الحوار المتمدن - موبايل
الموقع الرئيسي


أحلام أواني ومستلزمات المطبخ

كريمة سلام

2024 / 3 / 26
الفلسفة ,علم النفس , وعلم الاجتماع


كثيرا ما تظهر مفردات الحياة اليومية في أحلامنا .. بسبب ارتباط صورتها الذهنية بالذاكرة .. ونظرا لكثرة الأحلام التي تظهر فيها أدوات المطبخ خاصة من السيدات .. مع اختلاف دلالة كل منها تبعا لاختلاف دور كل أداة في الحلم ؛ فقد رأيت أن أورد بعضا مما جاءني من أحلام بها أدوات المطبخ .. مع تفسير كل حلم.. أملا في أن يجد كل حالم بها تفسيرات لمعناها .. وطمأنة لمخاوفه .. خاصة مع انشغال الكثير منا بالبحث عن لقمة العيش وتوفير الطعام لأسرته ..

الحلة: في الحلم تدل على واحدة (أنثى) والغطا جوزها أو خاطبها وعلى حسب بقى (فيها مياة يعني بينهم ماديات ، فيها فرخة تبقى واحدة عاملالهم مشكلة ، فيها طبيخ تدل على حوار بخصوص موضوع مادي ) على حسب بقية سياق الحلم بنقدر نحدد..

الطاسة: واحدة لو فيها زيت عكننة على فلوس ، بتقلي أكل (تعني ماديات) ، نفس الطريقة فى الطاسة.

