هيبه بابا
وجوزك شكله عيل ( بيعمل حاجه بتقلله في نظرك
وانتي مكسوفه منه ( لا مش مكسوفه ولا حاجه ) هو شكله مش اهبل هو عمل حاجه بتقلله ف نظرك

وجاء الرد : فيه مشاكل كتير اوي علي فلوس في بيتنا والواحد اللي عامل متاعب لبابا اخويا الكبير
والمكانه بتاعة بابا كانت كبيره وكان مدير بنك وطلع معاش وكل حاجه راحت
وجوزي فعلا بقي قليل في نظري اوي بسبب مواقف كتير منه
ربنا يزيدك من علمه يارب

الحلم : شفت بوك اسود بيكتب على لاب توب و جانبو ستات و انا مريت قدامو و قفلت لاب توب و رحت بسرعة هربانة منو لكن زي ميكون هجم عليا البوك ده و جاي يجري و انا خفت منو بس سمعت صوت على الموبايل بتاعي زي ميكون لمسو و راح البوك الأسود .

التفسير : شفت في الحلم بوك اسود بيكتب على لاب توب البوك الأسود ده واحد مهم بيكتب على لاب توب فيه كلام بيقولو لناس كثير و جنبه ستات لك حلول و إنت مريتي قدامو و قفلت لاب توب كان عامل ازعاج وانت سكتي الإزعاج في نهايته و روحت هربانة مش عاوزة أحد يشوفك لكن هجم عليا منعك انك تمشي و جاي يجري و قرب منك بسرعة إنت خفت منو مش حتخافي و لا حاجة لما سمعت صوت الموبايل بتاعك خبر حيجيلك زي مايكون لمسو و راح البوك الأسود الواحد ده بعد لمسو عرف ايه المكالمة.

وجاء الرد : ده خطيبي و بيقولي كلام يزعلني منو بس المرة دي مردتش عليه و بعدت عنو بس هو بيسأل صحبو عني و بيتابع اخباري من بعيد.

حلم اختى
الحلم : حلمت السيسى اعطاها 500 جنية فلوس ورق أعطت ماما 400 وماما متوفيه وهى اخذت 100 واخذت ابنها وراحت تركب المترو

التفسير : السبسي امنية بتتمناها لكن هى عندها مشكلة فلوس عشان تلفلوس ورق والامنية كده مش حتحصل ( ماما إللى أخذت منها ) يعنى فيه ناس عاوزين منها فلوس وهتضطر تعطيهم ( أخذت ابنها وراحت تركب المترو ) مفيش فلوس تخليها تكمل حياتها مع جوزها لأن هو إللى مدمرلها الفلوس بتاعت امها وميراثها طالما متوفيه

وجاء الرد : فعلا أختى مطلوب منها فلوس غير جوزها من بعد توزيع الميراث وهو مكبر دماغة من مصاريف البيت والعيال صح كلامك والله

الحلم : حلمت كنت في السطوح وشفت في السماء قوس قزح وقولت في نفسي لازم اصوره عشان اوريه لأصحابي في الدرس وبمسك موبايلي عشان اصوره لقيت سحابه غطت عليه والدنيا بتشتي و بشوف شكله مش بشكل كامل و لقيت علي الأرض نسر كأنه صوره وجنبه قطه وصوره النسر بتكبر واكتشفت انه حقيقي قولت هجري ولقيت نفسي في شقه وشوفت النسر نازل بيجري علي السلم وجاي ناحيه الشقه فأنا قفلت باب الشقه بسرعه عشان ميدخلش

التفسير: انتي علي السطوح ( أمنك وأمانك ضايع )و شفتي في السما قوز قزح ( واحد وغايظك علي مزعلك علي خير من ناحيته واكتئاب الوان قوز قزح ) فقولتي لازم اصوره عشان اوريه لصحابي في الدرس ( مش هتوريه لصحابك لو صورتيه هيبقي الموضوع منتهي ) و بمسك موبايلي عشان اصوره (عايزا تبلغي خبر أو عايزا تصوري حاجه ) لقيتي سحابه غطت عليه ( كان الموضوع هيبقي منتهي لكن السحابه واحده و اتدخلت ومنعت ان انتو الاتنين تفارقو بعض ) الدنيا بتشتي (ماديات رايحه هدر) وبتشوفي شكل قوز قزح مش كامل عشان السحابه (يعني مش واضحلك بسبب السحابه الواحده دي الي دخلت غطت بينك وبينه ) و لقيت علي الارض نسر (النسر واحد مهم بيهتمو بيه جدا لما يجي عند اي أحد أو لما بيحاولو يعملو ورق رسمي بيلجأوله ) بس علي الارض (تعبان وتعبه هينتهي علي ميعاد ) كأنه صوره ( بقي ذكري بالنسبالك) وجنبه قطه (القطه واحده مكاره وخداعه) فلقيت الصوره بتاعت النسر بتكبر(يعني الشخص دا بقي في نظرك حاجه مهمه رغم انه منتهي بالنسبالك) اكتشفت انه حقيقي ( يعني محسيتيش ان هو مش موجود حسيتي ان هو موجود )قلت هجري (يعني هبعد لاء مش هتبعدي)ولقيتي نفسك في شقه( في امن وامان ) وشفت النسر نازل بيجري علي السلم ( يعني الشخص ده فيه امنيه بيتمناها مش هتحصل علشان نازل علي السلم ) جاي ناحيه الشقه ( عشان يحققلك الأمن والأمان لاء طبعا عشان نازل سلم مش جايلك وهو طالع ) قفلت باب الشقه ( كان فيه واحد معموله ازعاج ممكن يكون بابا خلاص كدا مش معموله ازعاج ) عشان ميدخلش (لاء انتي عايزاه يدخل لكن حسيتي انه خلاص انتهي بالنسبالك

وجاء الرد : كلام حضرتك مظبوط فعلا القوز قزح دا بابي ومن ناحيته كل الشعور ده والسحابه مامي وبتحاول فعلا اني محتكش بيه كتير عشان منعملش مشاكل
والنسر جدو الله يرحمه كان أحد مهم اوي وكان كل الورق الرسمي بيمشي عن طريقه وناس كتير اوي كانت بتلجأله بعد ربنا وفعلا بسبب المشاكل إللي بين اهلي بتمني دايما انه يكون موجود وهو مهم في نظري جدا
وانا دايما حاسه انه موجود معايا وفعلا هو كان عامل ازعاج لبابي بسبب اوراق علي حاجات بس خلاص بعد ما جدو توفي ببايا مبقاش قلقان ربنا يهدي الجميع
فعلا كل الي حضرتك قولتيه مظبوط ربنا يخليكي

الحلم : حلمت موبيلي ضاع ومش لقياه وبحاول اقول لكل اهلي وجوزي عشان احساسه اني متضايقه ويشوفلي حل ويجبلي موبيل تاني ومحدش حاسس بيه وطول الحلم حاسه فيه حاجه ناقصه وبفكر في حلول اشتري موبيل تاني

التفسير : موبيلك إللي ضاع خبر ومفيش خبر جالك
و بتحاولي تقولي لكل اهلك علي الموضوع انك متعرفيش اي رد جالك
( عشان احسسه اني مضايقه) لا هو مش حاسس إنك مضايقه
وعاوزه حل عشان تشتري موبيل تاني ( عاوزه خبر تاني يجيلك) واهلك حاسين بيكي لكن هو لا
شوفي انتي مستنيه خبر عن آيه عندك

وجاء الرد : عاوزه انزل مصر ومش عارفه خبر تاكيد طيران هيكون متي ومحدش حاسس بيه بالقرف إللي بشوفه هنا

السلام عليكم الشغل اللي كنت بشتغل فيه قبل كده طلبوني اشتغل تاني معاهم وانا في انتظار العرض بتاعهم
الحلم ده زميلتي في الشغل حلمته

الحلم : شافت نفسها جايه عندي في اوضه في المستشفي و قدامي ورق وكمبيوتر وبشتغل جوده وزميلتي كانت واقفه بتقولي هما مش قالو لكي انك هتشتغلي علاج طبيعي ليه خلوكي تشتغلي جوده ؟

التفسير : التفسير لصاحبة الحلم ان هيه تجيلك في اوضه بتتمني حل لموضوع شغلها ولما شافتك قاعده قدام ورق وكمبيوتر الحل من ناحيه ورق رسمي ومن ناحيه واحد بيبعت بيانات في كل حته
وبتشتغلي جوده بتقولي هما قالو لكي هتشتغلي علاج طبيعي ليه خلوكي تشتغلي جوده انه لو مكانوش يودوها الشغل بتاعها بس يطلبوها.
وجاء الرد : المدير الطبي معاه ورق رسمي لاعتماده في المستشفي ورفع اسمها للعمل في قسم الجوده وهيه قلقانه ونفسها تشتغل في فريق الجوده في المستشفي

الحلم : شفت نفسي في البيت مع زوجي وامي في الصاله وماما قاعده علي الأرض وزوجي جالس جنبها علي كنبه وأنا واقفه قصادهم ومعايا تليفون ومدرس بنتي في الدرس بيكلمني وبيطلب يكلم زوجي وزوجي رافض يكلمه وبيقول عاوز ايه مني ويتخانق معايا ومع امي وشكله عصبي جدا وزي ما يكون وقع التليفون من ايدي واتكسر ولقيت التليفون بقي طري وأنا قلت ليه كده بس واختفي زوجي
و لقيت مدرسه القرآن وأنا قاعده قدامها بتختبرني في غرفه النوم وطلبت مني اسمع آخر آيه في سوره البقره وحددت رقم الآيه سمعتها وأنا ببكي وكده ختمت القرآن


التفسير : إنتي في البيت مع أمك وزوجك (في أمن وأمان) ماما قاعده علي الأرض(ماما حل تعبك وهينتهي علي ميعاد) وزوجي جالس جنبها علي كنبه (الكنبه واحده تعباكي وعملالك مشكله ) وأنا قاعده قصادهم ومعايا تليفون ( التليفون بتستني خبر من واحد ) ومدرس بنتي بيكلمني( فيه خبر يخص بنتك) وبيطلب يكلم زوجي وزوجي رفض يكلم مدرس البنت ( لاء مش هيرفض ) وهو عايز يكلمه ( لاء مش هيقولك عايز يكلم زوجك ) وبيقول عاوز آيه مني ( آه طبعا لأنه مش هيكلمه) ويتخانق معايا ( الخناق تفاهم ومع ماما تفاهم ) وشكله عصبي جدا ( مش عصبي ولا حاجه ) وزي ما يكون وقع التليفون من ايديكي واتكسر ( الخبر اللي من الواحد هيسببلك مشكله ) ولقيت التليفون بقي طري ( الموضوع هيهدي ) وانا قلت ليه كدا بس ( لاء مش هتقولي ليه كدا بس انتي هتستغربي) واختفي جوزك (المشكله بعدت) و لقيت مدرسه القرآن وإنتي قاعده قدامها ( فيه أمان من ناحية أصحابك القدامي في موضوع بنتك ) بتختبرني في غرفه النوم ( إنتي متأمنه من حياتك الزوجيه لكن فيه كلام يخص بنتك والمدرس هو اللي عاملك التعب ) وطلبت مني اسمع آخر آيه في سوره البقره ( حتتأمني ) وحددت رقم الآيه ( تحدد الأمان ) سمعتها وأنا ببكي (بكائك فرج عليكي ) و ختمت القران (نهايه الأمان)

وجاء الرد : منتظرين نتيجه بنتي في المادة وقلقانين بالماده الخاصه بالمدرس ده بس المدرس ما طلبش يكلم زوجي ولو اتصل زوجي مش يعترض يرد عليه عادي
وعملت مشكلة مع زوجي الصبح بس الموضوع عدي وهدي فعلا زي ما حضرتك قولتي و يارب أتأمن من زوجي وميحصلش مشكله معاه إن شاءالله

الحلم : شفت نفسي و زميلتي في الشغل في اوضة قاعدين على كنبة وفجاءة من تحت الكنبة شفنا أولاد الحية بيترموا في الهوا زي ضرب النار بالضبط.
فبقول لزميلتي فيه حية تحت الكنبة بتولد اول ماتبطل ترمي أولادها نهرب قبل ما تطلع علينا.
ولما توقف رمي أولادها خرجت الحية من تحت الكنبة وقعدت جنبنا انا بهمس لزميلتي انو تبقى هادية علشان الحية ما تشوفناش ،وفعلا عدت من جنبنا وانا بحاول انها متلمسنيش وتعدي وبعد ماعدت
بحرك صاحبتي علشان نهرب لاقيتها ما بتردش ووقعت زي ماتكون ميتة فأنا هربت من الاوضة وقفلت الباب ورايا وبقول لواحدة مش فاكرة أختي أو زميلتنا الثانية صاحبتنا باين ان الحية لدغتها.
التفسير : (زميلتك وانتي قاعدين في اوضة) انتي في امن وامان وليكي حل وتعبانة من واحدة هي الكنبه (ولما شفتي أولادها بيترموا في الهوا من تحت الكنبة) الواحدة دي معاها بنات أو صبيان (بيترموا في الهوا زي ضرب النار ) بيبقى عندهم حاجات كويسة بسبب المشاكل اللي بتحصل (انتي بتقولي لزميلتك فيه حية تحت الكنبة) زميلتك دي حل ليكي والحل ان انتي عارفة عيال واحدة صبيان او بنات مزعلالكي هم اللي امهم مسلطاهم يؤذوكي (فأنتي بتقولي اول ماتبطل ترمي اولادها) اول ما المشكلة تنتهي (نهرب قبل ماتطلع علينا) لا انتي مش حتهربي انتي حتواجهي المشكلة ولما حتواجهي المشكلة هي بنفسها حتطلعلك الواحده اللي تعباكي ولما حتشوفيها (حتهمسي لزميلتك) حتقتنعي إن الحل لازم تطنشيها ( أو تبقى هادية ) لا تنفعلي وتوقفي قصادها (عشان الحية ما تشوفناش) لا لازم تشوفنا علشان تعرف انه احنا عارفين مين السبب في الأذى إللي حصل منها (وفعلا عدت من جنبنا وأنا بحاول إنها متلمسنيش) لا انتي بتحاولي انو انتي تفهميها أو تأخذي حقك منها (وتعدي) لا (وبعد ماعدت بحرك صاحبتي علشان تهرب لاقيتها مابتردش ووقعت زي ماتكون ميتة ) الحل إنتهى ومفيش حل ليكي من ناحية الواحدة الحية المؤذية (انتي هربتي من الاوضة ) وانتي في الاوضة كنتي في امن وامان لكن لما هربتي ضيعتي الامن والامان بتاعك (وقفلتي الباب) واحد معمولوا ازعاج خلاص كده مافيش ازعاج (وبقول لواحدة مش فاكرة اختي او زميلتنا الثانية صاحبتنا باين ان الحية لدغتها) بتقولي ان الحل خلاص مابقيتيش تستفادي فيه بسبب الحية المؤذية دي.