الملعقة: واحدة والشوكة: واحد والسكينة: مشكلة عائلية ، الكوباية: واحد .. و لو فيها مياة تدل على كلام على ماديات معاه ، و الكأس: واحد ، بيتكلم مع اللي حواليه بتعالي .. ولو فيه مياة فالكلام يخص ماديات ، ولو فيه مشروب من الممنوعات (خمور ) يبقى الماديات جاية بطريق غير مشروع من ناحية الواحد اللي بيكلم الناس بتعالي . ممكن يبقى ذو مكانة أو منصب .
الإناء البلاستيك الكبير : واحدة وليست ذات شأن ولا صفة
المصفى: واحدة ، لو كانت المصفى دى ألومينيوم يوم تبقى واحدة ليست ذات شأن. ولو كانت بلاستيك فهي سيدة غير مهمة أيضا ، ولو تعاملتي معها بتفصل اي حاجه عن اى حاجه عن الماديات لانها بتبقى مضيعاها هدر و بتبقى مش عايزاكى تتكلمى فيها ،.
الطبق واحد و لو هو صيني واحد مهم و لو هو بلاستيك واحد اي كلام ، ولو بيريكس فيه بيريكس لونه بنى يبقى متكشفلك كل حاجه عنه بس عاملك اكتئاب ، و لو الطبق ازاز عادى يبقى راجل متكشفلك كل حاجه عنه بس هو الطبق راجل اي كلام .
السلطانية واحدة
الحلة السيراميك واحدة ممكن فى اي وقت تقدري تتخلصي منها و تخليها ولا تنفع بشئ
لكن الجرانيت ست شخصيتها قوية مش هاتقدري عليها سواء كانت حلة او كسرولة او اي شئ .
و الحلة التيفال واحدة تشوفيها تتغاظي ، تتعاملي معاها تلاقيها كويسة و مية مية بس بيجي عليها الوقت تلاقيها بانت على حقيقتها و القلاية التيفال نفس الطريقة ، .
القلاية الكهربا دى واحدة و لازم يكون معاها واحد علشان نقدرو تستفادى منها حاجه اللي هو الكوبس (الفيشة)..
حلة الضغط دى واحدة ماشية بالدقيقة والثانية ماتقدريش تأخريلها حاجة والا تدمر الدنيا وتبوظها
وإذا باظت تعمل مشكلة بنت ستين فى سبعين ..
الازازة لو كان فيها مية دى واحدة و معاها ماديات ، ولو كان فيها بارفان فالست دى كل حاجه تسمعها تنشرها زى البرفان ما ريحته بتتطاير ، لو فيها زيت فهى واحدة فيه حرق دم معاها على ماديات .
الشفشق واحد و بلاستيك اي كلام و لو ازاز متكشف كل حاجه عنه جواه ميه معاه ماديات .
المطبقية واحدة و محاوطة على مجموعة من الرجاله مهمين (الصحون الصيني) و الكوبيات متكشفة لنا كل حاجة عنهم من ناحية ماديات ، طقم التوزيع دا واحد ومعاه رجالة و ستات مستحوذ عليهم و مسيطر عليهم بيخرجوا بأمره ، و لو الطقم سيليكون ستات على رجالة ناس جامده محدش يقدر عليهم و لا يحاورهم ،تيجله كده يجيلك كده يعنى ، وطقم التوزيع الخشب ستات على رجالة نمره اتنين ناس ملهمش اهمية ،ناس عادية يعنى ..
طقم التوابل او طقم البهارات بيسموه دا واحد و مسيطر على كذا واحده ، الماديات اللي معاهم ماديات تخص الترفيه يعنى مش اساسية مش بتاعة مصروف و اكل و شرب بتاعة يتفسحوا ، يشتروا حاجه كدا .
الشياطة بتاعة الرز دى واحدة و هى متخليش الزعل يزيد او موضوع مشكلة الماديات تتفاقم بتحد منها .
شواية اللحمة ، كلام بيبقى بزعل و الواحد دى اللى على الشواية بتخلي الكلام يقرب ينتهي و تخلص منه و الفراخ ستات فيه مشاكل معاها ...
الكسرولة واحدة و معاها واحد بيسيطر عليها لو الايد دى عاج يبقى واحد نمرة تلاته و لو الايد خشب يبقى نمرة اتنين و لو كانت حديد يبقى نمرة واحد .
الكنكة واحدة و ايديها زى الكسرولة نفس الكلام .
البراد واحد و لما تبقى المية لسه حاطاها يبقى كلام على ماديات معاه لكن المية تسخن يبقى مشكلة على ماديات معاه و لو البراد المونيوم يبقى واحد اى كلام كده .و لو البراد زنك هو واحد ناعم فى تصرفاته بيعمل لنفسة تزويقة و لو ازاز يبقى متكشفلك عنه كل حاجة عن الواحد دا و عن مادياته و لو بلاد صيني يبقى مهم .
و اللبانة واحدة بتعمل عكننة على فلوس و ايدها زى ما قولت على الكسرولة .
السكرية واحدة و فيه بردة عكننة من ناحيتها على فلوس و الغطا بتاعها معاها واحد و لو الواحدة اللى هى السكرية صيني تبقى واحدة مهمة و لو استانلس واحدة نمرة اتنين و لو المونيوم واحدة نمرة تلاته .
مساكة اللحم دى واحدة و بالماديات الاضافية اللي بتيجى غير مصروفها بتقدر تنهي مشاكل و كلام بزعل فى نهايته بعد ما كان عامل حرق دم ..
عصارة اللمون واحدة و على كلام فيه مصمصة و ياحرام و ياعيني تخليكي تعيطي ..
الهون، واحد ومعاها الوسيلة اللي يقدر يجزأ أي ماديات محتاجها او يكون عايز يوديها فى مكان يسدد بيها ، الايد بتاعتها هى الوسيلة ..
مبشرة البصل واحدة و بتجزأ ماديات و بتكون معاها دموع وقت ما بتتجزا علشان توديها فى اماكن مطلوبة منها .
و بردة هراسة التوم واحدة و فيه ماديات بتقدر تقسمها بس بتكون الدموع اقل من دموع البصل ..