وجاء الرد : معانا واحدة في الشغل مؤذية وبتحرض زملاء لينا من الستات والرجالة علشان يؤذوني انا وصحباتي.
وفعلا انا دلوقتي مطنشاها
والواحد اللي مايتعملش له ازعاج ده المدير بتاعنا لانها محوطاه هي واللي معاها فمابيسمعش لاي أحد غيرهم واي حاجة من ناحيتي مرفوضة حتى لو دافعت عن كرامتي وشغلي وتعبي ربنا يهديه ويصلح الحال.

والواحدة دي هي الكنبة والستات إللي بيطلعوا أولادها

الحلم : جدتي حلمت انها في بيت ابوها المتوفي ولقت جوزها المتوفي فجأه قدامها والدنيا كانت بتشتي علي اخرها وكتير وجدتي في الحلم عندها بهايم بس مش كتير فلقت جوزها المتوفي بيسألها هو انتي بتأكلي البهايم دي ؟فزعقت معاه وقالتله روح انت اكلهم انا معييش فلوس وروح حط حبه تراب واعمل سد قدام باب البيت عشان ميدخلش ميا وجدتي في الحلم كانت شاريه بقرتين كبار ومش معشرين ولا فيهم لبن وجدتي بتقول في نفسها دا هيدخل ويلاقي عدد البهايم زاد وقالت بعد كدا هتروح توديهم يعشرو

سؤال :البهايم دي عباره عن ايه ؟
الجواب : البهايم عجول والبقرتين اللي جدتي شرياهم في الحلم
التفسير: جوزها اللي قدامها (كلام قديم هيتجدد ولو كان فيه ميراث هيبقي علي الميراث) الدنيا كانت بتشتي (فيه ماديات رايحه هدر) وجدتي في الحلم عندها بهايم ( العجول رجاله والبقرتين 2 ستات صغيرين في السن يعني وشهم فيه القبول شويه بس كلهم مبيحسوش ) جوزها المتوفي بيسألها هو انتي بتأكلي البهايم ( فيه كلام قديم هيتجدد يخص ميراث جوزها لو فيه ميراث) الكلام دا بيقولها انتي بتأكلي البهايم (يعني بتساعدهم وهما ميستاهلوش)فزعقت معاه(لاء مش هتزعق هتبقي بتفكر ازاي مبيحسوش وبتساعدهم)روح انت اكلهم (يعني ساعدوهم انتو انا مش هساعدهم)انا معييش فلوس (لاء هي معاها بس هي نكرت انها مش عيزا تساعدهم لما حصل كلام قديم واتجدد)وروح حط حبه تراب واعمل سد قدام باب البيت ( اعمل زعل ومتخليش أحد يجيلنا كل دا الكلام القديم اللي هيتجدد ممكن يخص ميراثه ) عشان ميدخلش ميا(عشان محدش يجي ويتأمن مننا ) وجدتك في الحلم كانت شاريه بقرتين كبار ومش معشرين ولا فيهم لبن وجدتي بتقول في نفسها دا هيدخل ويلاقي عدد البهايم زاد(يعني اللي مبيحسوش بقوا كتير )وقالت بعد كدا هتروح توديهم يعشرو( يعني عايزين يخلفو ويزيدو ويروحو بعيد عنها)

وجاء الرد : كل كلام حضرتك مظبوط جدو الله يرحمه ويغفرله كان سايب ارض كبيره ولسه متقننتش وفيه مشاكل عليها لغايت دلوقتي من ناحيه اخوات جدي وببايا لانه ليه حته فيها والبهايم دي هما ولادها لانها لغايت دلوقتي بتساعدهم بكل حاجه بس خلاص تعبت وبتفكر فعلا تعمل ايه وخالي ومراته متخانقين وجدتي عايزهم يبعدو عنها ربنا يكرم حضرتك يارب ♥♥♥

الحلم : رأيت اليوم بكتب محمد رسول الله بشكل مقلوب على زجاج عشان اللى ورا الزجاج يشوفها معدوله

التفسير : عاوزه تتأمنى من حاجه على اساس الكل يبقي واضحله كل حاجه مش مخبيه عن أحد حاجه وكتباها بالمشقلب يعنى مش متاكده من الأمان إنه يحصلك وعاوزه الناس تشوفه معدول يعنى تشوف تصرفاتك كلها كويسه

وجاء الرد : فعلا نفسي إللى حواليا يفهمنى صح وخصوصا أولادى وخوفى عليهم نفسي يقدروه صح

الحلم : حلمت اخي غسل ملابسه في الغسالة و كانت معاهم أفعى و هو شافها و لكن شغل الغسالة و بعد ماخلصت تصبين لم الهدوم و مسك الأفعى و لكن كانت بثلاثة رؤوس
و راح عند بابا يحكيلو عليها و هو ماسكها بإيديه.

التفسير : كلام عامل زعل أخوكي أمنه ونهاه و كان معاهم أفعى واحدة مؤذية هو شافها يعني هو عارفها لكن شغل الغسالة حب الكلام اللي هي عملاه يشيله و يؤمنه و بعد ماخلصت تصبين لم الهدوم بتاعته بعد الواحدة إللي شالتلو الزعل الغسالة مسك الأفعى سيطر عليها و لكن بثلاثة رؤوس ممكن يكون فيه ثلاثة رجالة معاها او ثلاثة عيال الواحدة دي و راح عند بابا يحكيلو عليها لا مش حيقول له حاجة هو ماسكها بإيديه حيخبي علاقته بيها.

وجاء الرد : الأفعى مراة اخويا و بتقول كلام وحش في حق ماما إللي هي (الغسالة) بس هو بيشيل الزعل يعني بيحاول يداري و يسكت و الروؤس الثلاثة هو اخويا و عندو معاها عيلين
و هو فعلا بيخبي كثير و رغم أنها بتمنعو حتى من مساعدة ماما ماديا في المصروف.

الحلم : شفت نفسي لبسه قميص أزرق و صبيان بترش عليا حبر وجه على القميص نقط حبر
التفسير : القميص الجينز الازرق واحد الحب إللى بينكم فيه غيظ ومتاعب و الصبيان مشاكل وبيرشوا حبر متاعب وغيظ
وجاء الرد : اخواتى الصبيان فية مشاكل بسبب الورث عايزين يستولوا عليه وأنا متضايقه وزعلانه عشان كده ربنا يبارك فى عمرك اشكرك يا غالية

الحلم : حلمت ماما اخي واقف و بإيديه خبز به زيت الزيتون قالت له بتاكل آيه قلها بأكل خبز بزيت الزيتون
.
التفسير : أخوكي واقف و ايديه خبز ماما عندها مشكلة علي ماديات عاملة لها متاعب هي زيت الزيتون و قالت له بتأكل آيه قالها بأكل خبز بزيت الزيتون يعني حبت تعرف آيه المشكلة و عرفت انها مشكلة ماديات عاملة لها متاعب.

وجاء الرد : ماما مريضة و حتروح الطبيب و عندها مشكل ماديات العلاج و الدواء.

الحلم : مامتي حلمت انها في الشارع ورأت عربيه ملاكي لونها مايل للذهبي في نص الشارع والدنيا كانت نهار و ركبت وساقت العربيه وطلعت في طريق سريع وكان حواليها عربيات كتير وكانت خايفه قوي لغايت موصلت البيت ولقت نفسها في الصاله ومعاها 2 دكاتره زمايلها وكانو بيشرحو حاجه ودخل عليهم مدير المستشفي وقال لمامي تعالي اقولك علي حاجه ومكانش عايز يتكلم قدام الدكاتره دخلو الأوضه ولقت بنتها الكبيره نايمه علي السرير فمامي صحيتها من النوم وطلعتها برا الأوضه مع اختها الصغيره و مدير المستشفي ممدد علي الكنبه وقالها انتي ايه طلباتك وبيتكلم بإبتسامه بسيطه

التفسير : ماما في الشارع (الأمن والأمان ضايع) ورأت عربيه ملاكي لونها مايل للذهبي ( قرار فيه ميزه بتميزه وبتفكر فيه )والدنيا كانت نهار ماما مش مكتئبه ) و ركبت وساقت العربيه ( القرار في ايديها ) ومشيت في طريق سريع وكان حواليها عربيات كتير ( كذا قرار بتفكر فيه بس القرار العربيه الي سيقاها هو القرار إللي ماما استقرت عليه ) وكانت خايفه قوي لغاية لما وصلت البيت ( لاء مش هتبقي خايفه ولا حاجه )ومعاها 2 دكاتره زمايلها ( مشكلتين عايزين معالجه ) كانو بيشرحو حاجه ( بيتكلمو في حاجه تخص المعالجه) ودخل عليهم مدير المستشفي ( فيه كدا أمنيه ماما بتتمناها هيبدأ الكلام فيها ) قال لمامي تعالي اقولك علي حاجه مش عايز يتكلم قدام الدكاتره ( هيتقالها حاجه تتبلغ بيها ) ودخلو الأوضه ( هي كدا شغلها متحدد) و بنتها الكبيره نايمه علي السرير ( ليها حل في حياتها الزوجيه ) ومامي صاحتها من النوم وطلعتها برا الأوضه مع أختها الصغيره ( ضميتها لحل تاني ) و مدير المستشفي ممدد علي كنبه ( الأمنيه إللي ببتمناها تعباها. والتعب هينتهي علي ميعاد من ناحية واحده ) وقالها انتي ايه طلباتك وبيتكلم بإبتسامه بسيطه (لاء هنا اي حاجه ماما عيزاها مش هيعملوهلها والكلام إللي هيقولهلها هيدايقها )

وجاء الرد : مامتي بتعمل تعديلات في بنود عقدها عشان الشغل وفعلا شغلها متحدد وبتتمني تشتغل تاني وربنا يكرمها ويسترها لانها فعلا حاسه ان مدير الشغل مش هيريحها
و عندها مشكله مع زوجها ومش مريحها
وفعلا جدتي حل ليها من ناحيه المشاكل لأنها بتهديهم علطول ومامي زعلانه عشان حالتها الماديه مش مستقره ربنا يكرمك يا دكتوره كريمه كل كلام حضرتك مظبوط ♥♥♥♥♥

ممكن حضرتك تفسري حلم خالي .
الحلم : هو شاف نفسه وأبوه المتوفي في مكان زراعي ووالده المتوفي بيتكلم في التليفون مع صديقه دكتور (والدكتور عايش في الحقيقه )وبيقوله شوف لعصام عروسه عندك في المستشفي فالدكتور اعترض وقاله الحكايه متجيش كدا فوالد خالي المتوفي انزعج وقال لو كانت حاجه تخصك كنت هتعمل اكتر من كدا وطلب من خالي انه يروح المستشفي عند الدكتور ويشوفله عروسه
( للعلم خالي مش متزوج )

التفسير : خالك شاف نفسه وأبوة في مكان زراعي ( كلام قديم هيتجدد عند خالك من ناحيه حاجه فيها خير أو ماديات) ووالده بيتكلم في التليفون ( فيه خبر سببه الكلام القديم إللي هيتجدد و خالك مستني الخبر من واحد ) ولما بيتكلم مع صديقه دكتور( عايز الكلام يبقاله معالجه ويبقي مفيش مشكله ) ولما بيقوله شوف لعصام عروسه ( فيه مشكله عند عصام وعايزين تتحل) فالدكتور اعترض وقاله الحكايه متجيش كدا ( يعني متتحلش المشكله كدا اي كلام لازم بالهداوه) فوالد خالي المتوفي انزعج ( لا منزعج ولا حاجه لانهم عارفين ان خالك عنده مشكله ) وقال لو كانت حاجه تخصك كنت هتعمل اكتر من كدا و أبوة مش عاجبه الكلام ( الكلام لما هيتجدد هيبقي مش مريح خالك او علي خالك ) وطلب من خالي انه يروح المستشفي عند الدكتور ( خالك هو إللي يعالج الموضوع إللي يخص جوازه لو عايز يتجوز )

وجاء الرد : كل كلام حضرتك صح خالي مش متزوج ومش حاطط الموضوع في دماغه وبيقول نصيب وبييجي وطبعا محاولاتنا معه بتضايقه وخالي التاني عنده مشاكل مع مراته وده مضايق خالي عصام عشان كل ده بيتعب جدتي
ربنا يبارك في حضرتك يا ست الكل وكل كلامك صح وبإذن الله خير ♥♥♥♥♥

الحلم : حلمت بتكلم في التليفون مع خطيبي و قلت له انت رايح فين قالي عند صاحبي و قلت له صاحبك و لا صاحبتك قالي صاحبتي و زعلت منو و شفت نفسي برن عليه كثير بس مش بيرد عليا و بقول صاحبتو دي دخلت بينا و بعدته عني.

التفسير : بتتكلمي في التليفون مع خطيبك لو إنت إللي بدأتي فيه خبر عندك عايزة توصليهوله و لو هو لي بدأ بالكلام معاك يبقي هو حيبلغك حاجة و قلت له انت رايح فين لا إنت مش حتسأليه و لما قالك عند صاحبي عنده مشكلة و لما قلت له صاحبك و لا صاحبتك يعني لما قلت له انت عندك حاجة و لا معندكش قالك صاحبتي قالك انو معندوش حاجة وهو مبسوط زعلت منه مش حتزعلي و شفت نفسي برن عليه إنت بقا إللي عندك خبر عاوزة توصليهوله و مش بيرد عليكي مش عارفة توصلي الخبر و بقول صاحبته دخلت بينا و بعدته عني الحالة إللي هو فيها أو الحركات إللي بيعملها هي السبب إللي خليتو بعد عنك أو انت مبقيتيش عايزة تعرفيها.

وجاء الرد : أنا و خطيبي متفارقين بسبب تصرفاتو و كذبوا عليا و كان بيلتقي ببنات كثير دون علمي و أنا مش زعلانة منو و عرفت حقيقتو أحسن بس زعقت له و هو و لا همو حاجة.

الحلم : حلمت ماما ان أنا لبسة جلبية سوداء في بيج
و برتقالي و كنت سمينة جدا.
التفسير : الكلام لماما إنت لبسة جلابية إنت حل لها من ناحية واحد حيبقى باباكي اساسه كويس بس فيه مشاكل و حاجات غيظاها و مزعلاها منه و كنت سمينة جدا الحاجات دي مخلياها خسة و مبوظة صحتها
وجاء الرد : ماما مطلقة ده أخويا و هو إللي مزعلها جامد
و بسببه بتمرض و تخس طبعا هو و لا على بالو.

الحلم : حلمت ماسكة مسدس و مصوباه لرقبة واحدة واقفة قدامي.
التفسير : معاكي الوسيلة من واحد المسدس عايزاه يضيع لك كبرياء واحدة.
وجاء الرد : بعد فترة حب مابينا هو اتجوز واحدة غيري و أنا بتمنى إنه يطلقها.

الحلم : حلمت لبسة سوتيان أزرق فوق بلوفر أسود و عليهم معطف لونه رصاصي فاتح فتحت السوتيان من ورا و كنت عاوزة اشيلها بس مقدرتش و روحت عند ماما كانت راكبة عربية و ركبت العربية معها مكان السواق و قولت لها ساعديني اشيل السوتيان و راحت تجرها من قدام بس مقدرناش نشلها و سبتها مفتوحه من ورا و أغلقت سوستة المعطف علشان مايشفهمش أحد.

التفسير : السوتيان الأزرق واحد تاعبك و غيظك و بتحبيه محطوطه فوق بلوفر أسود فيه واحد قبليه مصدر دفئ و حنان ليكي ياكبير في السن يامعاه فلوس يا له مكانة
المعطف إللي عليهم واحد ثالث أو وظيفة. لونه رصاصي بين الوقار و الإكتئاب فتحتي السوتيان عملتي لواحد مشاكل و كنت عاوزة اشيلو كنت عاوزة تبعديه و لما روحتي عند ماما راكبة عربية و ركبت العربية معها و قعدت مكان السواق قرار يخصك و يخص ماما بس القرار في ايديكي إنت و قولت لها ساعديني اشيلهم عاوزة تبعدي الواحد ده بمساعدة ماما جرتهم لقدام بس مقدرتش تشيلها لسه متعلقة بالواحد و مش قادرة تبعديه مفتوحه السوتيان من ورا فيه ازعاج بينك و بينه و قفلت سوستة المعطف واحد ومعه واحدة السوستة قفلتيها سكتي الإزعاج بتاع الواحدة مع الواحد ده علشان مايشفهمش يعني علشان ميعرفش اي حاجة عنك أن في واحد قبلو إنتي بتحبيه.

وجاء الرد : البلوفر واحد كبير في السن وكويس و لكن بحب واحد ثاني خطيبي تعبني و مزهقني اتفرقت معه يجي كده اسبوع و مش عاوزة أعرف عنه حاجة و المعطف ده أخويا جايبلي عريس وكان متجوز و مطلق و أنا وافقت أقبلوا بس لسه تعارف لسه مش موافقة عليه.

الحلم : حلمت بشجرة ناشفة مفيهاش أوراق وشجرة ثانية صغيرة جنبها فيها ورق في نصها و الباقي لا
وشجرة ثالثة فيها أوراق شجر و فيها ورد أحمر.

التفسير : الشجرة الكبيرة الناشفة واحدة كان معاها فلوس و خلاص و كبرت كمان مبقاش معاها دلوقتي حاجة والشجرةالتانيه واحدة فلوسها بقت نص نص والشجرة الثالثه واحده معها فلوس و الورد الأحمر معاها ستات معهم فلوس غيظينك

وجاء الرد : الشجرة الكبيره ماما كان معاها فلوس و دلوقتي مش معاها حاجة...
الوحدة الصغيرة إللي فلوسها قلت أنا
و الشجرة الثالثه مرات اخويا و غيظاني على فلوس.ومعها ستات

الحلم : حلمت راجل لابس لبس الفرسان و في ايديه سيف فيه اثنين رجالة كانو عاوزين يأخذو منه السيف بس هو حس بهم و رمي السيف في السما و فضل طاير خرج من فجوة صغيرة في سقف البيت و فضل طالع في السما و كان ليل.

التفسير : الراجل إللي لابس لبس الفرسان واحد و ممكن يكون عاملك مشكلة لأن معاه الوسيلة إللي أي أحد حيعترض طريقه ينسفه و ينهيه خالص
والرجلين إللي عاوزين يأخذو منو السيف مشكلتين عندو و المشكلتين عاوزين يمنعه منه الوسيلة و يبعدوها عنه و هو لما حس بكده رما السيف في السما يعني امن نفسه او فيه أمان جاله من عند ربنا الوسيلة اللي يقدر ينسف بها أي أحد ربنا نصرو و سعدوه و خرج من فجوة صغيرة في سقف البيت واحدة سعدته من أحد سند له و فضل طالع في السما بمساعدة ربنا كمان و كان ليل يعني انت مكتئبة.

وجاء الرد : خطيبي و المشكلة اللي كانت عندو في العمل بتاعه كان حيسيبه بسبب واحد معه مش طايقه بس المدير تدخل لأنه رفع مستوى الأرباح في الشركة و الوسيلة هو المجهود بتاعه و المشكله الثانية هي فراقنا بس عرفت اليوم إن معه واحدة و هو مبسوط و فرحان و لا على باله حاجة و أنا مكتئبة.

الحلم : حلمت انا و ماما في غرفه و حسيت بقط بيتجسس عليا من وراء زجاج الشباك مرة يظهر و مرة يختفي وراء الحيط و كان لونه رصاصي و أنا شفته من الأول و قالت ماما دول عاوزين يعرفو بتعملي ايه.لما قولتلها
التفسير : إنت و ماما في أمن وأمان و القط واحد مكار و لو قطة واحدة مكارة بيتجسس عليكي من وراء زجاج الشباك يعني متكشف لك كل حاجة عنه عن طريق اخوكي و لو ملكيش اخ يبقا اختك أو واحد آخر مرة يظهر و مرة يختفي يعني حبة إنت تشوفيه و حبة يبعد وراء الحيط و الحيط أحد سند ليكي و هو بيداري فيه و كان لونه رصاصي الواحد ده بالنسبه بين الوقار و الاكتئاب لأنه انسان كذاب و ملاوع و إنت شفتيه من الأول يعني من الأول كنت عارفة عنه كل ده و ماما بتقول عاوزين يعرفو بتعملي آيه يعني بيتجسس عليكي و عايز يعرف أي حاجة تخصك

جاء الرد : اكتشفت خطيبي بيخرج مع بنات ثانين و لما واجهته زعق عليا و قالي دول صديقاتي و كان صداع جامد و زعلت كثير كان عندي أمل يتغير بس فضل زي ماهو و لكن بيخبي عليا و أنا عرفت كثير عنه من طرف زميله في العمل كان بيقولي ده بيكلم بنات كثير في الموبايل و كنت بسكت لحد ماسمعت و شفت بعيني

الحلم : حلمت بواحد اعطاني خمس نباءت و اكلتهم التفسير : مشكلة من خمس اشخاص تعبينك على ماديات
و لما اكلتيهم ممكن يدوكي الفلوس
و جاء الرد : اخواتي الخمسة

الحلم : حلمت راكبة عربية أنا و أختي و هيه اللي بتسوق. التفسير: قرار بتفكري فيه إنتي و أختك و القرار في يد أختك و جاء الرد: بالليل أختي قالتلي تعالي ننزل نجيب حاجات قولتلها يلا شوية لقيتها قالتلي خلينا لبكره

الحلم : جدتي حلمت شافت بنتها داخله عليها وجيبالها علبه
دواء مقفوله للقلب وجدتي قالت لبنتها كويس انك جبتيها عشان أنا تعبانه
التفسير: بنتها (حل ليها من ناحيه واحده ) علبة الدواء للقلب بنتها تقدر تريح جدتك من ناحيه واحد جدك قلب جدتك ) وجدتي قالتلها كويس انك جبتيها (لاء مش هتقولها كويس ولا حاجه ) عشان أنا تعبانه( لاء مش تعبانه ولا حاجه )
وجاء الرد : مامي هتسدد مبلغ عن جدو الله يرحمه بدل جدتي ربنا يبارك فيكي يااارب ♥♥♥

الحلم : حلمت في غرفة شخص أعرفه و كانت غرفة مضيئة بنور كهربا وأنا كنت معاه و رتبت له السرير. التفسير: عندك مشكلة مزعلاكي من ناحية اجراءات تخص جوازة عايزة تمميها لكن فيها مشكلة و زعل.
و جاء الرد : فعلا أعرف شخص و زعلانة منه بسبب الإرتباط ومش عارفة اذا حيجي أو لا عشان يخطبني

الحلم : حلمت بالفنانة رجاء الجداوي قاعده علي كرسي ومعاها شابة مش فاكره هي بنتها ولا بنتي والفنانه اعطتها أسوره ذهب جميله جدا وقالت لها انها كانت عندها لكن لم تلبسها قبل كده 0
التفسير : رجاء امنيه كنتي بتتمنيها تتحقق لكن كل اللي بتسمعيه تمثيل في تمثيل والامنيه دي مش هتتحقق لان رجاء متوفيه (وقاعده علي كرسى) ممكن تكون الامنيه من ناحيه حاجه في شغلك ( جنبها شابة مش فاكره هي بنتها ولا ابنتي) الواحده اللي جنبها حل لكي من ناحية الامنيه اللي بتتمنيها ومش هتتحقق ( لما رجاء اعطتها اسوره ذهب وقالت لها انها لم تلبسها قبل كده) الاسوره دي واحده عامله متاعب ومش جميله ولا حاجه والحل اللي بتستنيه من ناحيتها هيبقي تاعبك والامنيه مش هتتحقق حلم يضايق عطيه الميت حلوه ساعات بيعطي حلو وساعات بيعطي وحش وهنا بتقولك إن في واحده تاعباكي
وجاء الرد : هو انا علي المعاش بس انا فعلا عندي امنيه نفسي تتحقق ومتحققتش وبدعي ربنا انها تتحقق وفي واحده فعلا كلامها كله تمثيل في تمثيل وضيعت علينا تحقيق الامنيه لصالح واحد يهمها منها لله ربنا موجود وقادر علي كل شئ وفعلا تفسيرك كله صح دعواتك لينا في الايام المفترجه