كيس الحلوانى ،واحد و بيعمل نكد على ماديات بس مش علطول ، فى اوقات معينة و محددة تلاقيه قلب نكد ، .لان مش علطول بنعمل البيتفور و بلح الشام ، فيه اوقات معينة بنعملوا فيها ..
العلبة،لو كانت الغابة بلاستيك فهي واحدة اي كلام و بتداري على اي حاجه اللى يخصها و اللي ميخصهاش بتكتم عليه ،الا لو بعدتي جوزها عنها هتعرفى كل حاجه لان الغطا جوزها ، طب لو العلبة استانلس فهي واحدة نمرة واحد و بردة بتحتفظ بكل شئ ومتعرفيش حاجه عنها الا عن طريق جوزها لما تحاولي تسحبيه بعيد عنها تعرفي كل حاجه عنها هى و هو ...
الصينية واحدة و كل شوية فى حال ، لو على صينية تقديم بتقدمى فيها شاي ،قهوة ، كل ساعة فى حال ،حابة تقدملك حاجة تعكننك ،يعنى تتعامل معاكي بحاجه فيها عكننة ،حاجة فيها تفاهم ،حاجه فيها زعل على فلوس يعنى متقلبة كل ساعه في حال ،...
انما صينية الفرن واحدة معاها متاعب على فلوس ..
الفنجان و الطبق ، واحد و واحدة لونهم ابيض (زعلانين مع بعض )فيه ورود كتير (بسبب ستات)
فيه ورده بس فى الطبق او الفنجان تبقى ست واحده بس سبب الزعل بين الواحد والواحدة اللي هو الطبق و الفنجان .
ازازة الزيت واحدة و فيه متاعب معاها على فلوس
و لما تتكب فى الارض يبقى فيه حالة وفاة ، واحدة وهاتتوفى .
البرطمان لما يبقى فيه سمنة او زيت يبقى واحد ولو بلاستيك يبقى واحد اي كلام وفيه متاعب معاه على فلوس و لو السمنة مكبوبة فى الارض يبقى فيه حالة وفاة ، واحد و هايموت...
الازازة لو هى ازاز او برطمان ازاز يبقى متكشفلك كل حاجه عن الواحدة او الواحد وبردة لو اتكب يبقى فيه حالة وفاة
الكوباية لما يبقى فيها عصير يبقى فيه زعل على فلوس ..
القارب لو كان صيني فهو واحد مهم و لو كان استانلس يبقى واحد نمرة اتنين و لو كان المونيوم يبقى واحد نمرة تلاته فى الاهمية يعنى و على حسب محطوط فيه إيه القارب دا يبدأ الكلام حسب سياق الحلم ،.
طقم الصيني على بعضه بيبقى واحد مسيطر على مجموعه من الستات و الرجاله وكلهم شخصيات مهمة ، لهم مكانه عاليه يعنى الواحد يتشرف بهم و يتعامل معاهم بوقار كده ...
طقم البيركس البنى شخص مسيطر على ستات و رجالة و عاملين للواحد اكتئاب و متكشف كل حاجه عنهم ..
و الطقم الميلامين دول ناس وسط لا هما صايعين ولا هما اللى هما ..
الشفاط ، واحد بيعرف معلومات عن عيشة الشخص و ينشرها يعنى بياخد الكلام عن الشخص الموجود عنده او اللي قاعد معاه و يطلع يتكلم عليها بره ..
بالنسبة للمطبخ بوجه عام بيبقى مصدر الرزق بتاع الانسان او شغلة او مصروفه يعنى الواحد لما يبقى جوا المطبخ حسب بقية الحلم يتقاله شغلك فيه إيه فيه متاعب و لا كويس ولا فيه فلوس هاتجيلك على حسب ..
الخلاط او الكيتشن ماشين دا واحد و معاه كل الوسائل اللى يقدر يظبط بيها ستات على رجالة عاملين له متاعب على ماديات و يظبط الزعل اللي بيكون حاصل .
والهاند بلندر واحد و معاه الوسائل اللى يقدر يظبط بيها الماديات ، و مضرب البيض دا واحد و زعل على متاعب بيحاول يدمجهم مع بعض و يخلص الموضوع و النكد على الماديات بردة ..
و المهراس واحد مثلا بيهرس بطاطس و البطاطس بتكون بلوة او رزية وهو بيحاول يضغط على المشكلة علشان ينهيها و يخلص منها و يفطسها..
قطاعة الخضار دى واحدة و معاها الوسيلة اللى تقدر تجزا بيها ماديات و الماديات دى فيها خير ..
و الكبة دى واحدة بتاعة كله معاها الوسيلة اللى تقدر كلام على زعل على فلوس ، على فلوس متشالة ، على ماديات عاملة غيظ و متاعب و مشاكل و عياط تتخلص من كل دا عندها المقدرة و الوسائل انها تعمل كل دا ...
الدواليب بتاعة المطبخ دي رجالة و الضلف الستات بتوعهم و لو كان الدولاب اللى فى المطبخ فيه ضلفه واحدة يبقى معاه زوجه واحدة ولو ضلفتين يبقى معاه اتنين ستات ..
النملية بتاعة زمان دي واحدة طبعا فيها ضلف يعنى معاها راجل و مثلا مطبقة و مجوزة واحد تانى او كان فيه فى حياتها اتنين غير جوزها يعنى ولادها قايمين بمحل رجالتها بيصرفوا على البيت الادراج دى ولادها





التعليق والتصويت على الموضوع في الموقع الرئيسي


اخر الافلام

.. مصادر: ورقة السداسية العربية تتضمن خريطة طريق لإقامة الدولة 

.. -الصدع- داخل حلف الناتو.. أي هزات ارتدادية على الحرب الأوكرا



.. لأول مرة منذ اندلاع الحرب.. الاحتلال الإسرائيلي يفتح معبر إي

.. قوات الاحتلال الإسرائيلي تقتحم مناطق عدة في الضفة الغربية




.. مراسل الجزيرة: صدور أموار بفض مخيم الاعتصام في حرم جامعة كال