الحلم 1: حلمت بابا المتوفي جاء و قاللي انقلي الثلاجة

التفسير : الثلاجة (واحدة انتي مش بطقيها و عايشة معاكي و انتي مجبرة انك تتعاملي معاها و باباكي هو كلام قديم هيتجدد لو فيه ميراث منه حيبقى على الميراث لو مافيش ميراث هيبقى كلام قديم هيتجدد و لما قالك انقلي الثلاجة
( واحدة و هتبعديها عنك)
و جاء الرد : ام زوجي و باردة برود و خنقاني و زوجي اتوفى و طبعا مش هتقعد معايا خلاص حتمشي

الحلم 2: حلمت رسالة جاتلي على الموبايل ياجميلة يا حلوة ده كلام الرسالة لكن أنا مبقتش عارفة أرد التفسير : كلام هيعكننك و طبعا مش هتعرفي تردي و تقولي ايه
و جاء الرد : اختي جالها جواب استبعاد من الشغل و زعلنا

الحلم : حلمت واحد بيرسم على السبورة خريطة فأنا جبت ورقة و رسمت الخريطة و بعد كده روحت للمستشفى اقطع تذكرتين لقيت الكشف في أنف و أذن محتاجة تذكرة واحدة مش تذكرتين
التفسير : الواحد اللي بيرسملك على السبورة خريطة (ده واحد و السبورة واحدة بيحطوا حدود لك ) وانتي بترسمي على ورقة ( إنتي حاطة حدود لورقة رسمية مع نفسك و دي قايمة زواج ) روحتي تقطعي تذكرتين من المستشفى ( انتي عايزة تعملي معالجة لاتنين ستات إللي هما التذكرتين لان هما مقيدين كبرياءك في الكلام إللي بتسمعيه منهم ) ولما اكتشفتي إن الأنف و الأذن مش محتاجة تذكرتين محتاجة تذكرة واحدة ( اكتشفتي إن واحدة إللي تعباكي)

و جاء الرد : فعلا ماشاء الله عليكي هو فيه واحد متقدملي و الخلاف على القايمة و الكلام إللي فيها

الحلم : حلمت طليقي ماسك ساعة في ايده الاسوتيك بتاعها لونه نبيتي و مافيهاش عقارب و فيه الزجاج بتاعها و ما فيهاش ارقام و بيبصلي و بيقولي يا ولاد الكلب.

التفسير : الساعة (اخت طليقك ) العقارب إللي مش موجودين ( راجلين بعاد عنها ) و الزجاج (دي واحدة معاها و متكشفلك كل حاجة عنها ) و مافيهاش ترقام (ماعادتش بتقول حاجة زي الأول) و الاسوتيك لونه نبيذي (واحد غايظك و عاملك إكتئاب)

و جاء الرد : الاستيك طليقي هو إللي غايضني و عاملي اكتئاب و الساعة أخته و الإتنين عقارب أخواتها الاتنين مش بيكلموها و الزجاج بنتها و معهاش غيرها و دلوقتي معادتش تعمل متاعب زي الأول و طليقي ماسك الساعة في ايده و بيقول لي أنا يا ولاد الكلب (هو حزين على انه متمسك انه يسمع كلام اخته و دلوقتي بيعتبرك أنتي أحسن من أخته).

و جاء رد آخر : بعد آيه يا ماما خلاص فضل يسمع كلامها و خرب بيته بسببها

الحلم : حلمت شعرى طويل قوى وناس بتقول شعرك حلو قوى وأنا بضع ايدى على شعرى يقع كتير لحد ما بقى حبه شعر قليل
وكمان شفت ماما الله يرحمها ماسكة في أيدها أسد وبقولها مسيطرة عليه إزاى (مش فاكره اسد ولا نمر) بس كانت رأسه صغيره
التفسير: شعرك الطويل جوزك له مكانة والناس بتقولك عليه حلو دى مشاكل معه وإنتى بتضعي ايدى على شعرك يعنى الماديات الخاصة بيكي سبب الزعل معه ولما بيقع شعرك حتبتعدي عنه وتتخاصموا مع بعض لحد ما يبقى حبة زعل قليلين كده حيمشي ويبعد
وماما الله يرحمها ماسكه أسد لو في ميراث من ماما يبقى فيه كلام على الميراث مع واحد شرس ولو مفيش يبقى كلام قديم هيتجدد مع واحد شرس وبقولها ازاى مسيطرة عليه يعنى هى
بالماديات قادرة تخليه هادى ومش عارفه اسد ولا نمر الاثنين شرسين ورأسه صغيرة يعنى تفكيره على قده

وجاء الرد : ايوة فعلا اتخاصمنا مع بعض عشان المصاريف أنا وزوجي
أما الأسد أخويا فيه باقي ميراث ليا معه و اتغير معانا وبقى شرس وتفكيره صغير زى الأطفال بيزعل ويتقمص

الحلم : شفت مدير المستشفي السعودي قاعد علي كنبه وفيه كنبه تانيه قاعد عليها مدير تاني شغال معاهم بس مش فاكره هو مين وانا قاعده علي نفس الكنبه دي ولقيت مدير المستشفي بيكلم واحده زي ما تكون بنتي الكبيره وبيقولها شوفي ورقها كده فيه الشهادات اللي احنا عاوزينها البنت دي اعطتني 3 ورقات مكتوب فيهم بالخط الاسود واسمي مكتوب بالعربي اول السطر وانا قلت لها خليه يشوف الاسم ويتأكد وقعدت اقلب في ال 3 ورقات ( ورق رسمي كده ) وآخر ورقه فيهم مكتوب فيه جدول بالخط الاسود ايضا وسألني مدير المستشفي انت كل بياناتك زي ما هيه قلت له اه زي ما انا قالي مدير المستشفي هنكون جاهزين في خلال 20 يوم.

التفسير : كل مدير قاعد علي كنبه كل امنيه بتتمنيها تعباكي من واحده وانت قاعده علي نفس الكنبه تعبانه من نفس الواحده وكذلك الأمنيتتين تعبينك منها ولقيت مدير المستشفي بيكلم واحده عن الأمنيه إللي بتتمنيها فيه حل من ناحيتها وشوفي ورقها يعني فيه كلام عن الورق بتاعك والشهادات يعني التخصص هيبقي فيه كلام و3 ورقات خاصين بيكي فيهم مشكله لكن الكتابه بالأسود فيه اعزاز ليكي والجدول إللي بالخط الاسود هو الميعاد إللي هيتحدد اللي هيخصك في الشغل وهيبقي فيه تغيير من ناحيتك مش هتقولي اه هتقولي حاجه تانيه ومش هيكونو جاهزين خلال 20 يوم ولا حاجه الميعاد ده هيتغير

وجاء الرد : الواحده دي زميلتي في الشغل وهي فعلا إللي تعباني كل شويه حوار توديه ونجيبه بيني وبين المدير وده مضايقني ومطول الموضوع وأنا عندي تخصص طبي وتخصص إداري ممكن يكونو بيراجعوا الورق ده فعلا وهيه اتصلت بيه أنا وقالت إن مدير المستشفي بيبلغك ان شاء الله ترجعي الشغل بعد العيد مش عارفه الموعد ده كمان هيتغير ولا لا ربنا يقدم اللي فيه الخير

الحلم : حلمت لقيت تين شوكي في الطريق عديت فوقو بس الحمد لله متاذيتش منه.

التفسير : تين شوكي في الحلم ماديات مزعلاكي لما تقربي منها فيها أذى؛ يعني هي عملالك متاعب و إنت مهمكيش منها و لما عديتي فوقها اعتبرتيها حاجة تحت رجليكي و زبلتيها و متاذيتش منها لا إنت مأذية منها.

وجاء الرد : فلوس الطلاق اخذتهم بس مستفدتش منهم راحو زي متقولي فص ملح و ذاب.

الحلم : حلمت بثعبانين على الحائط عايزين يعضوني سبتلهم المكان و طلعت في وسعاية بعيد عنهم

التفسير : الثعبانين رجلين مؤذيين تبع أحد سند لك أو هما الثعبانيين هما سند لك و عايزين يعضوك عايزين يؤذوك بس لما انت طلعت و مشيت بعيد ضيعت أمنك و أمانك وبقيت في الخلا يعني سبت الجمل بما حمل و بعدت عنهم.

و جاء الرد : أبويا و عمي هما إللي عايزين يؤذوني

الحلم : حلمت لبسه حذائي شتوي اسود بكعب عالي ،والحذاء عندي في الحقيقة و كنت أجرى و كانت رجليا بتميل قليلا من الحذاء و كنت اضبطها و ادخل رجلي في الحذاء ثم. رأيت نفسي مع أختي و ابنتها متزوجة نمشي و قالت لي اختي كلام لم. يعجبني و تشاجرت معها و كنت ذاهبة و اخرجت بنت أختي علبة صغيرة فيها سلسله و اعطتهالي و ذهبت من طريق آخر و قلت اكيد ستتصل بأمي و تقول انها لم تقول لي شئ و ذهبت انا عزباء

التفسير : الحذاء واحد ذو مكانة عالية أو كبير في السن و دا واحد بتعرفه و رجليك بتميل قليلا إنت قلقة من ناحيتة و ظبط الحذاء انك تشلي القلق و دخلتي رجلك في الحذاء هو انك تتفقي معه ويبقي فيه تفاهم و هناك حلين لكي ملازمنك و هناك حل حيريحك من ناحية اختك
وجاء الرد : فعلا أعرف واحد أكبر مني وأنا قلقة من ناحية

الحلم : شفت نفسي في غرفه مع المدير الطبي ومدير الجوده في المستشفي و أنا كنت قاعده علي ترابيزه الاجتماعات ومدير الجوده بيبصلي ويتكلم و أنا مش بصاله ومش راضيه اكلمه خالص ولا كأنه موجود شويه يقعد وشويه يقف
ولقيت نفسي في بيت جدي وواحده صاحبتي لقيتها جيالي بيت جدي وأنا عاوزه اعطيها هديه ولقيت زي الباب الكبير مفتوح بس كمان فيه باب زجاج شايفه صاحبتي ومعاها ستات كتير منهم والدتي بيصلو صلاه جماعه و دخلو الصاله وكأن بيسلمو علي والدتي كأنها راجعه من الحج وبقع فيه رجاله من البلد ووالدتي مش ملاحقه تسلم علي مين ولا مين وأنا واقفه جنبها سانده ظهري علي الحيطه و سمعت زوجي بيكلم صاحبتي كلام وحش عليا وعلي أهلي وأنا اضايقت منه جدا وكنت عاوزه أضربه في رجله وهو كان نايم علي الأرض وصاحبتي مشيت ولقيت الناس كلها اختفت وبقيت أنا وماما في البيت وماما قاعده علي كرسي ولقيت صاحبتي جيبالي شنطتين يد جداد واحده رصاصي وواحده لون تاني مش فاكراه وفجأه لقيت محفظه القران بتاعتي موجوده واقفه في غرفه مكتب ولابسه في رجليها جزمه بيضاء كعب عالي وأنا مستغربه من استايلها ده و روحت عشان اسلم عليها صدتني ومعرفتش اقولها آيه لأنها قابلتني بفتور.

التفسير : الإتنين مديرين (امنيتين بتتمنيهم وعايزا تعمليلهم معالجه و بتتمني يتحققه) وانتي كنتي قاعده علي ترابيزه الإجتماعات( هيبقي فيه اجتماع ممكن يدعوكي فيه أو لاء )ومدير الجوده بيبصلي( الأمنيه إللي بتتمنيها مركزه عليكي) ويتكلم ( يقول انتي ايه واي كلام يخصك) وانا مش بصاله( يعني انتي مش هو دا الاهتمام الي انتي عايزاه او مش دا الكلام إللي عايزاه يتقال) ومش راضيه اكلمه خالص (لاء انتي عايزا تكلميه بس الكلام إللي بتسمعيه مش هو ) ولا كأنه موجود شويه يقعد وشويه يقف( ليه مكانه ولما يقف ملوش مكانه) لقيتي نفسك في بيت جدك ( بقيتي في أمن وأمان )واحده صاحبتك جيالك البيت وأنا عاوزه أعطيها هديه ( فيه حل ) وإنك أعطتيها هديه ( هيحصل زعل الهديه زعل في الحلم ) ولقيت زي الباب الكبير مفتوح (يعني واحد مهم معموله إزعاج) وفيه باب قزاز شايفه صاحبتي(واحد متكشفلك كل حاجه عنه )وشايفه صاحبتك ومعاها ستات كتير منهم والدتي بيصلو صلاه جماعه ( ماما فيه حلول من ناحيتها كلها فيها أمان ) ودخلو الصاله وكانو بيسلمو علي والدتي (الحلول هتزعل والدتك ) وكأنها راجعه من الحج (اما تبقي جايه من الحج ( فيه إمنيه هي محققاها و اتحققت) بقعه فيه رجاله من البلد ( مشاكل ) ووالدتي مش ملاحقه تسلم علي مين ولا مين( تزعل مين ولا تزعل مين كدا هتزعل الناس كلها منها) وإنتي واقفه جنبها سانده ضهرك علي الحيطه ( معتمده علي أحد سند ليكي) وسمعت زوجي بيكلم صاحبتي كلام وحش عليا وعلي اهلي (لاء دا بيمدح فيكي و في اهلك) وانا اتضايقت منهم ( لاء مش هتضايقي ) وكنت عاوزه أضربه ( كنتي عايزا تتفاهمي معاه )في رجله (علي الماديات )وهو كان نايم علي الأرض ( تعبان وتعبه هينتهي علي ميعاد) وصاحبتي مشت (الحل بعد ) ولقت الناس كلها اختفت ( أحسن إن الرجاله مشو دول مشاكل وهتبعد وحلول وماما مش موافقه عليها هتبعد) وبقيتي إنتي وماما بس في البيت ( خلاص انتي مستنيه حل من ماما ) ماما قاعده علي كرسي (ماما ليها مكانه ) ولقيتي صاحبتك دي جيبالك شنطتين يد جداد واحده رصاصي وواحده لون تاني مش فكراه ( نهايه مشكلتين تخص ماديات ) واحده رصاصي ( ماديات بين الوقار وبين المتاعب والماديات التانيه مش عارفه تخص آيه ) ولقيت محفظه القرآن بتاعتي موجوده واقفه في غرفه مكتب ( حل فيه أمان ليكي )ولبسه في رجليها جزمه بيضاء ( واحد مزعلك وليه مكانه ) وأنا مستغربه استايلها ده ( مش هتستغربي ولا حاجه لأن هي حل مش المحفظه ) روحت عشان اسلم عليها صدتني (احسن لو سلمتي كنتي حتزعلي ) صدتك ( مبقاش فيه زعل) ومعرفتش اقولها آيه لأنها قابلتني بفتور (لاء هيبقي فيه مقابله حاره )

وجاء الرد : في المستشفي مش عاجبني الكلام إللي هما بيقولوه ومدير الجوده عاوزني اعمل شغله وأنا معترضش علي كده وماما معاها مشاكل كتير جدا بس هيه بتصلي وتذكر ربنا كتير ويمكن ده بينجيها فعلا وفيه حل من ناحية ماما ليا عشان بتساعدني كتير في دراستي وشايله أولادي معايا
وزوجي اليومين دول هدي معايا شويه والمشكلتين إللي بخصوص الماديات هارجع شغلي ان شاء الله يبقي مرتبي معايا ان شاء الله

الحلم : مامتي حلمت انها في اوضه وجوزها قاعد علي السرير وابنها معاهم في الاوضه وبعدين مامي سحبت زي منديل رقص ولفته علي وسطها وبترقص فبابي بيبصلها بعينه جامد ومستغرب ازاي تعمل كدا قدام ابنها ومامي بترقص بس أغنيه مش مسموعه
و طلعتهم الاتنين من الاوضه و لقت نفسها طالعه سلم رأت مرات اخوها واقفه ولابسه طرحه مشجره قدام باب الشقه ومالك ابنها جنبها قاعد علي الارض فمامي راحت شيلاه ومعبرتهاش و كملت طلوع لقت في الدور التاني صاحبه مرات اخوها ماسكه بنت اخو مامي فمامي راحت واخدها منها
و كملت طلوع ودخلت بيت اهلها وجدت مامتها قاعده علي الكنبه وقالتلها انا جبت العيال وحطت مالك (الطفل الرضيع) في السرير عشان تنيمه ولقت في فمه مفتاح بدل السهايه ومامي خايفه انه يتعور ولقينا صاحبه مرات اخوها داخله عليها ولونها اسود جامد أوي ولقت اخوها موجود بيتكلم مع صاحبة مراته و بتضحك معاه وتعاتبه فمامي راحت شاخطه فيه ومكشره في وشه وراحت مامي بصالها وقالتلها بلغي مرات اخويا ان احنا مش عايزينها اصلا فبصتلها وكأن مامي هي إللي بتولع الدنيا
التفسير: ماما في اوضه وجوزها قاعد علي السرير (جوزها مشكله من ناحيه حياتها الزوجيه وفيه مشكله تانيه ابنها) اما سحبت منديل ورقصت(يعني معاها الوسيله الي تخليها تزعل )لفته علي وسطها (امنها وامانها ضايع ) وبترقص( زعلانه ) بيبصلها(المشكله مركزه عليها ) وبيستغرب ازاي تعمل كدا قدام ابنها(مش مستغرب ولا حاجه لانه عارف ان فيه مشكلة )وبترقص علي اغنيه (الكلام الي سمعته هو سبب الزعل إللي هي فيه ) طلعتهم الاتنين من الاوضه ( ريحت نفسها من المشكلتين ) طلوعها السلم ( صعود لها ) رأت مرات اخوها واقفه ولبسه طرحه مشجره (الصعود فيه حل من ناحية الارتباط ارتباط ماما كله زعل المشجر ممكن تكون ستات هي السبب إللي عامله لماما المضايقات دي ) مالك ابنها قاعد علي الأرض ( مشكله تاعبه ماما والتعب هينتهي علي موعد )ماما راحت شيلاه ومعبرتهاش (لما ماما شالته بقت متحمله المشكله ) اما كملت طلوع رأت في الدور التاني صاحبه مرات اخوها ماسكه بنت ( حل تاني لماما ) دخلت بيت اهلها ( بقت في أمن وامان شاهدت مامتها قاعده علي الكنبه (مامتها حل ليها )قالتلها انا جبت العيال وحطت مالك في السرير ( قالت لماما ان عندها مشكله مع جوزها ) عشان تنيمه(عشان تيتا تأخذ فكره و تتصرف ) لقت في فمه مفتاح بدل السهايه ( المفتاح وسيله تسد بيها المشكله متخليش يبقي فيها كلام يزعل ) ماما خايفه انه يتعور ( خايفه الموضوع يودي في النهايه لمتاعب اكتر ) ولقينا صاحبه مرات اخوها داخله عليها لونها اسود جامد ( حل هيبقي فيه خير ) وشاهدت اخوها موجود بيتكلم مع صاحبة مراته ( مشكلة وليها حل ) وهي بتضحك معه ( الحل هيزعل ماما والمشكلة إللي هتعرفها ) وتعاتبه( العتاب هو الكلام الي هيقعدو يعيدوه) مامي راحت شاخطه فيه (الشخيط يعني هتماين او هتقول كلمتين حلوين يهدو المشكلة ) مكشره في وشه (لاء مش هتكشر هتبقي هاديه ) وراحت ماما بصالها وقالتها بلغي مرات اخويا ان احنا مش عايزينها (لاء هتقول احنا عايزينها وربنا يهدي وحاجات كدا ) فبصتلها وكأن مامي هي إللي بتولع الدنيا ( لاء هتستغرب من كلام ماما)

وجاء الرد : كل كلام حضرتك مظبوط انا مامتي وبابا فيه مشاكل بينهم بسبب كلام بتسمعه بيتقال من وراها وبابي عارف ان هي زعلت ومامي كررت انها تكبر دماغها عن المشاكل دي وفيه مشكله بين مرات خالي وخالي ومرات خالي سايبه البيت ومامتي بتحاول تصلح بينهم كذا مرا وبتقول كلام يهدي الدنيا ومامي فعلا بتقول لمامتها عن المشكله الي بينها وبين بابي عشان تتصرف او تصلحها

الحلم : والدتي شافت زوجها المتوفي بيعمل عمل جنسي معاها في الشارع وخايفه يكون أحد شافها من الناس. سؤال : فيه ميراث من بابا ؟. الجواب : ايوه فيه ميراث. التفسير : فيه ميراث في كلام قديم هيتجدد عندها و الفعل الجنسي هيبقي فيه كذبه أو خدعه هتتعمل معاها وفي الشارع يعني مفيش أمن وأمان وخايفه يكون أحد شافها من الناس يعني مش عايزه أحد يعرف من الناس عن الكذبه أو الخدعه إللي حصلت دي وجاء الرد : ماما بتمر بظروف صعبه جدا وفيه مشاكل علي قطعه أرض بابا سايبها وفيه نزاع عليها بس ربنا يستر بقه علي ماما شكرا لحضرتك جدا استاذتنا الغاليه 🌹. تعديل : حصلت خدعه في ماما أخويا طلب 5000 جنيه منها من ميراثه عشان شغل وطلع بيكذب عليها وهيه مكانتش عاوزاني أنا و أخويا التاني نعرف عشان مينزلش أخونا من نظرنا تفسيراتك بتطلع مظبوطه جدا ما شاء الله ربنا يحفظ حضرتك

الحلم : شفت نفسي معايا ظرف أبيض كبير مليان فلوس ورق فئه 200 جنيه جديده ولقيت خالي المتوفي واقف علي ترابيزه قدامه واعطيتله أنا 200 جنيه من الظرف إللي معايا وطلبت منه يبعت إبنه يجيب نظاره شمس كنت أنا شارياها و دفعت نص فلوسها وخالي ابتسم وقالي أخذت مصروفك مرضيتش اضحك وسبته وطلعت فوق الدور الثاني.

التفسير : الفلوس الورق فلس مادي والسبب واحد مزعلك والموضوع ده كده هتفارقيه وخالك المتوفي كلام قديم هيتجدد مع واحده وأحد هيطالبك بفلوس وهتديهاله وهيبقي عندك فلس مادي والكلام القديم مش واضحالك من ناحيه واحد علي نص ماديات عليها كلام وخالك لما ابتسم هتزعلي وبيقولك أخذت مصروفك الزعل هيبقي من ناحيه واحد بيديكي ماديات ولو ضحكتي كنت هتزعلي الحمدلله عدت علي خير وطلعت لقيت نفسي فوق يعني عايزه تحققي إللي عاوزاه من غير متاعب.
وجاء الرد : فعلا الفتره دي معاييش فلوس خالص عندي فلس فعلا وزوجي هيطالبني بفلوس عشان عامله لمامتي زياره للعمرة
( الترابيزه ) وأنا معاييش ادفعله ويارب تعدي علي خير ونفسي الموضوع يعدي علي خير من غير متاعب وماما تيجي لأنها وحشتني

الحلم : حلمت ركبت فوق حمار بس مرة مرة بيتهيألي إنو إنسان الحمار ده كان ماشي بيه و بيوقف بس أنا مش عاوزاه يوقف بقولو اتحرك و شوية لقيت حزام جلد إبيض لجام لما يعكنني أجرو منه بيوجعو بس بيمشي. و قلت الكل راكب عربيات و أنا راكبة حمار. معلش لازم أمشي.

التفسير : الحمار اللي راكبة عليه ده واحد بيشقا و يتعب و محدش بيقدر و برضو بيتهيألك إنه إنسان المفروض انو ميشقاش كده برضو ده بني آدم الحاجات اللي حصلالو دي حرام و الله ده كان ماشي بيه و بيوقف طبعا إنت مسيطرة عليه لما بيوقف بيقا معندوش المقدرة إنه يكمل أو يسعى لرزقه زي ما هو عايز و إنت مش عايزاه يوقف عايزاه يفضل يشتغل شوية و يسكت شوية بتقولي له اتحرك يعني قوم اسعى لرزقك متقعدش و لما لقيتي حزام جلد أبيض الأمن بتاعه إللي ممكن إنت تعيشيه كله زعل أو الأمان إللي من ناحيته و إنت لما يعكنن عليكي تجريه منه بس بيتعب اه إنت لما يضايقك بتروحي عملاله فرملة أو شد بتخليه يضايق من كده و لما بيتألم بيحس بإهانة بس بيكمل و قلت الكل راكب عربيات يعني فيه قرارات كثير ممكن تفكري فيها اللي بيخليني اسيب كل ده و فكر في الواحد ده بس لازم امشي لازم اكمل حياتي.

وجاء الرد : واحد عاوز يتجوزني بس المدخول تبعه مش كافي يفتح بيت و العمل تبعه مؤقت مش رسمي أنا بتكلم معاه ديما على الترسيم و هو مرة يجاوبني و مرة يزعل و مرة يشرحلي ظروفه بس بقول ربنا يعمل إللي فيه الخير.

الحلم : حلمت ببطة أخذت من إيديا عيش و نطت في ماية عزبه
التفسير : البطة واحدة و اخذت ماديات من مصروفك او معيشتك و أمنت نفسها.لما نطت في المياة العذبة

و جاء الرد : دي قريبتنا وسبحان الله يا طنط إنتي قولتي إنها عايزة تجي علشان تأخذ مصروف من بابا
و طبعا ده بيقصر على مصروف ماما

الحلم : حلمت خطيبي جاي مكان فيه أهلي و ناس كتير بس كان لابس هدوم قديمة و مقطعة و أنا دخلته أوضة بسرعة قبل ما أحد يشوفه و قعدت ادورله على حاجة في الدولاب ملقيتش فخرجت و اشترتله قميص و بنطلون جداد و لبسهم
و بقى شكله كويس.

التفسير : خطيبك جاي مكان فيه اهلك (هو مشكلة و أهلك حيتكلموا فيها ) الهدوم القديمة إللي لبسها ( انتي و في كلام بزعل يخصك و أهلك حيعرفوا الموضوع ده) دخلتيه اوضة بسرعة قبل ما أحد يشوفه ( بعدتي المشكلة خليتيها في مكان تاني بعيد عن اهلك ) قعدتي تدوري على حاجة يلبسها في الدولاب ما لقيتيش ( الدولاب واحد ممكن يكون باباكي
و إنتي عايزة الكلام يتغير من ناحيتك علشان حتديله حاجة تانية يلبسها ) خرجتي اشتريتيله قميص و بنطلون جداد ( إنتي إما حتتغيري من طبعك و من تصرفاتك أو حتبقى معاه واحدة تانية الحب و الزواج من ناحيتها) و لبسه و كان شكله كويس( لا مش حيكون شكله كويس بالعكس حتضايقي )

و جاء الرد : ايوا فعلا فيه مشاكل دلوقتي بينه و بين أهلي
و كان الموضوع مع زوج خالتي و صل لمشكلة و انتقل الموضوع لزوج خالتي التاني و والدي هو متوفي و الفرح كمان شهر و في إنتظار حل الموضوع أو فشكلته ربنا يكتب الخير

الحلم : حلمت الحيطة اتشقت و طلع منها نور قوي اوي مش كهربا و شفت العذرا و معاها ابنها
التفسير: الحيطة (واحد سند ليكي و النور اللي طالع منه حيبقى خلف منه) و لما شوفتي العذرا و ابنها ( ربنا حيباركك بولد بس حيبقى باباه مش موجود)
و جاء الرد : هو طليقي و من يوم ماجبت إبني و هو ما بيسألش فيه و لا حتى بيبعت مصاريفه

الحلم : حلمت بفانوس لونه بني و منور أحمر و فيه شمعة منورة.
التفسير : الفانوس لونه بني و منور أحمر (واحد و غايظك
و عاملك اكتئاب) و الشمعة المنورة ( الواحد ده معاه واحدة الشمعة و كل شوية عاملة مشكلة)
و جاء الرد : طليقي و اخته

الحلم : مامتي حلمت انها في اوضه هي وأخوها ومامي قاعده علي سرير ومرات أخوها علي سرير تاني ومامي كانت عامله ورق عنب مستوي وكان كميه كبيره في حله وأخوها رجعه ليها تاني وقال إن مراته إللي قاعده علي السرير مش عيزاه وراح حدف الحله علي الأرض وفيه صوبعين محشي وقعو علي الأرض ومامي حاولت تضرب مراته وكل ما إيد مامي تحاول تلمسها مرات أخوها تبعد جسمها عشان ميلمسهاش الضرب
بس كانت بتبص لمامي بطريقه وحشه و مامي كانت متضايقه منها وضربتها جامد في الآخر

التفسير: ماما في أوضه وقاعده علي السريرهي وأخوها
( مشكلة لماما في حياتها الزوجيه ) مرات اخوها علي سرير تاني (عيشه تانيه ليها حل في حياه ماما) مامي كانت عامله ورق عنب مستوي (نهاية متاعب علي ماديات )وكان كميه كبيره في حله ( فلوس من ناحيه واحده ) أخوها رجعها ليها تاني وقال إن مراته إللي قاعده علي السرير دي مش عيزاه
( الفلوس إللي عليها متاعب اخوها رجعهلها تاني ) مش هيرجعهلها و لو لقي حاجه يأخذها ) وقال مراتي إللي قاعده علي السرير مش عيزاها (حدف الحله علي الأرض ( فيه متاعب من ناحية الواحدة )وفيه صوبعين محشي وقعو علي الأرض ( راجلين عاملين متاعب علي ماديات والمتاعب دي هتنتهي علي ميعاد) مامتي حاولت تضرب مراته ( حبت تتفاهم معاها وتحايلها ) وكل ما إيد مامتي تحاول تلمسها
( كل ما ماديات من ماما تروحلها )كل ما مرات اخوها بتبعد جسمها (مبتبعدش ولا حاجه ) وجسمها (جوزها لاء طبعا بيأخدها جوزها ) عشان ميلمسهاش الضرب (لاء عشان ايه متتأثرش بالكلام بتاع مامتك )كانت بتبص لمامتي بطريقه وحشه ( لاء ما بتبصش بطريقه وحشه ولا حاجه انما مركزه علي ماما ) ماما كانت متضايقه منها (مش متضايقه) وضربتها جامد في الآخر( هتتفاهم معاها )
وجاء الرد: صح يا دكتوره كريمه أنا خالي ومراته بينهم مشاكل ومامي بتحاول تصلح بينهم وتحايلها
وفعلا خالي أي ماديات بيأخدها ربنا يهديله حاله
والراجلين إللي عاملين متاعب أبو مرات خالي وخالها ال 2 بيخربو الدنيا وعايزين يطلقوهم ويأخذو فلوس من خالي كمان ربنا يصلح الحال كلام حضرتك كله صح

الحلم : و الدتي شافت زوجها المتوفي بيعمل عمل جنسي معاها في الشارع وخايفه يكون أحد شافها من الناس. سؤال : فيه ميراث من بابا ؟. الرد : ايوه فيه ميراث.
التفسير : فيه كلام قديم هيتجدد عندها علي الميراث و الفعل الجنسي فيه كذبه او خدعه هتتعمل معاها وفي الشارع يعني مفيش أمن وأمان وخايفه يكون أحد شافها من الناس مش عايزه أحد يعرف من الناس عن الكذبه أو الخدعه إللي حصلت

وجاء الرد : ماما بتمر بظروف صعبه جدا وفيه مشاكل علي قطعه ارض بابا سايبها وفيه نزاع عليها
ربنا يستر بقه علي ماما شكرا لحضرتك جدا استاذتنا الغاليه 🌹

الحلم : حلمت بقطة شكلها كبير في السن و وجها اتقلب بومة التفسير : القطة(واحدة مكارة و خداعة) لما وشها بقى بومة(يعني وش شئوم)
و جاء الرد : جارتي مافيش غيرها وش الشئوم

الحلم : حلمت بأكل أم الخلول.
التفسير : فلوس حتجيلك
و جاء الرد : ماشاء الله انا منتظرها


الحلم : بابا متوفي حلمت إنه ذبح عجل و وزعنا لحمه. التفسير: في كلام قديم حيتجدد لو في ميراث من باباكي يبقى الكلام على الميراث و لو مافيش يبقى كلام قديم حيتجدد يخص واحد محتاج مساعدة و بما إن هو عجل فهو شخص مدب ما بيحسش و بيرفس و كلامه بيلطش و يأذي ولما ذبحتوه حتساعدوة و الكل حيعرف بالمساعدة عشان وزعتو لحمة
و إللي حيعرفوا أهله.
و جاء الرد : ايوا كلامك صحيح

الحلم : حلمت بجمبرايا في المياة بتلعب شناباتها و جاية عليا. التفسير : فلوس لها ميعاد تيجي فيه و هي في الطريق إليك و جاء الرد : فعلا ميعاد الوديعة قرب

الحلم : حلمت اني في مكان ومعايا أصحابي واغلبهم بنات واحنا في المكان عشان نمتحن امتحانات اخر السنه وكان ماث ودين فأنا بقول إزاي هنمتحن دين واحنا مدرسنهوش طول السنه
قعدت علي طرابيزه وزعو علينا امتحان الماث فلقيت الإمتحان نصه محلول من أحد تاني وأنا مستغربه بس كملت حله وصورته علي الموبايل هو وامتحان الدين و لقيت نفسي في البيت بتاعنا وابن خال مامتي (وهو صغير في السن في الحقيقه) قاعد علي الأرض وأخويا جنبه وأنا قاعده قصادهم فبسأل علي حاجه فببص لإبن خال مامتي يجاوب راح بصلي ومردش عليا قاصد فلقيت أختي فسألتها وردت عليا و فجأه لقيت نفسي في أوضه مامي وبابي وابن خال مامتي قاعد علي الكنبه وجدتي ومامتي قاعدين معاه في الصاله و لقيته بيقولهم أحسن حل ليا انا انهم يخطبوني فمامتي وجدتي اتخضو من الكلام وأنا لقيت نفسي ببص في مرايه مامي وقلقانه بس لقيت حواجبي متنعكشه فبعديها لقيت مامي بترد عليه وبتقوله علي فكره أنا بنتي اشطر واحده في المدرسه ولقيتها جيالي علي الأوضه ونامت علي سريرها وبتقولي اطلعي وردي عليه وأنا روحت الصاله لقيت مشهد بيحصل قدامي وفيه بنت معرفهاش ردت عليه بدالي وضربته بالالم ومشيت


التفسير : إنتي وأصحابك بتمتحنو ( بتفكرو تساعدو أحد ماديا) ماث ودين (من ناحيه الدين ومن ناحيه الفلوس ) فأنا بقول إزاي هنمتحن دين واحنا مدرسنهوش (هيبقي الموضوع من جواكو وانتو متعرفوش عنه حاجه ازاي تدفعو كام ولا المفروض آيه حاجات كدا تخص التوزيع ) لما قعدتي علي ترابيزه (يعني لجأتي لواحده)وفيه كذا فرد (يعني لسه متفقتيش معاهم ولسه محد عطاكي رد) وزعو علينا امتحان الماث (يعني بدأت الحسابات اهي )وإن الإمتحان انتي جواكي عايزا تساعدي أحد) ولقيتي نصه محلول ( نص المساعده أحد تاني دفعها ) وإنتي مستغربه ( كويس جواكي بقي فيه تهدأه) بس كملت حله ( ساعدتي بالجزء المتبقي ) صورتي بالموبايل ( بلغتي أحد بالموضوع والموضوع خلاص بقي ذكري بالنسبالك مش هتقولي لأحد عليه أو تتكلمي فيه )ولما لقيتي نفسك في البيت ( بقيتي في أمن وأمان ) وابن خال مامتك قاعد علي الارض (يعني فيه مشكله تعباكي وهتنتهي علي معاد )واخوكي جنبه ( تاعبك هو كمان ) وانا قاعده قصادهم(يعني انتي شايفاهم) بتسئل عن حاجه فببص لابن خال مامتي (يعني هو مشكله وانتي عيزا رد حل تعرفي تتصرفي ازاي )راح بصلي مردش عليا(يعني مفيش حاجه وصلتك)فلقيت اختي (فيه حل اهو )سألتها وردت عليا (يعني عرفتي حل اهو اتقالك علي الي انتي عيزاه)اما لقيتي نفسك في اوضه مامتك(يعني بقيتي في امن وامان من ناحيه ماما)وابن خال مامتي قاعد علي الكنبه (يعني مشكله من ناحيه واحده بالنسبالك )وجدتي ومامتي قاعدين معاهم (كدا القاعده دي كلها فيه تعب يخص واحده ) وبعدين لقيتو بيقولهم احسن حل ليا انهم يخطبوني (يعني ايه يعملولي مشكله (فمامتي وجدتي اتخضو من الكلام يعني هما الاتنين الكلام مش عاجبهم) وانتي لقيتي نفسك بتبص في المرايه بتاعه ماما(يعني عيزا تجيبي الي جواكي من ناحيه واحد تبع ماما) وقلقانه (مش قلقانه) بس لقيت حواجبي متنعكشه) يعني فيه حواجبك دول (ممكن يكونو اتنين اخواتك هيقفو جنبك او بابا وماما هيقفو جنبك)بعديها لقيت مامتي بترد عليه (لان ماما مش عاجبها الكلام )وبتقوله علي فكره انا بنتي اشطر واحده في المدرسه( كلام ماما هيقول ان انتي لا شاطره ولا حاجه بسبب ان فيه كلام جه لماما يخصك من صحابك القدام) ولقيتها جيالي علي الاوضه ونامت علي السرير(ماما حل ليكي من ناحيه الارتباط )وبتقولي اطلعي وردي عليه( يعني عيزاكي توافقه او تتكلمي تقولي لاء او اه) وانا روحت الصاله ولقيت مشهد بيحصل قدامي وفيه بت معرفهاش ردت عليه(يعني فيه حل هو هيعفيكي من الكلام وضربته بالالم(الضرب فيه تفاهم من ناحيه انه هو ممكن يكون مميزك او حبك او راغب فيكي غير الباقيين)
وجاء الرد : ربنا يبارك لحضرتك فعلا كل كلامك صح فيه مشكله عند اهلي من ناحيه خالي ومراته وأنا عايزا اقوله انه مينفعش انه كل شويه يروح عندها بس مش عارفه عشان ميزعلش والحمد الله اهلي دايما ضهر ليا وانا نفسي اساعد خالي ماديا ويارب يقدرني واعمل كدا
♥♥♥ربنا يبارك لحضرتك ويديكي من فضله كل كلامك صح

الحلم : حلمت أنا و أختي و ماما قاعدين و بابا قدامنا بيعطينا 3 قزايز خمرة عشان نشربوهم و هما الاتنين ما ريضيوش يشربو ا و أنا اللي شربت كل الازايز
التفسير : الثلاث قزايز إنتي و أختك و مامتك و باباكي عايز يغصبكم على حاجة غير مشروعة توافقوا عليها و إنتي الوحيدة إللي موافقة لما شربتي و هما لا


و جاء الرد : بابا متجوز عرفي على ماما و عايزهم يوافقوا
و أنا الوحيدة إللي بعرف الموضوع ده و هما لا


الحلم : حلمت اني أقبل شخص اعرفه و كنت امسك خديه بالأيدي
التفسير : هذا الشخص مشكلة و تمسكي خديه مشكلة هو إللي عاملها و حتكون فيه ماديات و هو ينبسط.
وجاء الرد : فعلا زعلني

الحلم : حلمت واحد من الجيران القدامى كنت عنده وهو جالس مع بنته الشابة على الكنبة ويبوسها ويدلعها ويضحك معاها وأنا كنت جالسة على الأرض ومسكت ساقه وضميتها على صدري وقال لي مالك أشرت برأسي مفيش حاجة بس كنت زعلانة
وجت بنته لعندي و تحولت لطفلة صغيرة عمرها 5 شهور وحضنتها وكنت الاعبها واهتم بيها وبعدين جلسنا على سفرة أكل على الأرض وهو وأولادة بياكلوا وأنا كنت معاهم لكن مش بأكل لأني كنت مهتمة بالبنت الصغيرة وحملاها وشلنا الأكل أنا وبنته الثانية وبتكلمني إن اختها مريضة ( إللي أنا حملاها ) وقلت لها سيبوا أبوكم ينام ويرتاح .

التفسير : إنتي عندك مشكلة في بيتك ( الراجل) والبنت فيه حل من ناحية واحدة ( الكنبة) وإنتي قاعدة على الأرض إنتي تعبانة وتعبك حينتهي على ميعاد
هو بيضحك ويبوس البنت المشكلة حتزعلك وحتفارقي المشكلة مسكتي ساقه ،بتفكري في الماديات الخاصة بشغلك تو مصروفك البنت حل لما جتلك بس الحل مش حيريحك عشان كنتي بتلعبيها ولما حضنتيها الحل حتفارقيه مش حيبقى فيه حل وبعدين جلستوا على الأرض تاكلوا ،الأكل على الأرض ماديات تعباكي والتعب حينتهي على ميعاد ،وانتي بتفكري في المصاريف وإنتي مكلتيش معاهم ومهتمة بالبنت يعني عايزة حل وحملاها يعني نفسك ان الحل يتحقق لك ،شلتوا الأكل إنتي وبنته التانية يعني بعدتي موضوع الماديات عن تفكيرك وعندك متاعب مع ستات إنتي على خلاف معاهم

وجاء الرد : تفسيرك في منتهى الدقة
اموري متلخبطة بسبب ماديات المصروف الشهري لأنهم وعدوني بالزيادة وأنا منتظرة المصروف والزيادة كمان وكل مرة يتأخر الموعد وكان فيه حل إنهم يقدموا جزء من المصروف وأنا رفضت لأني خفت مايكملوا المبلغ
وعطوني موعد ثاني عشان استلم الفلوس
وقررت اشيل موضوع الفلوس من تفكيري لأني تعبت
والستات زوجات اولادي فيه خلافات بينا على ماديات واشياء ثانية وواحدة منهم عايزة تتطلق من إبني

الحلم : حلمت رجليا فيها صوابع من الجنب 2 كبار و واحد صغير ووارمة و حمرا

التفسير: فيه علة في قلبك و غيظ من ناحية أخواتك الكبار و الواحد الصغيروالسبب ماديات خاصة بمصروفك

و جاء الرد : صح تمام شكرا مدام كريمة الله ينور عليكي

الحلم : حلمت كان فيه قلة و صحن و قالت لي ماما القلة فيها فلوس بس لما فحصتها لقيت فيها قهوة و الصحن انكسر نصين و شلت في ايدي نصين و رميت في الزبالة.

التفسير : القلة واحدة معاها فلوس و الصحن واحد لما قلت لماما ان القلة فيها فلوس يعني عرفتي ماما ان معاك فلوس ممكن تكون الوحدة دي انت لكن لما فحصتيها لقيت فيها قهوة القهوة دي خير من ناحيتك و الصحن انكسر نصين يعني الواحد ده نصه معاكي و نصه الثاني يبقا في مكان ثاني بس إنت لما شلتيه في ايديك يعني ممكن سانداه بمادياتك لكن رمتيه في الزبالة خلاص قلبتيه بعيد عنك مبقيتيش عايزاه.

وجاء الرد : القلة و الصحن ده انا و اخويا انا عندي شوية فلوس و ماما عارفة و الخير اللي عملتو في ماما وقفت معاها في مرضها و سلفت مني فلوس و اخويا متجوز نصو معانا و النص الثاني مع مراتو و ابنو بس في مرض ماما مقلتلوش حاجة و مطلبتش منو مساعدة يعني قلبت عليه.

الحلم : انا شفت نفسي في المستشفي اللي كنت بشتغل فيها وقاعده علي ترابيزه اجتماعات بيضاء وقاعده علي كرسي وزميلتي قاعده جنبي علي كرسي تاني ولابسه البالطو بتاعها و قاعد قدامنا الدكتور ( المدير الطبي المستشفي ) بيشرح حاجات كده فأنا بحاول اهزر معاه واقوله ان احنا اتقابلنا اهه بس انا مضحكتش بس هو مش مركز معايا خالص بيبصلي بعدم اهتمام ومضحكش علي كلامي واوقات عينه عليه واوقات عينه علي الناس التانيه و عطاني كتاب مفتوح عن رسمه طبيه كده عليها اسئله وانا حاسه اني مش عارفه حاجه من الاسئله قلت لزميلتي اللي جنبي جاوبي انت وهيه شكلها كانت عارفه وبتحاول تقرا في الكتاب ده وقمت من النوم.

التفسير : انا شفت نفسي في المستشفي اللي كنت بشتغل فيها وقاعده علي ترابيزه( فيه واحده تعباكي وعاوزه تعملي لها معالجه ) اجتماعات بيضاء ( زعلانه منها ) وقاعده علي كرسي ( ليكي مكانه ) وزميلتي قاعده جنبي علي كرسي تاني ( ليكي حل من ناحيه المكانه بتاعتك) ولابسه البالطو بتاعها( هو الحل من ناحيه واحد مزعلك او واحده ) و قاعد قدامنا الدكتور ( المدير الطبي المستشفي ) ( فيه امنيه بتتمنيها كده وفيه كلام يخص الامنيه ) بيشرح حاجات كده فأنا بحاول اهزر معاه(هتقولي كلام يضايق الهزار ده مش حاجه حلوه في الحلم ) واقوله ان احنا اتقابلنا اهه ( كلام تقولي ياريت ما جيت )بس انا مضحكتش بس هو ( لو ضحكتي كنت هتزعلي ) مش مركز معايا خالص بيبصلي بعدم اهتمام ومضحكش علي كلامي( مركز معاكي )وكده مش زعلان ) واوقات عينه عليه واوقات عينه علي الناس التانيه( هو مركز باهتمام عليكي وعلي غيرك ) عشان الامنيه تتحقق اللي من ناحيته ) و عطاني كتاب مفتوح ( واحد بين ايدكي كل حاجه متكشفه عنه) عن رسمه طبيه كده عليها اسئله ( يعني شوفي انتي عاوزه تعرفي ايه ) وانا حاسه اني مش عارفه حاجه من الاسئله( عاوزه تعرفي ) قلت لزميلتي اللي جنبي جاوبي انت( يعني الحل ممكن يعرفك اللي مش انت عارفاه) وهيه شكلها كانت عارفه وبتحاول تقرا في الكتاب ده ( بتحاولي تفهمي شخصيه الواحد ده اكتر )
وجاء الرد : المدير الطبي عمل مقابله معايا لانهم بعتولي تاني اشتغل معاهم وهو فعلا مركز معايا عشان تخصصي ومع غير ي عشان عاوز ياخد شهاده دوليه للمستشفي وربنا يستر متكلمش معاهم بشكل يضايق لان انا اصلا مضايقه وقلقانه منهم وعندي اسئله كتير عن طبيعه العمل والراتب ولسه مش عارفه في دماغهم ايه

الحلم : ابني عايز يخطب واحدة فحلم بعربية حمرا من غير سقف و فيه دم على الكبود.
التفسير : العربية الحمرا ( الواحدة اللي ابنك عايز يخطبها
و في غيظ من الجوازة دي ) و من غير سقف (مافيش حماية) و الدم على الكبود ( الدم البنت دي مريضة و حتعمل جراحة أو هي مش بنت أصلا )
و جاء الرد : أبوها و أمها سايبين بعض و البنت عندها لوكيميا الدم و مش بنت أصلا و إبني قاعد بيعيط عليها و عايزها

الحلم : حلمت أبويا و أمي متوفين و نايمين على السرير
و جنبهم أخويا و أختي عايشين ووا حد دخل قال لي إنه بيحبني و راح أوضة تانية و سألني عليهم قلت له نايمين. سؤال : بابا و ماما فيه ميراث منهم ؟ الجواب : ايوا.
التفسير : بابا وماما في كلام قديم حيتجدد عن الميراث بتاعهم و أخوكي مشكلة و أختك حل في مشكلة الميراث
و الواحد إللي دخل و قالك إنه بيحبك و روحتي انتي و هو اوضة تانية و سألك عنهم ده مشكلة تانية في حياتك الزوجية انتي عايشاها
و جاء الرد : ايوا في مشكلة في ميراث بابا و ماما مع أخواتي و الواحد إللي قالي بيحبني ده طليقي و مدوقني المر منه لله

الحلم : حلمت بواحد عايز يخطبني و ظابط في الجيش فلقيته واخذ باباه و دخل مصحة و لابس ظابط شرطة مش جيش و أنا بوست باباه من قورته

التفسير : امنية بتتمنيها بس نمرة اتنين لأن نمرة واحد يبقى ضابط جيش و نمرة اتنين يبقى ظابط شرطة و دخل المصحة هو عايز حاجة يعالجها و باباه مشكلة معه و لما بوستي باباه من قورته (قورت باباه مامته و كده حتفارقيها و الموضوع حينتهي بسبب مامته)

و جاء الرد : هو متجوز قبل كده و في مشاكل مع مراته
و مش موافقين إن هو يتزوج جوازة تانية
و فعلا مامته رفضاني

الحلم : مامتي حلمت نازله علي سلم بيت باباها وطلعت برا البيت وكانت لبسه بلوزه لونها بمبي كت رأت والدها المتوفي راكن ظهره علي عربيه جوزها الملاكي ولونها رصاصي ووالدها المتوفي طويل ورفيع وكشر في وشها علي انها ازاي هي نازله وكتفها باين كدا
بعدين مامتي مشت في الشارع والدنيا نهار ومفيش أحد في الشارع ومامتي وصلت عند بيت مدرسة بنتها الكبيره وقعدت علي كرسي و لبسه لبس ساتر جسمها كله و رأت السكرتيره فراحت قيلالها انا هدفع فلوس الإيجار بس مامتي مكنش معاها الفلوس دي وافتكرت انها مأخذتش الالفين جنيه الورق من والدتها بعدين لقت أخوها بيتصل بيها علي الموبايل وبيقولها ماما بتودع فمامتي راحت جاريه علي البيت فرأت نفسها في بيتها هي وشاهدت اخواتها الرجاله الإتنين في الصاله والدتها في المطبخ لبسه عبايه وطرحه سمرا وبتجمع في كيس أسمر عيش واقفه عند التلاجه فمامتي قالتلها حسبنا الله ونعم الوكيل بيخضوني عليكي والعيش إللي مع مامتها ناشف (فيه ميراث من بابا )

التفسير : ماما نازله علي السلم (فيه أمنيه مش حتتحقق ) وطلعت بره البيت ( الأمن والأمان ضايع ) و لبسه بلوزه بمبي ( الحب فيه شبابيه شويه ) و كت (فيه 2 تبع بابا تعبين ماما ) ورأت باباها المتوفي ( كلام قديم هيتجدد علي ميراثه ) وراكن ظهره علي عربيه جوزها (واحد سند له معتمد علي قرار يخص ماما زوجك اللي عامل الكلام ده علي الميراث ) والعربيه لونها رصاصي (القرار بين الوقار وبين الاكتئاب ) والوالد طويل ورفيع ومكشر ( كل الكلام القديم اللي يخص باباها هيبقي فيه حاجات كويسه لها وباباها بيقولها إزي زوجك موافق علي الزعل إللي حاصل ده بينها وبين الإتنين إللي تبع بابا ) وماما ماشيه في الشارع والدنيا نهار (مش مكتبئه )ومفيش أحد في الشارع( مفيش مشاكل حواليها ) ولما وصلت بيت مدرسة بنتها وقعدت علي كرسي (ماما لها مكانه ) وماما لبست لبسها عادي ( الكلام القديم لمًا يتجدد هيعمل تفاهم بينها وبين زوجها ) ولقيت سكرتيره قالت لها هادفع الإيجار (ماما هتتحمل مصاريف ) بس مامتي مكانش معاها الفلوس (وافتكرت انها ما اخدتش الفلوس من والدتها 2000 جنيه الورق ( فلس مادي بين ماما وتيتا ) اخوها اتصل (يعني خبر هيجيلها يزعلها عشان هو راجل ) وبيقول ماما بتودع ( مشكلة ماما هتنتهي ) و جريت علي البيت (هتبقي في أمن وأمان ) ولقيت اخواتها الرجاله في الصاله
( مشكلتين ) ووالدتها في المطبخ ( ماديات خاصه لوالدتها عن طريق ماما ) والعبايه إللي لبساها السوداء والطرحه (الارتباط منه فيه إعزاز من زوجها الله يرحمه ) بتجمع في كيس اسمر عيش ( ماديات خاصه بمصروفها بتعطيها لواحد مهم )واقفه عند التلاجه ( الواحده دي مش بترتاحولها ) لما قالت حسبي الله ونعم الوكيل والعيش ناشف (ماديات عليها مشكله.
وجاء الرد : فيه قطعه أرض بابي مشارك مامي فيها كانت جزء من ميراثها لوالدها وفيه اختلافات ما بينهم بسببها ومامي عاوزه تشتري الجزء بتاعه بس لسه مش جهزت الفلوس كلها والإتنين إللي تاعبين مامي إخوات بابي شويه مش طيبين معاها ومامي زعلانه علي مامتها لأن خالو إللي كلم مامي في التليفون مطلق مراته وبيدفع نفقه نانا إللي هتدفعها وده مزعل مامي جدا وصعبان عليها مامتها لأن زوجه خالي كانت سيئه جدا وظلمو خالي جدا
كل كلام حضرتك صح

الحلم : حلمت إبن إبني واقف جنبي لابس بدلة خضراء. التفسير : مشكلة من ناحية واحد بعد الزعل يبقى فيه خير و جاء الرد : زوجي زعلان ورافض يجيبلي دواء و بعد كده قال لي خذي و ما تزعليش هاتي إللي إنتي عاوزاه

ممكن تفسري حلم مامي:
الحلم : حلمت ان زميلتي إللي في الشغل بتسألني في التليفون علي المشكله إللي بيني وبين دكتور زميلي لسه هشرحلها لقيت مامتي وبنتي داخلين عليا الاوضه ووالدتي مخضوضه وبتقولي أخويا خبط العربيه فقولتلها طب اهدي بس ولقيت نفسي عند بيت أهلي أنا ومامتي ولقيت في نص الشارع عند جيرانا جبل ارتفاعه كبير قسم الشارع نصين وفوجئت بوالدي المتوفي ماشي معانا في الشارع حبه وعادّانا من جنب الجبل دا أنا ووالدتي وقالي تعالي يا هبه بالعجله قلتلو لاء أنا هاجي بالعربيه وببص لوالدتي عشان هو يسكت وبعدين روحت اجيب العربيه من عند بيتنا وأنا رايحه اعطاني في ايدي كيس فيه ريموت زي ريموت التليفزيون والريموت طويل ولونه اسود وقالي اعطي الريموت دا لواحده وراضيها وهي هتساعدك واعطاني ورقه مكتوب فيها ارقام تليفونات بالاحمر والازرق خاصه بيه
روحت حاطه الورقه في شنطتي وفكرت ان انا ضيعتها بس لقيتها موجوده في الشنطه مضعتش وانا في الحلم بقول في نفسي حتي وانت مش موجود بتساعدني يا بابا
و رجعت عشان اجيب العربيه من عند البيت ملقيتهاش وكنت عايزا اتصل ببابا عشان اسأله انت راكن العربيه فين بس متصلتش

التفسير: زميلتها اللي بتسألها في التليفون (ماما مستنيه خبر من واحد) والخبر دا لما سمعت فيه صوت زميلتها ( خبر فيه حل لماما مستنياه هيجيلها بين ماما وبين الدكتور زميلها )
و لسه هشرحلها ( لسه ماما هتتكلم ) لقيت مامتي وبنتي داخلين عليا ( حلين لماما ) ومامتي مخضوضه وبتقوليأخويا خبط العربيه ( العربيه قرار مامي بتفكر فيه اخوكي خبط العربيه ( فيه مشكله ) قولتلها طب اهدي (مامتك بتقولها اهدي يعني لاء ماما كمان هتضايق من الكلام علي القرار إللي عاوزاه ماما ) الجبل (واحد مقامه عالي) عند جيرانكم ( لاء عندكم إنتو) وقسم الشارع نصين ( الأمن والأمان الخاص بماما مش براحتها محطوط لها حدود ) ولما فوجئت بوالدها المتوفي ماشي معاها ( لو فيه ميراث من والدها هيبقي كلام قديم هيتجدد علي الميراث لو مفيش يبقي فيه كلام قديم هيتجدد بالنسبه لماما وعشان هي ماشيه في الشارع هيبقي الأمن والأمان بتاعها ضايع ) حبه وعادّانا من جنب الجبل( يعني ايه الكلام القديم دا لما يتجدد مش هيهمكو حاجه من الجبل دا وهتكملو من غير ما يبقي فيه مشاكل ) قالك تعالي يا هبه بالعجله مشت طبعا ماما ووالدتها ( والدتها حل لها ) ومهمهاش من الجبل ( الواحد المهم)وقالي تعالي يا هبه بالعجله ( العجله عندك مشكله ماديات ) لكن لما قولتي لاء انا هاجي بالعربيه ( فيه قرار بتفكري فيه وعايزاه هو اللي هيحصل) وببص لوالدتي عشان هو يسكت ( عايزا الحل من ناحيه ماما مش عايزا حل من الكلام القديم ) وهي رايحه تجيب العربيه ( واخده خطوه ايجابيه في القرار الي بتفكر
فيه ) عاطاها في ايدها كيس فيه ريموت (فيه ايديها الماديات الإيضافية إللي بتجيلها بتقولها خدي اهي
فيه واحد هيمكنك من الوسيله اللي تقدري تظبطي بيها واحد التليفزيون الواحد دا بيزعلك وبيفرحك ) والريموت طويل( واحدها ليها اهميه)ولونه أسود ( وليها مكانه ومهمه جدا )وقالي اعطي الريموت دا لواحده وراضيها ( عايزك الوسيله دي توصليها كمان لغيرك ) وهي هتساعدك( بتدلك الواحده دي علي حل ليكي ) وأعطاني ورقه مكتوب فيها أرقام تليفونات بالأحمر ( مشكله علي ورقه رسميه والورقه دي كل الاتصالات إللي انتي مستنيه منها تجيلك عشان تحققهالك او عشان المشكله بتاعت الورقه الرسميه دي يبانلها بينه التليفونات بالاحمر (الاخبار غيظ )والازرق (بيبقي متاعب وغيظ ) خاصه بيه (يعني كلام قديم حيتجدد ) روحت حاطه الورقه في شنطتي ( خلاص نهايه مشاكل من ناحيه الورقه دي ) وفكرت إن أنا ضيعتها ( قلت خلاص مش عارفه راحت فين ) لكن لما لاقيتيها في الشنطه ( الشنطه نهايه مشاكل من ناحيه الورقه الرسميه دي ) وأنا في الحلم بقول لنفسي حتي وإنت مش معايا بتساعدني يا بابا
بعديها رجعت عشان اروح اجيب العربيه (عشان ابدأ القرار من عند البيت ملقيتهاش ( خلاص مفيش قرارات بتفكري فيها القرار ممكن يكون أحد تاني اخده او الي هو بتفكري فيه شغل ) ملقيتهاش وكنت عايزا اتصل ببابا عشان اسأله انت راكن العربيه بس متصلتش ( مسألتيش عن القرار ممكن تكوني عرفتي )

وجاء الرد : كل كلام حضرتك مظبوط
كان فيه مشكله حاصله بينها وبين زميلها في الشغل ومامي سابت الشغل بسببه ومن ساعتها وهي بتفكر في المشكله دي ومستنيه حل وربنا يبشرك بالخير وفعلا الجبل دا عمها وله مكانه عالية
وفعلا كل شويه ينصحها ازاي تتعامل يعني في البيت خوفا عليها وماني حاسه ان محطوطلها حدود وان دا تحكم
وفعلا فيه مشكله علي ورق رسمي في شغل ماما إللي في مصر ومامتي عيزا جدتي إللي تحلها مش أحد تاني وكل دا محسس مامي إن أمنها وأمانها ضايع ومامي كانت بتفكر انها ترجع الشغل بس بسبب المشاكل إللي بتبقي في البيت صرفت نظر عن القرار ومبقتش تفكر زي الأول
الله يبارك لحضرتك ويزيدك من علمه والله حضرتك بتفسري كأنك معانا بالظبط الله يزيدك ويبشرك بالي تتمنيه ♥♥♥♥♥

الحلم : حلمت اني ماشيه مع اهلي ناحيه الحرم وزي لقيت نفسي داخله علي طريق يودي للكعبه المشرفه والطريق دا زي درجات سلم فأنا طلعت عليها ولقيت زي حواليا ناس بتطوف او تسعي حاجه كدا وانا رافعه ايدي الاتنين كاني بدعي ومبسوطه اني هشوف الكعبه وفعلا شوفتها وانا عماله اطلع درجات السلالم بتاعت الطريق
التفسير: الحلم بيقول ان انتي داخله علي طريق يؤدي للكعبه (يعني داخله علي طريق تحقيق امنيه ليكي )وكمان درجات السلم دي الي انتي طلعتيها (عندك صعود وتحقيق امنيه شكلك هتنجحي بس بالامتياز) والناس الي حواليكي بتطوف دي (لو كانت ستات حلول ليكي لو كانت رجاله مشاكل في تحقيق الامنيه دي )وانتي رافعه ايديكي الاتنين بتدعي (طبعا ربنا معاكي يحققلك الي بتتمنيه )ومبسوطه انك هتشوفي الكعبه (لاء انتي زعلانه) لكن عشان لسه مشوفتهاش لكن فعلا لما شوفتيها مش هتبقي زعلانه والزعل هيروح )الاول مبسوطه يعني (حاسه الامنيه صعبه )لكن لما شوفتيها خلاص (الامنيه هتتحققلك فعلا ) وطلوعك السلالم (امنيه بتتمنيها تانية فعلا يعني الامنيتين كدا هيتحققو)

وجاء الرد : يارب أنا فعلا حاسه ان تحقيقهم صعب بس ربنا قادر علي كل شيء انا نفسي ربنا يكرمني وانجح ان شاء الله وربنا يصلح بين مامتي وببايا
ربنا يبارك لحضرتك ويزيدك من علمه آمين ♥♥♥♥🌹

الحلم : حلمت ان زوجي تزوج زوجه تانيه طبعا انا معملتش اي شي وسكت بس هو كان علي السرير معايا معملناش حاجه بس كنا بنتكلم وبعدين قالي انا لازم اروح انا عريس لقيت البنت دي دخلت علينا وانا وهو علي السرير

التفسير : جوزك عنده مشكله ولما بقيتو علي السرير يبقي المشكله في حياتكم الزوجيه ومعني انك معملتيش حاجه لا انتي هتقلبي عليه ومعني انكم معملتوش حاجه يعني مفيش كذب او خداع ومعني انكم كنتو بتتكلمو لا مش هتتكلمو ولما البنت دخلت عليكو يعني في حل ليكوا من المشكله ديه

وجاء الرد : الله يفتح عليكي فعلا انا وجوزي اتخانقنا بس في العادي انا بسكت واعدي بس المره دي معملتش كده وبعديها متكلمناش لحد دلوقتي وان شاء الله تتحل

الحلم : حلمت شديت خشبه من كعب رجلى وطلعتها وكانت شبه خشبة عود الكبريت رفيعة وطويلة ولقيتها مجابتش دم بس كانت بتوجعنى
التفسير : الخشبه دى واحدة وتعباكى في الماديات الخاصة بشغلك أو مصروفك لو كنت بتشتغلى بس انتى طلعتيها زى عود الكبريت الشخصية دى بتعمل مشاكل وهى واحدة مهمة وهى مش رفيعة والوجع ده المتاعب اللى انتى فيها بسببها مفيش دم يعني مفيش جراحة بسبها

وجاء الرد : جزاك الله خيرا ايوه فعلا الشخصية دى بتولع الدنيا وبتعمل مشاكل وفتنة بين الناس
وهى فعلا مش رفيعة وأنا بعدت عنها لما لاقيتها كده
وشكرا لحضرتك جدا

الحلم : حلمت اكلت شوك مرتين و المرة الثالثة بدأت اشيله من فمي كان كثير و نظفت فمي منو خالص و قالو لي ده شوك قنفذ.
التفسير: القنفذ ده واحد و كل اللي يقرب منو يعملو ايه متاعب جامدة يخليه ممكن يوصل لانه يعمل عملية جراحة فانت الشوك بتاعو ده مرتين تاكليه يعني مرتين تتعبي بسببو المرة الثالثة بديت تشيليه يعني بديتي تشيلي المتاعب اللي من ناحيتو متخلهاش تأذيكي و كان كثير يعني معبية منو مرتين قبل كده نظفت فمك يعني المتاعب اللي جواكي و لي عايزة تقولها كده حتقوليها و تخلصي قالو لي ده شوك قنفذ ده الواحد اللي قلت لك عليه .
وجاء الرد : ده اخويا و صدمني مرتين و عملي مشاكل مع مراتو و يسبني في المشكل و يبقا هو من جهة مراتو بس قررت ابعد و مدخلش في حاجة .

---

---

---

التعليق والتصويت على الموضوع في الموقع الرئيسي

---

.. مصادر: ورقة السداسية العربية تتضمن خريطة طريق لإقامة الدولة 


.. -الصدع- داخل حلف الناتو.. أي هزات ارتدادية على الحرب الأوكرا




.. لأول مرة منذ اندلاع الحرب.. الاحتلال الإسرائيلي يفتح معبر إي


.. قوات الاحتلال الإسرائيلي تقتحم مناطق عدة في الضفة الغربية




.. مراسل الجزيرة: صدور أموار بفض مخيم الاعتصام في حرم جامعة كال